اغير شقتي ولا خلني على مينوني

[الشيخه فطامي]

سلام


بنات انا شقتي صالتها كبيره بس مافيها غرفه خادمه او انا معطتها الدريسنق روم يعني حاطه كبتات

تبديل الملابس او سرير حق الخدامه بنفس الغرفه فاهي غرفه تبديل ملابس او غرفه خادمه بس

المشكله انه الغرفه صايره مقابل غرفتي او حمامها لازق بغرفتي

احنا كنا مضطرين ناخذ لشقه بسرعه او مافي غير موقف واحد للسياره مو موقفين فنضطر نصفط بعيد

شوي او الشارع صغير او ضيج

بس الحلو فيها انها باركيه او الصاله كبيره او انا صبغت او عدلت او اجارها زين حق 3 غرف

شرايكم ادورلي مكان اكبر في غرفه خادمه او مطبخ اكبر عل الاقل او مصافط سيايير

ولا خليني على مينوني احسن على قولتهم

ادري راح احصل شي اغلى بس ادور على راحتي وقت مالقيت انقل

شرايكم

 

[أحلى همبه كويتية]

والله ممزات شقتك حلوة
خصوصا مع المباني اليديدة الحين الصالة نتفة


الله يعينك انا مثلج
شقتي القديمة صالتي 8 امتار
والحين توني ناقلة صالتي 5 امتار فررررررررررررررق كبيييييييييييييير
وقاعدة ادور على راحتي




بس العيب اللي مو حلو عندك
ان الخدامة مقابل غرفتك
يعني بتشوفك وانتي داخلة وطالعة

بعدين اهي بغرفة ملابسكم
انا اخاف من سوالف الخدامات


اختي كانت تقفل الغرف واهي بالبيت موجودة عن خدامتها النيبالية
اتصدقين لما انقلت
وعقبها الخدامة عنفصت وما تبي تشتغل
فتشت اغراضها لقيها ماخذة اغلب ملابس اختي الجديدة اللي شاريتهم من دبي بقراطيسهم
وعطور وبلاوي

اشلووووووووووووووووووون ؟؟؟؟ وهي مقفلة كل شي
امصيبة عفريته


اشلون انتي خدامتك بنفس غرفتة ملابسكم
انا ما ابي اخوفك بس احرص عليك وانبهك



نصيحتي

دوري على راحتك وان لقيتي شيلي


وربي ييسر لج وتلاقين اللي تبين
يعتمد على المنطقة اللي تدورين فيها
كل شي غالي الحين حسبي الله عليهم يصغرون المساحات ويغللللون الأسعار



قلت لج قصة حياتي مع الشقق

 

[جنان الغدير]

انصحج تغيرين لأن التغيير حلو ويفتح النفس والله

بس حاولي تكون الشقة تشطيب جديد وعلى ذوقج الله شكثر الشقق يعرضونها في جريدة 8080 والصدى والدليل وايد واسعارها حلوة تري

لا تخافين من التغيير توكلي على الله :eh_s(7):

 

[AVE.NJ]

حلو التغيير
بس اذا بتتنازلين علشان الاجار يستاهل

 

[درة أهل الطولات]

ان شاء الله تلاقين

 

[kanoosha]

بصراحه التغيير حلو,,عيل شتقولين عن شقتي اهي مكانها حلو وسعرها 200 حلوو بس عييبها بالدور الثالت وماكو اصنصير
صاله كبيره ومدارها المطبخ وغرفتين وحمامين واحد بره وااحد بغرفه ماستر وغرفة الخدامه بررره بس عيبها الدري وقديمه اشوي ..........وادور كله غالي ومانقدر علي الغالي

 

[PuPa^^SWeeT]

انا اللي حدني انتقل من شقتي القدييمة سالفة الكهربا



انتقلت الحيين الشقة حلوةةة


بس سالفة الدري مزعجة لما بناتي ينااامون
الدور الثاني ماكو اسنسير

بس اسمه اقرب لامي لخالتي

و دواماتي و دوامات اليهال



اهم شي انتي مرتاحة بالشقة تمي


مو مرتااحة و اتييلج ضيقة خلق منها


انتقلي



افضل


انا اشجع التغيير



معنه النقل مزعج


بس ترتييب الشقة اليديييدة احلى و احلىى

 

[ام زهقانه]

لا والله الا خلك علي شفتك ابركلك

 

[حجيه هيونه]

حاولي تدورين لفترهحصلتي شي احسن كان بهاماحصلتي اقضبي مينونج

 

[++MesK++]

مابي اخرعج بس شلون تخلينها تنام عند ملابسج و اغراضج!

الخدم مالهم امان... اذا ما تبوق تسوي سحر

انا غرفة النوم و الحمام و غرفة التبديل جناح كامل و له باب ,, اقفل الباب بالمفتاح و ما تدخل نهائيا"

حتى الحمام انا انظفه ما اخليها تدخل كلش و ايدي على قلبي لان توقعي منهم الغير متوقع

 

[مذهلة 78]

اذا تقدرين طلعي بشقه اكبر واشتري راحتج

 

[PuPa^^SWeeT]

ياحبيبتي

انتي وين حاطة اببالج ؟؟؟



يعني مناطق قديمة
مناطق يديدة

؟ظظ


ويين بالضبط



انا اقووول دوريلج شقة افضل


او سويي جبسن بورد و قمي غرفتها و سويلج بباب للكبتات المفتاح عندج

 

[<<لمار>>]

دوري شقه ثانيه موحلو انها تشرف علي شغلح وماتدرين يمكن تلبسهم وتكشخ فيهم وتصور وهم يم غرفتج بتصير لج مراقبه وتري اهما للتصيمخ هميمين

 

[:: Diva ::]

انا مو مستصعبه شي اكثر من المصفط الواحد !!!!
اذا شقتج تحبينها و ما تبين تطلعين منها


سوي لها غرفه بالجبس و ما تكلف وايد

 

[PuPa^^SWeeT]

شووفي ياقلبي


انتي ماراح تطلعين الحين ولا باجر


دوري شقة

و شوفيهم

اذا طحتي على شقة اتناسبج

خلاص نقلي


ما لقيتي انتي قاعدة


بس نصيحة لاتدورين سرداب


لأنه لو المؤجر شوي فيه نذالة عادي يسكر عليج الكهربا و الماي

ولا يخلي المجاري تطفح عندج

 

[بخـــارى]

غيريها

 

[@ DLOO3TAH@]

ـأب

 

[زهور المحبة]

شقتج فيها اكثر من عيب
واهمهم الخدامه شدراج لو ماتسمع لكم بالليل
مثل ما كانت اتسوي فلبينية رفيجتي
مرة طلعت من غرفتها الساعه 4 الفجر لقتها جدامها
انا اقول دوري على روائه وان شا الله تلاقين

في موقع عقارات كويتي يجنن انصحج اتشوفينه اسمه findq8