اقووووى تجمع لأحلى مدمنات Make Up{{ مغلق حتى اشعار اخر لظروف العضوه الدراسيه }}

[بنت الفيلكاوي]

رد: اقووووى تجمع لأحلى مدمنات Make Up .. حيااااكم *_متجدد_*

مشكوره يا غرشة عطر لقيت الحل معاج لمشكلة شعري

 

[الأشكنانية]

رد: اقووووى تجمع لأحلى مدمنات Make Up .. حيااااكم *_متجدد_*

السلام عليكم


يعطيج 1000000000000000000000 عاااافيه ماا قصرتي


بس عندي طلب عنووووووونووووو

ابيج تتكلمين على كريمات الاساس

حق البشره الدهنيه والمختلطه


كل ما اشتري كريم احس مع الوقت يكتل ما ادري شسوي



وتسلم ايدج وايد كل الخبياااارااات اهني


وااااي شيشتوووني كل ما تقولون عن شي اروووح اشتري وجان زين احط لووول

ادري قرقت واايد :$

 

[أم^عبادي]

رد: اقووووى تجمع لأحلى مدمنات Make Up .. حيااااكم *_متجدد_*

ناااااطره الباااااااارت اليــــديــــــــــد _03ba:

 

[عز النفس يغنيني]

رد: اقووووى تجمع لأحلى مدمنات Make Up .. حيااااكم *_متجدد_*

>>>>> متابعه :d

وهم ارجع اشكرج على المجهود الحلوو عساج ع القوه

 

[zYoOoNa]

رد: اقووووى تجمع لأحلى مدمنات Make Up .. حيااااكم *_متجدد_*

انا بعد نااطرة مع ام عباااادي:ggdw:

مديرووو شيشتييييييييييني على مرطب اولاي كل مرة اشوفة بالجمعية بس مادري ليش ماخذه
يبيييييييييله

 

[عــافك الخــاطر]

رد: اقووووى تجمع لأحلى مدمنات Make Up .. حيااااكم *_متجدد_*

زيزووو حددده يبيييله لا يطوووفج

حتى اختي يوم حطت منه عجبهاا وشرت منه

يالله سويت لهم دعايه خل يعطوني عموله << ماعندها شي ابلاااش :dddds:


ويالله انا بعددد ناااااطره معااااااكم

:eh_s(9): :eh_s(9):

 

[Miss_Tiger79]

رد: اقووووى تجمع لأحلى مدمنات Make Up .. حيااااكم *_متجدد_*

ناطرينج
يا سوسو

 

[LA TROO7]

رد: اقووووى تجمع لأحلى مدمنات Make Up .. حيااااكم *_متجدد_*


ناطرين سوسو

مع ان عاذرينها والله من هالدوام

 

[هدير البحر]

رد: اقووووى تجمع لأحلى مدمنات Make Up .. حيااااكم *_متجدد_*

بعد عمري والله ياسيد اكتف
الموضوع ايين اينن ووايد استفدت منه
يعطيج العافيه حبي

 

[noty]

رد: اقووووى تجمع لأحلى مدمنات Make Up .. حيااااكم *_متجدد_*

يااا بعد قلبي تسلميين

توني اشووف الرد لانه لهييت شوي

بالنسبه للحمره لا مو هالدرجه ابي انعم منها

شوفي هالموضوع منزله استفسار عن لون الحمره

عندي كان نفسها تقريبا من ميكاب فور ايفر بس على بنفسجيه اكثر من مورده

http://q8yat.net/showthread.php?t=496424


و بالنسبه للفاونديشين و العدسات

والله رحت قبل لا اشوف الرد خذيت الفاونديشين نايس مرتب بس مو نفس اللي براسي
انا ابي ستايل اصاله عاجبني الكوفر مالها
و بعد ستايل منيره الفرج الفاونديشين اللي تستخدمه خطير حاولت القط شنو بس ماني قادره
ايهي تستخدم اكثر من شغله
ايام ما كانت اتيي البيت قالت لي من امريكا اتييبه

و العدسات والله دشيت عمياني على الفلبينيه و قلت لها ابي شي طبيعي و عطتني وحده من فرش لوك
نايس والله مرتبه تعطي على عسلي على زيتي وايد حلووه حبيتها
طلعت شطووره هالفلبينيه

تسلميين يا الغاليه

 

[SeDuCTive]

رد: اقووووى تجمع لأحلى مدمنات Make Up .. حيااااكم *_متجدد_*







شخباركم حبيباتي..

بهال Topic ان شاء الله بنكمل مع الخطوع الثانيه من موضوعنا الاساسي واهو (تسلسل خطوات الميك اب) او Make Up Sequence .. والخطوه اللي بنتكلم عنها ما كانت ذو اهميه في السابق لكن مع تطور صناعه التجميل في العالم
اتفقوا الخبراء على ظروره هالخطوه في الميك واللي ان شاء الله بتكلم عنها بالتفصيل ..



Step -2 Make Up Primer


وال Primer (يلفظ برايمر) يعني الطلاء الاولي للبشره وهي الخطوه اللي تسبق وضع كريم الاساس وتحتوي اغلبيه ال Primers على ماده السيليكون Silicone اللي بدورها تعمل على تثبيت مستحضرات التجميل على البشره لأطول فتره ممكنه..واخر ما توصلوا له خبراء التجميل اخير انه ال Primer له مزايا عديده منها..


1- يشكل القاعده الاساسيه للميك اب.
2- يصقل البشره ويهيأها عن طريق تغطيه المسامات الظاهره في الوجه.
3- يشكل طبقه واقيه للبشره وهالميزه بدورها تساعد على تثبيت كريم الاساس اطول فتره ممكنه وتخليه(Long- lasting).
4- بعض انواع البرايمر تخفف من حده احمرار البشره وتخفي اثار الالتهاب.
5- بعض انواع خاصه للتحكم بالدهون الزائده واللمعه الغير مستحبه للبشره الدهنيه.
6- الاغلبيه من ال Primers الموجوده حاليا تحتوى على واقي شمس SPF مما يمنع البشره من التعرض
لمخاطر اشعه الشمس وال UV Lights .
7- يقوم البرايمر بترطيب البشره وانعاشها واعطائها نضاره وحيويه.
8- يسهل عمليه توزيع كريم الاساس لمظهر طبيعي خالي من العيوب Flawless .
9- يسمح بتنفس البشره بطريقه افضل عن طريق منع كريم الاساس من سد مسامات البشره.
10- يوحد ملمس البشره حيث يجعلها ناعمه وذات سطح مستوى حيث انه يملأ الفراغات والخطوط .


وهذي بعض الارشادات اللي يفضل نتبعها قبل لا نستعمل ال Primer .

* لازم ينحط البرايمر على بشره نظيفه .
* يوضع بعد المرطب وقبل كريم الاساس.
* اختيار البرايمر المناسب لنوع البشره او المناسب للمشكله الاساسيه المراد اخفائها.
* الطريقه الصحيحه لوضعه عن طريقه اطراف الاصابع ويمكن الاستعانه بفرشاه كريم الاساس Foundation
Brush او ال Wedge Latex Sponge وهي الاسفنجه المشطوفه لتوزيعه بالطريقه المناسبه .

* يكون التركيز في بدايه وضع البرايمر على الاماكن التي عاده ما يثبت فيها الميك اب مثل منطقه الجبهه
والانف والذقن وعلى الشفاه ايضا.. حاولت أرتب لكم هالصور اللي توضح طريقه توزيع البرايمر بالطبطبه.

* اعطاء البرايمر الفتره الكافيه ليجف على البشره قبل وضع كريم الاساس او ال Powder .
* ممكن خلط بعض انواع البرايمر اللي تعطي نضاره و Eclat للبشره مع كريم الاساس.
* للتأكد من فعاليه البرايمر على البشره يجب ان يكون سطح البشره ناعم و Smooth .


سؤال؟

وايد بنات يسألون اذا كان البرايمر (Primer) خطوه مهمه للميك اب الخالي من العيوب..
احب اقولهم .. الاجابه نعم وبقووووووه ...تعالوا أقولكم تجربتي ..

• - عاده بميك اب الصبح اكتفي بالبرايمر الي يكون فيه لون خفيف وPowder يعطي مظهر طبيعي جدا و Matte .
• - بالنسبه للطلعات بعد الظهر او المناسبات .. طبعا البرايمر فرق معاي بسهوله مد كريم الاساس ودمجه.. حتى بالكونسيلر بنات .. وفي انواع Primer فعلا تعطي اضاءه ونضاره حلوه للبشره سواء اذا انحطت دايركت على البشره
• او انخلطت مع الفاونديشن .

وال Primers تنقسم بشكل عام الى نوعين اساسييين:


1- ال Matte Primer : ومنه الاسم يعني انه له تأثير مطفي او مخملي للبشره وهو طبعا مخصص للبشره الدهنيه والمختلطه وومكن استعماله بروحه او قبل الفاونديشن وله هيئات كثيره واستعمالات متعدده .. ممكن يكون Gel او Cream او Lotion وعاده يكون Oil Free.

2- ال Satin Primer : ممكن يطلقون عليه ايضا اسم ال Sheer Primer وهو اللي يكون ذو ملمس حريري ومرطب ويناسب البشره الجافه ولكن لا يمنع من استعماله بكميات قليله جدا قبل ال Powder للبشره المختلطه والدهنيه . وممكن ايضا نخلطه مع ال Foundation خصوصا لو كان من النوع اللي يعطي اضاءه ونضاره للبشره .


والحين بقولكم تجربتي مع ال Primers .. وهي تجربتي الشخصيه وطبعا كل بشره تختلف عن الثانيه لكن
في منتجات تفرض جودتها مهما كانت البشره بطيئه بالاستجابه بس اتمنى منكم تركزون على التعليق حبيباتي
وافضل كل بنت يكون عندها نوعين من البرايمر.. واحد للاستعمال اليومي ويفضل يكون في حمايه من الشمس والثاني للطلعات بالليل والمناسبات يكون فيه اضاءه ويعطي نضاره للي تحب الطله المتميزه :tek:


1- أفضل المنتجات اللي استخدمتها.. The Best Primers :

من YSL برايمر ال MAT TOUCH هذا اللي ما استغني عنه يوميا للصبح رقمه 1 .. والميزه اللي فيه انه يحتوى على حمايه من الشمس ولون بسيط يغني عن كريم الاساس الصبح ومع شويه Powder وConcealer بيعطي لوك Natural ..لكن ماعتقد ينفع بدون كريم اساس للبشره اللي فيها عيوب ظاهره او آثار حب شباب ..
ومتوفر ب 4 درجات.. البيج اهو اللي استخدمه والووردي للي يحب لمسه مورده على بشرته او اللون الازرق مانصح
فيه لأنه يعطي بياض مثل ال Chinese حيل فاتح ورابع درجه اهو الشفاف Colorless .

هذا البرايمر من نفس المجموعه .. وبقولكم الفرق بينه وبين الاول.. انه مافي حمايه من الشمس SPF
لكن متوفر بدرجات الوان اكثر تتدرج من البشره الفاتحه الى البشره الداكنه .. مناسب للبشره
الدهنيه والمختلطه. ممكن ينخلط مع ال Sun Block لحمايه اكثر للبشره من الشمس.

ال L`OR من غيرلان .. هو عباره عن Gel ومعاه حبيبات الذهب وهي يقولون تعطي نضاره واصنفه Matt بنفس الوقت..و كلمه روعه شويه عليه ..حلو للبشره الدهنيه والمختلطه والجافه لكن كل بشره لها طريقه معينه باستخدامه.
للبشره الدهنيه والمختلطه ينحط بالطريقه العاديه بعد المرطب.. لكن للبشره الجافه يفضل انه ينخلط مع ال Foundation
وبالتالي يثبت الميك اب لفتره اطول.. وبما انه سعره غالي نسبيا مخليته للطلعات بعد الظهر.

ال Metrorites من غيرلان.. روعه للبشره الجافه ارشحه بقوه والاضافات اللي فيه انه يحتوي على لمعه لؤلؤيه وفيه اضاءه اكثر من ال L`OR وممتاز للبشره المرهقه واصنفه من مجموعه ال Sheer Primers.

NARS حلو وناعم وما يخلي الاساس يقطع وممكن اقول عنه انه يصلح يكون البرايمر اليومي للبشره الجافه.

Clarins يمكن اول برايمر استخدمته.. اهو ثقيل شويه لكن في خاصيه وحده للحين .. انه فعلا اكثر
برايمر يعبي خطوط البشره وال Fine Lines ويعطي ملمس مخملي ويعطي تغطيه للبشره اللي تعاني من اثار حب الشباب ..وحلو لجميع انواع البشره بس ما انصح البشره الدهنيه تكثر منه.

هالبرايمر من كثر الحجي اللي سمعته عنه .. قلت لازم اجربه .. طبعا اهو له خواص تصحيحيه لعيوب البشره
واخترت اللون الابيض واهو المفروض يعطي نضاره للبشره بس بصراحه ما لاحظت اي تغير الا انه فعلا يثبت كريم الاساس
ومناسب لجميع انواع البشره لكن ما يتحكم بالدهون بفاعليه.
وحبيت اوفر على رواد الموضوع واقولكم شويه معلومات عن درجاته المختلفه :
-اللون الابيض (Neutral): يعطي نضاره طبيعيه للبشره.
-اللون الاخضر: يقلل من احمرار البشره.
-اللون الازرق: يخفي عيوب البشره الفاتحه الخفيفه ويعطي لمعه.
-اللون الوردي: ينور البشره اللي تعاني من الشحوب.
-اللون الاصفر: يصلح لذوات البشره الداكنه حيث يقوم بتفتيح كريم الاساس.
-اللون البنفسجي الفاتح (Mauve): يضيف اضاءه للبشره الشاحبه جدا.
-اللون البني (Caramel): مناسب لاصحاب البشره السمراء المعتدله الى السمراء الداكنه ويقلل من اللمعه
الغير مرغوب فيها.


2- المنتجات اللي ما استفدت منها .

يمكن وايد ارتاحوا على ال All Mat لكنه ما ناسبني بالمره .. واللي ما حبيته فيه انه قوامه ثقيل على البشره
وهالشغله تخليه ما يتوزع بطريقه حلوه وسلسه على البشره.. وتأثير على الدهون 50%.
وأداءه مقارب ل Smash Box اللي صارت عليه ضجه مو بمحلها بصراحه.

هالبرايمر يناسب البشره الجافه ووعادي جدا .


:tek:


Note: في نوعين من ال Primers وايد ينصحون فيهم وحبيت اقولكم عليهم للي تصير لها فرصه وتجربهم.
وياريت اللي مجربه اي منتج فيهم تفيدنا بنات.
1- Laura Mercier Primer للبشره الجافه والبشره الدهنيه.
2- SheSieDo Makeup Sheer Enhancer Base SPF15 وهو للبشره الجافه.



وبجذي اكون انتهيت من هالجزء.. ان شاء الله تكونون استفدتوا من الموضوع يا عسولات..
وهذي كانت تجربتي مع ال Primers وفي منتج واحد للحينه تحت التجربه وان شاء الله بتكلم عنه
قريبا ان شاء الله وسامحوني على اي قصور..
وناطره تجاربكم الحلووووووه بنات.

 

[عز النفس يغنيني]

رد: اقووووى تجمع لأحلى مدمنات Make Up .. حيااااكم *_متجدد_*

واااااااااااااااااااااااااااااااااااااااااااو صج البيس يستاهل موضوع بروحه .. خوش موضوع بعد عمري استفدت حيل

انا استخدم البيس من سيفورا وماله لون شفاف .. انتي كتبتي ان البرايمر خطوه مهمه .. بس تنصحين فيه للبشره اللي مافيها عيوب

يعني بتعبير ثاني :d

هو يحمي البشره من الاستعمال اليومي للكريم اساس ..؟؟ وبشرتي الحمدالله مافيها عيوب تنصحيني احطه الصبح ..؟؟؟

ويعطيييييييييييييييييييييج العافيه فديتج حيل استفدت منج ..

 

[أم^عبادي]

رد: اقووووى تجمع لأحلى مدمنات Make Up .. حيااااكم *_متجدد_*



بالنسبه لي آنا أستعمل MAKE UP FOR EVER Primer نفس اللي حاطه صوورته ,, وأول ماخذيته قالت لي اللي اتبيع انه يعطي نضاره للبشره ولما استخدمته ماحسيت بالنضاره اللي قالت عنها كلللللش ,, بس واااايد حلووو ويثبت المكياج وصح يفرق معاي لما أحطه ويهي يصير مخملي نااعم الملمس ,, ولما ما أحطه قبل الفاونديشن يفرق معاي الشكل

بس آنا أعطيه 90 % وال10 الناقصه لأن ناقص نضاره وإضاءه للويه وبسسس

مشكوووووره سوسو على هالتوبك

 

[shaimaa R]

رد: اقووووى تجمع لأحلى مدمنات Make Up .. حيااااكم *_متجدد_*

هاي

حبيت اقولكم عن وحده تبيع مكياج امريكي وااااااااااااااااااااااو واسعارها تهبل ومناسبة للكل وعندها توصيل وتعاملها حلو
65997333
وعندها ملابس امريكية قياسات كبيرة

 

[shaimaa R]

رد: اقووووى تجمع لأحلى مدمنات Make Up .. حيااااكم *_متجدد_*

انا استخدم لمعه للويه اخلطها مع الفاونديشين يطلع طبيعي وايد حلو وحق الدوام اخلطه مع الحماية
وآخذها من وحده تبيعه وبضاعتها امريكية وهذا رقمها 65997333
وآخذ Spotlight وايد حلو وراح يعجبكم

 

[krkooora]

رد: اقووووى تجمع لأحلى مدمنات Make Up .. حيااااكم *_متجدد_*

رووووعه التوبك


عساج على القوة حبي

 

[أم غايب]

رد: اقووووى تجمع لأحلى مدمنات Make Up .. حيااااكم *_متجدد_*

شوقتيني هلى برايمر سانلوران
مشكورة على الطرح الروعة

 

[SeDuCTive]

رد: اقووووى تجمع لأحلى مدمنات Make Up .. حيااااكم *_متجدد_*

الموضووووع حدا واااااااااااااااااااااو
متعوب عليه من قلب
مفيييييييد
يعطييييييييييييييييييييييييييج الف عااااااااااااااافيه
شفت كل التوبكات
shu uemura
<< ذكرتيني قبل السفره بيوم كنت مختاره اشياء يوم يت بحاسب ولا ناسيه كرتي
ضاااق خلقي قتله خلهم برجع لك وما مداني
لي رجعه
سجليني متابعه

هلا حبيبتي.. مشكوره عى المرور يا حلوووو.. وحياج الله بينا يا عسل ..
ويلا ناطرين خبراتج ومشاركاتج حياتي وحسافه على Shu Uemura :tek:

يا قلبي يا سدكتوفه مالي قلب اغيب عن موضوعج انتي بالذات...بس لابتوبي مخرف شوي
اشبك من الدوام واتابعكم بسرعه بسرعه اخاف مسئولي يجكني لووووول
لكن الاكييييد متابعه على طوووول

هلا بنكووووشه .. بعد عمري والله ولهت عليج وعل سوالفج وايد ..
وتسلمين على المتابعه الحلوه :*

يعطيج العافيه ع الموضووع الحلووو

الله يعافيج يا عسل ..

واااااااااااااو الموضوع يبيله قعده اليووم بسهر عليه لووول
يعطيكم العافيه

هلا بحبيبتي زببببده.. الله يعافيج يا قلبي ومشكوره عالمرور الراقي..

عليج بالعاااافيه ان شاء الله

الله يعافيج حبيبتي ..

هلالا بالغالية والله
والله انا فاقدتكم واايد
صايره لووويه وماعندي وقت اشبك واايد
بس صايره اطل ارد رد او ردين بالكثيرر :eh_s(1):
انا جربت واااايد products من استي لودر وفي اشياء واايد حبيتها
ورديت استخدمتها مره ثانية
بس حاليا تصدقين خذيتلي كريم مرطب من الصيدلية يعتبر طبي
كان دكتوري واصفه لي لما ويهي تحسس
والحمدلله الحين مافيني شي بس Still ماقطعته
والـ mask , scrub, tunic كله من كلارنس
وايد حبيت اللاين
اللي لونه اخضر فاتح وغطاه ابيض
يصغر المسام وتحسين الخطوط الصغار تخف directly بوقت الاستخدام لمده معينه واايد حلو
بس المشكله انا ما استمر!!
يعني تلقيني عندي اللاين كللله بس ما استخدم الا نادر
مثلا اغسل ويهي ما استخدم التونيك!!
والماسك بالسنه حسنه
بس كريمهم واايد حلو
اليووم بشتغل بويهي

حياتي هسووووبه .. لا نبيج تبتدين تعتنين وتلتزمين .. احنا بشراتنا بروحها مو ناقصه ..
وPlease لا تقاااااااااااااااااااااطعين

فزييييييييييييييييييييييع الباااااااااااااااااارت
حبيتووووو كتير كتير كتيييييييييير
كتر حووووووبي لج ياحبيييييييي انتييي
واشوه اني لحقتتتت عالبارت قبل لا تنزلين اليدييييييد
بصراااحه حيل حيل استفدت بدون مجاملات انا صج اهتم بالترطيب بس بدرجه بسيطه مو هالكثر !!
المهم نبلش بالصور طبعا أول شي الغسول
من اليسار من غسول فوم من sisly كنت استخدمه قبل بس الحين ناسيته وتوني تذكرته
والثاني اللي من olay هذا غسولي اليومي وايد حلو ويخلي ملمس البشره ناعم
اما الاخير بصراحه هذا مو تبعي تبع اختي قبل لا تتزوج راحت وخلته للذكرى
فياريت ياحلو ياعسل ياسكر زياده تقولين لي حق شنو استخدامه قط مره مر عليج ولالا ؟ واهو عباره عن جل
وبعد استخدم غسول من so skin بصراااحه اهو التوووب بس حاليا مخلص وللحين ماشريته
اما الترطيب عندي مرطب جونسون وااايد ارتحت له وهذي صورته
واللي يمه من بوندز بصراحه فااشل وكلشش مامشى مع بشرتي
وهذي المجمووعه من olay
اول واحد من اليمين غني عن التعريف واللي يمه حليو هبيت فيه اول ماشريته وعقب نسيته
اما هالطويل فهذا مزيل مكياج صورته معاهم بالغلط لولز واللي يمه بصراحه هذا روووووعه
اعطييييه 10 على 10 ترطيييبه فظيييع بس اول مره ادري من ام عبادي انه اهو بعد يعتبر حمايه ؟
بس كترطيب وااايد واالم بشرتي ما اطلع ولا احط ميك اب الا وانا حاطته على بشرتي
اما على التونيك فكنت استخدم من بايوت كريم وتونيك بس قطعت الكريم والتونيك اهملته كلش مااحطه
والصوره اكبر دليل يديييييد
بس عقب هالبارت شكلي برد استخدمه
وتصدقين سوسووو السيرم اللي تكلمتي عنه وقالتلج عنه زيزو من ايستي لودر
يوم شريت منهم الدبل وير عطتني تستر منه وااايد ومعاه شغله ثانيه وقالتلي استخدميه ومتأكده بتردين لي
وانا الله خير كلش مااعترف بالتسترات ولا احبهم ظلوا عندي مدددده والقهر انه قبل جم يوم نظفت داري
وقلت ويييه شفايدتهم بس ماخذين مكان عالفاضي وقطيتهم
لو ناطره لين تنزلين هالبااارت بس يالله مالي بالطيب نصيب خخخخخ

زيزووو حددده يبيييله لا يطوووفج
حتى اختي يوم حطت منه عجبهاا وشرت منه
يالله سويت لهم دعايه خل يعطوني عموله << ماعندها شي ابلاااش ويالله انا بعددد ناااااطره معااااااكم
:eh_s(9): :eh_s(9):

هلا بالمديره الغاليه .. عليج بالعافيه .. كفيتي ووفيتي .. بس ليش هالكسل؟
كل اغراضج يديده يا بنيييه :eh_s(1):
يلا بلا كسل واستخدمي كل شي عندج ونبي النتايج بأسرع وقت ممكن فديييييييييييييييييتج :klhfl:

مشكوورة

العفو حبيبتي ..

مرحبا سيدكتف,مشكورة عالرد,,مع الاسف ماركة لاكمي مافي منها بالكويت اوصيه عليه من الهند,,بس لةتشوفين ماكياجهم عجييب الاي شدو ينن ولا البلشر والا لينر عندي اسود وذهبي لس ماني شاطرة بالخط وماعرف كيف استخدم الاي لاينر الذهبي,,وصبغ اظافرهم يشوق,,علي يوم بصور اللي عندي..وباجي المنتجات تقدرون تشوفونها عالانترنت www.lakme.com

هلا حبيبتي مشكوره على المشاركه الفعاله .. بجيم على الموقع شوقتيني عليه ..
تسلمين يالغاليه :tek:

السلام عليكم
يعطيج 1000000000000000000000 عاااافيه ماا قصرتي
بس عندي طلب عنووووووونووووو
ابيج تتكلمين على كريمات الاساس
حق البشره الدهنيه والمختلطه
كل ما اشتري كريم احس مع الوقت يكتل ما ادري شسوي
وتسلم ايدج وايد كل الخبياااارااات اهني
وااااي شيشتوووني كل ما تقولون عن شي اروووح اشتري وجان زين احط لووول
ادري قرقت واايد :$

الله يعافيج قلبي .. طلباتج اوامر واكيد بنتكلم عن كل اللي طلبتيه وبالتفصيييييييييل المممممممملل
فديتج.. بس يهمني بالاول تعرفين الخطوات الاساسيه بالترتيب.. وتطبقينها باللي يتناسب مع نوع بشرتج :tek:

ناااااطره الباااااااارت اليــــديــــــــــد :

حياااااااااتي ام عبووود:*

>>>>> متابعه :d
وهم ارجع اشكرج على المجهود الحلوو عساج ع القوه

هلا بالقمر.. نورتي الموضوع يا احلى متابعه :*

ناطرينج
يا سوسو

هلا حبيبتي .. ان شاء الله اكون دايما عند حسن ظنكم :*

ناطرين سوسو
مع ان عاذرينها والله من هالدوام

فديتج والله انج حاسه فيني عبر الاثير .. الدوام وما ادراك ما هو الدوام !!!

بعد عمري والله ياسيد اكتف
الموضوع ايين اينن ووايد استفدت منه
يعطيج العافيه حبي

يا قلبي انتي كلج ذووووق يا عسل.. والله انتي اللي قشطه وتهبلييين..
والحمدلله انج استفدتي فديتج ويسعدني تكونين متابعه للموضوع وتشاركينا بخبراتج وتجاربج :*

يااا بعد قلبي تسلميين
توني اشووف الرد لانه لهييت شوي
بالنسبه للحمره لا مو هالدرجه ابي انعم منها
شوفي هالموضوع منزله استفسار عن لون الحمره
عندي كان نفسها تقريبا من ميكاب فور ايفر بس على بنفسجيه اكثر من مورده
و بالنسبه للفاونديشين و العدسات
والله رحت قبل لا اشوف الرد خذيت الفاونديشين نايس مرتب بس مو نفس اللي براسي
انا ابي ستايل اصاله عاجبني الكوفر مالها
و بعد ستايل منيره الفرج الفاونديشين اللي تستخدمه خطير حاولت القط شنو بس ماني قادره
ايهي تستخدم اكثر من شغله
ايام ما كانت اتيي البيت قالت لي من امريكا اتييبه
و العدسات والله دشيت عمياني على الفلبينيه و قلت لها ابي شي طبيعي و عطتني وحده من فرش لوك
نايس والله مرتبه تعطي على عسلي على زيتي وايد حلووه حبيتها
طلعت شطووره هالفلبينيه
تسلميين يا الغاليه

الله يسلمج حبيبتي نوتي..
بالنسبه للدرجه اللي طلبتيها .. انا توقعتها غيييييييير بالمره عن اللي وصفتيها لي..
وميك اب حيفاوي روووووووعه ومعروف عنه انه يحب يحط ال Tan Make Up ويحب يشتغل على
البشره البرونزيه .. واللي اعرفه انه حيفاوي يحب اساس Make Up For Ever ..
اما بالنسبه لميك اب اصاله فالوانه حدها راقيه وكيوت .. وان شاء الله بصورلج اللي عندي مشابه
للحمره والآي شدو.. وبطعا اهو دامج 3 الوان واهم الرمادي الفاتح الميتاليك ك Base والبرونز والاسود او البني الغامج..
والعدسات اخذتي ال Pure Hazel نوتي؟

واااااااااااااااااااااااااااااااااااااااااااو صج البيس يستاهل موضوع بروحه .. خوش موضوع بعد عمري استفدت حيل
انا استخدم البيس من سيفورا وماله لون شفاف .. انتي كتبتي ان البرايمر خطوه مهمه .. بس تنصحين فيه للبشره اللي مافيها عيوب يعني بتعبير ثاني :d
هو يحمي البشره من الاستعمال اليومي للكريم اساس ..؟؟ وبشرتي الحمدالله مافيها عيوب تنصحيني احطه الصبح ..؟؟؟
ويعطيييييييييييييييييييييج العافيه فديتج حيل استفدت منج ..

هلا حياتي انتي مشكوره يا قلبي .. ربي يتمم عليج البشره الحلوه والصافيه فديتج ..
بالنسبه لسؤالج.. دام بشرتج الحمدلله زينه وما تحتاج تغطيه كبيره .. ومرتاحه على البرايمر اللي عندج
افضل انج تحطين البرايمر وفوقه البودره.. وابتعدي عن كريم الاساس كل يوم بس تاكدي انه البرايمر في نسبه حمايه من الشمس ولو بسيطه حياتي مادري بالنسبه لي افضل اللوك الناعم للصبح .. والله يعافيج يا قلبي :*

بالنسبه لي آنا أستعمل MAKE UP FOR EVER Primer نفس اللي حاطه صوورته ,, وأول ماخذيته قالت لي اللي اتبيع انه يعطي نضاره للبشره ولما استخدمته ماحسيت بالنضاره اللي قالت عنها كلللللش ,, بس واااايد حلووو ويثبت المكياج وصح يفرق معاي لما أحطه ويهي يصير مخملي نااعم الملمس ,, ولما ما أحطه قبل الفاونديشن يفرق معاي الشكل
بس آنا أعطيه 90 % وال10 الناقصه لأن ناقص نضاره وإضاءه للويه وبسسس
مشكوووووره سوسو على هالتوبك

العفو يا قلبي انتي .. صاجه هالبرايمر فعلا يثبت الاساس.. واتوقع انه الميزات اللي فيه تبين اكثر في ال
Shooting لأنه الكاميرا والاضاءه القويه تبرز ادق عيوب البشره ..وناطرين صوره البرايمر فديت عبودي :*

هاي
حبيت اقولكم عن وحده تبيع مكياج امريكي وااااااااااااااااااااااو واسعارها تهبل ومناسبة للكل وعندها توصيل وتعاملها حلو
65997333
وعندها ملابس امريكية قياسات كبيرة

مشكوره عالافاده حبيبتي ..

رووووعه التوبك
عساج على القوة حبي

الله يسلمج حبيبتي كركوووووره .. ان شاء الله تكونين استفدتي يا قلبي :68_asmilies-com:

************



تسلمون بنات على المشاركات اللي تفتح النفس وتثري الموضوع اكثر واكثر ..

 

[مشمش أحمر]

رد: اقووووى تجمع لأحلى مدمنات Make Up .. حيااااكم *_متجدد_*

بجد بجد انتي ابدااااااااااااااااااااااااااااااااع
يارب انك تحفظها وتعطيها اللي بخاطرها وتسهل لها كل صعب

سوسو بجد انتي رووووووووووووووووووووووعه ماشاء الله عليج

بس ياقلبي عندي سؤال لو تكرمتي ... السيروم اللي من ايستلودر اللي يصغر المسام حق البشره الدهنيه ينحط قبل البرايمر ولا بعده؟

ومشكووووره ة وعسى ربي لايحرمنا منج يارب .. وبميزان حسناتج

 

[SeDuCTive]

رد: اقووووى تجمع لأحلى مدمنات Make Up .. حيااااكم *_متجدد_*

بجد بجد انتي ابدااااااااااااااااااااااااااااااااع
يارب انك تحفظها وتعطيها اللي بخاطرها وتسهل لها كل صعب
سوسو بجد انتي رووووووووووووووووووووووعه ماشاء الله عليج
بس ياقلبي عندي سؤال لو تكرمتي ... السيروم اللي من ايستلودر اللي يصغر المسام حق البشره الدهنيه ينحط قبل البرايمر ولا بعده؟
ومشكووووره ة وعسى ربي لايحرمنا منج يارب .. وبميزان حسناتج

الله يسلمج يا احلى قمر .. تسلمين على المتابعه :*
السيروم اول شي تحطينه يا قلبي وتنطرين عليه شوي على ما تتشربه البشره وبعدها تحطين المرطب او اذا بشرتج دهنيه
استخدمي لوشن.. وبعده البرايمر حياتي :68_asmilies-com: