اكلم واحد متزوووج وابي حل

[هيا349]

الحين ما صدق مع ام عياله الي زوجته لها 7 سنين
تبين يصدق معك!!

اذا كنتي تتوقعين بيصدق معك هذا(عشم ابليس بالجنه)

حبيبتي حطي عقلك براسك فكري بعقلك وانسي مشاعرك
وتعوذي من ابليس
مع احترامي لكل المذاهب بس اذا المذهب غير وخاين ام عياله بعد7 سنوات

انتي تتوقعين بيأمن عليك ؟؟ اسألي نفسك ؟؟

 

[Miss--dndn]

باااجر لا تزوجتي بصير لج مع زوجج مثل ما تسويين ،،غير هذا غضب الله عليج فكري عدل حبيبتي
يمكن الله يكتبلج تتزوجين واحد يسوي من وراج جذي تأكدي وساعتها شتسوى عليج المعصيه كما تدين تدان --مالج اي عذر يخليج تكلمييييينه
تبين تكلمييين واحد جم شهر بالحراااااام ويعاقبج الله بوااحد يخووونج،ولا تسترين نفسج ويرزقج الله زوج لج طول عمرج بالحلااال؟؟؟؟؟؟!!!!!
وتأكدي 1000000/ انه جذاب ومليون جذاب لو هذا يبي يلعب ويستانس مادري شلي مخليج مصدقه انه يبي يتزوجج،ترى جداً سهل اني ادش بالنت واكلم بنت واحلفلها اني تحبها وبتزوجها واسترخصها لي تصير فعلاً رخيصه وتالي ما ياخذها الي الردي - الله قال الطيبون لطيبات والخبيثون للخبيثات (صوني نفسج عشان الله يرزقج واحد صاين نفسه)
ديري بالج

 

[قآنون كيفكـ!!]

كلااامج على عيني وراسي واحب الاسلووب الخالي من التجريح واشكرج ع الاهتمااام ..

قطعت العلااااقه من امس ادعي الله يثبتني

الله يثبتج يارب ..
اكثري من الاستغفار وقطي كرتج ..
ابدي بالخطوه صح مشان ماتردين ..
وتقوي بالله ولا راح يردج خايبة ..

 

[جادل سبيع]

مادري شقول غير الله يهديك اختي ..

انتي مقتنعه بان السالفه غلط خلاص انحلت المشكله وين المشكله قوي نفسك بايمانك وهذا الشيطان يضعفك وايوسوسلك تعوذي من ابليس والغي اشتراكك بالمنتدى هذا مال الزواج وثقي بنفسك وقوة ايمانك انك ماراح تضعفين وتدخلين مرا ثانيه..

وهذا الرجال كل الكلام اللي ايقوله لك ايقوله حق كل اللي ايعرفهم يعني لا يجي اببالك انه شايف الفرق اللي بينك وبين كل اللي بالموقع ...
تخيلي انه زوجك وانتي الزوجه المستغفله اللي مستضعفها زوجها وايسوي هالاشياء من وراها والله بتحسين بالقهر خلاص انتي وخري عن دربه اهو انسان مذنب لكن انتي محاسبه انك ساعدتيه ع المنكر والاثم انتبهي اختي وديريبالك لان ربك يشوف ويسمع والملائكه تحصي وتسجل واخرة هذا كله قبر مضلم احنا وذنوبنا فيه لا ينفعنا رجال ولا غيره ..

تقبلي مروري حبيبتي الله يشرح صدرك وايثبتك..

 

[Miss--dndn]

حبيبتي قوليلنا شسويتي بالموضوع؟؟!

 

[دلوعة أبوهآ]

دامك عارفه انه مستحيل تتزوجيه
لأسباب كثيره بينكم !! ف ماله داعي تتعلقين فيه وتكلمينه
بالاخير هو لغيرك وانتي لغيره وفكرة الزواج بينكم مستحيله



توبي لربك وانسيه ..
وحطي نفسك مكان زوجتك .. ترضين زوجك يخونك مع غيرك !!!!