اغلاق مكتب قناة الجزيرة في الكويت

[& ام سلمى &]

اعلنت قناة الجزيرة الاثنين ان السلطات الكويتية اغلقت مكتبها في الكويت على خلفية تغطيتها لحادثة قمع الشرطة تجمعا عاما شارك فيه نواب معارضون وتداعياتها.
واكدت القناة القطرية في اعلانعلى شاشتها اغلاق المكتب واذن المزاولة من مراسليها في الكويت بسبب تغطية الاحداث الاخيرة في الكويت لاسيما استضافة نواب معارضين وخصوصا النائب مسلم البراك.

من جانبه، قال مراسل القناة ومدير مكتبها في الكويت سعد السعيدي في مداخلة على القناة انه تلقى خطابا من السلطات يقضي باغلاق المكتب ويتضمن اتهاما للقناة ب"التدخل في الشان الداخلي لدولة الكويت".

وسبق للكويت ان اغلقت مكتب الجزيرة في تشرين الثاني/نوفمبر 2002 خلال الاستعدادات لغزو العراق، واتهمتها باتخاذ موقف عدائي من الكويت. واعيد فتج المكتب في ايار/مايو 2005.

 

[يـاسمينا]

رد : اغلاق مكتب قناة الجزيرة في الكويت

كلللللللللللوووووووووش
زين يسوون فيهم بس شاطرين يتشمتون فينا ..

ثانكيو عالخبر ..

 

[G!RLooNa]

احسن و المفروض مسكرينه منزمان منزينهم يعني مالت عليهم

 

[برونزيه شقرا]

رد : اغلاق مكتب قناة الجزيرة في الكويت

احسن لانهم بس يدورون السوالف الشينه

 

[$ النيره $]

,

كـل هذآ عشآن نقـلت الحدث بكل تفآصيله من غير تعتيـم ولآ غموض مثل بآقي القنـوآت ..

لآ حول ولآ قوة آلآ ب الله ..

لولآ الجزيـره كآن الحيـن مآ عرفنآ ش الطبخـه ..


القنوآت الثآنيه تخلي اللي يعجبهآ وتحذف اللي مآ يعجبهآ


آنآ معآكم الجزيره قنآة حقـوده .. بس آنقلت الحدث آول بآول

سبحآن الله

 

[snda]

يا فشلتنا قدام الدول الاخرى والله الكل يتشمت فينا

 

[قيثآرة الهوى]

رد : اغلاق مكتب قناة الجزيرة في الكويت

الله يهدي الكل
ما ادري يعني انا اشوفها قناة اخبارية تنقل كل شي وهذا المفروض
ما ادري شي غريب
انا مع كلام اختي النيرة

 

[ˆώ• اح ـساس المطر •ώˆ]

لو قنآة ثآنية .. كان صج احتريت

بس الجزيرة تستآآآهل .. معرووف حقدها على الكويت

 

[عسولتي]

احنا وين الله يرزقنا عفيه شوفوا سكوب طلعت فجر تتفلسف ياربي شهالحوسة وشهالقتوات اللى طلعت بس ذبحوونا كله هواااش وصيحة ومشاكل

 

[مارغريتا]

لانها قناه حره

 

[[[ عيون جابر ]]]

يستاهلون والله

 

[عيالي...حياتي...]

شوفوا قناة الفشله والفضااااايح


سكوووووووووووووووب

 

[Esraa.a]

رد : اغلاق مكتب قناة الجزيرة في الكويت

هذي الساعه المباركه والله

 

[اطياب طيبه.أم عبدالله]

من يوم بلشت هالقناة وانا ما احبها

 

[ساندريلا]

زين يسوون فيهم
لوتشوفون يابنات دقوا على ناس من الشعب وسالوهم عن رايهم وطبووا بالحكومه وقالوا كلام ماينقال بصراحه فشلونا جدام العاالم سوونا دوله قمعيه
اهم شكو بأمورنا الداخليه انا مااشوف في التلفزيون اخبار عن الشغلات الخاصه بالدول الخليجيه الثانيه الا احنا مفضووحيين
وقناة الجزيره معرووفه من زماان في كل شي ضدنا جنهم يستانسون لاتزعزع امنا الداخلي لاسمح الله
هذا يزاتهم واقل من يزاتهم بعد

 

[lovely jojo]

شوفو سكوووب

 

[aṕriliå]

رد : اغلاق مكتب قناة الجزيرة في الكويت

عقبال سكوب ..

 

[وهج الحب]

السلام:
لو بيسكرون كان سكروا ايضا قناة o tv بعد نقلت الخبر وقالت عن الضرب بدون ان تاتي باي احد يبرر الافعال والشريط مر يومين ..وهي تقول القوات تضرب نواب المعارضة بدون يجيبون الجانب الاخر يتكلم ..

لو بيسكرون سكروا قناة لbbc اللي انا شفت منها ضرب الاعضاء بعد ما قلتوا عنه هنيه ..وايضا هم جابوا نفس شريط الجزيرة ..وحتى يوم تكسير سكوب كانت فجر تلعلع فيها بس تكلمتم عنما انقلته الجزيرة ما تكلمتوا عن bbc ..

كان سكروا قناة العلم ..

كل قناة اخبارية لو جاها خبر بتنشرة ..بس ميزة الجزيرة تجيب الجانب الاخر يدافع وغيرهم ما يجيبون ويتم الامر من طرف واحد ..وانا شاهدت البرنامج جابت كل الجوانب حتى الناس العادية دافعت وتكلمت ..وعلى فكرة القناة ما تضرب تلفونات عشوائية على الناس كما قالت الاخت الناس هي اللي تضرب تلفون على القنوات ونتشر باليوتيوب ..وبعدين انا شفت البرنامج بالاعادة ناس وايد ايدت الحكومة وليس كلهم مع الاعضاء ..

وكما انهم قالوا يوم تكلم البراك وقال انا بانشر امور قال المذيع لو سمحت احنا مالنا دخل بالامور الخاصة بالكويت وتكلم عما حدث ..

وجلست سكوب يومين تقول للبراك اذا الجزيرة ما قبلت تنشر اللي عندك تعال احنا قناتنا مفتوحة ..

عموما العالم الحين مفتوح اذا ما نشاف بالجزيرة ينشاف بقنوات اخرى ..

بس انا باقولكم خبر وقولوا وهج قالت ..ما في اي بلاد تسكر قناة الجزيرة ببلادها الا لانها بتتخذ اجراء قوي ..

كما حصل بالمغرب من فترة ..وكما حدث في مصر مرتين اي عند كل انتخابات ويرجعون يفتحونها بعد انتهاء الاحداث وتذكروا كلامي اذا صار شئ ..

 

[خلود العامر]

رد : اغلاق مكتب قناة الجزيرة في الكويت

ابركها من ساعه ما احب هالقناة

 

[كشموووشه]

]دفعت مردي .........