اكو حريم خرفان جذي !!!

[sweet dashttya]

رد : اكو حريم خرفان جذي !!!

مع احترامي
ماااااااااعندج سالفة


كلن وظروفه وماله داعي الغلط​

:hjy5jewf:

 

[المستغفرة 74]

رد : اكو حريم خرفان جذي !!!

بنات شوفو خنكون واقعيين وخنتناقش بصراحة بالنسبة لي انا من كثر ما اكرف واقوم بدوري وبدور بعلي حتى هرموناتي تلخبطت وقمت احف وجهي مرتين بالشهر .(طلعلي شنب)
والله لما كنت ببيت اهلي مدلعه وحتى اكلي يجيني للسرير ولما تزوجت تحملت المسؤولية كاملة
ومن المواقف الغريبة الي مريت فيها ان في مرة قلت لزوجي يروح لمدرسة بنتة عشان ياخذ لها طبية ولما عطيتة الصف ما صدق قالي انتي تجذبين شلو بنتي صارت بالثانوية توها صغيرة وقعدت احلف لة :bbbiu:.والاخ مو مصدق ولا يدري حتى عن اعيالة باي مرحلة .:080402ask_prv:
الله المستعان .
الكويتيات شقرديات وانا وحدة منهم .:n2006107:
:wqedqw:

 

[~Mazuna~]

رد : اكو حريم خرفان جذي !!!

اوكي وضحتي قصدج وخانج التعبير وووو


بس حبيبتي اسلوبج استفزاازي واايد شنو يلا منااك ؟ ترى الي تكلمينهم حريم مو يهالو بو4 سنين ؟

وبعدين الريال ماعنده غاريه لما يخلي مرته تودي الياهل الصالون لان ممكن يحوشها او يلزق فييها

انزين والريال الي مرته سفور او فل ميكب ولبسها لبس حتى لو كانت متحجبه وين الغيره ؟

شعر المره ماايطلع الا حق ريلها واييدها وريلها هلي تطلعهم بلبس القصير وهالسوالف ؟ مايغاار لان ماكو شي خاااص فييه ؟


الي اهوا يشووفه والمفروض البنت ما ماتطلعه حق غيره قاعد يشووفه الي يسووه والي مايسووه

هذا اهوا الريال الي مافيه غاااريه على مرته؟؟

 

[العاطفية]

سويت مع انج ما انتبهتي على ردي بس والله معاج قلبا وقالبا وردودج الاخيرة موتتني ضحك خليتيني اكركر تالي الليل زين ما قعد ولدي من تكركري لوووووووووول وايد نرفزتني ناس اليوم

 

[العاطفية]

قصدي نرفزتي ناس

 

[@البتووول@]

رد : اكو حريم خرفان جذي !!!

أنا بسألج سؤال ليش أغلب مواضيعج تقلب هواش؟؟؟

فكري فيها عدل وراح تعرفين الجواب :rerrerek:

وصاجه سوق الفحيحيل كله حريم بس المكان اللي تقصدينه مايخوف لي هالدرجه يعني على الشارع ومكشوف وناس رايحه راده عيل لوتروحين صوب سوق الاسره هم بالفحيحيل أتوقع يغمى عليج :O_SHH_:

 

[برد ابو الذهب]

:krkrkr::krkrkr::krkrkr::krkrkr::krkrkr::krkrkr:

 

[فوفو22]

رد : اكو حريم خرفان جذي !!!

هذه المشاهد اللي شفتيها

لازم عقبها تصلين ركعتين شكر لله

انه في زوج كويتي يرافق زوجته في ترحالها وتجوالها


وكثير غيرج عندهم ازواج

لا يودون ولا يجيبون .....وغير مسئولين عن بيوتهم

والزوجااااات بعد قلبي صاااابرين وساكتين عشان يمشّون حياتهم

ما يهمهم نظرتج انتي وغيرج لهم

بس اللي يهمهم انه عيالهم يتربون وسط وجود اب حتى لو خالي من الخدماااات



فوفو

 

[سر الأنوثه]

انا اشوف ان الموضوعين عاديين يعني مثلا لما الابو يسافر شغل والام ما عندها الا بنات وياهل صغير بتوديه تقص شعره صارت خروفه ؟؟؟
وما فيها شي اذا الريال تاخر على مرته شوي عشان يمرها يمكن الشارع زحمه


الوضع عااديييي :q8:

 

[أميرة ملكية]

رد : اكو حريم خرفان جذي !!!

لووووووووووول شصاير بالموضوع واي واي واي صج كويتيات

اقول انتي واهي

ستوب بس يلا لوووووووول



:dddds:



الحين انتو هديتو الموضوع وركزتو على كلمه خرفان وصار الموضوع سخيف بس لانه يحتوي على كلمه خروف لوووول واي يا بطني بموت مو قادره


المشكله لما الواحد يبي يصيد شي ويسوي روحه كلش ماكو احد قده

الحمدلله انا ماقدرت اقلرى كل الردود لاني امس خليت الموضوع على صفحه 3 الحين 9 يمكن فما قدرت اقرى كل الكلام

بس قريت اغلب الردود

الي يعرفوني ويدرون شنو سويت الحمدلله عرفو قصدي من الموضوع

والي داشين اول مره القسم ويبون يتفلسفون ويشتهرون على حسابي اقولكم يلا مناااك

سبحان الله من ايي اسم سويت بموضوع يجابلون الكي بورد وهاااااااات يااا سب وشتم بسويت

حشا مو سويت

الحين انا تعليقي راح اقسمه لعده نقاط لاني اكيد ما اقدر ارد عالكم الهائل من الردود


اولا - كلمه خروف انا وضحت معناها باكثر من رد وقلت قصدي انه المره الي تتبع ريلها بكل شي واصلا لو انا مو عاجبتني هالمره الي شايله كل شي فوق راسها وكاسره خاطري ما اكتب موضوع كامل عنها بس والله لو وحده منكم تروح اهناك وتوافيناااا بشنو شافت بتعرفون شنو اقصد

ثانيا - ام ابيها اذكرت الشارع فعلا الي انا كنت فيه اهو عباره عن هنود واعلبه رياييل وقسم بالله ما اجذب يعني تقريبا يمكن انا الوحيده الي كنت امشي ويا ريلي وشكلنا غلط اصلا من كوكب اخر ليش لانه ريلي معاي وثانيا لانه مبين انه خايف من الوضع يعني المكان كله رياييل وحريم بروحهم يمشون والاغلب قاعدين عالرصيف ينطروووووون يا رياييلهم يا سواقهم المشكله اهني الريل شلون يسمح لروحه انه يكون فاضي وما يروح معاهاااا انا والله العظيم اول مره ادش هالشارع وانصدمت وكسرو خاطري وحسيت بالم كبير يمكن اغلب البنات الي اهني ما راح يفهمون شنو هالالم

الم لما تكون المره متزوجه وعندها ريل ما يجابلها الا عشان عبايه او عدلي حج:dddds:ابج ميك ابج وايد واهو مسكت بالغيره الي من هالنوع بس غيرته محدوده لانه سمح لروحه انه مرته تمشي بمكان يخوف لا تقولون سوق عادي انا ما قلت مجمع ولو انه المجمعات المغازل فيها صار اكثر من برا بس المكان يخوف والحريم بروووووووووووحهم ويا عيالهم لييييييييييش ؟؟ لا تقولولي الكل ريلهااا مسافر ولا مطلقه ولا ارمله اقولكم شكلي كان غلط انا مو طبعي اراقب احد بس ورب الكعبه شكلنا غلط والكل يطالعنا ريلي يقولي يمكن لاني معاج لو بروحج عادي لوووول


ثالثا - الي تقول انا اروح الفحيحيل دايما واشوف كل وحده مع ريلها اقولها انتي وحده جذااااااااااااااااااابه

اي نعم جذابه وبسج جذب

مو بس بالفحيحيل اي مكان بالكويت مافيها شي لو المره راحت السوق بروحها لو ريلها موافق انا مالي شغل

بس الاسوقه الي تكون جذي مو مجمعات ظلمه وبرد ورياييل هنود واهم يتمشون بين الرياييل بروحهم ما يخافووووووووووون



روحو المكان الي انا رحته وشوفو الوضع روحي انتي وريلج وشوفي شلون الناس تخزج وشوفي لو لقيتي اكثر من 3 مع رياييلهم اطلع انا مو سويت مع اني ما رحت الا مره وحده هالشارع بس ريلي يقولي انه طول عمره يروح وكل هالشارع حريم ايون بروحهم وسط الرياييل


رابعا - الي تحسسني انهاا غبيه او تستعبط انا ماقلت انه الحلاق حرام واثم بس الي يحلقون داخل طبعااا رياييل اوكي الام بتروح تمسك ولدهااا وبتلف يمين ويسار اوكي والحلاق بيلف معاهااا

تضمنين انه ما يصير احتكاك قسم بالله العظيم وما اجذب اني من برا الصالون شفت وحده الريال كل ما يلف يطق فيهااا من وراا مادري اهي منتبهعه او لا ويمكن مستانسه الله اعلم


يعني الحلاق يروح يمين ويسار والياهل يبجي والام مبتلشه واكيد بيصير كلام بينهم عن الياهل اكيد واكيد بتمسكه واهو يحلق معقوله ما يلمس ايدها بالغلط او يلمسها بالغغلط


اكيد مو الكل بس فييييييييييي واكيد الحلاليق موسيادتهم ناطرتهم ومو الكل يخافون من الله

وشوفت عيني وايد رياييل من الجنسيه اللبنانيه والسوريه يتحرشون بالكويتيات الي يشوفونهم من غير رياييلهم فبسكم مكابر يالنعام !!! الحين بتقولون رديتي سبيتي اقولكم لا النعام تعبر مجازي عن الي تحب تدفن راسها بالتراب وتكابر عن الحقيقه


خامسا - انا الحمدلله درست بالجامعه واشتغلت وخالطت ريايييل الي تقول ابوج الشيشه يرضى فيها اقولهاااا اولا هذي حياتي الشخصيه وانا ابوي يرضى بس زوجي لا وانا اكثر وحده بالكويت عشت حياتي من سفرات وطلعات الحمدلله ابوي ما خلى بنفسي شي رحت بيت ريلي وانا لافه نص الكره الارضيه فكل شي سويته ما تزوجت عشان اصيع واروح السوق واقز نفس البعض الي كانو محكورين ببيت اهلهم ولما تزوجو ما شافو خير كل يوم من سوق لي سوق

ريلي يخاف علي ويموت فيني ليش محترين وليش بكل موضوع اكتبه تدخلون حياتي الشخصيه فيه هل لاني صريحه زياده عن اللزووم وكتبت بالمنتدى معلومات عن حياتي الشخصيه

وريلي منو قالكم انه حاكرني انا دوامت عنده واشتغلت عنده بس صارلي موقف من عقبها قالي وقفي شغل وحملت سبحان الله ووقفت والحين رديت واهي الي شجعني وحس بغلطه ومافيها شي لو طعت ريلي بالعكس المفروض تساندوني وتقولولي كفو عليج مع اني كنت مدلله ومدلعه بس قاعده اسمع كلام ريلي واخاف الله فيه واحاول ارضيه حتى بشغلي يعني ما اشوف فيهااا شي بالعكس هالنقطه بصالحي مو ضدي



بنات حرام عليكم تدشون بنيتي وتفهموني غلط انا وضحت شنو قصدي من هالكلمه

واعتذر للامهات الي رياييلهم مسافرين او مطلقات او ارملات او الي شايلين المسؤوليه بروحهم لانه رياييلهم مو كفو

اقولهم انتو مو المقصودين

المقصودين يدرون روحهم وسبحان الله اهم الي عصبو لانهم يدرون انهم ساكتين عن خياس رياييلهم لانهم خايفين يتكلمون !!!

ساعتها الي تدري انه ريلها يستحي يمشي معاها بالسوق او يمها او يتمشى معاها بمكان خروفه ولا مو خروفه

انتو قولوووووووووووولي !!!!




وسامحوني بس انا اسلوبي جذي ولا احد بيغيرنييي


والله يخليلي ريلي الي ذابح البعض انه يحبني خو كيفي شتبون لوووووول


واشكر كل من ساندني وفهم قصدي واقولكم احبكم من اول نك لاخره

هههههههههههه انا مو قايله لج كلامج مافيه مصداقيه صارلج ساعه انا وقفت عند الصفحه ال3 والمووضوع مالي وصل للصفحه ال9 بس انا ماقريت الباقي لاني مو فاضيه لكم لانه زوجي يحبني وانتم تغيروون مني ولاني لافه الكره الارضيه ولاني صيدلانيه وانتم يابنات المنتدى كلكم ازواجكم مايحبونكم ولا عمركم سافرتوا ولا تشتغلون بس انا :dddds::dddds::dddds:الحمد لله ع النعمه ترى شايفين خيروعندنا رياجيل يستاهلون عيونا ياربي لك الحمد بس مانتيشحط بالمنتديات ايه وعلى سالفة مجمع الدبوس والحريم اللي مقططين عالرصيف بالعربي شي ماتعرفينه يالدبوس لانج مارحتيله الا مره1 الا وهي انه هو المجمع الوحيد بالكويت اللي مافيه مصافط للسيارات يعني كل واحد يقط عياله ومرته عند باب المجمع ويروح يصفط السياره ويرد وحتى اذا طلعوا ينطرونه يروح يجيب السياره ويجي ماراح يخلي مرته تشيل الاكياس ساعه للسياره يعني السالفه سالفه مصافط ياريت وضحت الفكره واخيرا احمدي ربج وادعيه انه يخليلج ريلج ترى بيجي يوم راح تندمين على كل شي لانه الرياجيل مالهم اماااااان:denya:​

 

[sweet december]

رد : اكو حريم خرفان جذي !!!

العاطفيه لووووووووول فديتح بعد قلبي مواه

البتول والله مادري يمكن دايما الانسان الناجح وايد له اعداء شرايج انتي


مزيونه انا ماقلت خاني التعبير انا ليما الحين مصره على كلمه خروفه للمره الي تدري انه ريلها فاضي بس ماله خلق يروح معاها

ووضحت قصدي من كلمه خروف مووطمعا برضى من معاليج او معاليها لاء لانه انا من الناس الي ضميرهم شغال وصاحي وهالشي قليل جدا بهالدنيا

ثاني شي انا قلت يلا ستوب مناك كنوع من تلطيف الجو اذا انتي وايد جديه وما تفهمين بالقشمره مو ذنبي

بنات ردووووووووووو عن الموضوع خلو العنوان بصوووووووب

انا احترم كل الردود سواء الي معاي او ضدي بس عالعنوان بليز خلاص ستوب انا حره بعنوايني

وبالنسبه لاني سفور وريلي ما يغار علي كيفي انا حره بحياتي وانشالله افتح لكم موضوع خاص فيني تتناقشون فيه عن جوانب حياتي الي موته البعض قهر اهني تناقشو بالموضوع الي انا طارحته ماله داعي النغزات ويعني انتي مو متحجبه وريلج ما يغار يعني قايله شي يديد لا ريلي يبيني اتحجب والبس عبايه بس انا معانده لاني مابي اتحجب الحين وشدراج شلون لبسي وشلون ميكبي ورب الكعبه انه لبسي اشرف من ثلاث ارباع الي لابسبن عبايات مخصره ونقاب طيحني ورسم العيون او برج ايفل واصل لي اخر الشارع الي بتييني من هالنقطه والله بتسمع رد مو زين لهاااا فسركو عن هالمواضيع وخليكم بموضوعي


وييييع صج

 

[سر الأنوثه]

رد: رد : اكو حريم خرفان جذي !!!

:hjy5jewf:

هذه المشاهد اللي شفتيها

لازم عقبها تصلين ركعتين شكر لله

انه في زوج كويتي يرافق زوجته في ترحالها وتجوالها


وكثير غيرج عندهم ازواج

لا يودون ولا يجيبون .....وغير مسئولين عن بيوتهم

والزوجااااات بعد قلبي صاااابرين وساكتين عشان تمشون حياتهم

ما يهمهم نظرتج انتي وغيرج لهم

بس اللي يهمهم انه عيالهم يتربون وسط وجود اب حتى لو خالي من الخدماااات



فوفو

صح لسااانج :hjy5jewf:

 

[sweet december]

رد : اكو حريم خرفان جذي !!!

فوفو خوش رد مشكوره وفعلا صليت ركعتين شكر لله


اميره ملكيه شكرا اتوضيحج هالنقطه وفعلا انا وريلي صفطنا بعيد بس لفينا كل الممجكعات الي يم بعض وشفنا نفس المناظر يعني مو معقوله كل الشارع مافيه مصافط


عالعموم اتمنى اكون انا غلط ومشكوره على اسلوبج معاي والله مادري شرد عليج فعلا هم يضحك وهم يبكي ونغزانج لا تعليق

 

[اشتياق]

سويت لج الحق تطلبين من المشرفه حذف الردود الخارجه عن الموضوع
وبليز بنات ياليت نرتقي بالحوار اكثر
وكلمة خرفان كانت موجوده بالقسم بموضوع قديم
عن صرف الحريم على رياييلهم
ومحد اعترض على الكلمه والكل شارك بالموضوع بهدوء!!
اما اذا عندكم عداوات شخصية مع سويت هذا شي ثاني!
مع اني اشوف ان احراج المره تدش صالون اطفال بس ودي بصراحه وافضل اني انا اللي اروح
عشان انا اعرف بشعر بنتي وبقصاتها واستحمل تبجي شوي عكس ابوها..
وبالنسبة للسوق اصلا امنيتي اتسوق وينطرني بره عشان لا يعور راسي بنشبته
يعني اختلف بوجهة النظر بس ما اجرح واقضب الموضوع تطنز وحوارات مستفزه



كلنا خوات واختلاف الراي لايفسد للود قضية

 

[@البتووول@]

رد : اكو حريم خرفان جذي !!!

البتول والله مادري يمكن دايما الانسان الناجح وايد له اعداء شرايج انتي

إممممممممممممممممممم لأ مو هذا السبب


أنا أقولج إسلوبج إستفزازي حيل وحتى العنوان

في أشياء بحياتج تشوفينها صح والناس تشوفها غلط وفي أشياء بحياة الناس تشوفينها غلط ويشوفونها صح

ماتقدرين تحكمين على شي شفتيه بمكان عام ومن بعيد :080402ask_prv:

فلو طارحه الموضوع بشكل عام وبدون تجريح جان شفتي الموضوع عادي ومافي هواش وتم النقاش فيه بشكل إيجابي في شغلات ذكرتيها صح بس إسلوبج فيها كان غلط عشان جذي الردود بموضوعج تقريبا80% ضدج

أنا وحده تستفزني مواضيعج بس بما إني إستفدت من موضوع لج وكان في معلومات طبيه أول مره أعرفها عشان جذي شايله لج هالجميل ومو قاعده أرد على باقي المواضيع بس بهالموضوع حبيت أبينلج الناس ليش مستنفره :hjy5jewf:

 

[sweet december]

رد : اكو حريم خرفان جذي !!!

شواقه فديتج والله كلامج ايهبل خدودي صارو بندوره من كثر ما كلامج حلو وعسل وادري مو شرط تكونين معاي بس ردج ايهبل سواء معاي او ضدي

البتول تبين اقول الموضوع بشكل عام ليش انا كتبت اسماؤ الحريم ورياييلهم مثلا وارقام تلفوناتهم وجم عدد عيالها ووين ريلهاااا كان رايح بالضبط انا كتبت اشياء شفتهاااا وموجوده ليش تكابرون تناقشو بالمووضوع ومشكوره يا حبي لو شايلتلي جميل فيج الخير بس بقولج شي انا مو استفزازيه ولا احب استفز احد بس انا احب اقول الي بقلبي بس بدون لا ابهره واعطيه طعم نفاق شفتي الفرق بين المجامله والصراحه شلون صعب ومو الكل يقدر عليه عشان جذي البنات ضدي ومن قالج انم ضدي اهم ضدي بس بالكيبورد بس والله وانا متاكده واحط بذمتي من داخل متشفقين ويقولون واي ياريت رياييلنا يتعدلون ويسوون لنا واحد من مليون من مسؤولياتهم

ماكو مره ما تبي تحس بانوثتها وتقدير ريلها لهاا

وقوليلي شنو المستفز بموضوعي غر كلمه خروف الي حسستوني لوهله اني قايله كلمه قويه غير موجوده بالمجتمع الكويتي !!! وبكثره


بسكم نفاق بسكم

 

[FANTAST!K]

رد : اكو حريم خرفان جذي !!!

هذه المشاهد اللي شفتيها

لازم عقبها تصلين ركعتين شكر لله

انه في زوج كويتي يرافق زوجته في ترحالها وتجوالها


وكثير غيرج عندهم ازواج

لا يودون ولا يجيبون .....وغير مسئولين عن بيوتهم

والزوجااااات بعد قلبي صاااابرين وساكتين عشان يمشّون حياتهم

ما يهمهم نظرتج انتي وغيرج لهم

بس اللي يهمهم انه عيالهم يتربون وسط وجود اب حتى لو خالي من الخدماااات



فوفو

صح :friends:

 

[sweet december]

رد : اكو حريم خرفان جذي !!!

مشرفه بليز اطلب منج حذف الردود المخالفه حفاظا على النقاش

الي انقلب نقاش عالعنوان لووول

 

[@البتووول@]

رد : اكو حريم خرفان جذي !!!

كيفج أنا قلتلج وين الغلط بكلامج بس إنتي مصره إنه نفاق يعني إذا تبين البنات يردون عالموضوع ويخلون العنوان شحقه حاطته؟؟؟
تبيني أقولج لاوالله الكلمه عاديه والبنات متعودين عليها موالكل متعود عليها وفي حريم يسون هالشي بس مايشوفون إنهم خروف على قولتج وطبايع الناس تختلف والدليل الفرق بين بيت أهلج وريلج صح
يعني أبوج لمن كان يخليج تروحين وتيين على كيفج ماكان يحبج ؟؟ وريلج الحين يحبج أكثر من أبوج؟؟
طبايعهم تختلف أبوج بالنسبه لريلج فري وايد
فلاتقيسين طبايع الناس على طبعج والحريم اللي شفتيهم مروا علي شكثر ومو بس بالدبوس حتى المباركيه وهي تخرع أكثر من الدبوس ويتمشون عادي ومتعودين

 

[احبكم ذاتي]

رد: رد : اكو حريم خرفان جذي !!!

ثانيا - ام ابيها اذكرت الشارع فعلا الي انا كنت فيه اهو عباره عن هنود واعلبه رياييل وقسم بالله ما اجذب يعني تقريبا يمكن انا الوحيده الي كنت امشي ويا ريلي وشكلنا غلط اصلا من كوكب اخر ليش لانه ريلي معاي وثانيا لانه مبين انه خايف من الوضع يعني المكان كله رياييل وحريم بروحهم يمشون والاغلب قاعدين عالرصيف ينطروووووون يا رياييلهم يا سواقهم المشكله اهني الريل شلون يسمح لروحه انه يكون فاضي وما يروح معاهاااا انا والله العظيم اول مره ادش هالشارع وانصدمت وكسرو خاطري وحسيت بالم كبير يمكن اغلب البنات الي اهني ما راح يفهمون شنو هالالم

ا

لا تكفين ماقدر انا من المنطقة العاشرة ودايما اتسوق بهالسوق وماشفت هالمبااااااااالغة هذي كلها تكفين هدي شوي حسستيني اني بشيكاغو موبالكويت يبا سوووق عادي تكفين ان شاللة ماينكسر خاطرج على غالي لايكون بكيتي بس ....واللة واللة شي عادي انا مادري ليش دشيت مرة ثانية اسفة اخر مرة