اقلطووو على القهوه

[مرت راعي التاكسي]

احلام والله انتس صادقة مالي غنى عن منتدى الحياة الزوجية ومشاكلها ==انا ناقصة


كل ما دخلت رحت ركض للحياة الزوجية ==غاوية نكد

 

[مــــرام]

اهداء حصري من مرام للحلوات هههه

وين البنات ؟؟

ودي كل وحده تقول لنا طريقتها بسوات القهوة ؟؟؟

انا ابي ابدأ هذي طريقة عمتي ام زوجي الله يحفظها جيتها صغيره وتعلمت منها ,,

اول شئ ابدأ بتنظيف القهوة من الشوائب والغبار,,

وبعدين احمس القهوة على النار او استخدم محمصة القهوة الكهربائية وانا ارتحت على الكهربائية اسوي اشغالي على ماتخلص القهوة

وقبل تخلص بدقايق احط معها وهي تدور شوية شيبه ماحصلت لها صورة بس اكيد تعرفونها ومستكة مثل اللي بالصورة

واذا صار لونها اغمج من الاشقر عشان اتأد انها استوت وصار لونها جذيه ومن المستكه حبتيناوو ثلاث بس عشان مايمرر الطعم

اطحنها واحطها بعلبه وافوح بابريق القهوة واحط على حسب حجم الزمزمية واحط بالزمزمية شويه زعفران وهيل مطحون ومبيض القهوة واذا كانت لحريم اضيف شويه من بهار القصيم نكهته حلوة موجود عن الحواج

واذا طبخت القهوة 10 دقايق اطفي النار واخليها تزل شويه وبعدي اصبها بالزمزميه

والحيين الله يحييجن كل وحده تجي لها تاخذ فنجان

فاضية ودي اسوي موضوع قلت يالله دام موضوعنا اقلطوو على القهوة ,,,​

 

[أحلام طفله]

رد : اقلطووو على القهوه

تسلم الأيادي مرام

بس أنا عن نفسي صراحه أستخدم القهوه المحوجه أريح و طعمها حلو

 

[مرت راعي التاكسي]

نفس طريقة مرام بس بدون مستكة ولاااااااااااااااااااااااااااااازم مع الهيل زعفران والا ما اشربها واذا القهوة لي بروحي اترسها زعفران ==وجه خسارة لراعي التكسي

 

[مــــرام]

رد : رد: رد : اقلطووو على القهوه

انت مش بالكيويت ياختس ؟؟

بعدين انا مانيب راعيتن كيماج و بيدرة انا حاليني ربي من غير خرابيطتسن وبشرتي ما علاها زينتن من غير خلطاتسن

ياحبيبتي انا بالقصيم بالسعوديه بس ماردني البعد لي سنتين اتابع المنتديات الكويتيه واخبار الكويت اول باول ويوم بدت المشاكل ضربة الا الدستور جاني قولون عصبي ليلي كله بالمستشفى هههه مااحد درى عني ابو عيالي يقول ريحي ملايكتج محد داري وان شاء الله سهالات ازمة وتعدي ,,

اجل انا اموت على العناية والبشرة وعلى الخرابيط تحب الزين ولابد امر على منتدى الزوجيه >> تحب النكد

زوجي حلف علي ومسح قناة بداية عشان مشاكل الحريم كنت اتأثر حييل ههههههه​

 

[مرت راعي التاكسي]

مرام انا معك احب اسوي خلطات طبيعية لنفسي وللبشرة وللشعر وما خليت شي ما حطيتة بس الحمد لله انا بيضة وبشرتي صافية بس تعرفين الحريم يحبن يحورفن بانفسهن بس اللي ابية اي شي يتفخ الخدووووووووووود ما خليت شي ما جربتة ولا نفع معي

 

[Grass]

رد : اقلطووو على القهوه

الله يعيينج يامرام .... والله انا مثلج جاني القولون من السياسه الكويتيه ههههههه

 

[مــــرام]

رد : اقلطووو على القهوه

المستكة على القهوة بس شرط محموسه مع القهوة قبل تخلص بثواني تهبل

والزعفران مالي غنى عنه عن القهوة انا ابو عيالي مايشربها بدون زعفران

قبل يومين جهزت لاختي اغراض النفاس الله يقومها بالسلامه
بدعت لها ببهار النفاس وهو يصلح بدون نفاس
وطريقته بهار القصيم علبه صغيره مع م مسمار و م قرفه ونونخه و م زنجبيل مطحون و م كمون وكسيرة مرة وعلى راس الملعقة عنرروت لان العنزروت معروف ينظف الرحم من البلاوي وشوية محلب

 

[مرت راعي التاكسي]

مرام انا لي صولاتي وجولاتي في الرياض لان خوالي حبايب قلبي فيها واعرفها شبر شبر نفر نفر ===قوية

 

[أحلام طفله]

رد : اقلطووو على القهوه

مراام يعني إنتي كويتيه ؟ << سوري بس عرق اللقافه نط {:

 

[مــــرام]

رد : رد: اقلطووو على القهوه

مرام انا معك احب اسوي خلطات طبيعية لنفسي وللبشرة وللشعر وما خليت شي ما حطيتة بس الحمد لله انا بيضة وبشرتي صافية بس تعرفين الحريم يحبن يحورفن بانفسهن بس اللي ابية اي شي يتفخ الخدووووووووووود ما خليت شي ما جربتة ولا نفع معي

ماخليت شئ ماجربته بس تعرفين نحب الزين بس الحمدلله انا حنطيه فاتحة ومهتمة بنفسي مشكلتي هالشهرين زدت كيلووات احاول بالرجييم مااصبر حت الاوبتراك والسير راكنته بالمستودع مااحبه

والحين مسجله بنادي ببدأ فيه بداية هالشهر الهجري يعني بعد اسبوع من الزحمه اللي فيه

والا الحمدلله جبت خمسه بس مالي بطن مشكلتي الزياده هاللي موراضيه تنزل

 

[مــــرام]

رد : اقلطووو على القهوه

مراام يعني إنتي كويتيه ؟ << سوري بس عرق اللقافه نط {:

ياقلبي ابوي كويتي وجدي ومن مواليد الكويت بس متزوجه ولد خالي سعودي بس يموت بالكويت من كثر ماامدح فيها عنده ومن اللي يشوفه بالزيارت ومن اخلاقهم بداية من الحد الكويتي .

 

[مــــرام]

رد : رد: اقلطووو على القهوه

مرام انا لي صولاتي وجولاتي في الرياض لان خوالي حبايب قلبي فيها واعرفها شبر شبر نفر نفر ===قوية

الرياض عاد بروحها ومو مثل القصيم بعد وكل يوم تزيد تطور واحب اتمشى فيها خصوصا اختي متزوجه ولد خالي الثاني ساكنه الرياض بحكم وظيفته وانا بالقصيم بس نتزاور واتمشى معاها في المجمعات والمطاعم والمقاهي كلها رووعه وتتطور بسرعه

 

[مــــرام]

رد : اقلطووو على القهوه

تسلم الأيادي مرام

بس أنا عن نفسي صراحه أستخدم القهوه المحوجه أريح و طعمها حلو

لها اسم معين نسيته بعد تشتريها امي بالكويت تطلبها ويوصلونها طعمها حلو بعد

 

[أحلام طفله]

رد : اقلطووو على القهوه

أما أنا تخصص شرقاوي بحت

..

 

[مرت راعي التاكسي]

ما شاء الله بنات خوالي وخالاتي اجسامهم روووووووووعة مع انهن امهات بس ما شاء الله حركات وشغيلات يسوون كل شي مقبلات سلطات حلويات حتى البوفيهات كلة شغل بيت

 

[مــــرام]

رد : اقلطووو على القهوه

الله يعيينج يامرام .... والله انا مثلج جاني القولون من السياسه الكويتيه ههههههه

الحين مسحت سكوب والوطن والسور بس لقافة اتابع بالنت ودي اتطمن والقى اخبار حلوه
واحيانا اقول عين وصابتهم ماكانت الاوضاع جذيه
مالنا غير الدعاء هذا اللي بيدنا

 

[مرت راعي التاكسي]

احلام انتي من الخبر؟؟

 

[أحلام طفله]

رد : اقلطووو على القهوه

مرت راعي التاكسي إنتي أم وبعمر مرام ؟

جاوبي عشان بقولكم شغله

 

[مرت راعي التاكسي]

رد: رد : اقلطووو على القهوه

الحين مسحت سكوب والوطن والسور بس لقافة اتابع بالنت ودي اتطمن والقى اخبار حلوه
واحيانا اقول عين وصابتهم ماكانت الاوضاع جذيه
مالنا غير الدعاء هذا اللي بيدنا

اتلى علمك بالشر

اخر الاخبار وان شاء الله مؤكدة عبيد الوسمي بيطلع اليوم