افكر وايد واتعب نفسيا

[معشوقتي امي]

:eh_s(16):مساكم الله بالخير حبايبي شلونكم ان شالله تكونون بخير وعافيه
راح ادش بالموضوع علي طول وابي ردودكم الحلوه بشوف نفسي هل انا طبيعيه ولالا:eh_s(22):
مشكلتي ان انسانه عاطفيه ابعد الحدود وحساسيتي مفرطه دمعتي حيل قريبه وازعل بسرعه واحط بخاطري واذا الشغله تجرحني اقعد ايام متاثره:eh_s(11):

كانت عندي رفيجه قريبه مني فجاه فقدتها السنه اللي فاتت لغايه هاليوم افكر فيها واطري اسمها واقول بيني وبين نفسي ان رحت بيتهم بلاقيها :eh_s(16):افتح الوتس اب علي اسمها اقول يمكن تكتب لي لانها فقيره حيل وطيبه واحبها موقادره انساها لدرجه ان رحت المقبره كنت بزورها بس للاسف مالقيت قبرها لان اهلها موحاطين لها شاهد احس ان مشتاقه لها كل ماذكرتها تدمع عيني:eh_s(11):

دايم افكر ان امي ميته واحط سيناريو رهيب وغصب عني الاقي دمعتي تنزل من كثر التفكير احلم انها ميته اقعد علي ونتي بالحلم كل انسان قريب مني افكر ان فقدته واقعد افكر وابجي بعدين اتعوذ من الشيطان وانسي
حساسه حتي مع زوجي علي اقل كلمه ازعل وابجي حتي قام يتحاشي الكلام معاي يمكن لان عشت قبل ظروف مرض صعب عشان جذي صايره حساسه
ودي اكون بارده ماعصب ولازعل عشان ماحب ازعل احد مني
طولت عليكم سامحوني بس فعلا محتاجه لنصايحكم لاتبخلون علي ودمتم لي :yaaaaaarb:

 

[granted]

انتي تحسين بتانيب الضمير ليش كل هذا لاتعذبين روحج وتتخيلين سناريوهات حزينة ترى هذا مرض والله ببتعبين
رفيجتج سويلها شي ينفعها وقف ولا تصدقي لها اما البجا ماراح ينفعها
ولاتسترسلين بالخيالات اشغلي روحج بشي ذهني رددي اذكار او ايات اقري قران
وخلي عنج جلد الذات
الله يوفقج

 

[اميره1980]

نفس مشكلتي بالضبط
بس انا اللي توفا زوجي مو رفيجتي
كله قاعدة بروحي و احاجي نفسي
يمكن الشي الوحيد اللي قاعد يسليني الحين المنتدى و اللاب توب

شوي الحين صرت احسن لاني التزمت دينيا و بديت اقرا قرآن اللي قبل لا يتوفا المرحوم ما كنت ادري عن القرآن و لا اقراه كلش
نصيحتي لج حبيبتي انج تقرين قرآن و تصلين الرحم و كثر ما تقدرين الهي بحياتج
تعلمي شغلات يديدة او دشي نادي او دورات علشان الوسواس يبتعد عنج
انا ما نصحتج بجذي الا لاني ماره الحين بهالتجربة مثلج بالضبط
الحمدلله على كل حال

 

[NOoOf 305]

حبيبتي كثري استغفار و تقربي من
الله عز وجل اكثر و لا تفكرين بشغلات مو زينة وقفي الوسواس

 

[ajeeba_21]

من كثره الفراغ يصير معاج جذي
طلعي تسوقي الهي بنفسج
وان شاء الله بتصيرين أحسن

 

[el.mlkaa]

انا بعد رفيجتي مااتت وكله اهيا اببالي وادعيلها بالرحمه مايصير تسوين بنفسج جذي

عسى الله يرحمه ويغفرلهمممم دنيا واخره

 

[Patcholli]

حاسه فيج واحس بالظبط نفس احساسج بس حبيبتي لاتوصلين الوسواس لمرحلة المرض انا وايد اتعب من التفكير خصوصا وقت النوم ولا لما يرن تلفوني افز وارد وانا مخترعه دايما احس ان بسمع فلان مات او فلانه ماتت واتخيل الناس اللي اعزهم واتخيل لحظة موتهم واي استغفر الله هالشي غلط بس ما باليد حيله خصوصا اللي انصدم وعاش تجربه انا من كثر صدمتي مو قاعده احس بلذة الدنيا ماكو شي يونسني هالشي حلو ومو حلو بنفس الوقت حلو انج تشوفين معنى الدنيا الحقيقي اللي انخلقنا عشانه وبنفس الوقت مو حلو تحسسين اللي حولج بهالشي انا احاول اجامل كثر ما اقدر عشان ريلي لا يتظايق او يكش مني اهو بالنهايه ماله ذنب
وهم القناعه والرضا بقضاء رب العالمين بيصبرج ويخليج تتحملين هالمصايب الدنيا نفس اللعبه تقلبنا يمين ويسار يوم فلان يروح واللي عقبه احنا بنروح بالنهايه رايحين رايحين حتى لو عشنا فتره ولهانين على حبايبنا راح ايي اليوم اللي نلحقهم والله يحسن خواتم جميه المؤمنين يارب .. والله يمسح على قلبج ويهون عليج حياتي :<

 

[cute lulu]

امبييييه وربي حتى انا واااااااااااااااااااايد تصير معااي ومادري اشفيني صاايره ام ادميييعه :eh_s(2):

 

[نونه المنكوشه]

هذا وسواس والوسواس من الشيطان يبيج تعيشين اب هم وكدر فانتى اغلبى الشيطان وذكرى الله وستغفرى وشوفى الحياه من الجانب الحلو وستمتعى فيها مع الناس اللى اتحبينهم وخلى القدر لله اهوه كفيل بحياة اى انسان فليش الخوف والكدر مدام الله موجود والحزن والكدر مايرد اللى راح بالعكس ارضى بقضاء الله وقدره وقولى الحمدالله بتشوفين السعاده باذن الله

 

[ام فاطمـة]

اقرأي آيات وتعوذي من ابليس
وادعي ربج
الله يفرجها

 

[جوري - q8]

صاجه من كثر مانسمع مااحس بلذة الوناسات حتا اي شي مخترعه صايره وهلع فيني اعوذ بالله من الشيطان الانسان ضعيف الله يرضا علينا اجمعين