افيدوني بعد عملية الليزك

[شبيهة ديانا]

السلااااااااااااااااا م عليكم بنات:.
بغيت منكم أتفيدوني بخصوووووص عمليه الليزك

أنا الحمدالله أمسويه العمليه تقريبا صارلي 7 اشهر بس بغيت أعرف متى أقدر ألبس العدسات الاصقه الملونه
لأني ماأقدر استغنى عنهم قبل العمليه عشان جذي ياريت اللي جربت تعطيني خبرتها حتى من ناحية النوع الزين اللي
مايضر .... ويعطيها العافيه اللي ترد علي

 

[empress_84]

ما ادري بس اب لعيونج

 

[-:|Fdaitney|:-]

اول شي حمدلله على السلامة ولو انها متأخرة
ثاني شي .. حبيبتي انتي زين افتكيتي من العدسات والنظارة الحمدلله
الله يهنيج
لا تخربين عينج بايدج
باجر تتحسفين
مو الا عدسات ملونة
خلج واثقة من نفسج وحسسي نفسج ان لون عيونج الطبيعي
اللي بالشمس يبين لونها افتح
احلى بوايد من الوان عدسات الدنيا
ادري مرات ودج تغيرين وتلونين
وتنزل الوان بخاطرج تجربينها
وتتخيلينها حلوة عليج
بس ما تدري
بعدين تقولين ياليتني ما فكرت ولا لبست ولا سويت شي
انا هاذي نصيحتي وانتي سوي اللي يريحج
سألي فيها الدكتور اللي سوا عمليتج او اي دكتور عيون
لا تاخذين بكلام البنات (مع احترامي للكل)
كل وحدة لها تجربتها
بس من عين لي عين تفرق
موفقة حبوبة

 

[الزين فرح]

وعليكم السلام
حمدلله علي سلامتج
اتمني انج ماتلبسين العدسات
بسالج وين سويتيها عند اي دكتور وما فيه اي مضاعفات وجم كلفج مع خالص الشكر

 

[قطوتي]

انا لبست بعد 8 شهور .. مع ان الدكتور قالي عادي بعد شهرين بس انا كنت اخاف

اذا انتي حاسه ان عادي وماكو عوار لبسي .. بس طبعا راح تحسين انها مو مريحه مثل اول

 

[شبيهة ديانا]

ما ادري بس اب لعيونج

تسلمين ياقلبي عالرفع

 

[شبيهة ديانا]

اول شي حمدلله على السلامة ولو انها متأخرة
ثاني شي .. حبيبتي انتي زين افتكيتي من العدسات والنظارة الحمدلله
الله يهنيج
لا تخربين عينج بايدج
باجر تتحسفين
مو الا عدسات ملونة
خلج واثقة من نفسج وحسسي نفسج ان لون عيونج الطبيعي
اللي بالشمس يبين لونها افتح
احلى بوايد من الوان عدسات الدنيا
ادري مرات ودج تغيرين وتلونين
وتنزل الوان بخاطرج تجربينها
وتتخيلينها حلوة عليج
بس ما تدري
بعدين تقولين ياليتني ما فكرت ولا لبست ولا سويت شي
انا هاذي نصيحتي وانتي سوي اللي يريحج
سألي فيها الدكتور اللي سوا عمليتج او اي دكتور عيون
لا تاخذين بكلام البنات (مع احترامي للكل)
كل وحدة لها تجربتها
بس من عين لي عين تفرق
موفقة حبوبة

ياحياتي والله انا فديتج عالنصيحه الحلوه وماقصرتي... بس ادماني عالعدسات اهيه المشكله لاني متعوده عليهم مشكوووره ياقلبي

 

[شبيهة ديانا]

وعليكم السلام
حمدلله علي سلامتج
اتمني انج ماتلبسين العدسات
بسالج وين سويتيها عند اي دكتور وما فيه اي مضاعفات وجم كلفج مع خالص الشكر

هلا الزين الله يسلمج ياقلبي ... سويت الليزك عند قنال الصايغ عند الدكتور شريف عبدالوهاب ... 350دينار
كان عندهم خصم .... بس الحين ماادري تقدرين تدقين عليهم وتاكدين

 

[شبيهة ديانا]

انا لبست بعد 8 شهور .. مع ان الدكتور قالي عادي بعد شهرين بس انا كنت اخاف

اذا انتي حاسه ان عادي وماكو عوار لبسي .. بس طبعا راح تحسين انها مو مريحه مثل اول

تسلمين عالرد حبيبتي
بس الحمدالله مافي عوار بس احس بجفاف خفيف يمكن من مقابل النت 24 ساعه يعني البسهم وماراح اتضايقني؟؟؟
تقدرين تنصحيني بنوع معين يكون طبي ومايثقل عالعين ؟؟

 

[قطوتي]

ممممممممم مع الجفاف صعب لبس العدسات

انا كنت البس عدسات 24 ساعه قبل العمليه

بس الحين بس حق المناسبات ,, احس ان بعد هالتعب مايسوا البس عدسات

وحتى لما البسهم اتضايق بسرعه ,, اول طول اليوم على عيني ولا احس

غير ان العين تحمر بسرعه لان صارت حساسه بعد العمليه ,, انتي جربي لان عين عن عين تفرق بس ان حسيتي انج متاذيه نصيحه لاتتعبين عينج بس علشان المظهر ترى السالفه ماتسوا

ونوع العدسه والله ماادري انا استعمل العاديه وبالمناسبات بس

 

[زهرة_الجبل]

الحمدلله على سلامتج

انا كنت مسوية العملية والحمدلله عقبها ما لبست العدسات والحمدلله ما صار لي مثل ما صار لوحدة من خواتي سوتها وقامت تلبس عدسات عقب وصار فيها جفاف مو طبيعي

وبيني وبينج اغلب الدكاترة ينصحون انج ما تلبسين عدسات بعد العملية ، حرام يسبب جفاف للعين

هذي نصيحتي لج يالغالية وانتي حرة

 

[كتكوته فوشي]

بنات عفيه وين سويتوا العمليه تكفون منو اسن دكتور يسويها

 

[مناوي]

انا سويت عمليه الليزك عند الدكتور سامي ربيعه وكفلتني 620 وهي على حسب النظر بالاساس .. وسؤال الاخت عن العدسات انا عادي قالي من شهرين اعتقد وطالع بس انا ما البسها حاليا الا بالمناسبات واذا طق بمزاجي بيوم عادي ما ياثر واذا على الجفاف اكو قطرات ترطيب من الصيدليه

 

[شبيهة ديانا]

بنات جزاااكم الله خير عالردووود وانشالله ابسوي نفسكم ابلبس العدسات بس للمناسبات ويعطيكم العافيه عالمرور
كتكوته أنا سويتها عند قنال الصايغ وكان خصم عندها سواها الدكتور شريف عبد الوهاب 350د. ك

 

[ريونه المزيونه]

عقب 3 اشهر,, بس شلج ,, مايسوى عليج.,,
ماهلكت عيني الاا العدسات الملونه,,, الدكتوره يوم تسويلي العمليه تقولي الطبقه اللي على علينج صايره رقيقه من كثر مو مهلوكه من العدسات

يختي الحين ولا اشتهي البسهم من عقب العمليه

ياحلات العين الطبيعيه