اغلاق مكتب قناة الجزيرة في الكويت

[مرتاحه]

احسن
بس بعد فتره ابطلونها مرة ثانيه
لازم ما يعطونهم مجال كلش انهم
يفتحون مكتبهم مرة ثانيه

 

[ياعشيري جعلك السلال]

رد : اغلاق مكتب قناة الجزيرة في الكويت

احسن فكه مانبيهم قناه الفتن

 

[um_yoyo]

رد : اغلاق مكتب قناة الجزيرة في الكويت

حبيبتي ... اول نقطه الحقد .. بالذمه بالذمه ليش تحقد عليكم وش عندكم مهوب عندهم ؟؟؟؟ << افطس لاقلتوا حقد صراحه

..

اسم الله عليج من الفطس و الي عندنا و ماعندكم وايد و لا جان ماشفناج بمنتدى كويتيات !!

و الكويت بخير و نعمه لله الحمد مع الي قاعده تمر فيه وضعها سياسيا احسن وضع بالخليج و الوطن العربي ( اذا تبين تفصيل ارسليلي على الخاص )

والديمقراطيه الي نعيش فيها اهيه الي خلتج و غيرج تعرفون شنو قاعد يصير بالديره ما عندنا سياسه التعتيم مثل باقي الدول الي ما تسمعين فيها لا بالجزيره و لا اي قناة ثانيه لان القمع اساس قيام هالدول


اما انها سكرت المكتب بالكويت مو علشان التغطيه لان كل محطات نقلو الخبر و التغطيه و اولها قنوات كويتيه بس الامير الله يطول عمره يعرف عدل نوايا القناة من عرضها لنواب معارضين و مكالمات غيــــــــــــــــــــــــــر عشوائيه تسب و تغلط بالحكومه



و بالاخير ياغريب خلك اديب :wqedqw:

 

[الدنـ نور ـيا]

قريت كل الآراء وبقول لكم سر اللي مايعرف بالسياسة خله ساكت أبرك لأن اللي مايقرأ بين السطور ولايعرف الرؤيا المستقبلية لأي حدث ويعرف الموازنة بين الأمور هم أبرك له يكون ساكت إحنا نعترف والكل البعيد قبل القريب يعترف بأن الكويت أم الديموقراطية وهي الأستاذة التي يتعلم منها الجميع ومن غير المعقول أن نغلق الفضاء المفتوح الآن كل القنوات على الموبايل والأخبار تأتي وأنت تشرب فنجان القهوة والذي يبحث عن الحقائق ياأخوات لاينتظر أي وسيلة إخبارية تبث له الخبر بل يعرف من إستقراء الواقع بأن الوضع أيا كان هو إفراز لواقع نعيشه والسر الثاني ترى كل دولة خليجية أهلها يعرفون واقع حياتهم وحرياتهم ولكن من هو متصدر الحرية الكويت الحبيبة والدليل على ذلك دورة الخليج الأخيرة تدخلوا حتى بسيادة الدولة من قوانين التجنيس وغيرة.... والكل قعد يتفلسف على الكويت وهذه هي الحرية واللي أبي أقوله حرية الإعلام الآن ليست محجوبة عن أي فرد كبير أو صغير مهتم أو غير مبالي الآن في جيب كل مواطن قمر فضائي مفتوح غسمه الموبايل وسلامتكم .......وأرد أقول من غير زعل ترى مردنا حق بعض إخوة متحابين وأكثروا الإستغفار عسى الله يزيل غمة الإحتقان السياسي والغبار ويرسل الله علينا الغيث يارب .
سبحانك اللهم إستغفرك وأتوب إليك ......

 

[عيون الشيخ جابر]

رد : اغلاق مكتب قناة الجزيرة في الكويت

اسم الله عليج من الفطس و الي عندنا و ماعندكم وايد و لا جان ماشفناج بمنتدى كويتيات !!

و الكويت بخير و نعمه لله الحمد مع الي قاعده تمر فيه وضعها سياسيا احسن وضع بالخليج و الوطن العربي ( اذا تبين تفصيل ارسليلي على الخاص )

والديمقراطيه الي نعيش فيها اهيه الي خلتج و غيرج تعرفون شنو قاعد يصير بالديره ما عندنا سياسه التعتيم مثل باقي الدول الي ما تسمعين فيها لا بالجزيره و لا اي قناة ثانيه لان القمع اساس قيام هالدول


اما انها سكرت المكتب بالكويت مو علشان التغطيه لان كل محطات نقلو الخبر و التغطيه و اولها قنوات كويتيه بس الامير الله يطول عمره يعرف عدل نوايا القناة من عرضها لنواب معارضين و مكالمات غيــــــــــــــــــــــــــر عشوائيه تسب و تغلط بالحكومه



و بالاخير ياغريب خلك اديب :wqedqw:

اولا البنت ماقالت شي وهذا منتداها احنا الطالعين وهي الداخله ياشيين اللي يتمنن



وثاني شي منو النواب اللي يلعلعون ويرحون لليدفع اكثر


ياسيده الاعمال ياحبي مو مسلم وربعه اللي ينشرون بالفلوس بالعكس


هذا رجال والرجال نادرين بالهزمن الديره مخنقه عليه بربج عطيني قناه كويتيه تتركله المجال يتكلم

يابنت الشمس مايغطيها المنخل

ابتلش فيكم راح للجزيره اللي الكل يكرها ويكره صاااااااااااااااااااااااااااحبها اللي بالاساس ضدنا


بس لاحول ولا قوه له


اذا هلي مايسموعون من اشكي له



وان سكرو الجزيره ماراح يسكرون عقولنا عن الحق


بعدين شنو اختارو نواب عدليين


احنا اخترنا ويازين من يمثلنا


والامير

يقول احسنو الاختيار قلنا سمعن وطاعه ماكو احسن من المسلم وربعه من النواب


بس الباقي على امير البلاد

اكثر من مره ينحل المجلس ويختار
نفس الشخص اللي بسببه الستجوابات كلها حكومه ناصر المحمد


وهاذي الدمقراطيه الامير يبى الشيخ ناصر المحمد
واحنا نبي مسلم وربعه

ومسلم يحق له يستجوب ويتكلم بكل قناه دامه على صح ودامه مواطن شريف


اما اغلاق الجزيره



فابوي مايقوى الا على امي



الجزيره طول عمرها ضدنا مانشره عليها

بس اللي منك وفيك ليش ماتسكر ولا نشيل الشيوخ بسبتهم مثل مالك الصباح



والسور اللي يحاول صباب القهوه يطلع حرته على عمامه ليش ماتسكر


ولا العداله اللي مانصفت المناع وابا الخيل ولا ولا كلهم من ارض الكويت


وين العداله دام القنوات الخاصه وقناه بلادي تسمع وجهة نظر وحده عشان يطلعون نوابنا غلطانيين





ياناس دامنا مو قد الدمقراطيه


ولال قد المساوه


خلو يسكرون المجلس وكل القنواة ويشلون النت والستلايت والجرايد
ونعيش نفس الجاهليون بظلم بس متساوين ولا نشوف الحق ولا نقدر نطوله





بالنهايه الله يرحمك يامير الخير ويا سعد بطل التحرير

 

[دلع السلاطين]

الفال لسكووووووووووووووب

 

[CUTE ENGINEER]

رد : اغلاق مكتب قناة الجزيرة في الكويت

زين يسوون فيهم والشرهة على هالنواب اللي

يروحون ويسوون مقابلات على هالقنوات اللي دايما واقفة ضد الكويت

ويقولون نبي مصلحة الكويت

بس زين اللي الله سبحانه كشفهم

 

[masoo 511]

رد: رد : اغلاق مكتب قناة الجزيرة في الكويت

:eh_s(9):

اسم الله عليج من الفطس و الي عندنا و ماعندكم وايد و لا جان ماشفناج بمنتدى كويتيات !!

و الكويت بخير و نعمه لله الحمد مع الي قاعده تمر فيه وضعها سياسيا احسن وضع بالخليج و الوطن العربي ( اذا تبين تفصيل ارسليلي على الخاص )

والديمقراطيه الي نعيش فيها اهيه الي خلتج و غيرج تعرفون شنو قاعد يصير بالديره ما عندنا سياسه التعتيم مثل باقي الدول الي ما تسمعين فيها لا بالجزيره و لا اي قناة ثانيه لان القمع اساس قيام هالدول


اما انها سكرت المكتب بالكويت مو علشان التغطيه لان كل محطات نقلو الخبر و التغطيه و اولها قنوات كويتيه بس الامير الله يطول عمره يعرف عدل نوايا القناة من عرضها لنواب معارضين و مكالمات غيــــــــــــــــــــــــــر عشوائيه تسب و تغلط بالحكومه



و بالاخير ياغريب خلك اديب :wqedqw:

:eh_s(9)::eh_s(9)::eh_s(9)::eh_s(15):صح لسانج اكره هالقناة ولا نسيتوا اللي كانت تقوله ولاتجاه المعاكس وغيره بس الشرهة على نواب الشعب الامير يقولهم اللي يتكلم عن ديرته بره الديرة خاين اهم يعاندون وين طاعة اولي الامرالله يصلح الجميع وتذلف هالقناة اصلا ما أشوفها ولا اتابعها من زماااان وكل اللي فيها مرتزقة

 

[العنود 99]

رد : اغلاق مكتب قناة الجزيرة في الكويت

اسم الله عليج من الفطس و الي عندنا و ماعندكم وايد و لا جان ماشفناج بمنتدى كويتيات !!
:wqedqw:

الحين تبين تقولين لي ان كل البنات الي من جنسيات مختلفه يدشون كويتيات لان ما عندهم الي عندكم ؟!!

شدخل هالجمله ابي اعرف .. زين الكويتيات الي يدشون منتديات قطريه يدشونها لان احنا عندنا اللي ما عندكم ؟!!

صراحه امرج غريب وماله دخل بالمره لو ما كنتي تحبين قطر لا تحبينها بس اختاري رد احسن من جذي ترا كبرنا على هالسوالف احنا احسن وانتوا احسن

خلينا نحب بعض كاخوات احسن من هالكلام الي بين السطور

 

[أنفاسي دخون]

زين يسووون >> من تدخل فيما لا يعنيه سمع ما لا يرضيه

والفال لسكوب والعداله والكوت وباقي قنوات الفتنه

 

[om_7amad]

اخيراااااااااا اوف فكه..توني ادري انه في كويتين يحبون هل قناه

 

[قطرية 83]

اول شي اتمنى من القطريات يرفعون راسهم بانجازات ديرتهم بكل المجالات الرياضية والاقتصادية والاجتماعية والاعلامية و الدينية والتعليمية ولو باعدد اكثر ماراخ اخلص
لان عندنا الكثير الكثير و عسى قطر في خير دوم لانها حققت الكثير اللي عجز الغير يحققه و هذا وسام عز نفخر به و علصدورنا من بومشعل عسى ربي يخليه لنا و يحفظه فارفعوا روسكم انتوا قطريات واذا شفتوا ردود ناس قهرانه حقروها لان بترفعكم عنهم انتوا كبااااار
والاهم ان اللي يردون باسلوب رخيص تراهم ما يمثلون الكويت لان الكويت اعز وارفع من اساليب هالناس التعبانه اللي مستواها يفرز الناس و مستوياتهم بمبدأ
عندكم وماعندنا

الامر الثاني الكويت اهلنا و حبايبنا و خليجنا واحد ماراح تفرقنا هالقناة عن فئة من فئات الكويت اللي معارضة هالقناة
لاني وعلى علم كبير ان هناك في الكويت فئات كبيرة مؤيدة و بقوة رسالة قناة الجزيرة بل ومستنكرة اغلاق المكتب
ومتأسفة على ذلك ،، واكبر دليل على المؤيدين في ردود البعض في هذا الموضوع وفي منتديات سعودية و كويتية اخرى

والقناة مستقلة يعني لا تمثل (الشعب القطري)
وهذا شي يعجبني انكم فاهمينه
واللي فعلا ما عجبني ،، اني دوم كنت اقول و افتخر بدولة خليجية ديموقراطية و حبيبة وهي الكويت ،، لكن ياليتها ما هزت هالصورة باغلاقها هالقناة لانها هزت صورتها بأعين كثير ممن اعتبروها ديموقراطية ومع حرية التعبير !
هذا مو كلامي هذا كلام الاعلام العربي و الراي العام بكثير من الدول الخليجية والعربية

ومن رأيي الشخصي ان لولا ان القناة ما تتلقى اتصالات من شخصيات كويتية مرموقة و كبيرة و سياسية في دولة الكويت
لما كانت الجزيرة راح تهتم بنقل الاحداث والاخذ بعين الاعتبار الا لانها تتلقى اتصالات من ناس معارضة ومؤيدة لعدة قضايا كويتية
والامر الاهم هو لجوء هالاشخاص الى قناة خارجية وهذا ما يؤكد نفورهم من قنواتهم المحلية اللي لم يجدوا فيها
(( المصداقية / الشفافية / الحوار )) و الامثال على ذلك كثيرة كسكوب والوطن و السور و غيرها من القنوات
و كون ان الجزيرة التزمت بمعايير الشفافية والصدق عن بقية القنوات فلم نستغرب اغلاق المكتب

حبيت اقول لكل القطريات هنا ارجووو عدم الخلط بالاراء فنحن نتقبل الراي والراي الاخر
و هذا شعار اي شخص ديموقراطي و شعار قناة الجزيرة العربية و ليست القطرية
هالشي حطوه ببالكم !!
فلا بد من وجود مؤيد و معارض و ما دام انكم كويتيين فانتوا في قلوبنا اخوان و احباب والله يشهد ولا نرضى عليكم بالشين و اللي يمسكم يمسنا واللي يفرحكم يفرحنا و اذا فرحتكم باغلاق القناة فعسى افراحكم بازدياد


لكن مو قناة تفرق بيننا لان القناة مو قطر ولا اللي اغلق القناة هم الكويتيين

 

[&رعبوووبه&]

لا تعليق

 

[وجدان الحلا]

اذا ماشفنا من الجزيره فيه غيرها وااااااااايد

 

[english muffin]

رد : اغلاق مكتب قناة الجزيرة في الكويت

ماله داعي
القناة قناة اخبارية و شغلهم ينشرون الخبر موب يخشون الخبر

 

[bella bambina]

منو عطانا الحق نبدي راينا بعد كلام بابا صباح الله يحفظه لنا ما لنا غير ان نطيع أبونا العود والعود قال اللي يتعامل مع قنوات خارجيه يعتبر خائن لوطنه
كل اللي المفروض نقوله سمعا و طاعه لأنه هذا اللي تربينا عليه طاعة أولي الأمر

 

[لميـس]

الحين سكرو القناه عشانها انقلت الحدث بس
بالعكس شي حلو نلقى قناه اخبارية تنقل لنا شنو صاير حوالينا
وبعدين منتشر بالبلوتوث تصوير اكثر من تصوير الجزيرة
يعني عادي بالبلوتوث والبرودكاست ينتشر والتلفزيون لا
وبعدين ليش سويتوها مشكله قناة وسكروها خلاص تعوذو من ابليس