اغراض مريحه وعمليه للسفر+ نصائح حلوه وســــــوالف شاركوني ياخواتي ياحياتي بالصـــــور

[كويتيه 1234]

وايد مفيييييييييييييييييييييييييدين اللي حاطينهم يعطيكم العافيه

 

[كنوووونه]

ويد كول يا شنو ام ههههههههههههههه

 

[pama girl]

الموضوووع روعه


والبنات كفوو و وفووو



واذا ذكرت شي يدييييد لي رجعه

 

[الشوق غلاب]

قاعدة اساسية ندي بالسفر لازم تكون كل الاشياء اللي اخذها تكون صغيرة مثلا المبخر صغير المكياج بعلبه حجمها مناسب
ما تاخذ مساحة اهم شي و اعتمد على الترتيب دايما بغض النظر انا شماخذة معاي

 

[LELEE]

نسيتوا مقياس الحرارة لاسمح الله اذا تعب واحد من اليهال لان الجو يتغير عالشخص فية بعض الاجسام ماتتقبل تغير الجو بسرعه
وفية شغلة انا مااستغني عنها الفواحة وعطرها وكم شمعة مهميييييييييييييييييييين حق الفندق

 

[عذبة الإحساس]

يعطيييييييييييييج العافيه وتسلم ايدج خيتو

 

[miss fa6om]

هااااايي
موضوع حلو ومفيد
انا اخذ معاي جنطة على الجتف جذي
واحد فيها دفتر واكتب كل ساعة اكتب صفحتين كاملين من الملل
واحطلي الوان وهييك
اخذ ساعة لازم لان التلفون مالي خلقه بالسفر ولا بالحياة هع
واهم 3 اشاء البي اس بي مالتي حق اللعب
والايبود احط وانام على الاغاني هع
والعلوج والحلاو
بس هذا الي اخذه بالطياره > > بقى شي ؟؟
ويعطيج العافية

 

[كااارميلااا]

ههههههههههههههههههههههههههههه
احلى شي بطل الماي

 

[البلوره]

هلا بنات موضوع خطير

انا بصراحه اخذ معي

اكواب بلاستك الي تجي بالدرزن

وملاعق شوك بلاستك

يعني لاشرينا شي ولا شيات من البقاله كيك او شي

الا معنا اغراضنا وبعيدن الزم للنظافه ..

حتى خذوا معكم للمطتعم اذا رحتو ملعقه وشوكه وسكين بلاستك احسن وانظف

بعدين سالفة الحمامات وانتو بكرامه اقولكم سالفتي

اذا رحنا دول اوربيه او فنادق فخمه يكون المروش نفسه تلفون الي ينسحب وشكله زي السماعه

عاد من حسن الحظ يكون قريب جيبالمرحاض استخمه بدل الهوز يفي بالغرض هههه هوز عملاق ..

وزوجي شاري هوز يتركب بالشطافه او بالحنفيه وتسخدمينه عادي موجود بالمحلات ..

الشي الثاني ..

موس الحلاقه النسائيه والجل انا اشتري موس جليت الوردي الي تغيرن شفراته اشتري ويجي معه غيارات له

اخيرا لازم اخذ معي برطمان صغير تبع الصلصه لانه قزاز مايخرب احط فيه شوي ميراميه وهالايام لقينا ورق ميراميه

زي الشاي صرنا ناخذه لان اذا بطني مغصني من البرد ينفع .

وشاي الرشاقه "الملين " للطوارئ ..



وبندول وفكس وفازلين ..علشان الترطيب

بعد ازيد عبايه زياده ونقاب زياده علشان لو صار فيهم شي ..وشبشب للغرفه وزنوبه للحمام بعض الاحيان مايحطون اخذ احتياط

وجلال الصلاه والسجاده .

والباقي تقريبا نفس البنات..

وبس حلو الموضوع يسلمو..

 

[لولو نو]

حلو والله حتى آنا اخذت بطل ماي معاي بالسفر بس اللي فيه فتحه من فوق مو العادي نفس حقج ويعطيج العافيه على الموضوع الحلو بصراحه
إلى الأمام يا مزيونه وشقره

 

[LimnTa GirL]

ماشاء الله عليكم كل هذا تاخذونه
هههههههههههه

والله عاد انا لويه وحوسه قبل السفر

 

[عيالي نور حياتي]

نفس البنات تقريبا المنظفات باشكالها واللي ما اخذه معاي على طول اول ما اوصل زوجي يشتريهم من هناك ديتول كلوركس وبعد حبيت اضيف انا اخذ من دايسو جنط صغيرة مختلف الاحجام لونها بيج واطرافها بني حلوة حق ترتيب الجنطة وحدة للملابس الداخلية وحدة للمكياج والعطورات وحدة للمنظفات وحدة للبطانيات الخفيفة الصوف والشراشف تجي طويلة شوي علشان تفصل بيني وبين كفر الفندق وبالنسبة للصابون الورق انا اشتري من عطورات الفرس علبة بلاستيك كانها مخبار مدرج صغيرة فيهاصابون ورق دوائر صغيرة بجنطتي على طول احسن من صابون الشايع كرتون لو تجيه نقطة ماي لصقوا ببعض والملابس جم بنطلون وبلايز وعباية اضافية وملفع وتقاب للاحتياط ودي اخفف من اغراضي بس احس كل شي مهم واقط بالجنطة توني خلصت من تجهيزها ما اعرف اصور جان صورتها لكم تونس مرتبة كل شي بجنطة من جناط دايسو وناسة

 

[HaPpY]

يسلمووووووووووووووووووو

 

[chocolate - BH]

موضوع قمة التميز


ماشاءالله البنات مكفين وموفين بس حبيت اضيف كم شغله بعد

تكرمون نعال للفندق تتمشين فيه بالغرفة براحتج (نعال الاسفنج واللي فوقه فرو او قطن وحركات)

حصالة صغيرررررة عشان كل يوم اول ما تقعدين من النوم اتحطين فيها خرده دفعة بله والله يسلمكم من الشر اليوم كله خصوصا انكم في غربة

فوطتك الخاصة او روب

عطر

 

[light..moon]

مشكوووووووووووووووووووورة والله يعطيج

 

[سعودية من ابها]

ماشاء الله :ada:

 

[toreto]

يسلمووووووووووووووووو على هالنصايح الحلوه

جد جد الواحد يستفيد منها
يسلمووو

 

[الزين وأهله]

في عاب في ايكيا مقسمه ضعي فيها الشاي والكابتشينو المغلف ومعالق صغيره وايد انفعتني

 

[أمانيQ8]

المنظفات والمطهرات..اشوية فلوس كاش ضروري عن التوهق ....وينفعون

اكسجين حق التشقر بدل الحف وحوسته تدرون بالشمس تطلع بلاوي فلابد من الاكسجين او المشقر...سشوااار..شنطه صغيره فيها غيارات حق اليهال وحقي وحق ابوهم هذا اذا بننزل ترانزيت اي مكان ..ادوية اطفال خافض حراراه والذي منه جهاز قياس الحراراه اي صج دوا الترجيع الله يعزكم انا لازم اخذه من المستوصف اللي ينخلط افتكر اتعرفونه ولزقات جروح كريم مضاد للالتهابات النسائيه لان وايد اتحسس بالسفر سبحان الله حتى مايهم يسوي لي التهاب فلازم اخذ تحاميلي وكريماتي والشغل كله وطبعا اشياء وايد اللي نحتاجها ما اقدر اذكرها كلها والله لايوريكم اجناطي لي بسافر


ملاحظه كنت احاول انزل صور للموضوع بس وايد بطيئ التحميل فتخني جان اهون

 

[غالية22]

موضوع مقيد اكيد

بس بنات والله عن تجربه سفر عشر سنوات كل سنه دوله

اقولكم اهم شي (( المره )) طبعا هذي تاخذونها من العطار هذ يعتبر مضاد حيوي و علاج حق جميع امراض السفر و الامراض المفاجاه

مثل : عوار و مغص البطن - لوعه الجبد - الترجيع - الاسهال - التهاب اللوز - الحريقه في البلعوم

تاخذين قطعه صغيره و تمصينها مثل حبه المص لما تذوب

او تبلعينها مع الماي مثل البندول

والله يابنات ماشاءالله رووووعه ش مو طبيعي و ختى حق اليهال ماشاءالله مثل السحر

و امي الله يخليها علمتنه عليها و كل العايله تدعي لها صج عجيبه اسمها مره مثل العلج لبان بس لونها بني كسريها صغار و حطيها باي علبه زجاج صغيره حتى من بو 100 فلس اخذي علبه صغيره و لازم تخلينها معاج بالجنطه على طول حتى بالكويت مو شرط بس بالسفر