افكارنا لخبرة حيوانات ونباتات ..

[غلاه دنياه]

السلام عليكم بنات

لاحظت ان مافي تجمع لخبرة حيوانات ونباتات

وخصوصا ان اول مره راح ندرسها

فياليت نقدر افكارنا لهالخبره

بهالتجمع ..

 

[nero]

في تجمع للخبرة في المواضيع المثبته موجود

 

[روشنه]

احنا انشاللة حطينا الاسبوع الاول نباتات
والهدف يتعرف علي بعض انواع النباتات
المنية عبارة عن لغز يتحيح لطفل التفكير
وهو اذا حضرلنا ضيوف ماذا نقدم لهم يفكرون
لما يتوصلون الي عصير
وبعدين تعرضين انواع الفواكهة مثل البرتقال والتفاح والانا نا س

 

[روشنه]

احنا انشاللة حطينا الاسبوع الاول نباتات
والهدف يتعرف علي بعض انواع النباتات
المنية عبارة عن لغز يتحيح لطفل التفكير
وهو اذا حضرلنا ضيوف ماذا نقدم لهم يفكرون
لما يتوصلون الي عصير
وبعدين تعرضين انواع الفواكهة مثل البرتقال والتفاح والانا نا س

 

[عهود الحب]

الاسبوع الأول
يتعرف على بعض الحيوانات الأليفة و فوائدها
الاسبوع الثاني
يتعرف على أنواع النباتات وفوائدها والمهن المرتبطة بها






الحيوانات الأليفة أول يوم
ثاني يوم عدد يتعرفون من خلاله على فوائد بعض الحيوانات
ثالث يوم يتعرفون على كلمة أرنب

لأنه هالاسبوع بس 3 ايام مع انها خوش خبرة


الاسبوع الثاني
اول يوم انواع النباتات
ثاني يوم كلمة شجرة
ثالث يوم فوائد الحيوانات
رابع يوم العدد
خامس يوم المهن المرتبطة [ المزارع ]






في افلام بالبرمجيات عالنباتات والحيوانات روعة






اثروا ركن الفنية بالمشاريع لأنها خوش خبرة
ممكن تسوون حديقة حيوان او مزرعة
ممكن مجسم أرنب من علبة البيبسي العائلي
ممكن دجاجة او ديج ويازين هالمشاريع تخلي الاطفال يستمتعون وانتوا بعد تستانسون





في لاصفي مبتكر
عمل اقنعة حيوانات
عمل مسرحية عن ادوار الحيوانات

وتكفون مابي احد يقولي اشرحي لنا شلون

احس تعذبت


انتوا ابلات مبدعات شاطرات حيويات
خل نتشارك بالعام بالافكار
بدون مطامر عالخاص والله انفع لنا والتخشش مو زين للصحة العامة


عندي مصورات احاول احملها لكم

 

[بالله نستعين]

احنا اول يوم يتعرف على الحيوانات الاليفه ثاني يوم كلمة ارنب والثالث عدد5 من خلال فوائد الحليب

 

[dr-MamLoOo7a]

اشلونكم ابلات ثانكس ع الموضوع الحلو بس للأسف ما اشوف ان الموضوع ماخذ حقه احنا نبي افكار يا حبيباتي مو اهداف الافداف شبعانين منهم و سهله بس وين الافكار حيوانات الاليفه عن اي بيئه اتحجى عن المزرعه ولا الحديقه المنزليه ولا البريه بالضبط عن شنو مو محددين لي و جم حيوان مو معقوله كل حيوانات الدنيا الاليفه بتحجى عنهم بليز ساعدوني و عن الاجتماعي الرفق بالحيوان اشلوون عندكم قصه بليز ابي بس فكره و انا اكمل الباجي ما ابي درس كامل لا حشا مو قصدي ابي امثله مو شرط اخذهم بالحرف لان مخي مقفل انا نوعي امشي ع الامثله ما ادري اشلون صاير تفكيري الله يعطيكم مليون عافيه و يزاكم الله خير و عهود مشكوره ع الافكار الحلوة بس احنا عندنا تخلف بروضتنا اليوم بغيت اسوي فكرتج عن النشاط اللاصفي المبتكر تدرين اشقالولي لازم اخذ اذن قبلها بجم يوم (داشه سفاره الحين) و لازم يكون ع مزاجهم يعني وين ابداع المعلمة ان شاء الله يبون مفاهيم رياضيه (سريع-بطئ-اكبر-اصغر.....) او الوان تعزيز لون معين او خامات (قطن أو جلد أو صوف...) ما يبون اقنعه و مشاريع و هالشغلات
شنسوي احبااااااط ساعدوني بليز ماعندي منبه حق حيوانات اليفه الله يزاكم خير بليييز و ثانكس
منبه ولو جبر خاطر ولا فكره ع الماشي )))):eh_s(17)::eh_s(17):

 

[عهود الحب]

مفهوم سريع وبطيء روعة
ممكن يكون نشاط لاصفي
ويكون من خلال قصة السلحفاة والارنب
وفي قصة بالبرمجيات عن نفس هالشغلة تقريبا
اما تعزيز الخامات
عشان يخدم اجسام الحيوانات وشنو يغطيها ريش صوف جلد شعر
روعة صراحة خوش موضوع
خصوصا انه الوزارة مومقصرين في لعبة عن هالشغلة فيها ملامس الخامات



الاحباط اتركيه عنج
انتي سوي مرسم فكرته اقنعة الحيوانات وخلاص


مافي روضة ماتبي الابداع
واذا ابدعتي بحصصج محد بيقولج ليش مبدعة هههههههههه



الحيوانات الاليفة انا شرحت درس كامل
بس حق منو نسيت :/


بداية الدرس من شي بسيط
ممكن ريشة او ممكن ورقة شجر
الين تتوصلين للحديقة او حديقة الحيوانات
وتكونين لهم حديقة من خلال المجسمات

تحققين الاجتماعي من خلال موقف تمثيلي مو بالضرورة قصة
من خلال الاصوات
يحضرون لج الاطفال الحيوان المطابق للصوت
المسابقة البحث عن الحيوان وظله


الخبرة روعة بدعي بدعي بس

 

[روند]

عهزد والبنات لاهنتوووو

بدش علي الموجهةم ابي سير الدرس و منبة تكفون ساعدوني
يتعرف ع فوائد بعض الحيوانات
يحرص ع نظافة اماكن تربية الحيوانات

 

[[..كـــــرك..]]

ابلات انا تربيه عمليه

ادري بتقولون ابتلشنا ههههههههه

بس عندي حلقه

ماعرف شنو احط الاهداف ودي اتكلم عن البقره بس مادري شنو اسوي

ممكن تساعدوني بالاهداف وخطه الدرس

وعهوود الحب ترا طرشت لج رساله بس توني اقرا ردج وخفت كتبت اهني ههههه

 

[روند]

كرك يتعرف ع الحيوانات الغير اليفة .. حطي مثلا صورة اسد بالبوبونت وخفيها وجزء جزء يظهر بعدين تسألينهم عن باقي الحيوانات بطريقتج واستخدمي الاركان وحركي الاطفال وتشويق
يحرص علي عدم الاقتراب من الحيوانات المفترسة.. سوي قصة من خلال مسرح العرايس بنت وام رايحين لحديقة الحيوان وامها تنصحها مايقربون من قفص الاسد والحيوانات المفترسه الخطيرة وناقشيهم من بعده شنو استفادو من القصة
يقلد اصوات بعض الحيوانات .... مثل تعرضي لهم صوت الاسد ويقلدونه والذيب ويقلدونه

ترا انا مثلج جديدة بالمجال وهذي افكار بسيطة ان شاء الله تفيدج​

 

[فديتـ♥ترابـ♥الكويتـ]

يعطيكم العافيه

احنا الاسبوع الجاي حيوانات

 

[عهود الحب]

شسالفة بنات
يعني اطق روحي طراق !
انا شارحة اليوم وامس درس فوائد البقرة
ابجي يعني ههههههههههههههههههههههههههه
وين الرد الظاهر بالخاص
كيفكم عاد لحظة بفهم انتوا موكل يوم تدرسون


اهو اهو الدرس


بس تغيرين الاهداف بما يتناسب مع الخبرة والهدف العام
امجع شعري

 

[عهود الحب]

شدعوة
انا تخافين مني ؟
مادريت اني اخوف
انا قصدي الي عنده درس يحطه بالعام
انا شارحة جم درس بالخاص
بس غلط والله
انا تعبت وانتوا تعبتم صاعدين نازلين
خلونا هني احسن حتى تعم الفائدة للك


انا باجازة خاصة للعلم
يعني ما ادرس
بس وين انحاششششششش الروضة وراي وراي
الحين اشرح طلباتكم لكم
عسى مايعاند بس المنتدى

 

[عهود الحب]

بنات الاطفال اذكياء
ركزوا على صفة معينة بالحيوان نفسه ومع الاسئلة الطفل بيعرف الحيوان
مثلا البقرة البقع البيضاء مادري السودا الي بجسمها
او عالحليب ذاته



بعد المثير < سامحوني ماعندي مثيرات المخ باجازة >
تشرحين البقرة من خلقها مالونها اين نراها
نستمع للاية [ شرح الاية انه الله سخر لنا حيوانات نستفيد منها وناخذ منها فوائد لحياتنا وهذي نعمة من الله ]
منو يعرف يقلد صوت البقرة
ونقلد حركتها وصوتها < يازينهم والله
ماذا تأكل البقرة
الاعشاب
نبحث عن مجسم بقرة ويقوم احد الاطفال باطعامها
[ انتي مزهبة صحن في عشب بأي ركن ]

من خلال لعبة معينة [ موضوع العاب الحلقة ينفعكم ]
تستخرجون او تتعرفون على اشياء نأخذها من البقرة
اللحم الجلد [ حقائب واحزمة نصنع منه ] الحليب الزبدة او الجبن < وفيها خلاف هالنقطة ترى >
طبعا
كل شي تعطينه حقه بالشرح
الحليب < فوائده متى نشربه جم مرة >
اللحم > متى ناكله وليش وهكذا <
الجلد > نصنع منه الاحزمة والحقائب > منو لابس حزام
وفي لعبة بالالعاب التربوية فيها ملامس منها ملمس الجلد
منو يستخرج لج الجلد من بينهم [ حاولي تحطين بس ثلاث او اربع ملامس فرو صوف جلد ]



عندكم اغنية رددوها

مسابقة
اي مسابقة ترى تمشي حالكم
ممكن تحطين سلة فيها اشياء مجسمة مثال بيضة لحمة [ بلاستيك ] ريش حزام علبة حليب
استخرج لي فقط فوائد البقرة
وهكذا


تبون شغله تختمون فيها
تطبيق ورقي
ويحوط بس على شيئين نأخذهم من البقرة وطبعا تحطين معاهم شي غلط مثال بيضة



وسلامتكم

 

[عهود الحب]

في افلام وقصص بالبرمجيات تهبل تخدمكم عدل
شنو تبون بعد دروس
خو انا لازق بجبهتي الروضة
اتوقع راح تحوشني عقدة نفسية مع هالروضة
استغفر الله واتوب اليه

 

[[..كـــــرك..]]

هههههههههههه

عهوود والله تهبلين

فديتج ماقصد تخوفين اقصد اني ازعتجج وانتي بروحج ماخذه اجازه تبين الفكه هههههههه


روووند تسلمين عالمساعده



والله مالي غيركم شسوي

 

[:: عائشه بقلبي ::]

ههههههههههههههههههههه عهود بدعتى بالردود

انصحك نصيحه

ركبي الطابع الثالث عشر وقطى عمرك

خخخخخخخخخخخخخخخخخخ

الروضه وراك وراك


اسال الله العظيم رب العرش الكريم يتوب علينا

منها

لانها مالها اي فايده تذكر

واحنا نصدع بوادى خالى

هههههههههههههههههههه


شحقه تعبين عمرك


يارب يارب يارب

ادخل على يوم الروضه ولا اشوف الا اطفالى

مليت


مليت


ما ابي ناظرة مشرفه موجهه مراقبه


ما ابي ابي بروحى مع اليهال


والله ملينا من كل شى

 

[عهود الحب]

شنو الطابع الثالث عشر

مادري بس انا قررت اتقاعد
وماوافقولي يقولون اصبري شوي
فصايرة ردودي شوي مادري
لاتنقدون علي خو تعبت من شي اسمه روووووووضة

 

[فديتـ♥ترابـ♥الكويتـ]

عهود يعطيج العافيه عالافكار

ما الومج انا اسبوعين واحس طلعت روووووحي


كرووك بالهوو سواا والله دووخه


الخنساء انا معاااج بالراي

ابي اكون بروحي مع اليهاال
بدون اااااحد
وادرسهم على كيفي حتى اذا في منهج بس يكون على طريقتي