افكر بالطلاق ....

[فلنتينو]

مااكوو سبب مقنع عشان تطلبين الطلاق

 

[يا كويتنا]

بالعربي


الموضوع ما يستاهل الطلاق

 

[الغاليه نونو]

والله زين يسوي فيج يالملسونه
قوليله طز وطزين وثلاث ومليووووون برفيجاتي اهم شي رضاك يالغالي وبعدين يوم قال لج روحي مع امي وخواتي هالشي وايد يكدرج يمه؟؟؟؟؟؟ اني دشيتي بيتهم يعني صرتي وحده منهم بنت من بنااتهم لو انج شاطره جان قلتي له وي الساعه المباااركه اروح مع خالتي بس بشرررررررط اليوم الفلاني بطلع وياك بخاطري شي بشتريه ابيك تكون وياي باخذ رايك فيه والا مثلا بتعشي وياك بره او اي عذر بس بطريقه عياره الحريم اللي ماااااظن وحده منكم ما تعرفه


وتبين الطلاق علشان ماسمع موضوعج ليش مو عنده ام المفروض تكونين بنتها وماترضا عليج بالغلط حتي لو من ولدها؟؟؟؟؟
جان قعدتي وياها وقلتي لها ياخالتي ترا السالفه 1 2 3 واكييييييييد بتكون بصفح وتحل لج المشكله قبل ماتوصلين بفكيرج الشيطاني بالطلاق

الطلاق موشي هين يمه تقولينه بسهاله لا يااابنتي لطلاق يعني طرييييييييييييج نداااامه بتعضين اصااابعج ندم ليل نهار وتقولين يليت اللي جرا ماصار

اقصري الشر وشغلي عقلج واكسبي ود ريلج ووسعي الصدر ريلج اليوم مشغول باجر يفضاالج اشدعوه عند الله السعه عساااماااصد عنكم الريال يوم تركضوون تكتبون شكاااوي وتقولون نبي الطلاق يااااااااااااااااادافع البلا

اعقلي يمه وفكري بكلامي عدل وتفوزين برضا ربج وريلج بإذن الله تعالي

 

[مزيوونه حيل]

ويييييييييه يآآآآآربي ذكرني بأبووووي كآن حيل مجنن أمي كل شي يبيه مع خوآآته وأمه قطيعه :| !!

p:

ما يجوز تقولين عن ابوج وعماتج قطيعه احنا بأيام فضيله يا حبيبتي هذوله اهلج! :eh_s(14):

 

[مزيوونه حيل]

صاحبة الموضوع لو تشيلين اغراضج وتطيبين خاطره بكلمه حلوه وترجعين بيتج احسن .. وكل الريايل لاهين يعني من الفطور لين يأذن الفجر 8 ساعات ما يمديه الواحد يسوي شي .. ووقت الصيام اكيد بيتجنبج عشان ما يتجرح صيامه
احمدي الله انه عندج وحواليج لا يخربط ولا يغثج بكلام .. والصديقات والسوق مو كل شي

 

[om MaRyooM]

الله يهداج في وحدة تروح بيت اهلها وتطلب الطلاق عشان هالاسباب !!!!!!!



وفكرتي اذا عشتي من غيره شلون بتكون حياتج ؟؟

حطي عقلج براسج وردي بيتج وحق زوجج .. واذا توج متزوجة ترا الريال يبيله مده طوييييلة عشان يتعدل

احنا وايد من اهلنا جذي عانوا بس ماذكر وحدة من الحريم طلبت الطلاق عشان هالاسباب اللي اسفة بس سخيفة

والحين كلهم بعد مرور سنوات تأقلم الريال على مرته وعرفها عدل ومعطيهم الحرية

بس يبيله صبر + حكمة + طولة بال


لاتخربين حياتج وتهدمينها بيدج

والنصيحة بجمل

 

[shak!shoka]

شكلكم يدد توكم متزوجين


اشهالسالفه العميه!!

الله يهديج

 

[є 3 τ и α q]

وش بعد الطلاق ؟!
فكرتِ بوضعك وحيآتك كيف بتصير !؟

لآ تستعجلين كل شي تقدرين تغيرينه
مع شوية صبر + تحمل ..


لآتخسرين زوجك عشآن اشياء تقدرين انتِ تغيرينها
تعوذي من ابليس واعتذري منه .. وردي لـ بيتك ,


ربي يحفظك

 

["فروووحه"]

لاتصيرييييين جذي تبيعين بيتج عشان رفيجات وصدقيني اي وحده بتكشت برفيجاتها عشان ريلها اذا كان محترم وماعنده خرابيط
ترا الحياه موكلها شباب وطلعات بسرعه تمر هالفتره وتظل العشره والعيال وتلهين فيهم وبمشاويرهم صدقيني
انا عايشه نفسج صارلي3 شهور متزوجه وكله ريله على ريلي حتى طلعه مع خواته ماكو
بس شنسوي بعد هذا الزواج وتبعاته

 

[لف ليدي]

لا ياحبيبتي الظلاق لا
عشان الطلعه مع اهله وانا اللي شايفه نفسي دلوعه مايطلعني ولا يوديني السوق حتى روحت اهله بالعزره اربعه وعشرين ساعه بالبيت ومافكرت بالطلاق ندرين ليش لان عندي قناعه دوام الحال من المحال

 

[دلـع آل مـرّه♥]

ما يجوز تقولين عن ابوج وعماتج قطيعه احنا بأيام فضيله يا حبيبتي هذوله اهلج! :eh_s(14):

ويييه استغفرالله:eh_s(7): , مسآمحه خوآتي :eh_s(4):

 

[مس لوتس]

شسالفه طلاق؟؟!!! من صجج؟؟!!

استهدي بالله احمدي ربج يقولج اطلعي مع امي وخواتي واحمدي ربج هاملج بس برمضان فيه حريم هاملها من شافها وانتي بس بهالشهر وخوش حل ترفعين صوتج عليه؟؟!
مع احترامي لج تفكيرج محدود وسطحي.

 

[TIC TOK]

غلطانه وفكري


نبي مصلحتج

 

[زوجة عزيز]

مايخالف حبيبتي تصبري والله يسخره لج

 

[tooooma]

بصراحة طلبج للطلاق اكبر غلط وبعدين مافيها شي اذا قالج مابي صديقات انا حتى زوجي مانعني عادي تنازلت علشانه

لانه يستااااهل حبيبتي تعلمي فن التعامل مع الزوج وخلي عنج لهو الدنيا ترى الزوج اهو جنتج وناااارج

 

[miss_7sawiya]

حبيبتي ذكري الله ولا تطلبين الطلاق
وصدقيني مع الاياام يتغير وانا كنت نفسج ولا فكرت بالطلااق قلت انشاالله مع الاياام يتغير وسبحاان الله تغير عقب ما ولدت وانشاالله ياارب مع الايااااام يتغير

 

[FUSHIA-GIRL]

ماشاء الله عليكم كويتيات
في بنات كلامهم ينحط على الجرح يبرا ... وفى بنات ماكو اسلوب بس تبي تستعرض عضلاتها ...
والمشكله يقرون رد ويكملون عليه ....ياريت تقرون عدل الموضوع ...
ماعليه احط لكم اقتباس مره ثانيه عن مشكلتى ....

الحين المشكله من جم يوم ...
تنرفزت قاعده اكلمه عن موضوع خاص مطنشني وتنرفزت منه حيل احسه ديكتاتوري بس يبي يمشي كلامه على !!! وانا ابتديت اكتأب من الحكره !!
يبيني بس اطلع واجابل اهله حتى يوم قلت له تذكر وين رحت وطلعت برمضان بشي يخصني فكر شوبه وقال لى اى صح انتى مارحتي مكان !!!
واي شى ابيه سوق والا شى يقول لى روحي مع امي وخواتى ؟؟؟؟ ياربي ما ابيهم مو غصب
المهم تهاوشت معاه وطلبت الطلاق ورحت بيت اهلى وماانكر طولت لساني حيل عليه لاني بايعته ...
شالحل بنات ؟؟؟
يعنى المشكله مو مشكله رفيجات ...
المشكله انه الريال محكم راسه مو مهم رايي وقاعد يتخلا عن مسؤوليه الزواج ويقطها على اهله
انا ابي ريال اشكلى له عن مشاكلي اذا احتجت شي يودينى شنو اعتمد على امه وخواته ؟؟؟
امه وخواته اذا استحملوني الحين باجر مراح يستحملوني ؟؟ وفي اشياء خاصه انا ما ابيهم يتشرفون عليها
وكل تفكيره ربع وطلعات وزوجته اهلى يتكفلون فيها يعنى الوحده تستحمل بس خلاص اذا سكت عن حقي الحين باجر شبيسوي ؟؟

 

[FUSHIA-GIRL]

up up up up

 

[kuwaitya_zoGaa]

الله يعينج

 

[*غنج*]

الله يهديج السالفة ما تستاهل الطلاق هاملج من بدا رمضان طلبتي الطلاق لو هاملج من اول يوم زواج جان شسويتي؟!
وبعدين الرفيجات اللي تبين تطلقين علشان ما شفتيهم باجر لا سمح الله تطلقتي ما دروا عن هوا دارج اللي لاهيه بنفسها ولا اللي بزوجها ولا اللي تقولج ريلي ما يرضا اماشي مطلقة ساعتها بتبجين على حالج.
تعوذي من ابليس وتفاهمي من ريلج بهدوء احسن لج