اكاديميه الخليج البريطانيه

[MaMi]

شلونكم بنات .. منو سمعت عن Gulf British Academy اكاديميه الخليج البريطانيه ودي اسجل عيالي فيها بس صراحه خايفه اخاف تطلع المدرسه مو زينه وابتلش بعمري :0bee2e8d89:

عفيه اللي سمعت عنها تفيدني باسرع وقت

 

[mooomooo]

والله ابلات معاي عيالهم هناك

ومرتاحين منها وايد

 

[sanyoreta]

انشالله البنات يفيدونج ياقلبي

 

[Dalo3a in Texas]

ايهي اللي بالرميثيه

والله وحده اعرفا تمدح اللغه تقول زينه

بس يابتااات اللغه مو كل شي

 

[MaMi]

ايهي اللي بالرميثيه

والله وحده اعرفا تمدح اللغه تقول زينه

بس يابتااات اللغه مو كل شي

لاحبيبتي اهيه مو برميثيه بالسالميه اللي تتكلمين عنها الخليج الانجليزيه هذي كانت برميثيه وانتقلوا السالميه
بس اللي انا سألت عنها غير هذي مدرسه يديده اسمها اكاديميه الخليج البريطانيه
عالعموم مشكوره حبيبتي :hjy5jewf:

 

[أم بنات]

شوفي حبيبتي مرت حماي عيالها كانوا بنيو إنجليش وكان مستواهم توب بس لظروف ما ودتهم الخليج وحست بفرق بالمستوى وكلش مامدحت لي إياها وإلي كلش ماعجبني تقول إلي يدرس السبورت لليهال جنس وماني فاهمه شلون يشغلون جنس يدرس اليهال !!!!!!

 

[جاكليت]

انا كنت مسجله بناتي فيها والحين وديتهم الحكومة مو ذاك المستوى

 

[Dancing^Queen]

والله انا بناتي فيها الحين بثانيه روضه بيروحون اولي ابتدائي
ووايد مرتاحه مو شويه
ومستوي عيالي ايهبل
من ناحيه الدارسه واللغه والشخصيه يعني يبنون شخصيه الياهل
واهتمامم ممتاز كفايه ابلتهم تدقدق علي تتابع دراستهم وتطورهم ومره نادتني وقعدت وياي وشرحتلي شلون ادرس اليهال وعلمتني شلون العب معاهم وادرسهم
بالنسبه لي حيل حيل حيل حابه المدرسه مو شويه
ولو يحصلي والله اخليهم فيها
بس الحين مضطره اطلعهم منها لان مختلطه ومابي بناتي بمختلط
ومحتاره بيبن اخليهم بغريد ون فيها وتالي انقلهم مابي الخبطهم خصوصا انهم حيل يحبون مدرستهم ومتعودين عليها
وبين اي انقلهم من الحين مدرسه بريطانيه ثانيه من الحين ويكملون فيها
وياليت اللي يعرف مدرسه بريطانيه للبنات يقولي وعفيه مابي اللي بسلوي الله يخلكم وايد اعرفهم عيالهم هناك مابي عيالي وياهم

ونسيت اقولج المدرسه مدرسينهم حق الروضه من ساوث افريكا وتلقينهم يتكلمون جنهم ايريش وشكلهم جنهم هنود نظاف او بيضان يخرعون من بياضهم
واذا وصلو مراحل الابتدائي يقلبون مدرسينهم اجانب

 

[Angel]

وين صايرة الاكاديمية اول مرة اسمع عنها وجم اسعارهم بالضبط؟؟؟؟

 

[dl3_wl3]

بنات ابي افدتكم عن المدرسه؟
رسوم زينه بس التدريس pre kg 850
kg 950
reception 990

 

[Dancing^Queen]

واحب افيدكم بشغله
اتصلت فيهم عقب زياده الرسوم المعلنه بالجرايد
انا بناتي يروحون اولي ابتدائي وجددت لهم بنفس المدرسه

الحجز اللي حزناه ب 1200 للوحده
طبعا اهم مافي خصم للطفل الثاني
السعر المعلن 1813
دقيت عليهم سئلتهم اي رسوم بندفع
قالولي ال 1200
اهم مسموحلهم يزيدون لين ال 1813 لاولي ابتدائي بس مو معناته انهم راح يزيدون

 

[dl3_wl3]

حبيبتي ممكن سؤال انتي بناتج باي رسبشن لاني انا رحت اليوم وقعدت مع مس مريم دين وقلتلها اني وايد خايفه فطمنتني وقالت انه الابلات زينني ومحد اشتكى غير الحالات اللي ورتني اياهم المهم بس قالتلي اي ابله تفضلين بس ما اعرف ولا وحده ممكن اسم تيشر

 

[انوشا]

حبيبتي أنا ولدي كان فيها أولي روضة ونقلته هااسنة مدرسة ثانية صراحه ولدي شيطان شوية ونشاطه زايد وما ألوم المدرسات فيه بس جم مرة تصير شغلات ما تعجبني أولأيام الدراسة أمر أخذ ولدي ألقاه عند باب المدرسة طالع بالسكه محد يدري عنه ولا حارس ولا بطيخ يمر جدام الادارة يمشي بروحه ولا أحد كبير معاه محد يقوله وين رايح ومره مر أبوه يأخذه ما لقاه في الصف قام يدوره لقاه رايح عند قسم الابتدائي بالدور الثاني الله ستر ولما سألنا المدرسة تقول عندي 25 ياهل بالصف وين الحق ومنو أراقب مو جنه مسئوليتهم الحفاظ على اليهال ولما رحنا حق مريم دين قالت ولدج شيطان نقليه مدرسه ثانية هذا من ناحيه الاهتمام والله اني اوديه المدرسة ايدي على قلبي اخاف ينحاش محد يدري عنهطبعا ها الحجي أول السنه بعدين ولدي تعود عليهم وقام يقعد بالصف هذا من ناحيه الاهتمام أما من ناحيه التدريس أمانه ولدي قام يتكلم انجليزي وكلمات صعبه لما الحين اذا قام يلعب بروحه يقلب انجليزي نصيحتي لج اذا عيالج عاجلين ومو شياطين واذكياء دخليهم المدرسة اذا كانوا راعين سوابق مثل ولدي يحب يدور ويكتشف لا تودينه لا يصيبج اللي صابني

 

[Dancing^Queen]

اختي دلع

هممممممممممم
عندج مس فوز
وايد شديده وزينه تدرسيها قوي


انوشا
شكرا علي الافاده اختي الحبيبه
بس كل مره رحت المدرسه خلال سنتين اللي طافو اشوف مس مريم تفتر بين الصفوف
والا عند الاستقبال فوق !
والحارس دايما موجود عند الباب
غريبه ان ولدج اسم الله عليه قدر ينحاش ويوصل بره
ومس مريم جدا بلقه بالكلام ماتطرد ! اخاف الولد عنده مشاكل ثانيه او هايبر ويحتاج اهتمام خاص
وكل صف فيه مدرسه ومساعده مدرسه

 

[asala]

حبيبتي ممكن سؤال انتي بناتج باي رسبشن لاني انا رحت اليوم وقعدت مع مس مريم دين وقلتلها اني وايد خايفه فطمنتني وقالت انه الابلات زينني ومحد اشتكى غير الحالات اللي ورتني اياهم المهم بس قالتلي اي ابله تفضلين بس ما اعرف ولا وحده ممكن اسم تيشر

السلام عليكم ورحمة الله وبركاته ، الموضوع بخصني كتير لأنه أنا أولادي الإثنين بال gba رسبشن و 3 ابتدائي ، إذا حدى بيعرف أي مشاكل صارت أو أخطاء يا ريت يفيدني بكون كتير مشكوره وممنونه ، لأنه أنا شايفتها ماشي حالها يعني معقولة وعلا فكرة ما في أي مدرسة كاملة أغلب المدارس فيها ميزات وعيوب بس أهم الشي الأمان والاخلاق وبعدين بصراحة التعليم ، لانه الواحد عميدفع فلوس لحتى يلاقي نتيجة ، أنا خفت من كلامك ( الحالات اللي ورتني اياهم ) انشاءالله ما في شي شايد او ما يكون صاير شي بالمدرسة ، الله يجزيك الخير اذا بتعرفي انت أو اي حدى بالمنتدى اي خبر عن ال gba يخبرني ، على فكرة انا اليوم سجلت المنتدى وكتير بتمنى انه يكون مرحب فيني ، شكرا لكل المشاركات.

 

[تم مشاري]

السلام عليكم
حبيبتي اصالة انا بنتي بقريد 1 وكانت بالروضة حكومة بصراحة مااشوف تغير على بنتي وايد احس انه كنها مو ذاك الزود
عاد حبيبتي انا مفكرة انقلها مدرسة ثانية اذا انتي شايفه انها زينه الله يعافيك تقولين لي يمكن اغير رايي اخليها

 

[asala]

مدرّسة ولدي السنة اللي طافت / اديث امريكيه كندية وممتازة بس هي السنة راحت ال bsk اللي هي مدرسة قوية وممتازة، يعني العيب مو بالمدرسة دائما بس حظه بمدرّس الصف. صديقاتي عياهم بمدارس مختلفة : نيو انجليش و غيرها ، الكل احيانا عنده تعليقات ومشاكل ، حسب يعني اكو ناس ما تحب تدرس عيالها تبي ترتاح وكلشي على المدرسة واحيانا يكون المدرس مو قوي. كل مدرسة فيها مدرسين زينين وفاشلين. بس انا صرت احاتي لما قريت الايمالات اليوم ليكون اكو سوالف مو زينه ما اعرفها.. وانشاءالله اذا سمعت اي شي بكتب عنه. بس انا انصح لاتستعجلين بنقل عيالك ، ترى مو اكيد تكون غيرها احسن منها. مشكوره حبيبتي على ردك.

 

[asala]

sorry, سالتيني انك ماشفتي تغيير على بنتك الله يخليها، لا تسعجلين السستم system البريطاني مو مثل العربي لانهم يعتمدون على الكلام والشفهي ، لهم طريقتهم، ابني اول فصل ما شفت وايد تحسن عليه ( كان بالباكستانية ) بس بصراحة بعدين كتابته وقرائته احسن حتى بنتي لسه ما تعرف تكتب عدل ( رسبشن ) بس انشاءالله مسالة وقت لانها تتكلم انجلش عدل واللكنه حلوه. الحمد لله. مشكوره ...

 

[تم مشاري]

السلام عليكم
والله حدي حدي محتارة ادور بس على المدارس الانجليزية بهالمواقع وباخذ لي لفة بعد ما يفتحون انا بصراحة ما لي خلق ادرس ----- اكتفيت عيزت وانا ادرس عشان جذيه ابي مدرسة قوية انا عيالي الباقي مدارس حكومة ما عدى الثنتين الصغار وديتهم خاص مالي خلق
وبعدين عيب المدرسة لي سادس يعني لا ييتي تنفلينهم مدرسة ثانية يعطونك امتحان 20ورقة شالله جادني بعد
ثاني شي انا يوم عطلو دخلت بنتي نادي تقوية وايد تغيرت وقامت تقرا الكلمات وبالمدرسة ماكانت تقرا عدل عيل هالمدة شدرسونها
والله مخي بطق ما بين انقلها او اخليها
بلف اللفة وبصلي صلاة استخارة
انا عموما دخلتها بهالمدرسة مضطرة لانه كان التسجيل بالمدارس الثانية مسكر

شكرا حبيبتي

 

[asala]

حبيبتي تم مشاري.. صدقيني بالنهاية انشاءالله بيتعلمون يعني لا تحاتين وايد ، واذا شايفه مستوى المدرسة مو شي نقليهم بس جربي تخلينهم هالسنة وتشتكين عند ديانا ووريهم دفاتر بنتك الله يخليها واسأليهم ، حقك تعرفين السبب ، بس ترى انا اشتغل في بنك بالدروازه وكل يوم حديثنا المدارس ، ما كو احد مرتاح حتى المدارس المشهورة قاموا يبون مدرسين اي كلام . شرايك ان الإبداع اللي بحولي فيها مدرس عمره 60 ويدرس يهال ، يعني معقولة اقط 3000 ، ليش اهو بهالعمر بيكون له خلق يدرس او يتحمل يهال ، بس شنسوي الانجليزي حق مستقبلهم مهم ، وهي المدارس تبقى احسن من الهندية والباكستانية بس بصراحة اكو 5 مدارس توب في وزارة التربية: كويت انجلش سكول ، نيو انجلش ، بريتش سكول ، (The English school) ، بالنهاية انشاءالله بتتوفقين وبكون خيارك صح ، وعسى ربي يحمي كل العيال ، ترى ما كو اغلى منهم ، مشكوره وسامحيني ، ...


بحكيلك اجمل حكاية .. عن قصة حب وقلبين
صارت بك دنياهم أجــمـل .. يا أغلى ضي بهالعين
بكره لما الحلوه تكبر .. والقامه تطول شبرين
تحمل ورقة ودفتــــر .. ربي يحميها من العين

أغنية لأصالة ..