اكتبي اسم شاعر واللي بعدج تكتب قصيده لهذا الشاعر

[احترت وياك]

فديت مآقلتي منو الشاعر اللي بعدج!!

 

[ŦSЩД3УФИУ]

اللــي بععــدي ,, ~||
نآصـر بـن دهيـم الدؤؤسـري​

 

[@عالي سماها@]

ناصر بن محمد بن دهيم

الصبح شعشع واقبل النور بالنور
والليل الاسود مايجيب الصراحـه
ماني بضايق لكن القلب مقهـور
مثلي تساوت ضيقته وإنشراحـه
آمنت باللي ثبّت اطويق والطـور
عساه يلهمني ثبـوت وفصاحـه
واضح واحب اقابل الناس مسرور
مخلوق من بين الرضا والسماحه
اكتب قصيدي همي إسعاد جمهور
ماهمني فوضه وصوره وساحـه
موجٍ تلاطم من ورى سبعة ابحور
حروف شعري للمخاليـق راحـه
يامبتليني بالحكي اسمع الشـور
لا تحسبنّك عايش بوسط واحـه
اللي خلقنا ميّـز الحـق والـزور
الفرق واضح كالسمـا والبراحـه
الطب يبغاله من النـاس دكتـور
والهندسه تبغى ارتفاع ومساحـه
ياللي تقول اني من الناس مغرور
ميّز هماج المـا وميّـز قراحـه
لامن كبر راسي مع الطيش معذور
لكن غرور الشخص سبة مطاحه
نسعى بهالدنيا نبي الحال مستور
والمجتهد همـه وغمـه نجاحـه
ياصاحبي لا تقعد اتلـف واتـدور
الطير وشهو ؟ لو كسرنا جناحـه
منت بمعي يابن الاجاويد مجبـور
من راح مني سمّـح الله مراحـه​

 

[@عالي سماها@]

اللي بعدي ....تركي الميزاني :eh_s(7):​

 

[ŦSЩД3УФИУ]

**تـرگ ــي الميزآإنــي ,,*
***
**الـخ ـلطةة السريــةة *~||*


ياعذابي منك ياموتي ويا حرماني
زابنك بالله تخفف عني اللي فيه

من عذابك وشهو اللي باقي ماجاني*
في عيوني من عذابك صاير ماريه*

وانت تدري كل ماتحتاجني تلقاني
يشهدالله عنك ماتقدر تشح يديه

بس تكفي لاتعذبني ولاتنساني
ضمني يانور عيني في حشاك شويه

كل ماشفتك تدخلني بعالم ثاني
عين تنظر لك بشر والثانيه حوريه

فيك شيطان الهوى يامنيتي وصاني
بالغلا والولف والتقدير والحنيه*

والقصيد اليا بغيته فيك مايعصاني*
يتباشر في وصوف عيونك السحريه*

واوجودي لو اشوفك يابعد خلاني*
و الله اني لحذف الغتره مع الطاقيه*

كيف انا المجني عليه وكيف صرت الجاني*
لعنبو حظك ضبطت الخلطه السريه

لين من طيشك ومن حبك نسيت اخواني*
صرت اجي واروح لاهاذي ولا هذيه

والهوى هو حاكم شعوري وهو سلطاني*
لاحصل لي منه لارحمه ولا ماويه

اشهد انه راح فيها تركي الميزاني*
والله اعلم وش تكون الخلطه السريه*
​

 

[ŦSЩД3УФИУ]

اللـــي بععــدي ,,
فيصــل اليـآإمـــي ~||
​

 

[حبكـ ملكني]

لعيونك
لعيونك اللي علمت قلبـي الطيـش""والبسمه اللي نـورت لـي مكانـي
ورموشك اللي كنها للعـدو جيـش""اني لأخلي الليل لـه شكـل ثانـي
دامك وصلتي والحكي صار بشويش""وشلون انا ماأقول شعـر وأغانـي
طفل المشاعر بيننـا علـه يعيـش""يلقى له ام ٍ تحرسـه واب حانـي
وشللي دخل بالنوم ووسادة الريـش""ما دام حضنك ضمنـي واحتوانـي
طيفك يشاركني على لقمـة العيـش""ان ما لقيتـه ف المحانـي لقانـي
والعاذل اللي قال لي قلت له ايـش""رح رح ترى مالك لـوى ياأنانـي
تبغاني انساها وانـا احبهـا ليـش""من جدك انساها وأضيـع زمانـي​

​

​

اللي بعددي ​

بد بن عبدالمحسن**​

 

[' #sǎrǎh . . ']

ظاستبد..استبد احيان
استمد كل هذا الظلم من ألمي
اتحد من راسي .. لقدمي
واضرب بعواصفي وبزلزالي
واهّدم الناس .. واهدّم بحالي
لين استرد بعض اثيابي من الريح
ولحمي من الشوك..
وابتعد..ابتعد
واحيان ما املك العواصف .. ولا الزلزال
ولا حتى .. ف الهجير .. ظلال
لكن استبد..استبد باللي عندي
اضرب بيدي ف الهوى..بجبيني ف الصخر
لين اتعب ..اتعب..وانهمد
مثل طفل اضناه البكا.. والسهر
وانتي آخر ماأعد في عمري
واجمل ما أعد
اعشقي ظلم الغصون الخضر للحطاب
والجلد للأنياب..والجفن للسكين
اعشقي هالظالم المسكين...
واتركيني انصهر في الشمس
والا ارتعد في البرد
لكن استبد..واسترد اثيابي من الريح
ولحمي من الشوك
وابتعد .. ابتعد
ناصر القحطاني

 

[@عالي سماها@]

ناصر القحطاني....

سالفة عمري

مسا الخيرات وان طال البطى يالمنزل المهجـور
تـرى مابطـى بـي الا حالـةٍ مثلـك يقدرهـا
أذا عندك عتب لامانـع مـن معاتـب المذكـور
واذا عز الرضـا تفـداك الأعـذار ومقابرهـا
أنا اللي جيت لك والريح تعوي والشتا مسعـور
ولابـه مـن دفـا والمربعانـيـة بأواخـرهـا
تغير وانطبع دربـك بلـون المسـك والكافـور
وهذي رعشة كفوفـي ولابـه مـن يدثرهـا ..
بعد ماكنت اجي بابك بدستـور وبـلا دستـور
ولا ادري الا وذيك الدرفة اليمنى علـى آخرهـا
طموحي عارضته اللي معاها كـل شـي يبـوور
وجا كسر الطموح اهون علي من كسر خاطرهـا
سنة ماقبل نذير الشيب كانت بأول الطابـوووور
وكنت أحلامهـا ذيـك السنـة واول سراريهـا
لقت قدامها فوضى وقلـب وشاعـر وجمهـور
وجات ورتبتني من جديـد وصـرت شاعرهـا
بقيت اسري لها لاهمنـي وحشـه ولا ديجـور
اشيل احلامنا تحـت النجـوم وهـي تفسرهـا
سقى الله يوم جابت لي قبل يومين من عاشـور
هذاك العسجد اللـي جابـه الله مـن عشايرهـا
غلاها كان تحويشة عمر بشعور فوق الشعـور
اليـن اكتضـت الاشـواق والهانـي تكاثرهـا
ربت ماهي تحت ريشة نعام وفي بلاط قصـوور
ولكن لاتـرف لـه قيمـة الا تحـت أوامرهـا
يحملن امهات البيض تسع شهور .. تسع شهور
على رجـوى بشايرهـا ولا لاحـت بشايرهـا
تقل بدرٍ ولابيات بـدر .. تقـول بـدر بـدور
ولا بيـات بـدر بـدور يعنـي منـت خابرهـا
لو استقصوك عنها منت محتـاج لشهـادة زور
تحت سقفك سحايب ملحهـا وأمـواج سكرهـا
مرق المتحف اللي من ورى ضلوعك فدتك الدور
وانا مقوى نظر مافيـه بعـد غيـاب ناظرهـا
حديقة بيت أهلها / سورها العالي / حمام السور
زخارف بابهـا / شبـاك غرفتهـا /ستايرهـا
ورق جدرانهـا/ سجادهـا/ تقسيمـة الديكـور
خزاينهـا/ هداياهـا/ رسايلـهـا /خواطـرهـا
تحفها/ مزهريتها/ قصصها/ شعرهـا المكسـور
صورهـا/ مكتبتهـا /اقلامهـا /لمـة دفاترهـا
زمام السيف /شال الليل/ حنه الكف /كحل الحور
حلقها / عطرها /فستانها الابيـض /جواهرهـا
مرايتها/ فصوص الساعة البيضا ام خمس سيور
خواتمهـا/ قلايـد جيدهـا/ نقشـات اساورهـا
ملابسها/ بـروق ألوانهـا/ دولبهـا الممطـور
من ازرقهاالى احمرهاالى اخضرها الى أصفرهـا
نسانيس الهوى اللي ترتشف يشمومها المنثـور
صخيفات المناديـل اللـي احتضنـت عبايرهـا
مصابيح المكان اللي خذا منـه النهـار النـور
سنون امشاطها اللي مانست عشـرة ضفايرهـا
بطاقـات يطرزهـا صغـارٍ يحملـون زهــور
رحيل الدبلـة اللـي ماتهنـت فـي خناصرهـا
زوايـا كنهـا بلـور فـي بلـور فـي بلـور
مسـا رزنامـةٍ غـاب الحريـر اللـي يغيرهـا
وش اقول ليتامهـا الكثيـر الممتليـن كسـور
وانا اشياها تحاصرني واحسب اني محاصرهـا
بكيت وصارت الدنيا قفص واستوحش العصفور
ضحكت وملت شبوك القفص من كذب طايرهـا
عرفت شلون الارض تدور وايام الزمان تـدور
والاعيان انصفت كيف ومتى تنصف محاجرهـا
ومتى تصير القبور بيوت وتصير البيوت قبـور
وكيف الذكريـات يـذوب ماضيهـا بحاضرهـا
على الله وانت ابيك المتحف اللي للعرب ماعذور
اذا جتك العيـون وصـدت ابوابـك نواظرهـا
تمر اجيال وتصدر سواليـف وتعيـش عصـور
وتروي سالفـة عمـري مـن اولهـا لآخرهـا​

 

[@عالي سماها@]

اللي بعدي.... سعد علوش​

 

[احترت وياك]

منووووورررين جميييعآً

 

[احترت وياك]

وريدي




ياللي غرامك جاريٍ في وريدي
لا .. وش غرامك جاريٍ في وريدي



استغفر الله لو بقول ان غرامك
ما باقي إلا يطبع اسمك على ايدي



لأنك بصدري و أنت منته بصدري
تطلع مع أنفاسي و ترجع يا سيدي



اليا طلعت أحس كني أشوفك
و آنقص أنفاسي ذكا .. يا ضديدي



أخاف لا تطلع و لا عاد ترجع
و اشفق على شوفتك و اقول زيدي



فهل علمت عن جنوني يا آنف
اني لمجنون النشاز المجيدي



لبيك يا سلكا حملت الفضائل
أوعز لصاحبك بتحرير قيدي



يعني بحكينا .. لبى و الله عروقك
متى تعيد في عيوني يا عيدي



ثقفني بوصلك مثل ما تثقف
شعار جيلي من ثقافة قصيدي



لو ضلع عيني حس موطى وصالك
لا طاح حيده و لا طاح حيدي



تخيل اني من كثر ما اتخيل
اتخيلك تدعي و احسب انك ميدي



يا خي ترى جننتني بالمفارق
جننتني و انا بعدني يا جيدي



لكن مع الله كل بلوى بخيره
أنا ذكاي من التجارب رصيدي



اذكرني اليا من سمعت بغرابه
اليا سرى فعروق مخك جديدي



و أنا بعد لا من ذكرتك يا غالي
باسجد لوجه الله و باقبل ايدي

سعد علوش​

 

[احترت وياك]

الشاعر اللي بعدي/
فيصل العدواني

 

[×كبرياء ملوكـ×]

الضيقه اللي تقلبني واقلبها فيصل العدواني

الضيقه اللي تقلبني واقلبها
يالله عساها طواري ليل وتعدي

لي يوم ثالث تجاذبني واجاذبها
الين شدت بيديها على يدي

ما كني الا قريب من قرايبها
وماكنها الا سليله من نمى جدي

يا كثر ما هي لفتني وكيف أحسبها
بس الوكاد بغثاها بيحت سدي

اطرت لي ليل الثلاثه وامسية ابها
ذاك المساء البغيض الحالك الندي

قوم تفتل من الضيقه شواربها
والحق معهم وانا اللي جاوزا حدي

اضعفني وضعي وانا للي كنت غالبها
وثوب الشجاعه غدى وماهو على قدي

مابين قصر نعم وش قلت واسحبها
كان الحديث الطويل المرهق الجدي

حدوني ابعد ولا اقرب يم مضاربها
والحق يركب من اللي كان متعدي

اذكر حلفت وقسمت ارحل ولا اقربها
وشلون مدري ولكن كان ذا ردي

قفيت عنها اغاصب الرجل واسحبها
كنه بودي وانا والله ما ودي

ادري خذلت الهنوف وكنت مغضبها
ماهو بكيفي زماني واقف ضدي

غلبي وقتي كثر ماهو مغلبها
لاهو تهيا ولا هو قابل يهدي

لو هي دموعي ترد الوصل بسكبها
الين تجرح وتأسمني على خدي

مير البلا ما تفيد وحظ صاحبها
ما طاب لحظه ولمن طاب متردي

خلها على الله وانا من وقت كاتبها
بصبر وبرجي عزومي واعتزي شدي

الضيقه اللي تقلبني واقلبها
يالله عساها طواري ليل وتعدي​

​

 

[×كبرياء ملوكـ×]

اللي بعدي . .

محمد بن فطيس المري

 

[miro]

غيبتك لو هي دقيقـه تعتبـر صـدّه
الوقت دونك سجن وغيابك اسياجـه

لا تعتذر لي ترى ماعـاد فـي شـدّه
اعيد حكي ٍ يكود الصـدر مخراجـه

دامه يوصف بجـود ابيـك وبجـدّه
وشلون تبخل على المجـروح بعلاجـه؟

ووشلون قاوااك قلبـك رده وصـدّه
مع انه بيّن عليـه الضعـف والحاجـه

ياقـو قلبـك بـرد ايميـنـك وردّه
بخلت بمصافحـه وارهيـت بحراجـه

لو ماسقى غيم عينه جرهـدي خـدّه
تـراه يبكـي وقلبـه يلحـق اخلاجـه

ولو شفته يمازحك تـراه مـن جـدّه
الضحك عن درب ضيق الصدر ماعاجه

غير الغلا والولـه عليـك وش حـدّه؟
يـادرب ليلـه ويامسـراه وسراجـه

كنّه يعرفك قبل يلقـاك مـن مـدّه
مع ان مابينـك ومـا بينـه امواجـه

هواك بـدو ٍ نـووا للقلـب بالشـدّه
ورياض قلبي لشوف البـدو محتاجـه

والوصل..بحر ٍ متى انت بتسمح ابمدّه
السيف صبري وبحرك شـح بامواجـه

قصيدي اللي قريتـه واللـي اعـدّه
قديـم لا يزعلـك معنـاه واخراجـه

وفراغ قلبي غلاك ارهى علـى سـدّه
ليتك تشوف الغـلا وابراجـه وعاجـه

اقوى رياح العذل مـا تقـدر تهـدّه
والا الجفا لـو تنفـس هـدم ابراجـه

تغانـم الوصـل لـن البعـد لابــدّه
ياتيك في يوم ثم ياخـذك بادراجـه

اللي لي انك تليـن وتتـرك الشـدّه
واللي لك اني ما سولف بك لهراجـه

ولاني بزعلان واللـي نرتجـي مـدّه
يا بـاب قلبـي ويـا قفلـه ومزلاجـه

زعلة تغلي ومـن تزعلـه مـن قـدّه
ما دام كل ٍ يبـي دربـك ومنهاجـه

غالي وتبخـل علـي وتطّـول الصـدَه
الله يسامـح غـلاك ويلعـن الحـاجـه

!





اللي بعدي : حمد البريدي ..

 

[قدساوية 99]

ويش*انت*تبغي*بي*..*معا*طاري*النومطيـفـك*يبيتـنـي*..*ولابـــه*مـنـآآآآعـه*؟؟
احط*خدي*شـوي*واطريـك*.*.*.*واقـومويغـزي*السهـر*عينـي*ولآبـه*..*فـرآآعـه
اسـري*وادور*خـط*ماهـو*بـمـزحـوم*؟؟واقـول*للهاجـوس*..*سمـعـآ*وطـاعـه*؟؟
من*غبت*حآفظ*لـك*وسـط*جوفـي*البـوممآ*آغير*آقلـب*بالصـورّ*.*.*.*كـل*ساعـه
وجهـك*عـلـى*جــدار*المعالـيـق*مـرسـومعـيــن*الـمـهـاه*..*وخـــد*يـبــرق*شـعـاعـه
عــز*الله*ان*الـنـآس*مـعـطـى*ومـحــرومفــلان*شـــآري*فـــلان*وفـــلان*..*بـآعــه
غـدآ*بـك*الوقـت*الــردي*جعـلـه*الـقـوم*؟والـروح*عقبـك*عايشـه*...*فــي*مجـآعـه
غذيتهـآ*..*دمـع*وتناهيـت*..*وهمـوم*؟*؟والقـلـب*لآ*غـــذي*مـــن*الـصـبـر*زآعـــه
اي*والله*احـــبـــك*لا*ادري*وش*آلــــــومالـوم*وصـلـك*ولا*الــوم*..*انقطـاعـه*؟*؟
بآحلـفـك*بالله*..*هــو*يـقـبـل*الـســوم*؟؟قلب*"*ما*صـدق*فيـك*..*هـرج*الاشاعـه
واحـلـفـك*بالله*..*والـقـلـب*مـضـيــوم*؟؟متـاك*تنـسـى*عاشـقـك*..*وارتيـاعـه*؟؟
حبـك*بـكـوم*..*وصــدك*التـالـي*بـكــومفلـيـت*لـجـروح*اللـيـالـي*..*شـراعــه*؟؟
انا*كان*ما*يجيبك*سوى*جـرح*وسهـوماجــرح*ويـفـدآآآك*الحـشـآ*..*والتيـآعـه
قصآيـدي*بآسمـك*..*سبـت*كـل*مهـيـومليـن*فضحتنـي*..*فـي*عيـون*الجمـآعـه
ياللي*توآصل*يـوم*..*وتغيـب*كـم*يـوم*؟غــلاك*فــي*نقـصـان*..*عـقـب*ارتفـاعـه
سكيـن*غـدر*الـوقـت*..*قـاتـل*ومسـمـومويالله*سـتـرك*..*مــن*طـعـون*البـشـاعـه
متسحرك*قلبـي*..*ولا*فـادك*بـك*صـوممــآ*كـنـي*موصـيـك*..*واقــول*رآآآعـــه
مابـه*علـى*دنيـا*الفـنـآ*..*حـاجـه*تــدومواكبر*دليل*..*الحب*..*ضعـت*بضياعـه
يا*ليـل*..*وش*سـرآك*فـي*قلـب*مظلـوممـنـت*بـرفـيـق*لـــي*ولا*لـــك*..*وداعـــه
سـريـت*متثـبـت*..*وذا*الحـيـن*مـنـجـوموش*يرحـم*المشـتـآق*..*والـشـوق*لاعــه
فـيا*مـن*..*تقـول*ان*الحكـم*دايمـه*دوموش*رايك*ان*الضد*..*يصبح*(*قناعه*)
ركـز*معـي*..*وآسمـع*مفآهـيـم*وعـلـومعشـآن*تـدري*كيـف*حبـك*..*الصنـاعـه
الخبـث*فـي*الاعـدآء*..*مـا*يلحـقـه*لــوموالكذب*لجل*الوصل*..*ينهـي*القطاعـه
وطعم*السهـر*بالحـب*آحلـى*مـن*النـوموالــذل*مــن*فـرقــآ*المـحـبـه*..*شـجـآعـه
يعنـي*آكـون*آغليـك*..*وآعيـش*محـروماحسـن*مـن*جروحـك*علـي*كــل*سـاعـه




للي بعدي علي بن هيف القحطاني

 

[طيبتك فوق الوصف]

ياغايب(ن)*عني*تـرى*حالـي*مـن*الفرقـى*صعيـب مـن*غيبتـك*عنـي*ترانـي*هـاوي(ن)*كــل*الصـعّـاب
وش*حيلتـي*والجـرح*فـي*بعـدك*تـرا*مـالـه*طبـيـب ماغير*(اطالع*صورتـك)*والحـال*فـي*بعـدك*عـذاب
ياما*صبرت*من*الوله*والشـوق*الـى*حـد(ن)*كئيـب ماغيـر*اتابـع*رحلتـي*وامشـي*ورا*طـرد*الـسـراب
كم*مرة(ن)*تطلـب*مـن*المولـى*عسانـي*لـك*نصيـب وكم*مرة(ن)*يرقى*الهوى*والحب*في*هام*السحاب
ياما*عشقنا*(الفقر)*دام*ان*(الغنى)*مالـه*صحيـب ويامـا*رفعنـا*نفوسنـا*عــن*ذلــة(ن)*تـحـت*الـتـراب
حب(ن)*شريف*وعشقنا*اطهر*من*المـاي*(الغريـب) والـراي*عنـدي*لا*نطقتـه*قـال*لــي*:*ســم*ويـجـاب
منسـاه*انـا*لـوه*رحـل*منسـاه*لــو*رمـشـي*يشـيـب ومرحـوم*يامـن*غيبتـك*ماهـي*مثـل*باقـي*الغـيـاب




ღღ


للي بعدي الشاعر بدر بن عبدالمحسن

 

[أمحق وفى ـا]

بـدر بـن عبـدآلمحسـن ..
آلبـآرحـه وَ آلقلـوب آصحـآب ..


البارحة والقلوب اصحاب

كنت القمر وأنت تمدحني

كذاب هذا المـدح كـذاب

وكـذّاب ذنب يجـرحني

انسـان..ماني نجم وشـهاب

ليتك مـلاكٍ وتصلحـني

لي صرت عـاري..علي ثياب

بالله وشـلون تفضحـني

اخطيت واخطيت كافي عتاب

إنطـق بحكمي وريحـني

ياصـاحبي ماقطعت أرقـاب

عـدلٍ قصـاصي وتذبحني

ولاني بعد أجمل الاصـحاب

الاجمـل انـك تسـامحني


لِـ آللـي بعـدي .. آلشآعـر خآلـد آلفيصـل ..

 

[احترت وياك]

منوووووورررين..