افضل فنادق لنكاوي ....

[نووووونا]

هلا اختى


بينانق صج زحمه بس يعنى مو حييييييل تونس صراحه بالنهار توحون جوله المقصود فيها

((شلالات - هضبه بينانق-حديقه الفراشات -حديقه الفواكه وبنهايتها يقدمون لكم بوفيه فواكه وعصير فرش-

مصنع القهوه-الكاكاو )) عاد انتوا وحظكم اذا مداكم تروحون لهم كلهم زين او عالاقل الاغلبيه

وبعد العصر تروحون عالشاطى ويشمل

((البنانا- الباراشوت- الجت سكى - سباحه ووممكن تسون مساج عالشاطى ))

وبالليل تروحون مطاعم عربيه منتشره حوالين سوق اليل وفيه تقليد ماركات اشكال والوان


اما لانكاوى


هاديه وااايد لدرجه بعد الساعه8 ونص بالليل تقريبا الاغلبيه يسكرون مالكم الا الفندق

بس بالنهار ممكن تروحون

التلفريك وايد عالى وممتع ويونس - رحله المانغروف رحله بحريه فيها اطعام النسور-كهف الخفافيش

كهف التماسيح بس ما فيه تماسيح- اطعام الاسماك والتعرف على انواع عجيبه سبحان الله

عالم تحت البحار ((نفس الالكواريوم عندنا بس على اكثر حيوانات ))

وسلامتج واذا عندج اى استفسار بحدود معرفتى انا جاهزه

 

[ZoooQa]

والله مادري يانجد ياقلبي جنج بتخلينا انهون عن لنكاوي ونروح بيننانغ بداله ؟؟ انا احترت بصراحه اخاف تطلع لنكاوي قمته

 

[شمووعه]

حبيبتي اذا انتوا عايله اتوقع ماتصلح لكم لنكاوي حلاتها لوحده وزوجها
انا كنت رايحه لها باول سته رحت لنكاوي وانصحج مو اكثر من 3 ايام لان الاشياء محدوده هنااااااااك صج مافيها سوق بس صج كانت استجمااااااااام سكنت بالوستين فندق روعه شوي عليه اخذنا شاليه عالبحر ليلته ب 160 يعني تفتحين باب الشاليه البحر جدامج على طووول وخدمهتهم تجنن والمنتجع بروحه يكفي تقعدين فيه المنطقه هاديه وحلوه صج سوقها عادي بس صراحه مايهم السوق اذا بتروحون عقبها كوالمبور بتملين من السوق هناك وبلنكاوي فيها شلالات وفيها تلفريك روعه وفيها حديقه فواكه حلوه وحتى حديقه التماسيح شي جديد صراحه احلى ايام قضيتها بلنكاوي من صج روعه والفندق كان عجيب وكان قريب من المجمع الي عندهم

 

[ZoooQa]

صاجه ياقلبي شمووعه

انا من كلام نجد غيرت حجزي خليته بينانغ قلت اونس حق الماما وخواتي احنا رايحين يمعه

قلت خيرها بغيرها لنكاوي نخليها حق الريل ..عاد صج صارت بخاطري

بس انشالله تطلع بيننغ ونيسه وانتهنا .. حسيتها نفس بوكيت فيها حركه ..

ومشكوره ياقلبي على الرد انتي وكل البنات ماتقصرون

 

[نووووونا]

زوغه اهم شى اختاروا فندق حلو اذا امكانيتكم زينه اخذوا الراسا شنغريلا واذا حليوه

البارك رويال بوسط السوق الليلى والمطاعم والمساج ,اى استفسار انا جاهزه حبيبتى تونى راده قبل رمضان بيوم

بس نصيحه هضبه بينانق ما اعجبيتنى حسيتها ما تسوى زحمه بالقطار وناس على ناس !!

واخذوا اذا انتوا عايله كبيره الفان الازرق ساعته ب30 ريجنت بس مو اقل من 4ساعات ,,


وموفقين ,,,

 

[ZoooQa]

هلوو نجوده حبيبتي

اي حجزنا شانغريلا جنج تدرين

ماعجبني البارك رويال حسيت وايد شياب اجانب مفاصيخ لووووول ياكره جذي ماااااااااحبهم

مومفكره اروح الهضبه بس اذا تسوى علميني

وبالنسبه للشلالات اكو فبيننغ شلالات؟

 

[نووووونا]

الشلالات تسوى بس كطبيعه اهيا روعه بس لبسى عزج الله نعال عشان تقطينه وتصعدون فوق الصخر بحاول احط لج صور اذا

تبين ,,

وحديقه الفواكهه حلو بس لا تروحون الظهر مع الشمس شويه حر ,,روحو عالعصارى احسن ,,

وحديقه الفراشات ونيسه وصغيره ,,, وقبل المغرب استانسوا بالشاطى ,,,



نصيحه كاسروا معاهم بالاسعار حتى بالاسواق والتاكسى وكل شى ترا بينانق احسها شويه سياحيه يعنى فيها

مساومه عالاسعار الصينين كريهين شويه بس مالكم شغل فيهم حاولوا تعاملون مع الملاوين اهل الديره الماليزين

الصينين مزعجين شوى ,,,
وعليكم بالعافيه ,,

 

[ZoooQa]

اي ضروري الفواكه والشلالات

نروح الشلالات الصبح والفواكه العصر اذا هيك

وحطيلي صور الشلالات اذا عندج ولا عليج امر خاطري اشوف

واذا تعرفين التكسي من المطار لي الفندق جم ياخذ ؟؟ بعد ملوت المطار مايصدقون يشوفون احد فرش ينصبون عليه


والله يعافي قلبج على الردود

 

[نووووونا]

هلا زوغه

اى ان شاءالله اضبطهم واحطهم ,,واول ما تخلصون وتستلمون الجنط راح تلاقون كونترات فيهم بنات متحجبات ماليزيات

حق تاكسى المطار اضمن لكم قبل لا تطلعون بره تحجزون على حسب انتوا رغبتكم ’ وعلى حسب مشواركم

حجزتوا اى فندق بكوالا ؟؟ احنا خذينا فان من المطار الى

سلانجور الصنواى لاقون كلفنا 167ريجنت ونصيحه لا يغشونكم بالخط الماليزى انا غشونى !

شريت خط من المول مال الصنواى لاقون ب58ريجنت !فوق من الصينين الله لا يبارك فيهم شباب جنهم ملوت البلى بلى

ايللى يطلعون بالكرتون اهم وقصات شعورهم ,,انتبهوا منهم ,,


بعدين اكتشفت ان قيمه الخط ما تتعدى ال8 ريجنت او 10 بالكثير وبالمطار يبالغون باسعارهم اذا ب10 ريجنت اشتروا

الخط بدون رصيد اذا اكثر شوفوا بره ,,

انا شريت السيلكوم

 

[نووووونا]

وسلامتج زوغه ,,

 

[ZoooQa]

الله يعطيج الف عافيه على الصور شكله يشرح القلب الشلال عليكم بالعافيه

وبشنو يودونكم الشلال .. تاكسي؟ فيها مشيه ولا سيده يقطونج عند الشلال ؟؟ ادري امي مالها خلق علشان مانعنيها

وبالنسبه للخط زين اللي قلتيلي علشان اخذه من المطار او من 7 /11 اضمن


وسعره 8 رنقت اذا كثر 10 <<<< قاعده اتحفظ ههههههه


والتاتكسي من المطار نشوفلنا باص يدوب يكفي احنا 7 كبار و 2 يهال

غير قشنا

وبنقعد في تريدرز بكوالا انشالله شرايج فيه صج ؟؟

 

[نووووونا]

الله يعطيج الف عافيه على الصور شكله يشرح القلب الشلال عليكم بالعافيه

وبشنو يودونكم الشلال .. تاكسي؟ فيها مشيه ولا سيده يقطونج عند الشلال ؟؟ ادري امي مالها خلق علشان مانعنيها

اهيا الرحله كامله يسمونها جوله تروحون بسياره او فان او باص كيفكم تروحون الاماكن هذى كلها او حسب

اختياركم ايللى اهيا ((حديقه الفراشات-حديقه الفواكهه- الشلالات- هضبه بينانق-مصنع القهوه-مصنع الشوكولاه

مصنع الجلود- محل للالعاب ,,,


ايللى باللون الوردى رحنا لهم لان ما مدانى الوقت تعبنا من الساعه 1الظهر الى الساعه 7بالليل ومعانا يهال
وبالنسبه للخط زين اللي قلتيلي علشان اخذه من المطار او من 7 /11 اضمن


وسعره 8 رنقت اذا كثر 10 <<<< قاعده اتحفظ ههههههه


والتاتكسي من المطار نشوفلنا باص يدوب يكفي احنا 7 كبار و 2 يهال

غير قشنا

وبنقعد في تريدرز بكوالا انشالله شرايج فيه صج ؟؟

انا ما شفته بصراحه بس وايد يمدحونه شوفى تقرير كيكه برحلتها لماليزيا شكله راقى حييل

موفقين

 

[ZoooQa]

مشكوره ياقلبي لاهنتي

 

[نووووونا]

حياااج ياعسل ,,

اذا فى استفسار او اى شى دزيلى حتى لو عالخاص !

 

[ZoooQa]

تسلمين يالغاليه
وهم انتي لابغيتي شي من هناك تامرين امر بس دزيلي على الخاص بعد

 

[NaWaReeN]

طبعا The Westin أفخم فندق في لانكاوي

أنا حجزت الفلل اللي عالبحر including Private Pool مع سياره BMW 2009 توديج أي مكان تبين بس احنا صعنا شوية أجرنا سياكل وفرينا الجزيرة كلها على السياكل :RoadRunner:


تجربة حلوة واستانسسسسسسسسسسسسسسسسسسسسست فيها ...


وأحلى شي لما ترجعين الفندق وتسبحين بالحمام السباحه المطل عالبحر ... :friends:​

 

[soo_soo]

طيب بناات ودي بفناادق في لنكاوي وبينانق
ومايكون فيها اجانب كثير ومفااصيخ

يعني هالشهر شهر 10 فيه اجانب كثيير !!

يالييت تردوون علي بسررعه لانه سفره قربت وماسويت شي للحين بلفنادق

 

[نووووونا]

طيب بناات ودي بفناادق في لنكاوي وبينانق
ومايكون فيها اجانب كثير ومفااصيخ

يعني هالشهر شهر 10 فيه اجانب كثيير !!

يالييت تردوون علي بسررعه لانه سفره قربت وماسويت شي للحين بلفنادق

هلا اختى

بالنسبه لبينانغ افضل شى الراسا شنغريلا وبعدين البارك رويال من حيث

الشاطى وقربه للسوق الليلى والمطاعم مواقعهم استراتيجى ,,,

ولنكاوى سمعت عن الويستن روعه ,,,احنا سكنا بلانكاوى لاقون حلو بس منعزل شوى وبعيد

عن المطاعم وشواطى الفعاليات ,,



على فكره الاجانب بكل مكان ,,,لا مفر منهم لووووووووول
موفقين

 

[soo_soo]

مشكوررره حياتي على الرد
لو علي انا عادي ماهمني الاجاانب بس عشان اخوي اهو الي بيساافر واهو ملتزم

وعلى قولتك لا مفر منهم