اقوله والا ما اقوله؟؟

[غنج عتيبيه]

اب اب اب اب

 

[حشمه]

قولي له ودام نازله له عطيه فلوسه وان شاء الله ربي ببارك لج فيهم

ويزيدج واما سالفه رفيجه الله يعينج مو شي جذي

 

[بزه المرتزه]

هالرياييل صارو اخس منا!!
والا شكو رفيجه يروح يعطيه الاخبار اول باول
وخصوصا الاخبار الماديه!!!!
انا الود ودي اخذهم لان من تعبي وشقاي
صج انهم حقه
بس اهو عنده معاشه
بس اخاف من الله
من جذي مفكره اقوله

 

[mrs.abk]

أنا فهمت .. هذا يكون بدل .. مثلا بدل تذاكر ..

خبريه بس لا تعطينه إذا إنتي محتاجه له ..


كل وقت وله ظروفه أنا عن نفسي تصرفي في البدالات هذي يكون بحسب وضعي الفعلي مرات لي ومرات لبيتي ومرات لأمي على حسب ظروفي

 

[Um Tuki]

قوليله
احس جنها بوق ان تنزل فلوسه و تاخذينهم بدون ماتقولين ظماتدرين شنو ظروفه يمكن محتاجهم او ناطرهم
و فرضي رفيجه قال له احس فشيلة

قوليله باقي لفلوس نزلت و انا محتاجتهم

 

[دانة_ دبي]

انا ما فهمت ليش ينزل لج و ينزل له
مرات عندي بالدوام ينزلون لي فلوس بدل تذاكر سفر لي و ل زوجي تقريبا 12000 الف درهم
بس ما اعطيه ابدا لانه من مميزات دوامي و مميزات درجتي الوظيفة و هذا تعبي و شقاي
لا تعطينه ولا فلس و خلج حازمة ف راتبج



و اللي عندج ما يشتغل
شو ياخذها منج باردة مبردة و انتي تعطينه راتبج

 

[معي احلى]

انتي قلتي انه نزل على مرتين والمرة الاولى اعطيتيه المبلغ .. ماعتقد بيتجرأ يقول لك هاتي مره ثانيه لان انت جبيت له حقه المرة الاولى ..

 

[عزيز قلبي]

بالنسبه للحرمانيه ما فيها حرام اذا انتي متاكده ان المبلغ السابق كان كله من حقج
واهو اخذ منه يعني اخذ نصيبه مقدما انا رايي اخذي الفلوس وصرفيهم علي اي شي تبينه
بعدين قوليله تري حبيبي انا نزلي مبلغ المفروض انه لك بس انا عطيتك مقدما المره اللي طافت من فلوسي
فصار هذا المبلغ حقي وانا رحت السوق وخلاص شريت منج اخذتي لفلوس ومنج ما خشيتي عنه

 

[روندى العاصي]

upup

 

[ناتشوو]

اذا مثل ماقالو
البنات
بدل تذاكر سفر
اشوف مو من حقه
دامج ف البداية
لا تطيحينه فيج

 

[Roozlin]

قولي له

 

[Australia girl]

اهي مو فلوسه عطيه بعد ليش تمنين واهو عشان مايشتغل ينزلونله علاوه زوجيه مو معاشج ولا شغلج من حكومه

 

[الشهد كله]

شكوووووووووو تعطيه

كلش ما تعجبني المثالية اللي نازلة عليكم

فلوسي وتعبي أهو شكو أقوله ولا أعطيه منها

ولنفرض هذا بونص ولا تذكرة ولا أياً كان

ليش زوجي يكون له نصيب منهم

معاشي وكيفي

وين معاشه ؟؟؟؟؟؟

ولنفرض العكس أهو اللي نازله المبلغ بيعطيني منه ولا بيذكرني بالخير؟؟؟؟؟؟

بيخلص وانا مادري عنه :rgewrg::rgewrg::rgewrg:

كافي اللي قاعدة أصرفه من معاشي سواء كان على بيته ولا على عياله

بعد أشركه من مكافآتي :bbbiu::bbbiu::bbbiu:

اللي تقول عطيه مو من فلوسج

واللي تقول ليش تمنين عليه

واللي تقول قولي له

اخذيها مني أي مبلغ ينزل حسابج ورفيجه يقوله عنه وزوجج بعدين يسألج عنه

قولي له انت شكو ؟؟؟؟؟؟؟؟

جذيه بالويه رديها له لأنه راح يتجرأ عليج ويقولج عطيني أشكره​

 

[ناتشوو]

الشهد كله
كلامج صح
بس هي
ماوضحت ف البداية
انه بونص او بدل
قالت فلوس لزوجي
وعلشان جذي
الاغلبية قالو قوليله
بس اذا السالفة
نازل لها فلوس
من مميزات وظيفتها
الحسبة تتغير
من حقها هي وبس
خاصة
انها حديثة زواج
لا يطيح فيها ويتعود

 

[LaDantel]

مجرد انه حاط عينه ومنتبه ان في له مبلغ مخصص من دوامج

و تجرأ و يا قالج ان نزلج المبلغ

هذي انا اشوفها عيب و مو من حقه ابدا

مو سالفه فلوس

لو مايتكلم اعطيه بكيفي و لو يايبها من باب اوكي ان ناقصني شي مايخالف

بس حلوه هذي رفيجي معلمني وعطيني

ما ادري احس عيب

 

[al-musk]

مافهمت بس عادي قوليلبه منتي مضطرة تجذبين

 

[أميرة-]

لا تقولين له طالما انه خذا منج مبلغ خلاص بعد


واذا درا عقب من رفيجه سوي روحج ماتدرين قولي صج نزل شي مادري ماجيكت على حسابي نظام استهبال هههههههههه

 

[مشتاقه لضمه طفل]

الصدق منجاه يا اختي بيرزقك على طيبه قلبك وصراحتك صدقيني الله يوفقج

 

[امـ خــزامـى]

الصراحه مااافهمت عليك مررره

بس اذا هو اخذ حقه مقدما خلاص هالمره صار حقك انت

 

[عطاء أنثى]

مافهمت!!!!