اعدم كفاية الدم الواصل للجنين ،، الله يرزقكم ساعدوني

[rachaaa]

:eh_s(11):السلام عليكم يا حلوات
انا تعبت بس الحمدالله ع كل حال
بنات امس سويت سونار تفصيلي بالحكومة لاني معي الضغط ع طول مرتفع دكتوري فضل اني اروح الحكومة انا اللحين بااخر اسبوع في الثامن
فادكتورة السونار قالتلي عندي مشكلة ان الحبل السري مايوصل الكمية الكافية للجنين بس الحمدالله الجنين مو متاثر للحين بالمعدل الطبيعي وكمية الدم قليلة بس زينه .
انا اخد من اول حملي بيبي اسبرين وابرة كلكسان

بنات قولولي منو صار معها شذي وكمل حملها او لا ؟ والي عنده اي معلومة تنفيدني ؟

ابي اعرف منو سوناره ادق الخاص ولا الحكومة لان وزن البيبي عندهم اقل من الخاص ؟؟؟

 

[@سيدة نفسي@]

يمكن تستغربين من ردي بس سبحان الله هو الخلاق العليم

طوووووولي بالسجوورررد .. مع الدعاء والصدقة وطبعاً

استمري بالعلاج الطبي والله يتمم عليج ويقر عينج بشوفة

ضناج ..

 

[rachaaa]

حبيبتي ماقصرتي

 

[الأميرة جوري]

الله يسهل عليج وتولدين انتي والبيبي بالسلامه

 

[HaMboOoSha]

الله يشفيكم و يتمم حملج على خير و تفرحين بشوفة ضناج

ماعندي فكره
اتمنى البنات يفيدونج

ان شاء الله يعدي الثامن و تولدين بسلامه

 

[عاشقة هواك]

الله يشافيج يارب

 

[أشبـاهـ المطـر]

ياحبيبتي مدام قالج ماعليه شر خلاص لاتحاتين انا رفيجتي
ماكانت المشيمه توصل الدم الكافي للجنين اضطروا يولدونها عمليه
بالشهر السابع والحمدالله هي بخير وطفلها بخير والله يكتب لج الي فيه الخير
على الفكره الي سوا لها سونار الحكومه وكانت متنومه عندهم اسبوع قبل العمليه
واهما الي قرروا عليها عمليه لا تحاتين انتي بايدي امينه ان شاء الله

 

[M!SS.LOBY]

الله يسهل عليج

 

[أأأميرة الورد]

الله يسهل عليج وتولدين بالسلامه

خليج على الحكومه يشوفون الاحسن وهم يقررون لج متى وقت الولاده

والحمدالله انج باخر اسبوع من الثامن اكيد بينطرون عليج اسبوع او ١٠ ايام ويولدونج

 

[rachaaa]

مشكورة الي ردو علي بس ماحد مار عليه هالحاله

 

[امـ خــزامـى]

الله يقوومك بالسلامه ويحفظكم

 

[rachaaa]

الله يستر

 

[.:lady bug :.]

الله يقومج بالسلامه انتي والبيبي
والحكومة اتهبل للحالات الخاصه وايد تهتم وماتخش عليج

يعني لو كان لاسمح الله الجنين بخطر جان حددوا موعد عمليه وولدوج
بس دام قالج ان طبيعي فهم اخبر بهالامور
لاتحاتين حبيبتي اهما اخبر واكيد بيعطونج مواعيد سونار عشان يطمنون

ونصيحه اذا كنتي بالعدان طلبي مجدي وبس
قولي مجدي استشاري السونار
هذا تخصصه الحالات الخاصه وايد شاطر ومايسوي لاي احد

 

[rachaaa]

حبيبتي انا بمستشفي الولاده الصباح

 

[rachaaa]

اب اب اب

 

[داثره]

حبيبتي أنا كنت مثلج بالضبط وفي نفس هذه الفتره من الحمل قال لي الدكتور حسبي حسابج بعد أسبوعين بحد أقصى تولد ين وتجهيز على هالاساس لان المشيمة ماراي تصمد معاج أكثر
وفعلا بعدها بأقل من أسبوعين اختفت حركة بنتي ودخلني ولاده على طول وصبر علي ثلاث ايام لأني بجر وعلى قولته البجر لازم تأخذ فرصتها ونحاول نولدها طبيعي وفعلا بفضل من الله سبحانه وصبر الدكتور علي ولدت بنتي بجري طبيعي دكتوري محمد صلاح اللي حاليا بعيادة جنين بمبنى العيادات التابع لمستشفى السلام (اسمه المسيلة) وأي استفسار أنا حاضره
وان شاء الله تقومين انتي والبيبي بالسلامة وتبشرينا باسهل ولاده يارب

 

[rachaaa]

up up up

 

[مدرسة المستقبل]

حبيبتي الله يقومج بالسلامه

نصيحه خلج بالحكومه فعلاً اهم احسن للحالات الخاصه

ولادتي الاولى تعسرت والخاص ما عرفوا يتصرفون معاي وحولوني الصباح

خلج متابعه معاهم

والله يكتب لج ولنا الي فيه الخير

 

[سونه20]

الله يهون عليج وتولدين بالسلامة يارب

 

[rachaaa]

up up up