افكار الحقوق بدون ردود بليييز

[حقـوق]

الفكره التاسعه والاربعين

هذه الفكره حق الشعر الجاف .. وحق الى شعرها متقصف .. وتبي ترطبه ..يابنات والله عجيبه هالفكره حتى ريحتها روعه .. انا ماتوقعت انها جذي بس صج روووعه .. وانا ماخذتها من وحده اجنبيه ..الفكره عباره عن موزه وحده .. مع ملعقه عسل وملعقه زيت زيتون وملعقتين مايونيز وبيضه وحده .. تخلطينهم مع بعض .. بخلاط بيدج .. بعجانه الكيك .. الى يريحج .. راح يصير عندج المزيج كثيف مثل حمام الزيت .. حطيه على شعرج وخليه لمده ساعه .. حطي نايلون على شعرج وفوطه فيها ماي حار رطبه .. ولفي شعرج فيها وفوقها بعد حطي نايلون .. استخدمي سفره الاكل احسن .. عشان تتحكمين بالكميه .. وخليه على شعرج .. وعقب غسليه بشامبو وبلسم .. وتمتعي بالنتيجه ..مع الاستمرار بيتغذى شعرج وبيصير ناعم ..





النتيجه

 

[حقـوق]

الفكره الخمسين

هذه الفكره سهله وبسيطه .. ومفعولها يهبل .. بيــاض .. ونعووومه .. انا حبيتها .. وكل ماتسبحت استخدمها .. اخر مرحله .. .. الى تحتاجينه .. حنــا بيضــا + جلسرين + كريم كاب .. تجيبين باديه صغيره .. وتحطين فيها ماي حاار .. وتخلطين الحنا فيه ملعقتين .. لين تحسين ان الحنا ذابت .. مو صايره حبوب .. عقب ضيفي زيت الجلسرين .. تقريبا فنجال .. وبعدين حطي كريم كاب واخلطيهم عدل .. راح يصيرون مثل الكريم .. حطيه على جسمج .. من اخر مرحله من السبوح .. يعني النهائيه .. وخليها 10/5 دقايق .. وتشطفي بالماي بس .. وشوفي النعومه .. خيـــال




ناطرتكم .. وناطره تجاربكم ..

 

[حقـوق]

الفكره الواحد والخمسين

كلنا يحب الفانيلا ..وريحتها .. فكرتي هالمره بخصوص الفانيلا .. سهله وبسيطه وماتكلف شي .. اول شي جيب فنجان وحطي فيه ماي حااار .. وحطي ملعقه من الفانيلا .. ذوبيه بالفنجان هذا .. وجيبي لج مرش .. وحطي فيه ماي ورد وملعقه من زيت الجلسرين .. وصبي فوقه خليط الفانيلا .. تقدرين تضيفين سكر ناعم .. عادي .. ورشيه على جسمج .. ريحته روعه .. وللمتزوجات يعطي طعم ..

 

[حقـوق]

الفكره الثاني والخمسون

هذه الخلطه للى شعرها متقصف .. وتبي تعالجه.. وحق تطويل الشعر بعد .. فكرتها بسيطه جدا .. بيضه وحده مع 3 ملاعق مايونيز مع حبه افوكادوو وحده وفوائد الافوكادوو شكثر .. تاخذين المكونات وبالخلاط .. راح يصير المزيج ثقيل .. جنه حمام زيت .. حطيه على شعرج لمده نصف ساعه .. عقب غسلي شعرج عادي .. انا سويت المزيج وزاد عندي .. جان ازيد الباقي شامبو واغسل فيه جسمي .. نعووووووووووووووومه .. بصراحه وريحتي كلها افوكادوو .. تهبللل .. جربي ماراح تخسرين شي ...الخلطه بعد تحطين معاها زيت زيتون ..بس انا ماحطيت لان كنت حاطه على شعري امس .. فقلت ماله داعي .. بس انتي اذا تبين تضيفين زيت زيتون احسن بعد ونتيجه احلى ..

 

[حقـوق]

الفكره الثالث والخمسون

تبين تصبغين شعرج .. وماتبين الصبغه تلعب بحسبته .. لان نعرف ان الصبغه تنشف الشعر .. بس تبين تصبغين وشعرج محافظ على رونقه .. ومايتأثر حيل من الصبغ .. حطي ملعقه من بانتين بديل الزيت ..مع الصبغه .. وعلى فكره .. انا حتى لما اروح الصالون واصبغ شعري اخذه معاي .. واهي تخلط الصبغه اقول لها ضيفيه .. وان قالت لج تخرب الصبغه ولا ماتصبغ ماعليج منها .. حجي .. انا مجربتها .. وبكل صبغه اسويها والحياه سعيده .. ماعمره خربت صبغتي .. والحمدالله مايتعب حيل شعري عقب الصبغ ..

 

[حقـوق]

الفكره الرابع والخمسون

هالفكره للى تبي لون شعرها بني لون النسكافيه .. بس ماتصلح للشعر المصبوغ ولا تصلح للى تفكر تصبغ شعرها .. يعني للشعر الطبيعي .. تغذيه ..وتخلى لونه على بني .. وتكثفه بعد .. مفيده حيل وجدا بعد .. عباره عن بيضتين .. وزيت زيتون وحنا ونسكافيه .. انتي حطي على حسب كميه شعرج .. راح يصير المزيج ناااعم .. كانه كريم .. حطيه على شعرج ..ولفيه بنايلون ... مده ساعتين .. عقب غسليه .. واستخدمي هالطريقه مرتين بالاسبوع .. شوي شوي راح تحسين ان شعرج تحسن وااايد ..

 

[حقـوق]

الفكره الخامسه والخمسون

هالخلطه تستخدم بالهند للعروس .. تستخدمها للوجه والجسم .. تعطي نظاره مو طبيعيه .. وفوق هذا تقضي على السواد والحبوب .. استخدميها بالاسبوع مرتين لوجهج ولرقبتج .. واذا تبين لجسمج مافي مانع .. تعطي نعومه ونظافه .. الخلطه عباره عن 2 ملعقه طحين سواء اسمر ولا ابيض ماتفرق + ملعقه صغيره كركم للجسم + حليب وماراح تحطين وايد بس عشان الخليط يصير كريمي ويتماسك .. وحطيه على ويهج .. ونطريه ينشف .. وعقب غسلي ويهج .. ومع الوقت راح تحسين بالفرق ..





النتيجه

 

[newnew_q8]

لايوقف بليز كملي

 

[لعبة ايام]

يعطيكي العافية حبوبة

موضوع مفيد ومتكامل .. لو عندك شي يقلل وتخفيف النمو الشعر ..

الفكره السابعه والاربعين

تبين اسنانج بيضـــاء .. هذه الخلطه اضمنها لج .. وعن تجربه .. تستخدمينها قبل معجون الاسنان .. والله بنات نتيجتها رهييييبه .. وعلى فكره هي من طبيب اسنـــان اهو الى قالى عنها .. وشفت السكرتيره الى عنده .. وقالت لى انها جربتها .. واسنانها ماشاء الله تجنن .. وانا بعد جربتها .. والله 3 ايام وفرقت اسناني معاي .. ولو اقدر جان صورتها لكم بس حكم قراقوش .. مايطلع مني الا ايدي
هالفكره ملعقه من بيكربونات الصودا وجيكوو الصودا مو الصوديم .. لان في بيكربونات الصوديوم .. هذه مكتوب عليها الصودا .. وتلقونها صوب سوالف البكنج باودر و الكاستر والخميره .. ومعاها حطي حبه فراوله .. راح تشوفين اول ماتخلينهم تفاعل .. وتصير الخلطه كانها معجون اسنان .. فرشي اسنانج فيها .. لين تخلص الخلطه .. وعقب فرشي بمعجونج العادي.. مع الوقت راح تشوفين البيـــااااض ...


حبوبة عندي سؤال الاسنان ماترجع صفرا تاني مرة؟؟ لو تركتها لاني مررة عجزانة هههه اني اسوي يوم وترك ويعطيكي العافية مرة تانية​

 

[احاول]

ما شاءالله .. المفرووووض تجمعيها في كتاب

وايد حلوة ومفييييييييييييييييييدة

فكري فيها

 

[حقـوق]

الفكره السادسه والخمسون

هذا قناع .. تصفيه ونعومه .. واذا تبين تخلينه سنفره ضيفي له سكر .. وسنفري ويهج فيه وغسليه .. حلوتأثيره ومكوناته سهله .. نص حبه افوكادوو مع ملعقه عسل .. هذا القناع واذا تبين سنفره ضيفي له ملعقه سكر وسنفري ويهج فيه .. مع رقبج .. وشوفي النتيجه الجميله ..

 

[ماسة الماسة]

مششششششششششكووووووووووورة

 

[cba girl : )]

اب اب اب

 

[حقـوق]

الفكره الســابع والخمسين

هذا زيت يستخدم مثل الماسك للشعر .. يعني خليه ساعتين وعقب غسليه .. لاتنامين فيه .. يغذي الشعر .. وحيييل زين .. وخصوصا زيت الاكل .. لاحظت انه زيت خفيف على الشعر .. لان من قبل اسمع عن فايدته .. بس ماعمري جربت احطه على شعري .. بس لما حطيته صج فرق .. حتى غسلته سهله .. المهم .. تحطين كأس زيت دلال .. او اى زيت طبخ .. وحطي جرجير .. وظربيهم بالخلاط ..وظيفي واحد انبلوه من انبلاوت ايفــا .. تحصلينهم بالجمعيات .. او حتى الصيدليات .. عشان تكون العنايه مكثه .. وعقب حطيهم بعلبه عندج واحفظيها بالثلاجه .. وكل اسبوع غذي شعرج .. وان شاء الله تحصلين نتيجه حلوه

 

[سويت فانيلا]

روعه

 

[المريوم]

رووووووووووووووووعه مشكوره الوصفات كلها احلى من بعض

 

[A PINK]

اب

اب

اب

عااشوووو لوووول

 

[سبحان الله]

مشكوره ياقلبي

 

[يفداك قلبى]

رفع
موضوووع روعه

 

[مخطوبة]

يعطييييييييييييك العااااااافية موضووع مفيد


بس كان حلو بددووووووووون ردووووووود بس افكار ك


كان الموضوووووووع مرتب