اكو وايد حلو :p

[نفنوف كشكش]

قووه
هاذا ملف (( ااذا تبوون )) فيه حلويات غريبه ولذيذه بس راح احط لكم نوعين اذا شفت في تشجيع راح اكمل واذا ماشفت راح اوقف بصراحه بقول شغله لو تلاحظون انا مالي مواظيع وايد بالمنتدا لنه ماني لاقيه اي تشجيع فعشان جذيه كله اكتفي بالردود

المهم بحطلكم نوعين ولا اقوول بصير نحيسه بحط نوع واحد (( حررررررررررره ))
والصور للاسف ماني قادره انقلهم من الموبايل بس راح اشوفلي دبره

ا
اول شي

((كريم بروليه )) لذيذ اهوا نفس الكريم كراميل بس علا اثقل

3 علب كريمه حمرا
قفشتين كبار فانيلا
4\1 كوب شكر
صفار 4 بيظات
3 بيظات كاملين

الطريقه :
اول شي انزهب الفرن انشبه ونييب صينيه فيها ماي ونسخنه (( حق الحمام المائي))

1-انحط الكريمه ابجدر تيفال او اي جدر ظد الحرق علا نار هاديه لين تدفا
2-نظرب البيظ+الشكر بالسلك لين يصر لونه اصفر فاتح
3-نخلط الفانيلا+خليط البيظ
ونصبهم اشوي شوي علا الكريمه ونحطهم علا نار هاديه مع التقليب المستمر
4-انصب الخليط اببايركس ونحطه بالصينيه (( الماي مايتعدا مستوا النص مال البايركس )) وندخله الفرن حوالي ساعه هالشي يعتمد عالفرن وعلا حرارته المهم انه الكريمه تستوي اتكون صاكه
5-عقب ماتستوي انطلعها ونخليها بره حوالي ساعه بعدين بالثلاجه ليله كامله
6-الحين طبقت الشكر : حوالي 2\1 كوب شكر اتحطونه ابمقلا تيفال وعالنار لين يذوب الشكر ويصير لونه ذهبي اتصبونه علا طول فول الكريمه راح اتشوفونه صار جنه طبقت حلاو يابس وتردون اتخلونها الثلاجه لين التقديم

الملاحظات : اذا تبون طبقت الشكر خفيف قللو من الشكر واذا عندكم التورج (( اهي ولاعه جان اتعرفونها اللي ايشبون فيها الفحم ابمحلات البخور !! )) بس اتحطون الشكر نفس ما اهوا وتحرقونه بالتورج

 

[مطفوقه^ملقوفه]

مشاركة: اكو وايد حلو

تسلم هالأديات وعسانا ما ننحرم منها
وأنا أول المشجعين ولا تزعلين
شوفي موضوع الحلويات مالج وصل 11صفحه ماشالله
سيري ونحن من بعدك

 

[jolie_q8]

مشاركة: اكو وايد حلو

يممممممييييي

حركات..كشكش..منتي هينه

ثانكس الوت.... وين الوصفه اللي بعدها بليز..

انا مسويه لي فايل حق رمضان..... ابي ريلي ينبهر فيني لووووول

 

[جارة القمر]

مشاركة: اكو وايد حلو

نفنوف كشكش

مشكوره

وتسلم الأيادي

والله يعطيج العافيه

 

[under shadow]

مشاركة: اكو وايد حلو

تسلم ايدج

 

[ملكة زماني]

مشاركة: اكو وايد حلو

يالله كملي

لايوقف لا يوقففففففففففف لايوقفففف

نبي حلويات حلوة حق ارمضان

 

[نفنوف كشكش]

مشاركة: اكو وايد حلو

ايوا يا ايوااا ايوا يا ايواااا ههههههههههههههههه
مشكورين عالمروور
مطفوقه عفن هذاك الموضوع بالقصب بالدز يالله وصل خخخخخخخخخخخخخ
ولا يمهج جولي انشالله ينبهر ويستانس

يالله عقب هالتشجيع حدي انتفخت لاحد يحاجيني

بسم الله انكمل


بنانا بودنق (( تدروون شنو حده لذيييييذ جنه ايسكريم وايد حلوو ))

3 اكوب كستر محظر (( بعد ماتحظرونه اخذاو 4\1 قالب زبده وخلطوه معاهم عشان مايتلكع
بسكوت ساده (( انا استعمل بتي بور وساعات مال امريكانا اكو بسكوت ايكون امدور ساده))
6 موزات مستويين (( يعتمد علا حجم البايركس ساعات استخدم 8 ))

الميرانق
بياض 4 بيظات
8\1 قفشه اصغيره cream of tartar
رشت فانيليا بودر
4\1 كوب شكر

الطريقه سهله:
1-طبقت بسكوت
2-طبقت موز شرايح مدوره اضعيفه
3-طبقت كستر
وتكرر الطبقات لين ايخلص الكستر (( الطبقه الاخيره اتكون كستر ))
4-الميرانق: تظربون البياض علا سرعه عاليه لين يصير فيه رغوه بعدين الكريم اوف تارتار والفانيليا نظرب اشوي بعدين انحط الشرعه اعلا شي ونبتدي انظيف الشكر بالتدريج لين يصير عندنا نفس الكريمه ونحطها فوق البودنق (( اتحطونه علا شكل موج مرتفع يعني ماتحطونه ابطريقت المسح ))
5-دخلووه اشوي الفرن حوالي 10 دقايق ابحالت اذا ماسويتاو الميرانق واذا مع الميرانق 20 دقيقه او لين ايصير في لون ذهبي علا البياض
بعدين خلووه يبرد ودخلوه الثلاجه 4 ساعات قبل التقديم

عند التقديم ممكن اتحطون كريمه اتكونون ظاربينها او دريم وب وتزينونها بخطوط من الكراميل
---
اسهل جوكلت موس

علبتين كريمه +4 -5 قفاش شكر باودر +4 قفاش كاكاو باودر مر+4 قفاش كاكاو نسكويك+ 2\1 قفشه اصغيره فانيلا تظربونهم عدل لين ايصير الخليط نفس الكريمه وتنحط ابماعون التقديم وتزين بالكاكاو المبشور

ملاحظه اذا حسيتاو الكريمه حاليه وايد زيداو الكاكاو المر واذا مره زيداو الشكر
---
كيكيت الليمون مع البلوبيري (( وايد راقيه ))

مقادير الكيكه (( اهي مقادير كيكت ام عزيزان يزاها الله خير)) بس مع اظافه من عندي


مقادير الكيكه :

خمس بيضات

1 ونص قلاص طحين

1 ونص قلاص سكر ناعم

ثلث قلاص زيت

ست ملاعق اكل حليب سائل

فانيلا + بيجن باودر

***(( برش ليمونه + قفشه اصغيره روح الليمون ))***
الطريقه :

نخلط البيض جيدا حتى يبيض لونه
ونضيف له الفانيلا

نضيف بعدها الزيت ونخلط

ونضيف السكر ونخلط جيدا حتى يتجانس تماما

ونضيف بعدها الطحين والبيجن باورد

ونخلطها جيدا .... ثم نضعها في قالب الفرن بعد دهنه ورشه بقليل من الطحين

ولا نفتح الفرن الا بعد مرور ثلث ساعه وخليها على درجة 150 درجه حتى تنضج
واهني ما اقصد مدة الكيكه ونضجها ثلث ساعه لا طبعا اقصد لا تفتحين الفرن عليها لمدة ثلث ساعه حتى لا تتشقق الكيكه ... ودعيها حتى تنضج وممكن تاخذ نص ساعه واكثر اشوي وحسب القالب وحسب الفرن

قبل الخبز :
قبل لاتخدولن الكيكه الفرن واهي ابماعون الخلط تاخذون علبت بلوبيري او رازبيري او فراوله بدون السيرب يعني تشخلونه واتحطونه اشوي شوي بالخليط وتقلبونه ابلقعه خشب بعدين اتحطونها بالقالب وتخبزونها

التقديم :
اترشون عالويه شكر باودر

ملاحظه بعد : لمه اسويها احطها بالقالب مال الجيز كيك بس مو اصغر واحد اللي اكبر منه بشوي ابطنه ابورق زبده القاع والجوانب لمه ابطنهم اخليهم مرتفعين عن القالب عشان لمه تنتفخ الكيكه اتكون مرتفعه

وانشالله مره ثانيه بحط لكم جيز كيك اصليه وابل تارت وابل باي وجم كيكه

 

[مطفوقه^ملقوفه]

مشاركة: اكو وايد حلو

عاشت عاشت كشكوشه ايوا ايوا كشكوشه
صفقوا صفقوا حق كشكوشه
طبخو طبخو حلو كشكوشه
نجرب يا قلبي وتسلم ايدج

 

[معلمة رياض اطفال]

مشاركة: اكو وايد حلو

عاشت عاشت كشكوشه ايوا ايوا كشكوشه
صفقوا صفقوا حق كشكوشه
طبخو طبخو حلو كشكوشه
نجرب يا قلبي وتسلم ايدج

 

[رفرف]

مشاركة: اكو وايد حلو

عاشت كشكش ايوا يا كشكش لا يوقف لا يوقف جك جك جك

 

[ام مارية]

مشاركة: اكو وايد حلو

عاشت كشكش عاشت كشكش عاوزين وصفاتك عاوزين وصفاتك.

 

[[]نهاوند[]]

مشاركة: اكو وايد حلو

يعطيج العافية

 

[amoon]

مشاركة: اكو وايد حلو

مشكوووووووووره الغاليه بس ياليت تحطين صور الطبخات يكون افضل

 

[& ياملحي كيوووت &]

مشاركة: اكو وايد حلو

ياسلااااااااااااااااااااااام حركات

 

[اميرة دبي]

مشاركة: اكو وايد حلو

يسلمووووووووو

 

[Forever & Ever]

مشاركة: اكو وايد حلو

روووووووووووووووووووووووعه

يالله يالله نبي بعد

تسلم ايدينج يا كشكش

 

[حنـــــان]

نفنوف كشكش
مشكورة