اعيالج يشبهون منو؟؟؟وشنو ودج تسمينهم؟؟؟...........للفرفشه

[miss-nonitaa]

وليدي كله ابووه ولا شي مني كلش واسمه انا وابوه اخترناه والحمدلله لايق عليه

 

[love love]

الله يخليهم لكم يارب

 

[زعفرانة]

انا عيالي مايشبهوني والاسامي اهم اللي محلينها

 

[3rosa]

حياتي لوف انا عندي مهودي بس

اول ما يبت يشبهني بعد ما كبر قالو يشبه ابوه

اسمه لايق عليه لايق لاني انا مسميته ^)^

 

[love love]

الله يخليهم لكم

 

[كويتيه مذهله 87]

خوش موضووع فديتج :

عندي ولد واحد توني ياايبته بعد عنااء طووويل لووول

اول ماولده حطوه علي صدري كنت اشووف ابوووه سبحان الله نسخته كووبي وبست
والحين ياهل النفاس كل يوم له وي
الله وكيلج كل يوم يتشكل علي اهل ريلي ولا يوم صار صووبي وصووب اهلي لوووول
مره يشابه حماي ومره بنته ومره ام ريلي ومره عمي امبيه كل يوم يتشكل عليهم

بس ريلي قال لمن ينام كلا انتي فما ادري


وابوه سماه علي اسم اخوه الله يرحمه
انا كنت بسميه مهدي او حسين ومعني ولدته بيوم الاربعين وبخاطري اسم حسييين بس علي قوله البناااات حكم القوي علي الضعيف

<<<<<<< قالت قصه حياتها

 

[كويتيه مذهله 87]

طوفي البدليات شابكه من الايفون

 

["GloRia"]

الموضوع حلووو
أنا عندي بنت وحده فيها مني ومن أبوها واسمها مريم ووكاااان ودي اسميها غلا

 

[سيلينا]

ولدي فيه بوهه مو شبه مني اشووي بس ايام المراهقه :ggdw: ابداع .. بس كله اهل ابوه نسخه من عمامه
واسمه على عمي واحبه وما اتخيله باسم ثاني احب اسمه

بنتي كلش ماتشابهني ولا فيها مني ولا من اهلي كلش احس اهلها بس مادري منو تشابه بالضبط منهم
واسمها على خالتي ام زوجي وحلوو عليها الاسم وانا اساسا احب الاسامي القديمه

وعلى حسب اتفاقنا ان اذا الله رزقنا بنت و ولد مستقبلا لي الاولويه باختيار الاسامي لهم خصوصا البنت ابي اسميها على امي :eh_s(7):

 

[ام جروح 83]

بنتي تشبه اهل ابوها
وولدي يشبه ابوه والصراحه ما اخترت ولا اسم من اسامي عيالي حتى اللي ياي بالطريج ريلي بسميه
و الله كريم

 

[ام جروح 83]

تدرون بعد حكم القوي على الضعيف

 

[جوري الزبير]

مووووضوع وايد حلووو تسلم ايدج


انا عيالي اثنين الله يحفظهم لي يارب ويحفظ عيالكم .. الاثنين كــــــــــــــــــــــــــــــــــوبي ابوهم

بس الكبير شكل ابوه وشخصيتي والصغير عيوووني والباجي على ابوه هههههههه


اما الاسماء الكبير سماه زوجي وايد عجبني الاسم لان احبه

والثاني سماه عمي الي اموووت فيه حسبة ابوي وماقدرة اعارضه كنت ابي اسم عثمان .. ادعولي ربي يرزقني واسمي عثمان

 

[love love]

لووووووول كويتيه الله يخليه لج يارب


مشكورييييييييييييين بنات والله يحفظهم لكم ياارب

 

[love love]

upppppppp

 

[الود85]

انااااااا عندي بنوته بس ونسخت ابوهاااااااااااااا ماخذت ولاشي مني ومسمنهاااااااا على خالتي ام زوجي سارونه

 

[" ام حمود "]

انا عندي ولد وبنت .. ولدي اسمه " محمد " وبنوتي اسمهاا " فطووم " بس محد يشبهني كلش ، ولدي يشبه اهل ريلي عماته وبنتي تشبه ابوهاا .. وثالث بطريج انا بالنص ثامن والله يسهل يارب

 

[دلوعة لولي]

انا عندي ولد ويشبهني كثيررر وفيه شوي من ابوووه
واسمه مووو عاحبني بس وش اسوي اسم عمي
ضروري نسمي عليه لانه متوووفي

 

[love love]

الله يخلييييييييييهم لكم يارب

 

[دلعلــــع]

انا ولدي نسخة ابوه واهل ابوه مافيه مني كلش

 

[جوري الكويت]

الحمدالله بناتي يشبهوني و اهم شي انهم يو بصحتهم

الله يحفظهم لي يارب

الاولى ريلي اختار لها اسمها و الثانيه انا سميتها