اعلان بعثات جامعة الكويت 2010

[0(مـــســـ(مطير)ــــــك)0]

اهاا وصلت المعلومه ... مشكورات حبايبي

 

[Dr. To Be]

سوري بنات نسيت ارد عليكم بعد المقابلة حدي حدي لهيت
الي مقدمين معاي 22 شخص اغلبهم شباب الا انا وجم بنت وكانو مقسمينا المقابلات على دفعتين 11 الاحد و 11 الاثنين
طبعا يقولون اول مرة يقدمون هالعدد المهول من الناس العادة 5 او 6 بالكثييير بس لأنا الاوضاع الاقتصادية ماتسر وايد ناس تبي تطلع من القطاع الخاص ووايد خفضوا رواتبهم وهم باب التقديم فاتح من سنتين فتراكموا المتقدمين
المهم اهما من هال 22 يبون بس 2 فقط لا غير

وقت المقابلة واحنا ننطر برى الشباب قامو يسولفون مع بعض طبعا كل واحد يقول الزين عندي البعض متخرج من امريكا والبعض عنده خبرة 5 سنين واكثر ويشتغلون في احسن الشركات
طبعا انا حاشني احباط مو طبيعي وكنت من صجي بقوم اطلع عشان ما اهزء نفس بس بعدين قلت ياية ياية خل اقعد على الاقل اعرف طبيعة الاسئلة حق السنة الياية

نيي حق المقابلة .. انا مقابلتي كانت السابعة او الثامنة دشيت ولا 3 من دكاترة القسم واحد منهم رئيس القسم وطبعا قاعدة متصرقعة وشكلي حدي ياهل مقارنة بالي قبلي بس الحمدلله الدكاترة كانو حدهم حليوين واول شي قعدو يسولفون وجذي ومااتحسفت اني دشيت

طبيعة الاسئلة .. انا راجعت قوانين ومصطلحات تخصصي وطبعا هذا خطا لان ماسئلوا ولا سؤال عنهم .. الاسئلة الي سئلوها كانت كلها كلها اسئلة حياتية
من الاسئلة الي انسالتها وانصحكم تركزون عليها
باجر اذا تزوجتي وريلج قالج مابيج تكملين شتسوين ؟ طبعا ماعرفت اجاوب وخربطت
عندج استعداد تتغربين برة 7 سنين بروحج ماتخافين تقدرين تعتمدين على نفسج الخ الخ
طبعا سئلوني عن تخصصي وليش ابي هالتخصص واهو مو تخصصي

نصيحة حتى لو ماعندج قبول كوني فاهمة الخيارات الي عندج يعني قوليلهم اذا انقبلت انشالله بقدم على هالمكان لان برنامجهم زين وهالمكان لان عندهم دكتوراه ووضحي ان عندج خيارات وانج باحثة الموضوع
اي شي تحسين انج زين عندج ذكريه حتى لو مانسئلتي عنه
زهبي رد حق كل الاسئلة الي ممكن تنسئلينها مثلا اذا كنتي متزوجة وعندج عيال شلون راح توفقين بينهم اذا ماعندج عيال قولي ان انا وريلي متفقين ان ناخر مسئلة الانجاب لمن اخلص
والاهم من هذا كله اول ماتبدين راح يقولونلج تكلمي عن نفسج .. زهبي الشي الي بتقولينه وحفظيه عشان ماتنسين شي هذا اهم سؤال احس بالمقابلة لانهم من اول سؤال راح ياخذون فكرة عنج

عموما احس مقابلتي كانت زينة صج اني مانقبلت بس الحمدلله كنت مرتاحة واكيد لو فيها خير لي الله ماراح يعطيها حق احد ثاني بس اكيد بقدم عالاعلان الياي انشالله لمن انقبل

وبالتوفيق جميييييعا واي وحدة تبي اي سؤاال لا يردها الا لسانها

 

[0(مـــســـ(مطير)ــــــك)0]

Dr. To Be

حبيبتي انتي .. ان شاءالله الاعلان الجاي تنقبلين .. وخيره تعلمتي على الاسئله .. وبتجهزين لها ان شاءالله عدل مدل .. بس بسرعه طلعوا النتايج ؟!

 

[كشخة عروس]

مرحبا بنات ماتعرفون متى تقديم حق كلية التربيه الاساسيه التطبيقي ؟؟
ويصير انقدم على جامعات خاصه بس تكون معترف فيها لان التخصص اللي ابيه موجود عندهم بس تكون على حساب الدوله لان سمعت الجامعات الخاصه بس يقبلون ابناء الدبلوماسين صج بنات؟؟؟

 

[Dr. To Be]

مسك انا مقابلتي كانت 13-3 جنه والي دقت علينا قالت لنا انا اذا محد دق عليكم على 24-3 يعني بعد اسبوعين يعني حاول مرة اخرى

 

[ربيعه]

موفقين يارب ..

dr to be

خيره حبيبتي وان شاء الله تكونين معانا كلاكيت ثاني مره وعسى هالمره ننقبل يارب

 

[ربيعه]

شصار معاكم بنات ؟؟


ومادريتو متى الاعلان اليديد ؟؟

 

[أميرة طفولتي]

السلاااااااااام

د. تو بي

بعد عمري والله مااااااااااااقصرتي كفيتي ووفيتي
بس شلون عرفتي انج مانقبلتي متى قالولج ؟؟

امبي تدرون بنات ان التربيه للحين ماقابلونااااااااااااا
امبي لا لا مو منصجهم
كل اربعا ياجلون الاربعا الي وراها والاربعا الي طافت ماكتمل النصاب فما حددوا موعد لمقابلاتنا
امبي خلاااااااااااااص لي متى يعني متى بقابلونا ؟؟؟!!!!!!

 

[أميرة طفولتي]

هلا والله ربيعه
شلونج حبيبتي ؟
لا للحين ماكو شي

بشوف الهيئه جود نزلوا اعلانهم بس جنه قالوا على شهر 5 ينزل !!

 

[ربيعه]

هلا امووره

والله انا تمام الحمدلله .. ان شاء الله صج ينزل شهر 5 ولو ان الموظفه ما عطتني لا خير ولا شر كله ماتدري هههههههههه

 

[Om_il3ubed]

السلام عليكم بنات

انا دقوا علي والحمدلله نجحت بالمقابله الاولى و الاثنين مقابلتي مع العميد

ادعولي يارب يحقق الي فبالي

والله يوفقكم كلكم يارب

 

[0(مـــســـ(مطير)ــــــك)0]

مبرووووووووووووووووووووووووووووووووووووووووووووووووووووووووووووووووووووووووووووووووووووووك

دكتورتنا .. خلاص من اليوم بناديج دكتوره

بس شيبي العميد طول السالفه .. عاد الاسيري شكله حبوب .. ماتوقع يقول شي ..

زين نبيج تكتبيلنا تفاصيل المقابله الاولى ومنو قابلج بالضبط وشالاسئله لان انا بالاجتماعيه نفسج .وهل اسئلوا عن المنهج ؟؟

وانتي شنو تخصصج ؟

 

[bent_7awa]

السلام عليكم بنات

عندي سؤااال مهم وضروووري محتاجه اجابته منكم

انتو كلكم معدلاتكم فوق ال 3 نقاط ؟؟؟؟

يعني كل اللي بهالموضوع وقدموا عالبعثات معدلهم 3 او 3 فما فوق والا أقل ؟؟؟


بغيت اعرف واتطمن اللي عندها خبر ياليت تفيدني ... لأن انا تخرجت شهر1 وما قدمت ولا مكان ولا سجلت بأي مكان

ناطره اجابتكم

 

[bent_7awa]

أبـــــــــــــــــــــــ

 

[ربيعه]

الف مبروك حبيبتي ام العبيد ومنها للاعلى ان شاء الله وربي يسخرهم لج وتبشرينا بالقبول النهائي

 

[أميرة طفولتي]

السلاااااااااااااااااااام

شلووووووونكم بنااااااااااااااااات

ربييييييييعه
شلونج حبيبتي شخبارج ؟
لوووول اي هذوله موظفاتنا كله مايدرون واذا قالولج شي يطلع غلط هههههههه

ام العبد
مبروووووووووووووووووووووووووووووووووووووك
الف الف الف مبروك حبيبتي والله يسهل امورج انشالله وتتيسر وتنجحين بمقابلة العميد
انا اتوقع مقابلة العميد شكليات مو شي اساسي اهم شي المقابله الاولى
وياريت تقوليلنا عن التفاصيل وشنو سالوج

بنت حواا
هلا حبيبتي
اي كلنا معدلاتنا 3 وفوق
وهذا شرط اساسي من الشروط العامه ان المتقدمين يكون المعدل 3 وفوق
والله يوفقج


بنات تدرون ان التربيه للحين ماحددوا موعدد المقابلات
فاقعين مرارتي والله بنفجر منهم
ذاك اليوم دقيت على قسم ثاني غير قسمي يقولي ناطرين اوامر ونبلش
وااااااي اوامر شنو بعد ؟!!!!!!!
وعمه بعينهم الرقم الي كل مره ادق عليه يرد علي السكرتير عشان اعرف الاخبار صارله اسبوعين كله معلق ويفصل
ماني عارفه شسوي وما اقدر استاذن من الدوام واطلع اففففففف
والله زهقت
اقوله كل الكليات خلصت مقابلاتهم وطلعت النتايج احنا لي متى يعني ؟؟ يقولي لالا انشالله من اينا القرار ااندق عليكم

حدي متنرفزه منهم

 

[أميرة طفولتي]

اب

اب

 

[Om_il3ubed]

مشكورين بنات فديتكم والله والله يفرح قلوبكم وحده وحده

مقابلتي الاولى كانت في قسم الجغرافيا مع 3 دكاتره من القسم...

المقابله كلها كانت 5 دقايق او شوي اكثر.. سالوني فيها ليش بكمل وشحقه و موقف ريلي وبنتي وين بوديها و شنو حابه ادرس ومن هالكلام ... ولا شي كتعريفات وجذي عن التخصص .. بس بشكل عام لازم يكون عندج فكره عن الي مقدمه عليه.

وقالولي ماكو رسالة تزكيه.. قتلهم اي احنا نظام جامعتنا بره لازم دكتوري يكلمهم مباشره ما يصير انا اخذ رساله واقراها هههه

المهم قالولي بس تشوفج على خير واذا بغينا شي دقينا.. هالحجي الله يسلمكم كان بالضبط تاريخ 23-2-2011,,, عقبها غطوا مادقوا الا يوم الخميس 14-3-2011... وايد مو! انا كنت فاقده الامل الصراحه بس الحمدلله

ان شاءالله راح اقولكم كافة التفاصيل عن المقابله الثانيه ... والي دقت علي سالتها احنا جم... قالت كنتوا 13 صرتوا 5

ومن ال5 بس 2... هههه يعني ياويلي والله يعيني شلون بحصل واحد من هالمقعدين

الله يوفقنا كلنا يارب ولا يحرمنا الفرحه


حبيبتي مسك...

انا مقدمه على قسم الجغرافيا.. جغرافيا حيويه ونظم معلومات جغرافيه.
قابلني الكندري والحصم ووحده ماعرفت اسمها لانهم اصلا ماعرفوا عن روحهم ههههه
بس كانت مو متحجبه .

وبس

 

[Om_il3ubed]

ها يابنات شلونكم...

اليوم كانت مقابلتي مع عميد كلية العلوم الاجتماعية وكل رؤسات اقسام الكليه.
المقابله كانت شوي تخرع هههه بس الاسئله كانت كلها عاديه يعني ليش بتكملين وشنو طموحج و بالنسبه حق ريلج والاهم اللغه

انا عاد سولفت وقلت والباجي على الله ...
ادعولي يا بنات

:* الله يوفقكم

 

[أميرة طفولتي]

هلا والله ام العبد

بالتوفييييييييق انشالله
الواحد يبذل الاسباب ويسعى والباجي على رب العالمين وكل واحد بياخذ نصيبه انشالله
الله يوفقج وتنقبلين ويحنن قلب كليتي علينا ويبدون بالمقابلات لوعوا جبد امن يابتنا وععععععع عليهم حدهم حدهم قاثيني مادري لي متى هالتأخير !!!!