اقذر مكان بماليزيا

[حربيه وبس]

قوه بنات شخباركم

واااااااااااااي بنات بقولكم عن روحتي لسسوق الصيني
اللي اعتبره اقذر مكان بماليزيا كلها
او مادشيت خييييسه ورييييحه المهم قلت بتحمل مو مشكله لاني ابي اتشرى
شفت كذا جنطه تقليد طبعا اقولهم بجم يقولون ب 400 و500 والرخيصه 300 رننقت
يعني بحدود 40 و50 و30 دينار
العن خيركم تقلييييد على شنو السعر هذا
والقهر تشوفين الهنود قاعدين يتشرون الجناط على 20 و30 رنقت
يعني دينارين وثلاثه
يعني استغلاااااااااال يرفع الضغط لان شافونا خليجيين وربي كرهوني بالمشترى
قلت لزوجي خلاص مابي اشتري شي اروح اشتري من مجمعاتهم ابرك
قلنا نبي نتشمى بس وهني المصيبه
والحقاره واحنا نمشي الكل يحط علينا الليزر وااااااي بنات قمت امشي واتلفت وكل ما اتلفت اشوفهم حاطين الليزر علينا من ورا
يعني اسلوب سوقي بالمره وزوجي ارتفع ضغطه الحين بس ندور النحشه من السوق
لان زوجي خلااااااااااااااص وصل حده وانا خفت تصك الهوشه
واحنا طالعين وااااااي يا مطاعمهم كشكات كلها لحم خنازير والرييييييييييييحه اعوذ بالله
هذا غير الخيسه على الارض
المهم هذا اللي صار كله
وانا حبيت اقولكم عن قذارة المكان هذا وفعلا ما انصح وحده تروح له ابد
يومنا كله تعكر بسبته

 

[المصممة سيتا]

ثانكس على الموضوع عنى انا ماحب اروح هاذى الدول احب الدول العربيه احنا اهنى ويالله متحملين هالعماله وع عليهم ريحه وع موطبيعيه لا عنى انا ماراح اروح اشفيها الدول العربيه ولى بس تقليد راحت افلانه انا بروح اناعندى وسواس النظافه يعنى ماحب جذى اماكن

 

[ملواكي]

ميخالف الله يعوضكم بطلعات احلي
مشكوره عالتنبيه

 

[عيالي...حياتي...]

امبيه



وانا ان شاءالله رايحة بعد جم يوم مع عيالي صغار 3


الله يعيني
بالنسبه للاسعار ليش ما كاسرتيهم همة كلا جذي اول يقول 300 وتالي تاخذينها ب 30
معروفه هالسالفه

 

[بنت ابويksa]

وععععععععععععععععععع
حتي انا السوق الصيني ماقربته
بالعكس ماليزيا نظيفه بس لا تروحين ذي المناطق​

 

[choclate-_-q8]

في مجمعات وايدحلوه و راقيه أنا بماليزيا الحين
يشوفونه عرب وعلى بالهم إحنا عندنا بير نفط ونتمشى فيه
مو غاليه بس تكاسيهم نار وشرار واكلهم الله يزيد النعمه

 

[حلوى كويتيه]

خواتي احسن تقليد هوا السوق الصيني اللي بيننق اللي بالجزيره يسمونه السوق الليلي واسعاره ارخيصه
نصيحه لا تروحون السوق الصيني اللي بالعاصمه لانه مايسوى وغالي واستغلاليين

 

[دلعلــــع]

اشوااا ما رحت مال كوالالمبور انا رحت السوق الليلي ف بيننق كان حلووو و رخيص

 

[dob106]

عاد هى الدوله اللى رحت لها وتحسفت وما ادرى الناس ليش تمدح فيها ؟؟؟؟؟

 

[أم حمني المزيون]

والله صاجة صح يوم رحنا له ريلي ماخلاني اطول فيه لاعت جبودنا من الوصاخة والزحمة والقته ونفسهم شييييينة فعلا انا ما آخذ تقليد بس بصراحه رحت هناك علشان الصوايغ وفعلا نفس ماقالوا البنات السوق الليلي ببينينغ وايد احلى واسعاره زينه وأشرح بعد :eh_s(7):

 

[q.u.e.e.n]

الي يبي السووق الصيني يروووووح الصين نفسها شي شي شي خياااال ومجمعاتها حيل راقيه وماركات اول مره اشوفها بالصين بس غااااااليه

 

[ام الخير2006]

في اماكن ثانية تنصحين مانروح لها

 

[حربيه وبس]

والله بنات اخيس ذكرى صارلتي اهيا السوق الصيني بكوالالمبور مااااانصح تكفون لا تروحون له كلش ولا لما يحطون الليزر علينا من ورا واحنا نمشي عاد انتو اكيد عارفين وين يحطونه بضبط كرهت نفسي واشوه انها عدت على خير وطلعنا بسرعه وفعلا انا رحت السوق الصيني مال بينانغ شحلاته يونس هذا انا انصح فيه وعموما ام الخير الديره كلها حلوه لا تحاتين وانا تقريبا فريت معظمها وكل شي يونس فيها باستثناااء السوق الصيني بكوالالمبور اتمنى ولا كويتيه تروح له وتمر بلي مرينا فيه قطيعه الله يخسف فيهم

 

[ام عيون زايغه]

مرحبا انشالله تكونون مستانسين بماليزيا
انا رحت ماليزيا اول مره تقريبا 2001 وبعدها كل سنتين لازم امرها حق السوق وبالنسبه حق السوق الصيني اهو بطيبعتهم الصينيين حارين يعني بعض الخليجين يقلون ادبهم معاهم واهم اكيد ماراح يسكتون خل اقولكم موقف مره كنا واقفين باحد البسطات يت وحده من ربعنا امسكت الجنطه تقليد طبعا اقعدت تفر فيها تقريبا ربع ساعه يمين وشمال وفوق وتحت اخر شي عقب ماوصت السعر تقريبا 25 رنقت تتوقعون شنو سوت احذفتها حذاف ومشت من غير احترام طبعا هالشي يحر ولاتشوفين شكل البائع عموما اذا تبين الشي قعدي كاسري فيه واذا ماتبين تشترين من البدايه لاتقعدين تكاسرين علي ماميش

وبالنسبه لحركة الليزر اهم طريقتهم جذي بعرضهم للسلعه يحطون الليزر علي الزباين عشان يشوفون قوة الليزر وبعده واغلب زباين الليزر شباب خليجيين طبعا نيتهم من نفس ماذكرتي انهم يحطون الليزر علي اماكن بالجسم عفوا هذي حركات شبابنا

ماليزيا حلوه بطبيعتها بناسها بجوها بليل

 

[ام غمازهـ]

يعطيك العافيه

 

[حربيه وبس]

ام عيون زايغه انا الصراحه ماشفت احد قل ادبه عليهم ابد بعدين انتي تقولين كاسريهم شلون اكاسرهم اصلا اهم نفسهم شينه جنطه تقليد اللي عندنا بعشر دنانير يقولي ب ٥٠٠ رنقت امبيه شنو عباله احنا هنود ولا مانعرف بالماركات يعني استغفال اشكره واصلا اهو اللي ياخذ الجنطه منج يقولج تبين بسعر هذا والا رديها وعلى سالفة الليزر شكو يحطونه على شان يبينون قوته الليزر اللي قلت عنه بموضوعي انه يحطونه علينه اهم ماكانو يبيعونه بس كانو ماسكينه حق لعب والحمدالله الشعب الكويتي محترم بكل دوله يروح لها واشكر لج مشاركتج بموضوعي وحياج الله

 

[فرحه عمر]

اختي الصينين طبعهم جذي مايتحاجوووووووووووون نهائي ونفوسهم شينه خلقه
وشوفيهم بكل مكان سواء السوق الصيني بأي ديره مع انهم اهل تجاره بس نفوسهم اعووووووووذ بالله

 

[حربيه وبس]

ايه والله ماينطاقووووون الصراحه حتى سايق التاكسي مالنا يتشكى منهم يقول هذول مخربين ديرتنا

 

[قفشـه]

انا رحتله الصبح كان فاضي ومعاج حق ريحة اكلهم خييييييييييييسه

بس شريت خوش جناط كاسرتهم نزلت اسعارهم بالارض وشريت جناط اتينن على 3 دنانير

وبلايز angry birds لولدي

 

[!الجادل الصعب!]

فعلآ سوق مآليزيآ بكبره مآعجبني .. والسوق الصيني لوعة
وهم نفسيه والي معآي نفسيه ..,يعني مآطولت فيه كلش ..,
وآسعآرهم مبآآآآآلغ فيهآ بالمره .. هالسعر بتقليد مآ تسوآ كلش ..
آنا كنت فيهآ شهر 11 ومآكآن موسم والاسعآر صآيره غآليه عندهم ..,