السلام عليكم ..
يعطيج العافيه على طرح الموضوع ..
انا افضل كل ين ياهل وياهل 5 سنوات .. ادري ان وايد ناس ما يايدون هالشي ..
انا ولدي الحين عمره 5 سنوات بالضبط شهر 12 الي فات كمل والحين حملت توني صارلي شهر وجم اسبوع ..
طبعا في اسباب وايد خلتني افكر في هالشي ..
منهم :
1- كل ياهل ياخذ حقه بالتربيه يعني اكبر واحد واحد ..
2- الحين صارت المدارس وايد صعبه وخاصتا المدارس الخاصه يبيلها مجابل من الروضه اهي الاساس على الاقل اجابل كل ياهل لي الروضه وعقب احمل واولد ويكبر يدش هذا الروضه الثاني يكون معتمد على نفسه وبيدش المتوسط ..
3- انا وريلي نحب السفر والاطفال يلزمونه ممكن واحد انشيله و الثاني يمشي ويكون كبير ..
4- وهالايام الولاده مصرف وميزانيه واذا كل سنه وسنتين بقط فوق 4 او 5 الاف على ولادتي لا بالله الريل بيصير مينون ://
5- والصراحه اكثر شي عجبني انه الحين حملت مره ثانيه وريلي واهل ريلي واهلي وانا بنفسي احسها اول مره كلنا طايرين من الفرح والكل يقول تعالي انفسج عندي .. واخر شي رسيت على ام ريلي اهي الي راح تنفسني .. معنى انا مرت ولدها االوسطي وتوه مرت حماي ولدت ما طلبت منها هالشي ..
والاهم ان الطفل مسئوليه وبرقبتج لي يوم القيامه وتتحاسبين على كل حرف تعلمينه .. فلازم تصلحين من تربيته .. واذا وايد وفوق بعض بتقولين بيتربون مع بعض و عزوه حق بعض و و و و .. هالشي مو بزمنا والدليل كا احنا نجابل رفيجاتنا اكثر من خواتنا .. وتلقين الرفيجه احن عليج من خواتج في بعض الاحيان .. يعني لا تحاتين الياهل بيكون وحيد بسنه وفي فرق بينه وبين اخوانه ..
وهذا رايي طبعا .. و احترم راي الخوات .. والله يرزقنا الذريه الصالحه ويتمم علينا حملنا يارب ..
