حبيباتي, في نقطتين انا حابه اشرحهم عشان لا ينفهم الموضوع غلط..
الاولى الا وهي الوظيفه. انا قلت في حاله ما كان في مانع, واذا في مانع من الزوج مثلا وماكو فايده النقاش معاه وعنده منطق, ففي بدائل, مثل هوايه, عمل خيري, نشاط اي شي. المهم يكون خارجي ولعده اسباب مو بس انها تتثقف لان مو هذا الهدف.
1- هالشي في اعاده نشاط لج وطاقه وتنفيس عن ضغط البيت.. وهالشي الفائده بتكون لج والبيتج وريلج.
2- احتكاك مع الناس والتعامل معاهم يغير من شخصيتج ويقويها.
3- اذا ريلج يدري طول اليوم انتي بالبيت مع العيال رح يكون مطمن وحاط ابطنه بطيخه صيفي. لا يدق ولا يسال, وبس يرد البيت ما يهمه يسمع لانه ماكو شي يديد.. وهالشي بيكون غير وبيكون عنده فضول واهتمام يسمع عن يومج.
4- اذا انتي انشغلتي, فما رح يكون تفكيرج فيه طول الوقت واددقدقين واتشكين واتعبين نفسج و اتكرهينه فيج.
طبعا لكل قاعده شواذ. وترى مو الا كل يوم يعني,, لو عالاقل مره او مرتين بالاسبوع.
النقطه الثانيه وهي النقاب.. بنات انا احترم العادات والتقاليد والدين وكل شي,, انا ما قلت لا اتحجبين. في فرق.
ولا قلت لا تنقبين اذا انتي حابه انتج تنقبين. انا النقطه اللي اتكلم عنها اللي زوجها يجبرها بهالشي. وهذي النقطه اللي كنت حابه اشرحها..
بالنهايه الاختلاف بالراي لا يفسد للود قضيه.. وانا العده من نشر هالموضوع المساعده وليش الهجوم على احد
وسلامتكم
