الأبديت اليديد للآيفون وما أدراك ما الأبديت اليديد ... مووووصج

[tmtmt]

بنات عشان تسوون فولدرات : ضغطوا على الايقونات ثانيتين .. لما يرقلون سحبي وحده وحطيها فوق الثانيه وراح يطلعلج فولدر حقهم اثنينهم ..

وعشان تشوفون البرامج الشغاله عندج (المالتي تاسك) ضغطوا على زر الهوم مرتين ورا بعض , وبتشوفونهم اخر الشاشه ..
واذا في برامج بالـ(مالتي تاسك) تبين تسكرينها .. ضغطي عليها ثانيتين , راح يطلع لج علامة سالب , ضغطي عالسالب وراح يتسكر ..

وبعد اذا تذكرت شي بقولكم

تدريين لو انتي يمي ااحين جان بستج ولميتج
قولي ليش

لن قاعده اقول حق ريلي بكسر التلفون ينررررفز
كل ما اتحرك انقلبت الشاشه ولا بس احرك ايدي تغيرت
واعصب

عاد طقيتين دقيتين ولا يطلعلي قفل
وااااااااااااي مشكوووووووره

بس ما فهمت هاذي البرامج الي قاعده تطلع شفيها شمعنى اهيا

 

[tmtmt]

http://photo-uploader.info/photo/-1082601777.jpg

ان شاءالله تطلع الصوره
شابكه بفوني ومنزله خوش برنامج يحمل الصور قاعده اجربه

 

[law love]

وناااسه جنه فوون جدييد

 

[Lays BL.ketchup]

تدريين لو انتي يمي ااحين جان بستج ولميتج
قولي ليش

لن قاعده اقول حق ريلي بكسر التلفون ينررررفز
كل ما اتحرك انقلبت الشاشه ولا بس احرك ايدي تغيرت
واعصب

عاد طقيتين دقيتين ولا يطلعلي قفل
وااااااااااااي مشكوووووووره

بس ما فهمت هاذي البرامج الي قاعده تطلع شفيها شمعنى اهيا

العفو بعد عمري ما سويت شي

تذكرين قبل التحديث , اذا بطلتي برنامج ورحتي فتحتي برنامج ثاني , البرنامج الاول يتسكر ؟ (حق اللي مو حاطين جيلبريك)

الحين عقب التحديث صار في شي اسمه (مالتي تاسك) يعني تقدرين تفتحين اكثر من برنامج بوقت واحد من غير لا يتسكرون

فالبرامج اللي تحت هذي البرامج اللي انتي فاتحتها وما سكرتيها

والحين اغلب البرامج قاعد تنزل تحديثات عشان تدعم خاصيه ال(مالتي تاسك) وتظل مفتوحه حتى لو كنتي تستخدمين برامج ثانيه

والصوره اللي رفعتيها طالعه , حللتي الفولدرات ماشاءالله عليج لووول

 

[* صبى *]

حبيبتي ممكن سؤال :
انا عليميه تحمليني شوي

.. انا ايفوني 312 يصير اسويله الابديت اليديد اللي تقولين عنه ..
وبليييز ممكن طريقه الابديت اليديد بالتفصيل لاني ما اعرف شي كلش


وسوووري على الاطاله .. ومشكووورة مقدما

 

[بنت الكويت العسل]

تقدرون تنزلون برامج سيديا او انستلاشن بعد التحديث هذا ؟؟ اهم شي عندي اني احمل برامج مكركه مابي يوهقوني الابل بالتحديث هذا ابو بلاش كتر منه لوووووووووووووووول

 

[shai5at al3arab]

والله انا ما نزلت سيديا ومتعمدة مبعدة عنه

لانه بالاب ستور كللشي يغنيني

المهم وايد وصلتني رسايل عالخاص تسئلني شلون الابديت

فهذا ردي لهم حطيته عالعام عشان تعم الفائدة

لازم يكون عندج ايتونز باللابتوب اذا ما عندج تدخلين على سايت ابل وتنزلينه هذا رقم واحد

رقم 2 توصلين ايفونج باللابتوب وتفتح برنامج الايتونز

رقم 3 على يسارج بالبرنامج في كلمة Iphone اللي اهو ايفونج وشنو مسميته مثلا
shaikha's iphone يعني الايفون مالج ويمه صورة الايفون سوده تضغطين عليها

بعدين راح يفتح لج كل المعلومات عن ايفونج والسعة مالته

بالمربع الابيض بالنص فيه كلمة summary يعني الملخص مال جهازج ضغطي عليها
راح تلاقين عقب كلمة update وتحتها restore طقي على ابديت وبس راح يسوي لج ابديت حق جهازج ، ويطول ترا اهو يعني انا خذا 3 ساعات
وعقب الابديت اهو من نفسه راح يسوي باك اب خليه على راحته

وانا ما انمسح عنديي ولاااااشي نفس جهازي .

 

[++The DuchesS++]

نزلت الايتونز
تطلعلي على اليسار كلمه ايفون صورتها سوده
اضغط بس ما يبطل شي شسوي
متعطله على هالنقطه

 

[law love]

الأبديت : Update

1- استخدام الفيرموير من برنامج الايتونز
:::::
وصل الايفون بالكمبيوتر وافتح برنامج الايتونز

اضغط على اسم الايفون على اليسار وبعدين اضغط على كلمة أبديت ( Update )

 

[++The DuchesS++]

اي صار وياي الحمدلله
قاعد ينزل الحين
بس ما ادري عادي افصل من النت ولا لازم اتم شابكه
انا خليته شابك احتياط

 

[law love]

لااازم شابكة شلون تسوين داولوند بدون لا تشبكين

 

[Tulips]

حبايبي اللي تلفونها 3g انصحها لا تنزل الابديت لانه مايصلحله وما يتحمله وراح يكون حيل بطيئ انا اللحين برجعه 3.1.2 لانه هذا احسن ابديت حق الـ 3g .. واغلب سورسات السيديا مو شغاله مع الابديت وما منه اي فايده

 

[Bluella]

صح كلامج تولبس ..

شيخة العرب يعطيج العافيه
حده عجيب الابديت بس ناطرين السيديا يبيله اسبوع على حسب الكلام اللي وصلني

 

[shai5at al3arab]

بنااات ما شا الله كل شوي الاقي شي يديد بجهازي من بعد الابديت

فيه شغلة يديدة تطورت

بالكاميرا صار فيها زوووووووووووووووووم من غير برنامج


لي ييتي تصورين طقي بصبعج باي مكان غير علامة الكاميرا

يطلع لج خط الزوم


والله تكنولوجي

الحين الكاميرا وايد احسن من قبل

 

[loooly love]

ثااااانكس:eh_s(6):

 

[* صبى *]

تشكراااااااات حبيبتي شيخه العرب
على الرد ... ومشكوووورة على التوضييييييييييح
بجربه واذا توهقت ارد لج ..
>>>> الله يعيينج تحمليني

 

[عالية الصيت]

([ أإستغفرالله ])

---> بنأإت شنو الابديت :eh_s(10): !!

---> أإيفونيه

---> ممكن الشششششرح حتأإتـــي

 

[الورد الأبيض]

يابنات التحديث الجديد ios 4

من أروع مايمكن بس للأسف تعطلت عندي الـ MMS هل في أحد صار له نفس الشي

 

[++The DuchesS++]

صاجه والله الابديت اليديد روووعه
قاعده احاول اكتشف شنو في يديد

 

[shai5at al3arab]

موووصج عجيييب اقول لكم جنه ايفوني صار جهاز يديد

شكرا لكم حبيباتي كللككم على مروركم

صبى افا عليج حيبتي سئلي حياج باي وقت

عالية الصيت : الابديت اهو التحديث يعني تحديث يديد لايفونج