اقطع رزقها ؟؟؟؟؟؟؟؟

[جروح ودموع]

خواتي ما ابي اطول عليكم بدش سيده بالموضوع في صالون بالرقعي عندهم وحده بالاستقبال واهيه من جنسيه عربيه وطريقة الصالون انهم ياخذون احسابهم كامل قبل لا يسوون لج شغلج المهم مره رحت لهم ودفعت الحساب وكان باجي لي دينارين فقالت لي ماعندنا خرده بعد ماتخلصين شغلج اعطيج الباجي المهم بعد ما خلصت رحت لها واشوفها ركضه تفتح لي باب الصالون تقول لي مع السلامه مع ان اهمه ما يفتحون لج الباب عشان تطلعين فقلت لها وين الباجي جان يضيق خلقها وعطتني الباجي وبعدها بعشر ايام رحت الصالون وكان باجي لي دينار وقعدت تسوي نفسها مشغوله تدور على شي وانا واقفه ناطره جان تقول لي تفضلي لغرفة البدكير والمنكير المهم وانا طالعه قلت لها وين الباجي فقالت اسفه نسيت وكل مره تسوي هالحركات يعني صارت لي اربع مرات ولا نظراتها احتقار وتخز وتبتسم مو من قلبها اقسم بالله خواتي انا ما همني الدينا والدينارين انا عندي اعطي 100 دينار من طيبي ولا تاخذين مني 100 فلس بالبوق والحيله وابي رايكم اقول لصاحبة الصالون او لا ؟؟؟؟ والله بنات انا متاكده انها ما تنسى تتعمد تسوي هالحركات مع الكل :rgewrg:

 

[وردة الدوحه]

المره اليايه عطيها بويهها كاش اذا قعدت تماطل قوليلها ليش كل ماطلبتج الباجي تتهربين
عادي بخليهم لج بخشيش دفعة بلا ..بس مافيه داعي لهحركات المكشوفه !!

 

[ورود خذلتها العاصفه]

اااي صالووووووووووووووون

 

[تالا]

انا مع ورده بالراي .,

.,

 

[الغاليه ام احمد]

اذا كررتها بلغي صاحبة الصالون ما فيها شي

بالعكس لما تبلغين من مصلحة صاحبة الصالون

لان يمكن اكثر الزباين لما يشوفون هالشي

يقطعون الصالون

 

[* ملكني الخوف *]

بلغيها احسن عشان تاخذ جزاها

 

[كنوشة 2009]

انت كلميها بعدين اذا ما فاد قولي حق صاحبة الصالون

 

[*سحآبة*]

كلميها افضل .. من باب النصيحة
قطع ارقاب ولا قطع ارزاق

 

[نور مغليها]

ما احب هالنوووعيه ‘
لا حرىم قولي حق صآحبة الصالون علشان ما تنحش الزبآين منها
في حريم ما يحبون هالحركآت ...
الي تاخذ الدينار والدينارين يمكن تاخذ الاكثر ...

 

[مــ_ــا مــ_ــي]

لا حرام تقطعين رزقها لكن لا تسكتين كلمي صاحبة الصالون اكيد فيه رقم للشكاوي وفهميها الموضوع وخلي تسوي لها كمين اما تتادب او تشوف لها وحده ثانيه تأمنها على فلوسها ..

 

[شماسه]

كلمي صاحبة الصالون..اهي اتصرف وياها..

 

[فوفى]

كلميها وانصحيها واذا ما خذت الحجى بلغى راعية الصالون واهى تتصرف معاها.

 

[♥ SWeeRa ♥]

قطع الارقاب ولا قطع الارزاق

 

[جنون العشق]

عطيها مره ثانيه كاش بدون باجي خلي معاك فكه وريحي بالك لا تقوليلها شي وافتكي من حوبتها

 

[سامرينا]

صج ياكرهي حق هالنوعيه

 

[Maaya]

اعرف صالون بحولي يسوي نفس الحركة بالضبط تعودت عليها لما بطلع اطلب الباجي

 

[Maaya]

في صالون بحولي اللي فيه تسوي نفس الحركة بالضبط تعودت اطلب الباجي لما بطلع

 

[LoLaTi]

حتى انا صارت فيني هالحركة بس مو بصالون الرقعي لا بصباح السالم :eh_s(10): خصوصا لمن يكون حسابي دينارين او 4 لان شغلهم رخيص كل شي بدينارين ف لمن اعطيها عشره لازم اكتشف انها بايقه دينار ولا دينارين وكذا مرة تصير الحركة فيني بس ماخليها انشب لها نشبة اقولها باقي دينار وينه :rgewrg: تسوي روحها تطق على راسها يعني نست وتقولي سوري مدام

انا اقول علمي صاحبه الصالون عليها لاتسكتين حرام

 

[Diva-Q8]

مافيها قطعت رزق هذي امانة برقبتج انتي شفتي الغلط بعيونج اكثر من مره ولو كلمتيها يمكن تتليعن اكثر معاج و ليش تغطين عليه

تره الانسان لازم يكون امين على لقمة عيشه وصاحبة الصالون مأمنتها على حلالها مو بلاش تعطيها راتب

نصيحه بري الذمه وقولي حق صاحبة الصالون

اخذي رقمها ودقي عليها عشان ماتعرف انتي اي زبونه وشنو شكلج عشان العامله ماتحقد عليج

وبطريقة لبقه اول مدحي صالونها وانج اتحبين تيين له بأستمرار بس في شي مظايقج وقوليلها انه تعامل الرسبشن في اهمال وغير لائق ودايمن تنسى وعطيها مثال انها تتاخر برد الباجي وكلا تتناسه وانتي تنحرجين كل مره تذكرينها

عشان صاحبة الصالون تعطيها تنبيه لاتظنين بتفنشها عشان هل شغله مايفنشون إلا على شي جايد اذا بايقه اشكره وماردتهم مثلا

تره كل صاحب حلال يتمنى احد ينبها على اللي قاعد يصير من وراه اذا انتي وغيرج سكت هذا تشجيع على البوق

هذي وجهة نظري وانتي حره

 

[shaikhat elbnat]

قولي حق صاحبة الصالون