اقرو موقفي مع دكتوره جيهان مستشفى هادي

[أأأميرة الورد]

الحمدالله على سلامتج

 

[kuwaitya_zoGaa]

واى يا قلبى بس ترا انتى وغيركم غلطانين لو كل وحده اطلعت وراحت على طول عند مدير المستشفي واشتكت جان هالاشكال خافت ليش تسكتون ؟؟؟ ترا الذرابه ما تنفع مع هالاشكال

 

[ام قوقي]

صح انا كنت اراجع عند هذي جيهان طول ثمن شهور بس انا قلت حزه الولاده ابي بهواني تولدني بس فجا ياني مغص وقلت حسبالي عادي لمن رحت جان تفحص ولا 3 سانتي جان اتقول انتي بالثامن مايصير اولدج قتلها انتي قلتيلي كل 3 من الشهر تدخلين شهر جان اتقول لا انتي احسابج غلط لازم تروحين الحكومه راح اكتبلج ابره اتوقف الطلق علشان ما تولدين وصج خذيت الابره ونمت بالصباح يومين والحمدالله وقف الطلق وشوفوا الصدفه بعدها اب اسبوعين ياني الطلق الفير جان اروح الهادي ولا منو دكتوره جيهان انا الحين خلاص خذيت منها موقف مابي عندها افحصتني جان اتقول دخول انتي 4 سانتي جان ريلي ينط جان ايقول اهيه ماتبيج انتي اتولدينها تبي بهواني خلي يدقون عليها وانا عقب ما الي سوته ما قمت اراجع عندها رحت عند بهواني طول هل اسبوعين او 3 اسابيع جذي والله صج الحمدالله بفضل الله ولدج عند بهواني والله هل المره شاطره ماشاءالله واسفه طولت عليكم

 

[~LiBrA~]

قطيعه تقطع المصريات كلش ماكو اخلاق ولا اسلوب

مستشفى هادي خلاص راحت عليه


اهم شي الحين مافيج شي

 

[بربيره]

الله يسلمكم حبايبي و يسهل عليكم نصيحه سالو عن الدكتور قبل ما تروحون له احس لحظات الحمل و شوفة البيبي بالسونار شي ثمين بالنسبه لي المفروض استمتع فيه وانتو معاكم حق لما قلتوا لازم تشتكين بس انا اخاف من الله واتردد وايد حتا لما بغيت اكتب الموضوع ترددت بس حسيت مو من حقها تسوي جذي مع الحوامل و كتبته انا عموما حييييل هاديه و ما اعرف اتناجر ولا اتهاوش و في حالتي كنت اتالم العاده الوالده الله يعطيها العافيه تاخذ حقي خخخخ

 

[ام محمد محمد]

يااحبابى هناك خلط كبير دكتورة جيهان الموجودة الحين اكتر من رائعة ونفسيتها حلوة زين ولا ترد احد اطلاقا ويكفى انها عربية تفهمنى وشاطرة حيل---الاخت الفاضلة ال ليها موقف مع دكتورة غير صادقة على الاطلاق----لانى انا جربتها وجربت ولادتها وجربت كيف تشرح كل شئ فى السونار شرح وافى وكل اخواتى واقاربى مرجعينها---كلة بيشكروا فيها حيل وصبورة ----والتجميل زين زين-انصح بيها اخواتى الاحباب ---وبلاش موقف فردى نحكم بية على الناس بالباطل ياختى الفاضلة---------نفسيييتتهههههههههههههها رووووووووووعة --حرام ترمى الباطل على الناس-----

 

[بربيره]

ولا الي تقول اني مو صادقه و منبشه بالموضوع و مشاركاتج ٧ و لهجتج مصريه انا اقولج ما تشوفين شر حبيبتي

الدكتوره سييييئه و انتي شكلج تعرفينها ولا اهي نفسيتها حلوه حق المصاروه و خايسه حق الكويتيين بالله انا بتبلا عليها مثلا

الدكتوره لو تنشال من المستشفا وايد احسن اظاهر حاطينها حق ربعها وكا تجارب البنات كل وحده راجعت عندها منقرفه ما ادري انا شاكه فيج بصراحه

داشه بقوه و مطلعه الموضوع و تدافعين هالكثر و لهجتج مصريه اخاف انتي جيهان خخخخخ

 

[jegrom]

الحمدلله على سلامتج اول شي

وشهالدكاتره قطيعه على هالنفسيه المشكله داشين بفلوسنا والله حاله

اذا تبين سونار انا جربت السلام وايد زينين مع ان في دكتوره مصريه بس تهبل واخلاقها حلوه وتفصفص البيبي عدل

بس مفكره اراجع عند ليلى اشكناني اختي كانت عندها وحريم اخواني ويمدحونها ويمدحون نفسيتها

وديري بالج مره ثانيه ولاتروحين عند اي احد

 

[المسكـ]

والله لو انا منكم اشتكي عليها شنو ماتبي تشتغل خل تذلف تقعد بالبيت شكوو تنفس عاد انا طفاااااااااااااااااااااااااااااارتي النفسيه الشينه والله لو رحت لاحد منفس اقطها بويهه والله بربيره جان طلعتي واشتكيتي عليها ولا قطيها بويها ختولي داشين ببلاش شنو حتى الحكومه مليون سؤال يسالج قبل السونار وبعده

 

[نونو المزيونه]

الله يفكنه من هالاشكال علشان تتعدل ديرتنا

 

[تهانى الحنونة]

ياخت بربيرة شكلك راحة المستشفى للفسحة مش حالة طارئة بدليل ال يتالم ميهموهوش ولد ولا بنت---انا مع ام محمد--د جيهان زين وشاطرة-----ونفسيتها تهببببببببببببل---------حرام عليكى----واختى ولدت عندها وتشكر فيها وايد----والخياطة زين ---وانتى راى فردى كل احبابى بيحبوا وايد---عيب عليكى

 

[تهانى الحنونة]

ياخواتى انصحكم بيها بدون تردد--------كل ال تقولة الاخت بربيرة كذب------لتقولى خير او تصمتى ---علشان ربنا يبارك فى بطنك
ربنا يفكنة من هالاشكال ال بيتحكى الكذب اتقى اللة

 

[مواصله]

ياخواتى انصحكم بيها بدون تردد--------كل ال تقولة الاخت بربيرة كذب------لتقولى خير او تصمتى ---علشان ربنا يبارك فى بطنك
ربنا يفكنة من هالاشكال ال بيتحكى الكذب اتقى اللة

مادري ليش تكذبين البنت اهي شنو راح تستفيد !!البنت تتكلم عن موقف بايخ صار لها

والا تبينها تمجد وتمدح فيها بالغصب عشان ترضين



واااااضح انج من طرف الدكتوره ياهانم ومسجله مخصوص عشان تردين عليها بس

 

[تهانى الحنونة]

دجيهان الحالية فى الهادى غير د جيهان السابقة----الحالية شاطرة وااااااااااايد ومعاملتها زين---------المهم يااخواتى مش الولد ولا البنت المهم سلامة الجاهل------------

 

[تهانى الحنونة]

انا ياختى مااكذب البنت ---بس رايها اذا كان كاذب او صادق تحتفظ بية لنفسها----لان اللة يعلم من الصادق من الكاذب----من تقصد جيهان السابقة ام الحالية ----وانا جربت الحالية زين واللة

 

[المـــــها]

امبييييييييييييه بربيره بترج حرييييييييتيني و الله
و يوم اهيا عورتج قوليلها دكتورة قاع تعوريني غثيها قعدي على قبلها
جان سألتيها عن التفاصيل
بعد دافعه فلوس و خاص و جذي تعاملج احححححححححح بس يالحرة
لا تخليني الحين اروح امشع شعرها هالنفييييييييسة
المفروض اللي يسوي سونار يشرحلج الصورة اللي بالشاشة
مو يجي كأنه قرندايزر منفس

 

[ام سعود ديكسون]

ليش اللي دارس طب تحسونه مترفع عن الناس حتي لو كان متروس عيوب
يبا درينا انك درست اكثر من 7 سنوات و غرقت بالكتب
بس اكو مادة بالطب اسمها علم نفس المرضي

واكو دورات تطوير الذات

واكو اللي اكثر من جذيه >> ابتسامتك بوجه أخيك صدقة
وانا اشوف المسيحيين والكفار يطبقونه اكثر مننا

جان بطيتيها بويهها جان قلتي لها أنا مرعوبة و متحسسة من الحمل لأني حامل و معذورة
بس انتي ما ريحتيني لا بالكلام ولا بالأسلوب النفسي بالتعامل و اصلا نص العلاج نفسي
وانا دافعة فلوس عشان اتعالج مو داشة ببلاش

 

[المـــــها]

عفوا من بعد اذنج بربيره
في شي غثيث دش بالموضوع


نعم نعم نعم خير ام محمد و تهاني الحنونة
خير ماما انتي و هيا؟؟
يعني الحين بنجذب بربيرة و نصدقكم ؟؟
يا أمهات 6 مشاركات !!!!!!
جايين اشكرا مبين انكم شخص واحد و طايحينله اختي بتشكر فيها و صديقتي بتشكر فيها نعم ماما ؟؟؟؟
و تهاني حبيبتي ماعرفنا منو اللي جربها انتي ولا اختج ؟؟ بكل رد كلام غير أشكراااا جذب×جذب

عيب تجذبون البنت بكل قواااات عين و انتوا اشكرا مبين خوارة كلامكم مدح و يشكروا بيها و ولادة و خياط
أحد جاب طاري الخياط و الولادة؟؟؟




بعدين حبيبتي اللي تقولين شكلك قاية تتفسحي ،، !!!
عييييييب عليج يا ماما شنو هالأخلاق و قوات العين اللي فيج
يبه موتي حرة تتفسح و لا ما تتفسح
كيفها تسأل اللي تبيه انتي شكو؟؟ المرا دافعه فلوس و من حقهم ينطقون بكل معلومة بالسونار انتي شكو ؟؟؟
خلوها تتفسح المسيكينه و انتوا بس يالله احفظوا ماي وجوهكم !!

 

[شاربة بيبسي ومدلعة نفسي]

احسن دكاتره الهنووووووود ماشاءلله بااالهم طويييل حنوووونين

 

[Daisy flower]

عاد رفيجتي تمدحها مطيرتها للسماا غريبه ..

والله احترنا ماندري وين نروح ..!