اكتئاب مابعد الولادة

[؛؛حلاوه؛؛]

ساعدوني انتوا خواتي حدي تعبانة 24ساعة أحس بخوف

 

[أسرار الجمال]

حبيبتي ما تشوفين شر والله تصدقين انا مثلج صار فيني او سوس اني مريضة احس كل ما اسمع عن مرض جنه فيني واتخيل معي سرطان وبعدين راح الوسواس والحمد لله تابعي عالحبوب لان اي حبوب اكتئاب يبيلها اسبوعين وتحسين انشراح بصدرج وكأنج قاعدة وحياتج قبل كم يوم كانت حلم وراح ترتاحين

 

[؛؛حلاوه؛؛]

اسرار حبيبتي كلمتج برسالة خاصة
اليوم سويت تخطيط حق قلبي نبض القلب نازل تكفون ادعولي
وتعرفون احد استخدم حبوب سبلاركس للاكتئاب

 

[ككوته]

حياتي والله الله يشفيج يارب تعوذي من الشيطان واقري المعوذات وبالذات سورة الناس لانج قاعد توسوسين حبيبتي واذا هالشي يساعدج روحي حق الدكتوره منى الغريب مالت علم الايحاء والايماء والطاقه ان شاءالله تساعدج والله يشفيج يارب

 

[؛؛حلاوه؛؛]

تسلمين ككوته ماقصرتي

 

[برنسيسة2007]

الدعااااااااء
باخر الليل وبين الاذان والاقامه واخر ساعه من عصر يوم الجمعه مستجااااب باذن الله

الصدقه مهمه تصدقي حبوبه وصلة الرحم واصلي اللي من دمج ولحمج وحطي في بالج ان صلة الرحم تطول العمر

 

[؛؛حلاوه؛؛]

كله مقموتة ماانام واذا نمت ساعة او ساعة ونص وأقوم قلبي يطق بسرعة ومخترعة تكفون منو مثلي وتشافت

 

[؛؛حلاوه؛؛]

سبحان الله وبحمده سبحان الله العظيم

 

[virgo88]

الله يعينج والله كل شي ولا الاكتئاب

 

[؛؛حلاوه؛؛]

تسلمين
الله يبعده عنكم ياارب

 

[؛؛حلاوه؛؛]

حدي تعبانة منهارة انام دقايق وأقوم مفزوعة قلبي يطق بسرعة
ساعدوني تعبت تتوقعون راح اتشافى ؟؟

 

[؛؛حلاوه؛؛]

حدي تعبانة منهارة انام دقايق وأقوم مفزوعة قلبي يطق بسرعة
ساعدوني تعبت تتوقعون راح اتشافى ؟؟

 

[؛؛حلاوه؛؛]

بنات
اللي تعالجت بحبوب ياليت تقولي تجربتها

 

[sverige]

الله يصبرج ويفرج عنج
اني خايفه يصيبني لانو اصلا من بدايه الحمل واني مكتابه
وخايفه من الولاده وخايفه من يجي الولد لانو حياتي تغيرت بشكل ابد موحاسبتله اي حساب
انت تشاء وانا اشاء والله يفعل مايشاء

 

[؛؛حلاوه؛؛]

الله يسلمج
لاتحاتين حبيبتي فكري بس بالبيبي واقري قرآن

 

[ام الحلوااات]

اللـــــه يـــشـــفـــيـــج ان شـــــــآء اللــــه

 

[؛؛حلاوه؛؛]

تسلمييين

 

[أإلع ـشق دلع ـهـأإ]

حييييييل عورني قلبي عليج وحاااسه فيييج

صار فيني اكتئاب اول بداية النفاس كله ابجي وقلبي ذبحني يطق حييييل يقعدني من النوم

الطبيب قال من الارهاق ريحي نفسسج القلب يطق حيل من الارهاق

ضقت كنت كله ابجي واي ذكرتيني بالايام هذيك

استفسري عن حبوب للي قلبه يطق حيييل يصرفونها المستوصف بس علميهم عن قلبج وانه نازل

تريح الحبوب تهدي القلب

وسالفتج صارت لبنت خالتي كانت العن منج تتخيل شغلات وكله تفز من نومها وتخيل اصوات يهال يبجون انينت

وطلعت من الاربعين وهذي حالتها كله تفز ويطق قلبها خذت الحبوب الي قلتها لج وارتاحت

بس طلعت مسسحوره وحده سحرتها لانها حاقده عليها

فصار تعبها كله من السسسحر

فانتي ارقي نفسسج ييبي ماي زمزم وزيت زيتون وعسسل واقري عليهم كللهم

او ييبي ملح وسدر وشبه واخلطيهم مع بعض واقري عليهم الرقيه وكل يوم بعد العصر تسسبحي فيهم بس لازم مافيج جرح لانه الشبه

هذي اسمها خلطة الشيخ الرومي ابحثي عنها

وفي خلطة الشيخ ابراهيم الرويس عباره عن زيت زيتون وحبه سوده وحلتيته

اطحني الحبه السوده واخلطي الزيت مع الحبه مع الحلتيته واقري عليهم الرقيه وخليها تتنقع ٤ايام وبعدها تدهني فيها كل جسسمج ركزي ع ظهرج وارحامج وصدرج

واذا حسيتيً بتعب اي شي استمري ع الخلطه

يمكن فيج عين او سحر

وخلي البقره شغاله حطي سماعات واسمعيها باذنج

وصلي الليل وادعي ربج فهو الشافي

واسال الله ان ييشفيج ويعطيج الصحه والعافيه ويخليج لعيالج

 

[؛؛حلاوه؛؛]

العشق الحمدلله على سلامتج انتي وبنت خالتج
انا استخدمت حبوب سبراليكس ورقعة القلب شوي خفت الحمدلله
وبستمر ان شاء الله على القرآن
ماتوقعت الاكتئاب جذي يسوي يارب اتشافى وارد لحياتي الطبيعية

 

[برنسيسة2007]

العشق الحمدلله على سلامتج انتي وبنت خالتج
انا استخدمت حبوب سبراليكس ورقعة القلب شوي خفت الحمدلله
وبستمر ان شاء الله على القرآن
ماتوقعت الاكتئاب جذي يسوي يارب اتشافى وارد لحياتي الطبيعية

ايه حبوبه راح تتشافين ان شا الله اغلب الحريم النفس نفسج تذكري موبس انتي اللي اتمرين بالاكتئاب وراح تتشافين اهي مسألة وقت كل مامرت ايام اكثر خفت الحاله
اختي صابها نفسج وتشات تماماً والحين تضحك وتتطنز على عمرها تقول جننتكم نفس اليهال فلا تحاتين حبيبتي سهاله
وطمنينا عليج