افكر بالطلاق ....

[FUSHIA-GIRL]

بنات لحقوني
انا حدي متضايقه وبموت من القهر :eh_s(11):
قبل جم يوم تهاوشت مع زوجي ... يا بنات زوجي هاملني وايد من ابتدا رمضان ومايقعد معاي اصلا مانسولف كل وقته بالدوانيه ولما يرجع الساعه 3 ويتسمر جدام النت ...
وكل شى ممنوع وحارمني من صديقاتي لا غبقات ولا عزايم كل شي لا ...
والمشكله انه اهوه بنفسه يقول لى صديقاتج ماشفت منهم الا كل خير ....
يعنى مع اهله عادي طلعى ورجعي لى الفير ومع صديقاتي عنده عيب !!! وماقلت شى مع انه غير علاقتي فيهم .
الحين المشكله من جم يوم ...
تنرفزت قاعده اكلمه عن موضوع خاص مطنشني وتنرفزت منه حيل احسه ديكتاتوري بس يبي يمشي كلامه على !!! وانا ابتديت اكتأب من الحكره !!
يبيني بس اطلع واجابل اهله حتى يوم قلت له تذكر وين رحت وطلعت برمضان بشي يخصني فكر شوبه وقال لى اى صح انتى مارحتي مكان !!!
واي شى ابيه سوق والا شى يقول لى روحي مع امي وخواتى ؟؟؟؟ ياربي ما ابيهم مو غصب
المهم تهاوشت معاه وطلبت الطلاق ورحت بيت اهلى وماانكر طولت لساني حيل عليه لاني بايعته ...
شالحل بنات ؟؟؟

 

[محتارة وبصيح]

تحملي تتطلقين تحملي بالعيد بيتعدل كل شي وقولي له كلام حلو مثل حبيبي بس بطلع بقضي مشوار وراده ما بطول واوعدك ما بتاخر

 

[G!RLooNa]

ماكو سبب عشان تطلبين الطلاق!

العموم برمضان يلهون عن حريمهم .. ما منعج من الطلعه خير شر انتي تقولين مع اهلي و اهله ما يقول شي غيرج ما يرضى مرته تتحرك بدونه!

انتي مكبره الموضوع ترا و كبرتيه لما طولتي لسانج عليه

 

[randomy]

اشدعوه علشان رفيجات تطلبين الطلاق!!

انا مانعني عن رفيجاتي عادي الحياه ماشيه لاهيه بشغلي ودوامي اشوفهم هناك بس زوارات ممنوووع

قولي الحمدلله غيرج زوجها اللي يطق واللي وصخ مو نظيف واللي يشرب واللي يزني ....

اغلب الرياييل لاهين برمضان عن حريمهم اكيد كلنا سهرانين لين يأذن الفجر احنا بالبيت وهم بالدواوين برا

 

[iLLuMinaTion]

الله يهدي سرج

 

[وردة-الكويت]

لاتبيعين بيتج عشان طلعات مع رفيجات والله لو كل وحده منهم قال لها زوجها انسي رفيجاتج بعطتيكم كلكم بلوك ودليت

شوفي ترا الرجال اذا زنيتي عليه بموضوع رفيجاتج بيصر على عناده وياج سوي نفسج انج عادي مستانسه مع طلعات

ويا اهلج او اهله وطيري اهله فوق بلسما وصدقيني شوي شوي بيفج عنج الحكره وبيخليج تطلعين مع رفيجاتج

لان يقول ماشفت منهم الا كل خير يااختي طلبج للطلاق ماله اي داعي الله يهداج بس في وحده تطلب الطلاق عشان الحكره

حطي في بالج مو كل نبيه نحصله واذا حاول انه يراضيج ارضي وردي بيتج والله يهدي سركم ان شاءالله

 

[Model Look]

انا زوجي هاملني برمضان وادري ماكو وقت وهم حجز

بس شنو مو مانعني من رفيجاتي بس سوق مع اهله معنه كله من الشعبي ولا النقره يشترون

اتوهق

وانا متعوده الرايه ولا الافنيوز تخيلي

ما اقدر اشتري معاهم واهو الااا معاهم ولا ماكو

قمت شسوي اخليهم يروحون معاي الافنيوز والرايه

واشتري اللي ابيه ولما يطالعون السعر احسهم تطلع عينهم !!

تخيلي انا دايما اشتري من برا غالبا بريطانيا

واهم غيييير ماادري شلون اوصف*

 

[miss_whitemocha]

حبيبتي ما أعتقد السبب طلعة رفيجات ولا سوق..يمكن إنتي من الله مو متقبلته..عشان جذي مو متقبلة منه أي أمر وأي كلمة..
أهل مكة أدرى بشعابها..وإنتي يا حبيبتي أدري بنفسيتج و حالتج..المحبة و المودة والألفة بين الزوجين تصير من الله مو بالغصب.. قعدي مع نفسج و شوفي وضعج..وانتي اللي تقررين تستمرين أو لأ..​

 

[وردة-الكويت]

وشوفي مشاكل البنات الي اهني بلقسم الي يطقها ولي يفشلها عند اهله ولي يخونها ولي مايحترمها او مايحترم اهلها

ولي بخيل ولي وسخ ولي موصاحي فيه مرض نفسي ولي حمولتها مورينها الويل وفوق هذا اغلبهم ماقالو نفكر بلطلاق

قالو شلون اسنع زوجي واكسبه انتي فكري شلون تسنعين زوجج

 

[المبدعة]

يا حبيبتي

ريلج لاهي عنج
بس معاملته لج ما هي قاسية
واذا على رفيجاتج خليهم
لا تخربين بيتج عشانهم
كل وحدة لها بيت و مرتاحة
حتى لو تطلقتي محد راح يهتم فيج و بوخرون عنج

 

[!الجادل الصعب!]

ينرفز صح .. بس تطلقين عشآن هالسبب .. لآآآآآ ..!

 

[UNICORNA]

اممممممم طريقه مو حلوه ابدا

اخذى منه موقف ترا مايصح انه يحبسك كنه مايبى انك تشوفينه بمكان او كنه يبى

يعقم تفكيرك ويخلك 24 ساعهب البيت ترا الزواج مو كذا

اوكى مو كل يوم خروج بس مو اما خروج مع اهله او مايصيير

كلمى ابوكى يشد عليه

 

[فوفو22]

ما شاء الله عليج

صبوووره

يا بنات زوجي هاملني وايد من ابتدا رمضان

بس برمضاااان متغيّر

بتطلبين الطلااااق

تأخرتي جان طلبتي من ثاني اسبوع من رمضان

********************

حبيبيي

معظم الرجال باول سنتين زواج ما يعطي الخيط والمخيط الزوجه


يعتمد على اهله واهلها في مشاويرها


ولكن


بعد العيال والعشره


يعطيك صك الهياته


ووقتها تكتبين موضوع هني


زوجي ما يغار عليي


يا ماما تعلموا طوله البال والصبر


تعلموا احتواء الزوج .....والذكاء الاجتماعي

فوفو

 

[Rawonah]

ما توصل للطلاق

والله يهديكم انشالله

 

[دلـع آل مـرّه♥]

ويييييييييه يآآآآآربي ذكرني بأبووووي كآن حيل مجنن أمي كل شي يبيه مع خوآآته وأمه قطيعه :| !!

من صجج على أتفه الاسباب تطلبين الطلاق ؟؟؟ , انزين سايسيه قولي له بدلع مآبي أبي اطلع معك من زمان ماطلعنا
وانتي فهميه الموضوع وفهميه ان يمكن اهله يتضايقون من هالشيي, ترى كل شي وله حل لا تتسرعين فدييتج فالعجله ندامه p:

 

[Moon-ae]

حمدي ربج غيرج تشرشحو بسبة ريايلهم وانتي بس لانه مايعطيج ويه طلبتي الطلاق ماشاءالله عليج

 

[وسـن]

السبب تافه عشان تطلبين الطلاق !!

 

[جلكسيه اس 3]

نصيحه من وحده توها مطلقه. ما انصحج تطلقين
تدرين انا هالاسبوع خلوني احوس الشوون و مراكض من مكان لي مكان
حدي تعبانه منهم. و بعد يمكن زوجج لما يطلقج يطلع
نذل مثل بعض الناس.و ما يعطيج لا نفقه و لا شيء و يقولج
انتي اللي عايفه. حسبي الله عليهم منافقين
انا نصحتج وانتي بكيفج القرار لج

 

[احلام هزيله]

مشكلتج بسيطه ما تستاهل الطلاق

 

[اتعبني غياابك]

لا لا لا لا لا لا لا لا لا ااااااااااااااااااااااااا انسي تتطلقين تخيلي شكلج بدوونه
تخيلي بعد فتررره متزوووج وووعنده يهاال وزووجه
لاا حبيبتي ولووو هذي عشرررره بينكم عااد تصبري لازم في بالحيااه صبرر نطري لييه العييد وطيحي الميانه وياااه
دقي عليه الحين وتاسفي
قووولي " اناا اسفه ع الكلام بس كنت بلحظه غضب وطقت جبدي من الكتماان وفررغت كل اللي بقلبي وارجووك تسامحني وتنسي اللي فااات ونفتح صفحه يديد انا فكررت وقلت ماا اقدرر اعيش بدوونك " وقطي جم كله حلووه بعددد
خلج عليييه ولا يجيج اللي اخيس منه
مااتدرين
يمكن
؟؟؟!!!
ومووووفقه ياااابعدددي

اتعبني غياااااااااااااااااااااابك
تقبلي مرووري .....,,,