اقط نفسي من الدريشه يعني ؟؟؟؟؟؟؟؟؟؟؟!!!!!!!

[أم ميميتو]

انا ولدي بعده صغير الله يعيني عليه بعدين بس اعتقد اذا انتي ضليتي تصرخين وهما يصرخون مارح يفهمون شي لازم انتي تكونين هاديه عشان يتعلمون منج الهدوء مره حطو دكتور اطفال يقول اذا تبين تربينهم صح لازم يكون في عقاب و ثواب يعني مو اذا غلطو تعاقبينهم واذا سوو شي زين تطنشينهم واذا سوو شي غلط فهميهم يعني مو بس تصرخين و تقولين لااااااااااا لازم تكملين الجمله عشان اليهال يفهم يعني مثلا لا تكسر اللعبه عشان ما تخترب او لا تصرخ عشان تصير حلو و شاطر والله يخليهم لج يارب

 

[om-3azo-83z]

انا بعلمج طريقه مجربه...
اللي فهمته من كلامج انهم متعلقين فيج و الدليل لما تطلعين يبجون يبونج و بنفس الوقت ما يحترمونج
اذا على الالعاب اخذيلهم لعبه و قوليلهم اذا كسرتوها ماكو العاب كلش و حرميهم جم يوم عشان يعرفون قيمتها
و اذا اذوج و عاندو و صرخو قوليلهم ترا اسافر و اخليكم و على يوم طلعي و خليهم و لما يبجون كلميهم قوليلهم انتو ما تحبوني كله تاذوني صرت مريضه و بسافر (بعيد الشر عنج)
و في حركه احلى بعد اشتري صندوقين قوليلهم كل يوم من يصير واحد شاطر و مأدب بحط بصندوقه كره لمده اسبوع و بنهايه الاسبوع خليهم يبطلونالصندوق يعدون الكور معاج و اذا كان عددهم 5 من 7 يعني مأدب و اللي يصير عنده كور اكثر هديه بتصير اكبر
بس لا تحاولين تصرخين ترا اهما قاعدين يقلدونج
و اذا على الاشرطه اخذي الشخصيات اللي يحبونها ما اقولج بتلهيهم طول الوقت لا فتره العرض و بس
يعني مثل سبونج بوب او السنافر اخذي حلقاتهم كامله كارس حق ولدج دورا و لولو كاتي و هالسوالف حق بنتج يعني انتي نوعي

 

[ام حتحوتين]

وااااااي واااااي ياحلوكم والله

صج صج كلامكم يشرح القلب

يارب اشرح قلوب اللي ردو علي مثل ماشرحو قلبي
يارب وفقهم وارزقهم

شوفو امس انا كنت حدي ريلاكس معاهم وقلت لانكم شاطرين وماازعجتوني
بنطلع واوديكم عند اصدقائكم
ورحنا بيت اهلي .. اهم يستانسون علي عيال اخواني
وخليت الخدامه بالبيت مع البيبي ..
وردينا ولبستهم بجاماتهم ونمت معاهم بفراشهم
رقلت لهم قصه
كانو هادين اسم الله عليهم
والحين تاكدت ان ازعاجهم مثل كل الاطفال ..
وعرفت ان علتي معاهم هي تعلقهم الزايد فيني
لازم ابعد عنهم يعني اطلع وهم يشوفوني
وطلبت لهم اشرطه رسوم متحركه وان شاالله توصل باجر
وبحاول اشغل وقت فراغهم
وولدي بس تخلص فترة العنقز اللي فيه
بدخله هو وبنتي روضه وحضانه خاصه
عشان من تصير الساعه سبع يدورون الفراش


والله صج صج استفدت منكم حيييل
الله يجزااااكم خيييير

وبانتضار افكار جديده وحلوه

 

[om-3azo-83z]

اي زين تسوين شفتي شلون اليهال فيهم طبع يقلدون اللي اكبر منهم خلج مثال حلو لهم و حطي فبالج ان الصراخ راح ياذي عيالج و يضرج و كل ما بتصرخين تذكري ان عيالج بيردون على شطانتهم

 

[ام كوثر2007]

حرااااااااام عليج





اشلون يهيالج قلبج تقفلين الباب وتحذفينهم برا وتسمعينهم يبجوون .. واااااااي حرام والله


شوفي ام حتحوتين .. في اغلاااااااط وايد لازم تتفادينها .. بعدين لا تنسين انهم صغااار للحين ومتعلقييين فيج ..



روحي اشتري لهم ديفيدياااات .. وخلي يشغلون وقتهم فيهم .. انا مثلج بعد تركت الدنيا والوظيفه عشان اجابل اربعه ..

والحمدلله حتي خدامه ماكو


واذا علي بنتج اللى بالروضه ترا عادي ترد تبي تصارخ وتتبجبج .. لانهم مساكين رادين من المدرسه مضغوطين قوانين الروضه وهالامور فيردوون البيت تطلع طاقتهم ..


بنت الحين بلشي معاها بالاحرف العربيه ,, وخليها تحفظ لو كل يوم تعطينها حرف او حرفين .. زهبيها حق الابتدائي سوي مثلي ..


وروحي بو اميه واشتري لهم كتب .تلوين .. وخشيهم وكل فتره طلعيلهم دفتر من هالدفااتر .


اشتريلهم شغلات من بو ميه .. وخشيهم وقوليلهم اليوم الشاطر بعطيه هديه ..


شغليهم بالتلفزيوون .. او انج تقعدينهم وتقرين لهم قصه ..



واذا علي كلمه كلبه وحماره حشااج .. ترا تحمدي ربج لا تشوفين عيال الهيلق والفااظهم البذيئه .. تهون علي حماره وكلبه .. لا اققين انتي ..


وعمرج لا اتحسفين انج مجابلتهم وخليتي كل شى عشاااانهم فدوه لريوووووولهم مالج شغل باللى يقولج عيال الحريم اللى مو مجابلين يطلعون احسن ناااس هذا كلام فاضي ..


عيالنا ان شاءالله بيكونون احسن الناس لا تحاتين .. واحنا لنا الجنه ان شاءالله مجابلينهم مثل ما امهاتنا ويداتنا سووالنا ..


بشرينا شصاار وياااج الحين وشنو سويتي معااهم


وياااااارج الله ولج الجنه ان شاء الله عسى الله يخليهم لج وتذوقين برهم فيج وابوهم ..


ولا تنسين انه مشاكلهم الحين تعتبر ولا شي نطري لا اكبروا


لا اكبرووا اخذيني معاج اقط روحي ويااج من الدريشه لووول

 

[PuPa^^SWeeT]

حالي من حالج

انا بنتين

وكل وحدة يمي

وحدة على ظهري والثانية تسحب ايدي


وكله هواش وا بعض مادري ليش

معنهم يحبون بعض و يموتون ببعض



ولما اروح اسير لازم وياي


ولا اضطر اني انومهم الساعة 6 تخيلي علشان ارووح


لووية و اعصاب و اتييني ساعات ابي ابجي منهم من كثر ما متعبيني


معنه ادري انهم اهون من كل اليهال والاطفال

بس ساعات افكر عيل اللي عياله طاخ و طييخ و تكسر و شطانة شيصير فيني



قولي الحمدلله على كل حال

 

[ام حتحوتين]

اي والله الحمدلله علي كل حال
ومرات نفسيتي ترتاح لاني مو موظفه
مايهنالي قلب اكون بالدوام وطفلي بالبيت مع الخدامه مدري شتسويله

والله والله من كثر ماسمعت عن مشاكل هالخدم .. احمدربي مليون مره
اني اتخذت قرار بعدم الوظيفه ..

الله يرزقنا برهم يارب .. ويرعونا وحنا كبار مثل ماجابلناهم وهم صغار..

والله اللي يشوف عيال غيره ويسمعون الفاظهم البذيئه
وعدم احترامهم للي اكبر منه يعرف انه اهو بخير ونعمه

وبالنهايه الاقتناااااااااع
ان هذه مجرد
شطااااانة اطفال يبيلها ادارة امور وتوسيع بال
ووضع النقاط ع الحروف ويعرف شلون يجابلهم ويربيهم
احسن تربيه

والله يوفق كل من ردت علي الموضوع
وبانتظار افكار جديده

 

[مهوسة بالزين]

الله يهديهم ويصلحهم

ونصيحة تابعى برنامج سوبر ناني على mbc4 لروعة في معنى الكلمة

طبقت كذا عقاب نفع مع عيالي منها اذا يصراخ ويكسر اتركيه ولا تعصبين عليه

احرميه من أشياء يحبها

خلى غرفه للعقاب اذا سوى شي سكرى عليه 5دقائق وفهميهم اللى يسوى غلط هذه الغرفة غرفة عقاب

وتابعى البرنامج بيعجبك لا تضربين أبدا خليك ريلاكس

والله يوفقك

 

[برونزية رشيقة]

الله يعينج

مادري شقولج بس لاتعطينهم وجهه طااف يتأددبون

شوفي عيال الحريم اللي بس طااف مومجابلينهم

يممممممممممممه يهبلون مودبين



واللي تربي وتعطي من قلبهااا هيييييييييي اللي تتاذى يغلبونها اعيالهاا

احقريهم تتوبووووون

شنو هالرد ؟؟؟ أنا انصدمت من ردج من بين كل الردود ..
عيل أنتي لا تربين عيالج عطيهم طاف علشان يطلعون مؤدبين!!!

مو هذا كلامج يلله طبقيه على روحج:eh_s(14):

هذا بدال لا تنصحينها جذي تقولين لها .. صج شر البلية ما يضحك:krkrkr:

 

[ام حتحوتين]

مشكورين كلمه شويه بحقكم

والله والله كل مااقرا ردودكم اتشجع اكثر واطبق نصيحة كل وحده

وصرت اقعد معاهم واحاورهم والحمدلله الحمدلله
طبعهم قاعد يتعدل اكثر عن قبل
صارو ينزلون ويلعبون مع عيال عمهم ومايأذوني نفس اول

والله العظيم كل مابغيت اصارخ وتذكرت ردودكم اصك حلجي واكلمهم بهدوء

ولله الحمد احس فيه نتيجه لي انا مو لهم
لاني صرت حييييل ريلاكس معاهم وانا نفسيا ارتحت
وعيالي صارو يقعدون حوالي ونسولف ونتغشمر

وكل مالعبو وصعدولي فوق جوني يركضووون يمه يمه بنبوسج ونروح

والله صج صج صج قاعد ادعي لكل وحده ردت علي
لان كل مااقرا رد جديد احس اتشجع واطبقه واشوف نتايجه براحتي النفسيه


الله يعطيكم الف الف الف عافيه ويوفقكم ويرزقكم بالذريه الصالحه يارب ..

وبانتضار ارائكم الحلوه والمفيده