اكره بنتي

[كويتيه مذهله 87]

استغفرالله ياربي
الله يهديها الحمدالله والشكر فيه بشر يفكرون بهالشي

 

[AL 3la]

امبي من صجها اختج
حتى لو تتمنى الولد ما يصير تسوي جذي هذي طالعه منها وحبها سبحان الله بالفطره شلون جذي ؟
انصحيها عشان الله لا يعاقبها في بنتها ويحرمها من العيال

 

[آهات الليل]

رد : اكره بنتي

اسمحيلي حسبي الله على اختج وعلى ريلها ماتخاف الله هذي غيرها يحلم حلم انه يشوف ضناه والله مبتليه وحارمه واهي ماتحب بنتها اهي وريلها شوفي ربج شلون راح يبتليهم ابلوه راح يعرفون بعدين ويحسون بنعمة الضنى

انا عندي 3بنات الله يحفظهم واموت فيهم دلوعاتنا انا وابوهم ونتمنى الولدبس مولدرجة نكرهم فديت بناتي

ناس بطرااااااااااااااااااااانه

 

[انا حبه للابد]

رد : اكره بنتي

مشكورين كل اللي دعو لها الحمدالله عقب ماقرت بعد الردود السنعه بجت وايد و قالت خلاص بروح العمره وقالت حق خدامتها انتي لاتشيلين بنتي واذا بجت اهيا قامت تشيلها واي وحده تشمتت ولا دعت عليها عسى الله يبليها في ما بلاها ويرفع عنها ترى الانسان مو كلهم نفس بعض والحمولات مو كلها نفس بعض وفي ناس ادرى ويمكن مرو في اللي مرت فيه اختي كفايه نفسيها من البيبي اللي خسرته قبلها ونظرت الناس لها عقب ماجابت بنت واولهم ما زوجها وخالتها ام ريلها وتغبيهم عليها وزيادة وزنها في الحمال ولي الحين موراضيه تضعف والمشاكل اللي هلت عليها من حملت فيها نفسيتها حيل تعبت واناكتبت هالموضوع عشان الدعاء والحلول ومشكورررررررررين وايد وايد واتمنى من الاداره يسكرون الموضوع

 

[asayel]

حرااام عليها شنو هااي قلبها واايد قاسي وماعتقد انها مدينه وايمانها قوي انا اختي 6 بنات وعقب جابت الاولاد وماسوت سواتها الحمدلله والشكر وهااذي توهاا بنت وحده وكارهتها ..
مااقول الا وعسى ان تكرهوا شيئا وهو خير لكم..

 

[asayel]

وبعدين اذا احد دعى عليها او تشمت فيها قولي الله يسامحكم حراام تدعون الله يهديهم بس ويهدي الجميع انشالله

 

[درة أهل الطولات]

رد : اكره بنتي

قولي لها لو صار فيها شي (( اسم الله عليها طبعا )) وربج ما ارزقج غيرها شنو بتسوين ؟؟؟

بتفعدين تندبين حظج ؟؟؟

بنت ولد كلهم نعمة

قولي لها غيرج يتمنى الطفل وانتي ربي منعم عليج ببنت ومو حامدة ربج

ناس عيالها مرضــى اللهم ياكافي ويدرون الموت ناطرهم ومع هذا متعلقين بكل امل انهم يعيشون وتلقينه كل ما سمع عن علاج طار يابه

وانتي ربي منعم عليج بطفل سليم ومو عاجبج

ترى والله الوحدة لما تبطر بالنعم وما تحمد الله وتشكر تفقدهااااا

 

[noynoy]

البنيه حاطه المشكله مو عشان تاكلونها
اختها عارفه انها غلطانه و قاعد تدعي كل يوم بصلاتها انها تحب بنتها
يمكن فيها اكتئاب بعد الولاده خل تراجع طبي نفسي
لان هالاكتئاب وايد خطييييير يخلي الام تتمنى انه البيبي يموت
و كله تتخيل انه يصير بالبيبي اشياء مو زينه و امراض
و تتحاشى تمسكه و لا تحظنه
الله يشفيها يا رب و طمنينا عنها و مالج شغل بالناس اللي دعت عليها ترى مو حاسين و كلهم انزلت عليهم الامومه مره وحده
اللي ايده بالنار مو مثل اللي ايده بالماي

 

[انا حبه للابد]

رد : رد: اكره بنتي

البنيه حاطه المشكله مو عشان تاكلونها
اختها عارفه انها غلطانه و قاعد تدعي كل يوم بصلاتها انها تحب بنتها
يمكن فيها اكتئاب بعد الولاده خل تراجع طبي نفسي
لان هالاكتئاب وايد خطييييير يخلي الام تتمنى انه البيبي يموت
و كله تتخيل انه يصير بالبيبي اشياء مو زينه و امراض
و تتحاشى تمسكه و لا تحظنه
الله يشفيها يا رب و طمنينا عنها و مالج شغل بالناس اللي دعت عليها ترى مو حاسين و كلهم انزلت عليهم الامومه مره وحده
اللي ايده بالنار مو مثل اللي ايده بالماي

مشكوره حبيبتي كلامج وايد حلو ويدل على اخلاقج الحلوه وتربيتج الاحلى عسى الله يرزقج السعاده والخير من حيث لا تحتسبين ومشكووووووووووووووووره

 

[love love]

حبوبه قلنا راينا ودعينا لها ليش تدعين على البنات؟؟

انتي كتبتي الموضووع وموضووعج موهين عن ضنا والام والابو عايفيينه

اكيد بنتفاعل ويا الموضوووع وكلنا دعينا لها مادعينا علييها

جان اكتفيتي انتي بحل مشكلة اختج لانه الناس والحمووله مو عذر وكلنا جربنا الحمووله وانعرف اشلون تعاملهم لين ماعجبناهم بس مانغضب الرب علشان مجرد ناس

وكلنا متنا مع الحمال

ودام اخسرت بيبي خلاص مفروووض قلبها يحن على الياهل لانها جربت الخسااره


سوري حبوبه انتي طلبتي الحل والدعاءوسوينا الي بغيتييه بس ردج الاخير مادري اشلون

 

[<<لمار>>]

لاحول ولاقوة الا بالله خل تتعوذ من ابليس وتستغفر وتحمد ربها على النعمة ترى النعمة زوالة

 

[ZajiL]

رد: رد : اكره بنتي

مشكورين كل اللي دعو لها الحمدالله عقب ماقرت بعد الردود السنعه بجت وايد و قالت خلاص بروح العمره وقالت حق خدامتها انتي لاتشيلين بنتي واذا بجت اهيا قامت تشيلها واي وحده تشمتت ولا دعت عليها عسى الله يبليها في ما بلاها ويرفع عنها ترى الانسان مو كلهم نفس بعض والحمولات مو كلها نفس بعض وفي ناس ادرى ويمكن مرو في اللي مرت فيه اختي كفايه نفسيها من البيبي اللي خسرته قبلها ونظرت الناس لها عقب ماجابت بنت واولهم ما زوجها وخالتها ام ريلها وتغبيهم عليها وزيادة وزنها في الحمال ولي الحين موراضيه تضعف والمشاكل اللي هلت عليها من حملت فيها نفسيتها حيل تعبت واناكتبت هالموضوع عشان الدعاء والحلول ومشكورررررررررين وايد وايد واتمنى من الاداره يسكرون الموضوع

الحمدلله انها ندمت وتحسفت عسى الله يهديها يارب
ويحنن قلبها على هالبنيه ويعينها على الناس وعلى حمولتها
ويرزقها الولد الي يجبر خاطرها


مغلق

بناءا على قرار صاحبة الموضوع