افكر براعي المصبغه............

[وسن 11]

صباحكوووووووووو عسل



الموضوع علي السررررررررررريع


انا كل افكر بالهندي راعي بالمصبغه اللي تحتنا _03BA:_03BA:


شسويييييي خليت كل الناس وقعدت افكر فيه:tek:





افكر ررررررررر و افكر ررررررررررررررررر:ch12: لماااااااااا انام







:0bee2e8d89::0bee2e8d89:











ادري تفكيركم راااااااح بعيييييييييييد:eh_s(13)::eh_s(13):



هههههههههههههه:lololoe:


لا صج.........
كل افكر شلون يغسلون البطانيات والديابيج ؟؟؟؟
يعني يغسلون ديباجي مع ديباج الناس .....يعني اللي مريض واللي اجرب واللي وجعان واللي كبير واللي مسويها علي عمره..............

ياربي سشوووي ​

فكرت اشتري غساله مع نشافه خاصه للبطانيات بس ماعندي مكان ...........

انتم شلون تغسلون بطانياتكم والديابيج




وهه فمان الله

 

[*شمعة وفا*]

تدرين ما الومج على هالتفكير
لان في مصابغ تسويها
بدليل انج تودين ديباج مافيه وصخ
بس يحتاج غسيل عن الاستعمال
يرد لج قذر
انا مرة اضطريت اودي ديباجي لغير المصبغة اللي اتعامل معاهم
كان الديباج من الصوب اللي داخل فرو ابيض
رد لي ابيض مموج باسود
ولاعت جبدي منه

شوفي انا من اهل الجهراء
عندنا مصبغة سفاري
ولها فروع كثير بس مدري وين بالضبط
اتعامل معاهم
مرة زوجي سالهم ليش انتو اغلى من غيركم
قالوا له ادخل وانت تعرف\ودخل داخل,, فجأة يعني مو حاسبين حسابهم
لقى يغسلون كل ديباج بروح وينشفونه بروح
ومنها ما اودي لغيرهم ,,سفاري وبس

تقدرين تطلبين من الهندي انج تدخلين تشوفين
واذا رفض عنده بلى اكيد

وبس عاد طولتهاعليكم​

 

[غرام زوجي]

بصراحه نفس التفكير عشان جذي مااحب اغسل شي عندهم الا بالضروره

 

[!! شوق !!]

احنا امي تنقعهم بالبانيووو مع صابون وماي دافي ,, تالي تدوسين عليهم برجولج وتفركينهم حييييل حييييييييييييييل
ولي خلصتي ارفعي الديباج ع طرف البانيوو عشان ينزل مايه .. تالي سبعيه بكونفرت ونفس الطريقه الاوليه رديه ارفيعه لين ينزل مايه حييييييييييييل وعقب شريه .. ترا الطريقه تكسر الظهر بس انظف من المصابغ

 

[mrs_sugar]

نفس التفكير

بس ما لقيت حل ثاني

 

[costa chic]

نفس تفكيري

 

[شيــوخه]

انا مااودي للمصبغه اغسلهم بلبييييييت واخليهم لحد مانشفون على الاقل منطمنه انه موو مغسولين مع احد

صراحه مصبغه عن مصبغه تختلف مصابغ اتخلط كل شي حتى الدشاديش مالت الرايايل مع بعض

 

[*شمعة وفا*]

انا هم أستخدم طريقة البانيو
بس مو دايم لأني عايشة مع حمولتي
وماعندي مكان خاص اشر فيه
بس أمي ماتودي المصبغة إلا ضروري
طريقة البانيو
وهم جدر حق طبخ الذبايح مخصصته لهالسوالف

 

[وسن 11]

يسلمووووووووووووو بنات علي الرد
بس بجد سالفه عويصه البطانيات والديابيج

 

[Heaven Light]

نفس البنات .. بالبانيو نغسله


​

 

[Om JooD]

اكو غساله شفتها مرة بالغانم تغسل بطانيات وديابيج رووعة بس ما عندي مكان لها

 

[فرنسا]

واي ضيقتوا خلقي الحين بتخلوني انا بعد افكر براعي المصبغة لوووووووووووووول
انا الشراشف والدوفية وكفرات عيالي اغسلهم بغسالتي مع نظام التعقيم البايولوجي فيها صح تطول على ماتخلص غسيل بس احس فعلا يطلعون معقمين لكن كفري ماقدر اغلغصة فيها احسة ماراح ينظف من الضيج باودي المصبغة (كنج جارد)وامري لله

 

[دانه الهيرات]

عندنا غساله هفيديوتي بس للكفرات فاغسلهم فيها لان ما اشتهي المصبغه كلش كلش

 

[روح مغليهآ]

طلبي من راعي المغسله يغسلج اياه بروحه انا جذي احرص عليه

 

[الفراشة_البيضاء]

بما اني وسواسيه
اخذت غساله كبيره بالاقساط لهالغرض بالذات
وريحت راسي

 

[وسن 11]

يسلمووووووووو يا حلي كويتيات

وانا شكلي بشتري غساله خاصه فيهم وبدورلها مكان

يسلموووووووو

 

[غلاي غير]

لاعت جبدي
فطنتيني الله يسامحج لوووووووووووول

 

[زود الغلا]

لالالالالالالالالالالالالالالالالالالالالا للمصابغ ونعم للغساله الخاصة الاتوماتيك شزينها للكفرات تهبببببببببببببببببببببببببببببببل واشتريها وماراح تتحسفين حتى لو تحطينهابغرفتك النوم <<<< قوية لا لو تحطينها بالمطبخ .

 

[Little_Queen]

نترس البانيو ماي و صابون و نحط الكنابل و الديباجات تتنقع لها ساعه ولا ساعتين

و عقب نشيلهم و نفضي الماي مال الصابون و نردهم و نشغل عليهم الدوش حيل حيل حيل ليما يطلع منهم الصابوووون و يصير بس فيهم ماي

و نقول ياااااااااااااااااقوي و نشييييييييييييييل مره ثانية و ننشره فوق السطح !

و بالاسبوع مرتين جذي ناخذهم ننشرهم فوق السطح بالنهار تطقهم الشمس تحسينهم يتعقمووون و يتهووون

 

[شكليطه]

انا طريقتي نفس طريقه نعناعه

من عمر واحنا نسويها ونستااااااانس يصير لعب اصلا بالبانيو

بس صاجه يكسر الظهر


ومره وحدة بس اللي اضطرينا نوديه المصبغه .....ناسيته والله شنو كانت الظروف......تقول امي ما خليت راعي المصبغه الا لما شغل الغساله جدامي....طبعا قالتله حط بس كفراتنا.....
ونطرت تشتغل الغساله عشان تضمن انه مايحط معاها كفرات الناس


بس الله وكيلج الوسواس شغال.......ماصبرت امي الله يعطيها الصحه على شغل المصبغه
ردت غسلتهم بنفسها

اريح بال صراحه