اعذروا صراحتي, ولكنها الحقيقه..

[Mrs. AL Ajmi]

صباح الخير


بنات اليوم انا ابي اتكلم عن كم شغله ان شاء الله اتكون لها فايده لكم. وكلامي بيكون عن تجربه خاصه او انه شخص قريب حييل مني.

في البدايه ابي اتكلم عن مشكله كثير من النساء المتزوجات يشتكون منها, الا وهي انه ليش زوجها ما يقعد معاها بالبيت و ماله خلق يطلع معاها, بس ما عنده مانع يقعد لي الصبح بالديوانيه او يطلع ويا ربعه. النقطه المهمه اهني انكم لازم تعكسون السؤال, ليش اهو يحب يطلع مع ربعه او يروح دواوين؟ ترى يا بنات مو كل شي يدور حواليكم. يعني مو العيب فيكم.
المهم انا كنت بنفس هالحاله, تدرون شنو سويت؟
اول شي عرفت شنو اكثر شي ريلي يحبه بالطلعه, اتهقون شنو؟ الحداق لا يحوشك الزفر.
المهم, الخطوه الثانيه كانت انه اسحب حجي من اخوي بما انه يكون مع ريلي بالديوانيه بعض المرات شنو سوالفهم, واكتشفت شي, طلع ريلي سوالفه كله عن البزنس, حده وده يبطله بزنس وكل يوم طالعله بفكره, وطبعا نص افكاره ابداع x ابداع...

المهم يا بنات اللي سويته كالتالي:
ييتله وقتله حابه اسوي مشروع اشرايك؟ وقعدت اسولف عن جم شغله اهو مسولف عنهم بالديوانيه. المهم اهو هني اشتط, وقعد يسولف عن الموضوع, وقام يعطيني كل اللي عنده وانا يعني اساعده بالبزنس بلان وما ادري شنو, والله يا بنات انه من يومها ما قام بروح الديوانيه الا كل وين و ويين, وكل شوي داق علي واهو بالدوام, واهو بالطريج بس يسولف.
يينا للحداق, اتصدقون اني حنيت عليه وقالي منتي قدها, المهم خذاني . لا تشوفون والله فيلم, سوالي تعذيب عشان يشوف رد الفعل بس الحمدلله طلعت قدها, لا وحدقت بخيط بعد :eh_s(9):

الزبده مثل مل يقولون. حاولي تتقربين منه عقليا, مو بس حبيبي وقلبي وتتقربين منه تلملم. خليج متفتحه وذكيه وكلميه بالمواضيع اللي اتهمه.
ترى الرجل يحب المراه الذكيه, واللي اتقولي يخاف منها, اسمحيلي. يخاف من اللي اتحسسه انه غبي او اهي اذكى او انه بيلعب وما يبي وحده ذاكيه تصيده.

نصيحه بنات, اللي ما تشتغل بس تقدر, تروح تشتغل, ترى هالشي يفتح عقلها ويخليها مواكبه لاهم الشغلات اللي تصير, ما رح اتكونين ممله وما عندج شي يديد غير العيال واللبس والمكياج. ان كنت امراه فارغه, سيعاملك على هذا الاساس. واللي ريلها مو راضي تشتغل, اتحاول تشنشغل بهوايه, بعمل خيري, باي شي. الرجل تعجبه المراه التي عندها هدف .
بنات اللي اتقول انا مالي الا بيتي وريلي واعيالي ووو, وبينها وبين نفسها اتقول اذا خاني وراح اكيد بيردلي. بعطيكم سكوب : احنا مو عايشين بفلم مصري للاسف. وليشت جميع النهايات سعيده واو عادله. وحتى لو رجع, بتكون شفقه, فهل ترضين بهالشي؟

كوني امراه متجدده بكل شي, بلبسك, باسلويك, بمكياجك, واهم شي بعقلك.

والله يا بنات انا قاعده اقول جذي عشانكم. انا اشوف تعليقات اهني من بنات والله يكسرون الخاطر والمشكله عايشين الدور ومصدقين.
ما تطلع من البيت. ما تسوي شي بحياتها, مدفونه بالحيا. اتقول بس ريلي عاجبه ومستانس. ايي طبعا بيستانس, عنده وحده ما تحجى قاطها بالبيت تربي تنظف وتسوي واهو عايش على كيف كيفه. واخر اليوم يؤد ويصير سي السيد. بل عزيزتي, هل هذا هو هدفك؟ وين احترامه لعقلك, وفكرك وكيانك؟ ترة محنا جواري.

واللي اتقول ملبسني نقاب وعبايه راس ومستانسه واتقول راضيه ربي. اتقصين على نفسج؟ الدين ما قال تلبسين نقاب وكف وكلج سواد ابسواد, ترى حتى حق العزاء مو اكثر من 3 ايام. على عيني وراسي الغاريه وهالكلام. بس حذا تحكم واعدام تام لشخصيه المراه وترى ان الله جميل يحب الجمال.
الغفله هذي والله اهي اللي مضيعتنا والله

سوري عالاطاله. اتمنى انه كلامي تاخذونا ابرحابه صدر بس والله هذا الواقع

وسلامتكم...

 

[om 7sony]

انا ايادج ١٠٠٠٠٠٪

فعلاً كلام سليم


والله انا دايما اقول ،،، الريال والمرة علاقتهم مو بس جنسيه
في اشياء وااايد ممكن تقرب المرة من زوجها
واولهاا انها تقرب من تفكيره واهتماماته

تسلمين عالموضوع الحلو حبيبتي

 

[' جـويـريـہ ..❤]

حبيبتي انا معاج بكل كلمة قلتيها و ان المرأه لازم تكون واعيه لكن اختلف معاج بآخر نقطه !!
منو قال ان النقاب و عباة الراس انتقاص لقدر المرأه و ظلم و اعدام ؟!
و معقووله كل اللي لابسين نقاب و عباة راس مغصوبين و مظلومين !!
هالشي هذا حريه شخصيه و اذا وحده لبسها زوجها هاللبس و هي راضيه الله يتمم عليها و يثبتها و يهدينا يارب ..
الستر زين و انا اختج و هالشي نزل بالقرآن الكريم :
*قال تعالى في سورة الأحزاب آية 59

"يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا"

تفسير إبن كثير:

يَقُول تَعَالَى آمِرًا رَسُوله صَلَّى اللَّه عَلَيْهِ وَسَلَّمَ تَسْلِيمًا أَنْ يَأْمُر النِّسَاء الْمُؤْمِنَات الْمُسْلِمَات - خَاصَّة أَزْوَاجه وَبَنَاته لِشَرَفِهِنَّ - بِأَنْ يُدْنِينَ عَلَيْهِنَّ مِنْ جَلَابِيبهنَّ لِيَتَمَيَّزْنَ عَنْ سِمَات نِسَاء الْجَاهِلِيَّة وَسِمَات الْإِمَاء وَالْجِلْبَاب هُوَ الرِّدَاء فَوْق الْخِمَار قَالَهُ اِبْن مَسْعُود وَعَبِيدَة وَقَتَادَة وَالْحَسَن الْبَصْرِيّ وَسَعِيد بْن جُبَيْر وَإِبْرَاهِيم النَّخَعِيّ وَعَطَاء الْخُرَاسَانِيّ وَغَيْر وَاحِد وَهُوَ بِمَنْزِلَةِ الْإِزَار الْيَوْم قَالَ الْجَوْهَرِيّ الْجِلْبَاب الْمِلْحَفَة قَالَتْ اِمْرَأَة مِنْ هُذَيْل تَرْثِي قَتِيلًا لَهَا : تَمْشِي النُّسُور إِلَيْهِ وَهْيَ لَاهِيَة مَشْيَ الْعَذَارَى عَلَيْهِنَّ الْجَلَابِيب قَالَ عَلِيّ بْن أَبِي طَلْحَة عَنْ اِبْن عَبَّاس أَمَرَ اللَّه نِسَاء الْمُومِنِينَ إِذَا خَرَجْنَ مِنْ بُيُوتهنَّ فِي حَاجَة أَنْ يُغَطِّينَ وُجُوههنَّ مِنْ فَوْق رُءُوسهنَّ بِالْجَلَابِيبِ وَيُبْدِينَ عَيْنًا وَاحِدَة وَقَالَ مُحَمَّد بْن سِيرِينَ سَأَلْت عُبَيْدَة السَّلْمَانِيّ عَنْ قَوْل اللَّه عَزَّ وَجَلَّ " يُدْنِينَ عَلَيْهِنَّ مِنْ جَلَابِيبهنَّ" فَغَطَّى وَجْهه وَرَأْسه وَأَبْرَزَ عَيْنه الْيُسْرَى وَقَالَ عِكْرِمَة تُغَطِّي ثُغْرَة نَحْرهَا بِجِلْبَابِهَا تُدْنِيه عَلَيْهَا وَقَالَ اِبْن أَبِي حَاتِم حَدَّثَنَا أَبُو عَبْد اللَّه الطَّبَرَانِيّ فِيمَا كَتَبَ إِلَيَّ حَدَّثَنَا عَبْد الرَّزَّاق أَخْبَرَنَا مَعْمَر عَنْ اِبْن خَيْثَمَة عَنْ صَفِيَّة بِنْت شَيْبَة عَنْ أُمّ سَلَمَة قَالَتْ لَمَّا نَزَلَتْ هَذِهِ الْآيَة " يُدْنِينَ عَلَيْهِنَّ مِنْ جَلَابِيبهنَّ" خَرَجَ نِسَاء الْأَنْصَار كَأَنَّ عَلَى رُءُوسهنَّ الْغِرْبَان مِنْ السَّكِينَة وَعَلَيْهِنَّ أَكْسِيَة سُود يَلْبَسْنَهَا وَقَالَ اِبْن أَبِي حَاتِم حَدَّثَنَا أَبِي حَدَّثَنَا أَبُو صَالِح حَدَّثَنِي اللَّيْث حَدَّثَنَا يُونُس بْن يَزِيد قَالَ وَسَأَلْنَاهُ يَعْنِي الزُّهْرِيّ هَلْ عَلَى الْوَلِيدَة خِمَار مُتَزَوِّجَة أَوْ غَيْر مُتَزَوِّجَة ؟ قَالَ عَلَيْهَا الْخِمَار إِنْ كَانَتْ مُتَزَوِّجَة وَتُنْهَى عَنْ الْجِلْبَاب لِأَنَّهُ يُكْرَه لَهُنَّ أَنْ يَتَشَبَّهْنَ بِالْحَرَائِرِ الْمُحْصَنَات وَقَدْ قَالَ اللَّه تَعَالَى " يَا أَيّهَا النَّبِيّ قُلْ لِأَزْوَاجِك وَبَنَاتِك وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبهنَّ .


و شكرا :eh_s(7):

 

[صحكة الايام]

مشكوووووووره يالغلا ..
اللي حابه تشترك بقروب المتزوجات ع المسن من المنتدى فقط كثير نسفيد من بعض بطرح المشاكل وحلولهاترسل ع الخاص

 

[ثريا الكون]

كلام سليم قواج الله اختي​

 

[Mrs. AL Ajmi]

اختي جويريه, لا والله حشى ما اقصد انه انتقاص ولا شي, بالعكس هذا ستر. وبالنهايه هذي حريه شخصيه. انا اقصد اللي يشتكون انه ما يبون ومتضايقين بس ينجبرون على هالشي. اذا اهي تبي او مقتنعه فالله يوفقها.

شكرا على مروركم

 

[شادن33]

حبيبتي كلامج اول الموضوووع سليم وتوني بكتب والله شاطره وجدعه اللي عرفتي شنو يحب ريلج ومشيتي وياه
بس
اسمحيلي
في النقطه الحجاب والنقاب شلون اتقولين اللي تتنقب قاصه علي عمرها لا حبوبه كلامج مايصلح
ياريت تعيدين النظر
والله جميل يحب الجمال الي حق ريلها بسسسسس

 

[ام كوثر2007]

كلامج بعضه سليم ويدخل العقل من ناحيه التوافق الفكري والعقلي بين الزوجين انا اؤيد هالشي وهالشي صحيح اميه بالاميه ...


لكن عندي جم نقطه اكلمج فيهم وان شاءالله حوارنا يكون راقي ونقاش هادف للاستفاده والافاده .


تكلمتي عن الوظيفه وانه اشلون المرا تدفن نفسها لبيتها وزوجها وعيالها فقط لا غير

وتقولين روحي اشتغلي خلي مخج يتبطل وتعرفين شنو صاير حولج .

انتي تتوقعين انه الانسان يتعلم امور الدنيا والحياه والتجارب بس لا توظف ؟؟؟؟؟؟

الحين الدنيا تغيرت يا قلبي صار في انترنت وصارت في مواقع اجتماعيه وسياسيه وكل الامور تقدرين تستفيدين منها وانتي قاعده في بيتج لو ريلج كان رافض دوامج


يعني معقوول وحده ريلها رافض الوظيفه تسوي معاه مشكله عشانها ويشتد بينهم الكلام ويمكن يخسرون بعض علي بو والله ابي اثقف نفسي وابي اشوف الدنيا اشلون ماشيه برا ؟؟؟؟؟؟؟؟؟؟؟


ما ادري احس انه هالشي مو منطقي كل وحده اهي ادري بريلها وعقله والمرا في كل مكان وزمان ملزومه تتبع زوجها وتطيعه في كل شي الا الشرك بالله عز وجل ..


انيي حق سالفه النقاب والعبايه .. بالرغم اني رافضه فكره النقاااب وانا اساسا ماني منقبه


لكن ما يمنع احترام العادات والتقاليد .. حبيبتي كل قبيله وعايله بالكويت لها عاداتها وتقاليدها ..

انا اغلب صديقاتي بدويات منقبااات .. تقولج لو يوم افصخ النقاب احس اني مفصخه .. مثل ما احنا نقول لو يوم اطلع من غير عبايه مثلا احس نفسي مفصخه ونفس الشي الحجاب اللى يتعود عليه خلاص ما يقدر يشوف نفسه من غيره ..


وانا اشوف احترام العادات والتقاليد وحتي لو ما انذكرت بالقراءن بس ما اعتبره شي يخالف الشرع دامها مغطيه نفسها هذى حريه شخصيه ..


وايد اشوف داعياات اسلاميات وبنات منقبااات محققين اهدافهم واصلين مراتب حلوه بالحياه العمليه وهم لابسين النقاب .

هذى بعض النقاط اللى حبيت اعلق عليها ..


واخيرا ابي اقول انه الريايييل كل واحد يختلف عن الثاني بالطبع في رياييل يرضي انه ياخذ مرته حدااق وفي غيره لا


ف مو كل شي ينطبق عليج ينطبق علي غيرج من البنات ..


وعسى الله يوفق بناتنا ان شاءالله .

 

[مووون فلاور]

- واللي اتقول ملبسني نقاب وعبايه راس ومستانسه واتقول راضيه ربي. اتقصين على نفسج؟ الدين ما قال تلبسين نقاب وكف وكلج سواد ابسواد, ترى حتى حق العزاء مو اكثر من 3 ايام. على عيني وراسي الغاريه وهالكلام. بس حذا تحكم واعدام تام لشخصيه المراه وترى ان الله جميل يحب الجمال.
الغفله هذي والله اهي اللي مضيعتنا والله



: ( !!!!!!!
رب كلمة لايلقي لها الإنسان بالا تهوي به في النار سبعين خريفآ
ورب كلمه قالت لصاحبها دعني : ( !!!!

ويعدين وشو هالزوج اللي يخليني ابيع ديني عشان يقعد يمي بالبيت ويطلع يتمشى معي وياخذني زينه معه


صدق صدقتي يوم قلتي ماضيعنا غير الغفله وشملتي نفسك :/ !

والله اللي أنا قريته قدامي وقدرت أستنتجه من خلال هالكلام اللي نسخته منك
أنك أنتي اللي قاعده تقصين على نفسك الا اذا كان مذهبك غير أهل السنه والجماعه :/ !



صدق من قال بداأ الإسلام غريباً وسيعود غريباً !!!!!



الأدله تقول ..

قوله تعالى : " وليضربن بخمرهن على جيوبهن " والجيب هو فتحة الرأس والخمار ما تخمربه المرأة رأسها وتغطيه به ، فإذا كانت مأمورة بأن تضرب بالخمار على جيبها كانت مأمورة بستر وجهها إما لأنه من لازم ذلك أو بالقياس ، فإنه إذا وجب ستر النحر والصدر كان وجوب ستر الوجه من باب أولى لأنه موضع الجمال والفتنة .
ج ـ أن الله نهى عن إبداء الزينة مطلقاً إلا ما ظهر منها وهي التي لابد أن تظهر كظاهر الثياب ولذلك قال " إلا ماظهر منها " لم يقل إلا ما أظهرن منها ـ وقد فسر بعض السلف : كابن مسعود، والحسن ، وابن سيرين ، وغيرهم قوله تعالى ( إلاماظهر منها ) بالرداء والثياب ، وما يبدو من أسافل الثياب (أي اطراف الأعضاء )

ودليل أخر

قوله تعالى ( يَاأَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا ) الأحزاب / 59
قال ابن عباس رضي الله عنهما : " أمر الله نساء المؤمنين إذا خرجن من بيوتهن في حاجة أن يغطين وجوههن من فوق رؤوسهن بالجلابيب ويبدين عيناً واحدة " .
وتفسير الصحابي حجة بل قال بعض العلماء : إنه في حكم المرفوع إلى النبي صلى الله عليه وسلم .
وقوله رضي الله عنه : ويبدين عيناً واحدة إنما رخص في ذلك لأجل الضرورة والحاجة إلى نظر الطريق فأما إذا لم يكن حاجة فلا موجب لكشف العين .




والمضحك في حجاب بعض بنات الكويت ...
بس حاطه الطرحه وتقول محجبه ولابسه بنطلون والمكياج اوفر وكاشخه بهالنظاره الشمسيه

معليش عسى ماتكلفتي !! ترا كلها طرحه مغطيه فيها شعرك بس
عمركم سمعت عن وجوب تغطيه الشعر وتحريم كشفه وباقي الجسم حلال البسي بناطيل واكسسورات واللي تبين :eh_s(1):


ولاني مسلمه ولله الحمد وغيوره على ديني استفزيتيني ياصاحبه الموضوع :/ !


هداكم الله جميعا !!!

 

[q8 83]

كلامج عين العقل و انا معاج و ايدج

 

[توتا حمرا]

كلام سليم
جزاج الله خير

 

[Hello_kitty]

معاج حق وانه أيدج بكل كلمه للأسف احيانا اقرى ردود ومواضيع من بنات انصدم انهم بنات صغار ومتعلمات وعايشين

بهالزمن هذا؟؟حلو الوحده تحترم ريلها وتقدره وتحطه فوق راسها وتخدمه وتطيعه وكل شي بس اللي اشوفه اهني مو علاقه

زواج علاقه عبوديه يعني طق اهانات سب تحقير ما يصرف خيانات واهي عادي ومستانسه وبتسويله ليله حمرا وصفرا وبتسويله مفاجأه

سفره مادري وين؟؟واللي متحكم بلبسها حتى داخل البيت اللي متحكم بعلاقتها باهلها اللي قطعها عن رفيجاتها ومستانسه

ومصدقه عمرها يغار هذي غيره؟؟هذا نقص وعقد وشك ومرض!!وملبسها عباة ونقاب وتلقينها تقطه بين حموانها ولا بين اعيال

عمها ولا لي سافرت برا تقط حتى العباة وريلها يدخن ويسمع اغاني واهي تحف حواجبها وعدسات ملونه

عيل شنو فايده يتحكم بلبسج؟؟هذا لباس ديني والمفروض اللي تلبسه تكون قد هاللبس وتحترم عباتها ونقابها ومستانسه يغار

علي وستر في اشياء اولى تسوينها بحياتج وتمتنعين عنها لأنها حرام مو بس نلبس نقاب وعباة مظهر واحنا مو قد هاللبس؟؟

 

[Mrs. AL Ajmi]

حبيباتي كلامكم كله على عيني وراسي. انا اول شي ما انتقدت النقاب وما يبت سيره الحجاب. انا تعليقي كان على اللي انجبرت فيه واهي ما تبي. ولاحظي اني ما طريت الحجاب لانه هذا فرض عليها طبعا.
العادات والتقاليد همن لها احترامها. اللي متنقبه على هالاساس وطالعه من بيت اهلها بالنقاب شي, واللي جبرها زوجها شي ثاني.

نقطه الشغل, انا ما قلت تهاوشي معا ريلج اذا مو راضي, وراجعي كلامي فوق, قلت اللي تقدر. عمري ما اشجع انه الواحد اتهاوش مع زوجها, بس بنفس الوقت لازم يكون في تفاهم واخذ وعطى واقناع. مو بس نمشي كل شي بدون مناقشه.
ثالثا اختي, اكسد النت موجود وتعرفين منه كل شي, بس اكيد مو نفس لمن تحتكين بالعالم الخارجي. والواحد ما يتعلم بس من وظيفه, انا قلت ممكن عمل خيري, او هوايه. لان القصد اهني مو الثقافه. قصدي الشخصيه نفسها اتغير واتصير مشوقه اكثر وهذا الشي ما تكسبينه ابقعدت البيت والنت
النقطه الاهم: انه اذا انشغلتي سواء ابشغل, هوايه, نشاط الخ, انتي نفسيتج تغير, واتكونين مرتاحه اكثر فبس ايي وقت البيت, بتكونين ميه ميه. كل انسان يحتاج وقت حق نفسه.

خواتي, انا احترم كل وحده فيكم واحترم العادات والتقاليد, ارجو انه ما يشاء فهم كلامي.
شكرا

 

[دلع العتبان]

(اول شي عرفت شنو اكثر شي ريلي يحبه بالطلعه, اتهقون شنو؟ الحداق لا يحوشك الزفر)




ههههههههههههههههههههههههههههههههههههههههههههههههههه

 

[Mrs. AL Ajmi]

مشكورين خواتي على مروركم, hello kitty والله كلامج صح . فاهمه قصدي

 

[Mrs. AL Ajmi]

دلع العتبان.... والله اول شي اي, بس طلعنا لا تشوفين, صكيت عليه d: ترى وناسه بس لمن كنت اطلعها وتلبط لا تشوفين سيصير فيني هيهيهي

 

[kareeb]

كلامج سليم

 

[فتون777]

كلامك عدل
ولانك ذكيه ماشالله تبارك الله
عرفتي لزوجك وفهمتيه
وصح كلامك شنو فايده النقاب لو الوحده لابساه غصب ومو مقتنعه فيه
والوظيفه
ظروريه مو عشان تثقف وبس لان الوحده تقدر تثقف مثل ما قالت ام كوثر بالنت باي شي ثاني
الوظيفه حلوه عشان تغير من نفسيتها
ماتكون متملله من البيت مثلي
مشكوره حياتي وكلامك عين العقل
والله يهنيك مع زوجك

 

[Mrs. AL Ajmi]

اشكركم خواتي على مروركم الكريم واسلوبكم الراقي, بالنهايه احنا نتشارك الاراء ونحاول نتساعد. بالنهاسه كلنا خوات.
اختي مون فلاور, احترم رايك وكلامك والحمدلله على دينا. بس عندي سؤال؟ لى اي اساس حطيتي ابالج انه انا انسانه فيها الوصف اللي قلتيه؟ اشدراج انا شنو لبسي؟
بعدين اللي تطلع مع ريلها معناته باعت دينها؟ اي دين هذا اللي قال المراه ممنوع تطلع من البيت؟
شاكره لكم.

اختي اللي دزيتيلي عالخاص, انا ما اقدر ارد عليج لان اشتراكاتي مو كافيه. لو ممكن ادزيلي ايميلج عشان اقدر ارد عليج

 

[رشا القصيم]

عجبني كلامك من البدايه لكم اسمحيلي اقوووولك ماعجبني اسلوووبك ولاتعبيرك لما وصلتي لهاالنقطه

((

واللي اتقول ملبسني نقاب وعبايه راس ومستانسه واتقول راضيه ربي. اتقصين على نفسج؟ الدين ما قال تلبسين نقاب وكف وكلج سواد ابسواد, ترى حتى حق العزاء مو اكثر من 3 ايام. على عيني وراسي الغاريه وهالكلام. بس حذا تحكم واعدام تام لشخصيه المراه وترى ان الله جميل يحب الجمال.
الغفله هذي والله اهي اللي مضيعتنا والله )))
شكلك فاهم ان كل وحده متنقبه محتشمه برا هي نفس لما تكون ببيتها يعني ماتشوفين منها الا عيونها...
لاحبيتبي فاهمه الحجاب غلط ....بالعكس الرجال مايبي زوجته تكون مفلسخه برا وكاشخه ومتزينه وحدث ولاحرج اذا الرجل بنظرك كذا هههههه فانتي ماعندك غاريه على نفسك ,,,ومن كلامك واضح انك رافضه عباية الراس ومعجبتك هالعبايات الفاااشله.......واخيرا احب اقول ان شخصيتي وشخصية كل امرأه مسلمه وحطي تحتها مليون خط ....باحتشامي ومايشوووف زينتي الا محارمـــــي,,
مع احترامي لك مدري كيف كتبتي هالكلام اللي صراحه طالعه من عقل غير مبالي ؟؟؟؟؟؟؟