اقتراحات وافكار لهدايا عيد الأم ,, حياكم بنات نساعد بعض

[ياحلاتي قمر]

بسم الله الرحمن الرحيم


بما ان يوم الأم او الاسرة قريييب حبيت اني اعطي بعض الافكار لهدية للام كنت مسويتهم وابي افكاار حق هالسنة لاني حيل محتارة خصوصا اني بعطي خالتي ام ريلي لاول سنة

انا احب اني اعطي ابوي بعد شي لان مرة حسيته زعل قال على غشمرة شمعنه تعطون امكم :ggdw:
الحين بكتبلكم بعض من الافكار ... وياليت تشاركووون وتعطونا اماكن نروح نشتري منها :eh_s(7)::eh_s(7)::eh_s(7):





بنات بليز لا تسولي افلام وتقولولي حرام والمسلمين عندنا عيدين , صحيح ان المسلمين لهم عيدين لكن هذا مايعتبر عييد هذا يوم نفرح فيه امهاتنا ونقدرهم لاننا اغلب ايام السنة لاهين ومشغولين والي ماتبي بهاليوم تقدر تعطي امها هدية اي يوم ثاني ...خصوصا ان الرسول وصانا على امهاتنا وان نفرحهم والهدية تفرح قلب الام

 

[ياحلاتي قمر]

1\ ممكن صندوق فيه انواع العطورات والرشوش وتخلونه مفتوح شوي ويطلع منه بوكيه ورد طبيعي طبعا العطورات والرشوش على حسب اختيارج للمحل المباركية فيها محلات روعة

2\ مرة شريت طقم كفر حق امي انا وخواتي ودخلنا غرفتها وفرشنالها ولبسنا كفرها وكانت مفاجاة حلوه

3\ طقم مطارات كان في معرض بارض المعارض وشريت الطقم منه للاسف مو عارفه اسمه لان كان معرض

4\العام ماقدرت اشتري هدية فعطيتها مبلغ فلوس وغلفتهم بطريقة حلوه

 

[غصون ق]

حللللللللو الموضوع
انه بشارك معاج ويشرفني اكون الاوله
انه ب النسبه لي قدمت لها خاتم ذهب السنه الي طافت
بس هل مره مادري شنو بشتري
لها قلت لخواتي و اخوي انه انجمع فلوس ونشتري لها تلفون حديث
ان شاء الله نستفيد منج اشياء احله و ان شاء الله لي رجعه باجر

 

[تحب اختها]

احلى شي انك قلتي يووووووووووووووم الام مو عيد الام... الله يعافيك ويوفقك يالغلا....

شوفي وش اللي بخاطرها وجيبيه لهااا... والاحلى طلعه جماعيه لمطعم راااااااااااقي جديد عليكم... تسولفون وتضحكون ... وبعدها عطيها هديتهااا..........والذهب والعطور احلى شي

 

[غصون ق]

حل حلوه فكرتج

 

[حبيبي رسول الله]

هلا حبيبتي عندي بعض من الاقتراحات والأفكار وان شاء الله ما تكون قديمه وبعد فرحي أبوج يستأهل تفرحينه لان الأبو تحسين مأكول حقه شوي اولا ابتدئ سووي لهم حفله في اي بيت من بيوت خواتج او بيتكم بس ما يكون عند أهلهج وحجزي بوفيه او كل وحده من خواتج وإخوانج يجيب طبق معاه وحلو وسوو بوفيه منزلي وبعد طلبوا كيكة حلوه تعبر عن المناسبة وكل وحده من خواتج تشتري هديه حلوه يعني اول شي تقيسون النبض عن امج وأبوج وتشوفون شنو يحبون وخلوا أعيا لكم يقدمون الهديه لهم مع باقات ورد صغيره وأول مايدشون نثروا عليهم المشموم والفلوس وحطوا لهم اغنيه تناسب وقت دخلتهم ولا تنسون التصوير مهم عشان تبقى في الذاكرة يعني فيديو وتصوير عادي وبس ولي تذكرت شي باقولج ادري طولت بس حبيت أساعد ولو بشي بسيط وان شاء الله أعجبتك الفكرة يعني حفله مفاجئيه وان شاء الله لي تذكرت شي باقولج والسلام ختام

 

[M!SS.LOBY]

افضل هدية قطع ذهبية ثمينة و غالية

 

[كوينه]

مصحف + قلادة ذهب او فضة + عطر
بوكيه ورد
كلهم بصندوق مميز ومع كرت

 

[cup-cacke]

في ساعه عاجبتها بنييبها لها

لان نظام امي ماتحب احد يفاجئها بشي ف صرنا نراقبها كل ما دخلت محل او شافت شي وقالت حلو نروح نييبه لها ك هديه:d توفير عن الزف بس

 

[a7saaas_20]

موفقيييين

 

[درفل]

موووووووووووووووووووووووفقة