اعتقال يوسف الحربي وعبدالله العنزي!!

[فطوم 84]

صح لسانج ديما.

رحيل المرافي انتي من العضوات اللي انا احترم رايها بصراحه صدمتيني. بهالرد الله يهداج ويسامحج



لااله الا الله استغفره واتوب اليه *

 

[sadan111]

اللهم فرج الكرب
آآآآآآآآآمين

 

[نونه المنكوشه]

بصراحه يستاهلون ليش يتظاهرون ويشبون الفتنه خلاص اللى عنده جنسيه يطلعها ولى ماعنده اما يهاجر وله اذا يستحق الجنسيه واصيل موهكرى وله سورى اكيد بياخذ الجنسيه اما يسون بلبله وشوشره اكيد بسير لهم جذى وبعدين فى بدون وااايد هكره وله ايرانى يعنى مومعقوله هالاشكال يطالبون بالجنسيه وانا اللى شفتهم بالتلفزيون يفشلون اشكالهم عقد لكن انا مع انه يوظفونهم ويسهلون لهم امور وايد اما الجنسيه لا مايعطون اله اللى يستحقها

 

[فطوم 84]

نونه المنكوشه ابي اسالج سوال بصراحه مافي كويتين من اصول ايرانيه

ابي اقولج شي في حسينيات بالكويت حريم انا اعرفهم مثل اسمي كويتيات ويتحجون فارسي ودشي اي حسينيه داخل الديره وشوفي الكويتيات اللي من اصول ايرانيه شلون يتحجون فارسي ومرات يتحجون كويتي

يعني مافي كويتين من اصول سعوديه
مافي كويتي له اصول عراقيه

نفس الشي البدون.

نونه المنكوشه انا احترم ردودج والله والله ومتابعتج من زمان علشان جذي رديت عليج.
ولا في بعض البنات الحاقدين انا ماارد عليهم
بس انتي عضوه مميزه بردودج. وتعجبني فما. حبيت اشوف هالكلام منج

 

[نونه المنكوشه]

نونه المنكوشه ابي اسالج سوال بصراحه مافي كويتين من اصول ايرانيه

ابي اقولج شي في حسينيات بالكويت حريم انا اعرفهم مثل اسمي كويتيات ويتحجون فارسي ودشي اي حسينيه داخل الديره وشوفي الكويتيات اللي من اصول ايرانيه شلون يتحجون فارسي ومرات يتحجون كويتي

يعني مافي كويتين من اصول سعوديه
مافي كويتي له اصول عراقيه

نفس الشي البدون.

نونه المنكوشه انا احترم ردودج والله والله ومتابعتج من زمان علشان جذي رديت عليج.
ولا في بعض البنات الحاقدين انا ماارد عليهم
بس انتي عضوه مميزه بردودج. وتعجبني فما. حبيت اشوف هالكلام منج

حبيبتي موقصدي اجرحج بهالكلام ولااجرح احد صح كلامج لكن انا اقصد في ناس مايستحقون عرفتي عمري وتري انا عندي رفيجه من هالفئه واحبها واحترمها وشايفه معاناتها وحتي اهيا اتقولي في ناس مايستحقون وله والله اني دايم ادعيلهم الله يفرج لهم ومحد يرضي باللي قاعد يسير لهم وحقج علي اذا ضايقتج والله موقصدي اني اسيئلج ماعرفج ولاتعرفيني لكني احبج في الله واحترمج تحياتي لج ياحلوه تري جد ماحب احد يزعل مني حتي لوماعرفه

 

[فطوم 84]

انا ضايقتني كلمة "هكره
احنا فينا الشهيد حمود العنزي البدون وفينا العسكري وفينا الدكتور وفينا المهندس
واغلبنا عيال قبايل كلامج قوي وجارح

وعالعموم عزيزه وغاليه انا مااشيل بخاطري. بس احس انه مانستاهل هالكلام و الله يوفقج وييسر امورج. قلبي  ولو مااعزج. ماضايقني كلامج بس انتي من بنات اللي احبهم بالمنتدي

واتركج مع هالمقطع الحلووووو

‫أستحلفكم بالله شاهدوا قمع البدون في وطنهم الكويت 6/7/2012‬‎ - YouTube

 

[*مطبخ الذواقة*]

ياجماعة يعني فوق ضيم الدنيا حنا عليهم ..

والله اشوف مظاهراتهم سلمية ..

ناس تردد النشيد الوطني وشايلين اعلامنا ....


ليش نفتح عليهم ماي حار ونطرش لهم القوات الخااصة !!!شسووا !!

ترى ما يجوز حق التظاهر مشروع في كل القوانيين ....

ولا ليش انهم بدون ومالهم سفارة تدافع عنهم ...ندوس في بطونهم يعني ...


والله عيييييييييب .. والطق وصل حتى للحريم ... ذاك اليوم المطقوقة وحده كويتيه زوجها بدون !!!!





ارحموا من في الارض يرحمكم من في السماء ...








لكم الله يا الكويتيين البدون ...













​

 

[cup-cacke]

ان شاءالله المستحق للجنسيه ياخذها

واللي مو مستحق يذلف ديرته باقرب وقت

 

[فطوم 84]

مطبخ الذواقه الذوق كله صح لسانج

تاج راسي
والله ياالغاليه ثقي بالله انه في تمييز عنصري وظلم يمارس ضد البدون بذات ضد هالجيل يظلمونهم بس بسبة هالكلمه بدون
انا بس بذكر لج موقف لجيل مكافح ومتحمل مسووليه
تخيلي ياالغاليه
ايام الانتخابات الاخيره كنت اشتغل مع بنت عند نايب
تعرفين شغل الانتخابات تعطين للحريم اوراق نبذه عن المرشح وتوزعين ماي .....والخ

المهم كان معاي بنت صغيره اصغر مني تشتغل وتقعد شوية تريح

وبعدها صار عندي وقت فراغ شوي فقلت خل اسولف معاها
تعرفت عليها طلعت بدون وتوها مخلصه ثانويه بنسبة 98علمي ومادخلت لاي جامعه لانها بدون وماعندها فلوس تكفي علشان تدش جامعه بفلوس
تقولي انا بعدالثانويه اضطريت ادش حضانه اشتغل ب90دينار

اصرفهم علي ايجار البيت لانه اجارنا مايقدر عليه معاش ابوي
والحين انا جدامج اشتغل بالانتخابات وبعد. الانتخابات بتوظف العصر مع الحضانه

تخيلي هالتعب علي معاشات والله ماتسوي
المهم عدا الوقت وبليل وانا معاها مع هالبنت حسيت فجاه تعبت وبدت ترجف وويهها صار اسود وطاحت علي كرسي واركض اجيب لها ماي

تخيلي يوم قعدت وصحت

طلع فيها صررررع

صج صج كسرت خاطري شوفي شلون بعز المرض تشتغل وتوقف معاي بساعات طويله والله تتحمل بس علشان مبلغ. تعطيه لابوها علشان ايجار البيت
طموحه جابت نسبه ذكيه وفوق هذا مريضه بالصرع
تتحمل وتشتغل وتضغط علي نفسها

هالجيل من بنات البدون اقسم بالله كفاح متحملين مسووليه يعني مثل هالبنت وغيرها الكويت خيرها مغرق دول وايييد ليش. بنت جذي تشتغل وتتعب وباي لحظه تنصرع. وللعلم البدون اذا بطاقتج باللجنه التنفيذيه لازم تدفعين فلوس للعلاج. هالبنت تقولي اذا بطاقتي بالتجديد باللجنه ادفع فلوس والله العظيم
وهالشي يعرفونه كل البدون

يعني تخيلي يمه. اللجنه كل فتره تطلب البطاقات اذا مرضتي وبطاقتج بالتجديد. المستشفي مايعالجج يقولج ادفعي مبلغ وقدره. زين مشني انا بدون


لا ادفعي وهالفقير من وين يدفع اذا غصب مدبر العيشه


تضطرين فيج صررع. فيج اي مرض. تشتغلين بس علشان توفرين فلوس علاجج



الحمدلله علي كل حااااال

اللهم اني احبك واحب من يحبك واحب عمل يقربني الي حبك

 

[حديث الروح]

لاخول ولا قوة إلا بالله ..

قصة هذه البنت محزنة والله

أعرف أسر بدون يعيشون ظروف في منتهى الصعوبة..

أعانهم الله .

 

[انونا]

في بدون على الراس و صج يعورون القلب وفي بدون لا والله ما يستاهلون الجنسيه

صج المعاش شويه بس كل الي مو كويتين هذي حالتهم الله يكون بالعون


عالعموم لصاحبة الموضوع حلو الواحد ان يوصل كلمته بكل احترام وادب من دون تهديد بالتخريب
اما دون ذلك فيستاهل سواء كان كويتي او بدون

 

[ماكواسم2]

انا قمت اشك ان اللي ماسكين المنتدى بدون كل وحده من هالبدون ماخذه حريتها بالكلام والاداره مطنشه وانا اقول مثل ماقال خالد النفيسي ليش انتوا طراثيث