اكتئاب مابعد الولادة

[؛؛حلاوه؛؛]

شلونكم بنات
الله يبعد عنكم اكتئاب مابعد الولادة
ياليت اللي مرت فيه تقول تجربتها وشلون تغلبت عليه
انا اعاني منه وتعبت حييل
اوسوس بالموت وماانام اقوم مختنقه مقموتة خايفة ارجف
ياليت تجاربكم وبشنو كنتوا توسوسون وشلون تعالجتم منه واشكثر المدة
للعلم انا طلعت من الاربعين

 

[Potato]

حبيبي اقري على نفسج و شغلي سورة البقره بالبيت و دايم اقريها
مع اذكار الصباح و المساء و اذا حصلت لج عمره روحي
عسى الله يشافيج يارب ❤

 

[حرم_الغلا]

اب


اب

ماتشوفين شر

 

[مس استي لودر]

اب اب اب

 

[TINA]

حبيبتي اطلعي غيري جو حاولي لما يصير معك هيك غيري تفكيرك اتأملي منظر بخيالك انت تحبينه روحي الصالون اعملي مساج او اي تغيير انا مريت فيه و الحمدلله اتحسنت مع الوقت بس لازم تصبري و تكوني قويه وهو يزيد خصوصا للناس الي ما تطلع من بيتها قبل الاربعين انا كنت اردد دايما لن يصيبنا الا ما كتبه الله لنا و الاستغفار وتعوذي من الشيطان ازمة و تمر بإذن الله

 

[++MesK++]

حبيبتي حمدلله على سلامتج اولا"

انا حاشني اكتئاب ولاده كان قوي حيل ماتتخيلين حالتي كله ابجي بشكل هستيري

و كارهه نفسي و حياتي استغفرالله

والله ان حتى شعري مالي خلق امشطه ! مالي خلق شي مابي احد مابي اسمع احد

كله احس مختنقه و ابجي ابجي و احس الحياه واقفه الدنيا وقفت خلاص مافيها شي حلو


كنت كله اقول و بعدين شنو فيها الدنيا ما فيها شي ... حالتي كانت صعبه



بس بعدين قمت استغفر و احاول اتقرب من البيبي اليديد و اشيله و اهتم فيه


و بالتدريج قمت اشغل نفسي بأي شي اهم شي ما اقعد بروحي


​

 

[أمـ مبارك]

اختي الاكتئاب يكون فترة الاربعين وبعد موكلها


انتي لايكون لي الحين مستمر معاج ؟؟ ؟


اقري على نفسج وتعوذي من ابليس وصي صلواتج بوقتها ولاتخلين سورة البقره ... .



انا اكتأبت بس أسبوع وكان على طول جواثيم واذكره طرت وحده من رفبيجاتي كانت زايرتني


والله يعين

 

[ام عبد العزيز م]

كتري الاستغفار وقولي سبحانك ربي لا إله الا انت اني كنت من الضالمين

 

[جواهر 22]

انا حاشني من بعدالاربعين وبنتي عمرها سنه اللحين واحس للحينه بس احرصي على اذكار الصباح والمساء اساسه الشيطان وادخلي منتديات الخبير النفسي يساعدك حيل واللحين احس بدا يخف معي موزي اول على حسب استجابتك للشيطان

 

[انا لحبيبي .]

ماعندي فكــره ،

الله يعينك ويعينا على يلي جاي ،

 

[موكا لاتيه]

شي طبيعي وموبس انتي اللي تمرين فيه الكل

وانا لي ٣٧ من نفاسي والحمدالله الحاله صارت تتحسن

بس اول ماولدت شفت الموت زيك حبيبتي وكله اوسوس بالموت

واكره اللي حوالي

 

[M!SS.LOBY]

ما تشوفين شر يالغالية

 

[؛؛حلاوه؛؛]

الله يبعد عنا الاكتئاب يارب
تخيلوا 3ايام مو نايمة بس اليوم نمت 3ساعات ولما اقوم مخترعة
قلبي يطق مقموتة

وايد طول معاي وان شاء الله بروح العمرة اليوم كان موعدي
بالانماء الاجتماعي قعدت مع الدكتورة فضفضت وصرفتلي حبوب ضد الاكتئاب

 

[آنهار]

اختي هذا شيء طبيعي بس حاولي تتغلبين عليه

يقولون المراه اذا ولدت يفرز هرمون يسبب لها الاكتئاب سبحان الله

كثري من الاذكار والاستغفار والعبي مع البيبي اطلعي تعشي تغدي مع زوجج

طلعي تمشي ووسعي صدرج اقعدي مع اهلج وطالعي التلفزيون لازم اضيعين وقتج

والله يكفينا ويكفيكم شر الكآبة والحزن

 

[ككوته]

حبيبتي انا حاشني باول عشر ايام واقولج شي انا اول ليله طلعت فبها من المستشفى قلت حق زوجي بتم بس عشر ايام وبرجع شقتي وقمت ابجي اهو حاول يهديني وبعدها خلاني انام وراح وانا فيني سكر انا نمت وما وعيت على نفسي الا اهلي حوالي وزوجي والاسعاف في بيتنا ولا صاير فيني هبوط سكر وكنت بدش بغيبوبه لوما الله ستر وازيدج من الشعر بيت بعدها بجم يوم قبل ما اكمل عشر ايام يعني بنفس الاسبوع ولا امي بعد يصير فيها هبوط حاد بالسكر واييون الاسعاف ويودونها المستشفى لاتتصورين حالتي حزتها ورحت مع امي المستشفى وانا قيصريه والله يشهد حيل تعبت واكتئبت زياده بس الحمدالله عدا على خير لمن الناس كانو اييون ويروحون من عندي لين خف اشوي وقمت اشغل نفسي بالاشياء الي بسويها حق طلعتي من النفاس
نصيحه لاتنامين الا وانتي مشغله سوره البقره وخلي احد ينام عندج وشغلي نفسج بالبيبي وبطلعتج من النفاس اخذي برنامج عروس مثلا او يبي مالوت المساج يسوون لج مساج وانتي بالبيت والله تتغير نفسيتج وسامحيني على الاطاله

 

[؛؛حلاوه؛؛]

ككوته الحمدلله على سلامتج
انا تعبت والله تعبت ماتتخيلون انام وأقوم مخترعة قلبي يطق تكفون منو مثلي وتعالجت

 

[؛؛حلاوه؛؛]

انهار قاعدة اسوي جذي بس كله أحس بموت تعبت أخاف مااتعالج
الحين قاعدة اجرب الحبوب يمدحونها بالنت ادعولي تكفون هاملة بيتي وعيالي
والدكتورة تقول يبين مفعولها بعد اسبوع او اسبوعين يعني تزيل الاكتئاب
بس انا بعرف في وحدة حاشها اكتئاب وقعدت توسوس مثلي

 

[؛؛حلاوه؛؛]

تكفون طمنوني
انا مافيني سكر توني قسته ولا 4طمنوني لايكون صار فيني سكر الله لايقول
على فكرة انا مو ماكلة شي من امس بس الصبح كليت

 

[&هند&]

حلاوه عادي قياس السكر طبيعي عندج وحبيبتي احرصي يوميا تقرين سورة البقره ولا تنامين لا وانتي مشغلتها وعلى طول استغفري وقومي بواجباتج تجاه عيالج وزوجج عشان تشغلين نفسج والله يشافيج وعافيج ،،،،

 

[؛؛حلاوه؛؛]

حبيبتي هند ماقصرتي ان شاء الله بقرا سورة البقرة على طول

تخيلي كلش ماانام تعبت حدى اذا غفيت اقوم مخترعة وقلبي يطق و24ساعة خايفة
بنات تكفون طمنوني هل هذا اكتئاب مابعد الولادة ولا شي ثاني
وفي احد مثلي وتشافت