اعترافات رجل يكره يحب يعشق يبغض النساء ..

[طوق البنفسج]

مشاركة: اعترافات رجل يكره يحب يعشق يبغض النساء ..

بعد الغدا ..رحنا المطار ...
ـــ آسف أخوي ..في عليك منع سفر ...
ـــ شلوووون؟؟
الضابط ــ الظاهر عندك قضية او شي ...
رغد ــ اخوي لازم نسافر هالاسبوع ..
الضابط ــ وأنتي اختي الجواز بكره ينتهي مدته..لازم تجددين ...
سكتت وأنا أسمع اعتراض رغد ..
اسبوع ويكمل الطفل اربعة اشهر ..رغد حاولت بكل الطرق انها تطيحه بس سبحان الله ...الظاهر مكتوب لي اصير ابو ...وبطفل من رغد ..القضية يمكن تكون السيارة اللي سوت فيها ليال الحادث ..انا ماتابعتها بس حذفتها في الكراج ...
ـــ خلاص رغد ..
رغد ــ خلاص ايش ..كلها ساعات ونرجع ..أرجوك يا اخوي ..
ــ خلاص ..خلينا نرجع السيارة ..
رغد ــ بس ..
ـــ خلاص ..مكتوب لنا ..وأنا ما اعترض على مشيئة الخالق ..
اسكت رغد...وماتكلمت ..
طول الطريق واحنا ساكتين . التفت لرغد اللي كانت دموعها على خدها ..
ـــ ليش تصيحين؟؟
رغد ــ ولا شيء ..
ــ اذا على الياهل ..مافي مشكلة ..أنا مب معصب ..
زادت دموعها ...
سكت ...وماعلقت ...حطيت محمد عبده ...سير علينا ياهوى . احب هالاغنية وايد ..
غريبة ..محد اتصل فيني من امس؟؟؟ وين الجوال؟؟
دورته في جيبوبي مالقيته ..وفي دروج السيارة مب موجود ..وين راح؟؟
وصلنا البيت راحت رغد لغرفتها ..وأنا ميت أدور الجوال وين اختفى ... آخر مرة كان عندي ..لما كلمت ليال ..وين حطيته ؟؟
كنت ؟؟وين؟...
دخلت الصالة الاولى ..ولقيته على الطاولة .
الرسائل الواردة =4
أنا مب حيل مع المسجات ..من مطرش لي أربع مسجات مرة وحده؟؟
المسج الاول ( فديت قلبك يا غرام الليل ...
ياللي قلبي من هواك عليل
أحبك موت يا نجم سهيل ..
يامن كنت لدروبي دليل .. )
ماكانت الابيات هي الصدمة!!!! الصدمة كانت من المرسل!!
ليال!!!!!!!!!!!!!!!!!!!!!!!!!!!!!!!!!!
المسج الثاني ..

( تسافر وترجع لي بالسلامة ....))
من ليال بعد!!!!!!!!!!!!!!!

المسج الثالث (( صباح الخيير ))
من ليال ..
المسج الرابع
(( حلم وتحقق لي ..غلاك في قلبي في غرفة الانعااش ...
تصبح على خيير ..))
من ليال !!!!!!!!!!
حسيت أني عطشاااااااااان من كثر ما كنت أشهق ..ليال؟؟ لحظة... في مسجات ثانية بس مفتوحة ..
قرأتها وأنا منصدم...
( وانت بتوحشني اكثر ..)
( فديتك ..)
( كنت كاتمة في قلبي طول الوقت ..ويوم عرسك كان يوم مماتي )
( ليش كنت بهالقسوة )
( وأخييييرا كلمة طيبة منك؟؟ توقعتك ماتعرف هالدرب)
(نعم استاذ؟؟ ..)
كانت الصاعقة ..ماكان مني إلا رحت الرسائل المرسلة ...وكانت الصدمة الثانيه!!!! كانت مسجات باسمي لليال ..كلها حب كلها غزل .....معقول ؟؟ أنا في حلم ولا كابوس!!
من يسوي جي؟؟ من ؟؟ وليال؟؟؟ معقولة هي سهلة بهالدرجة؟؟ وتحبني من زمان؟؟
قمت من مكاني وأنا مختبص ..ورحت شربت ماي بعد ماكنت حاس بجفاف شديد في حلجي ..
من يمكن يسوي جي ؟؟ من امس أنا رحت غرفتي على طول ورغد نفس الشي ..من؟؟ مهوووووووووي!!!!! هي اللي خليتها في الصالة وطلعت ..
ركبت السيارة وطلعت ...واتصلت فيها ...
مها ــ هلا عمي ..
ـ عمت عينج يالحمارة ....
مها ــ ها عمي ..مستحي مني اني كشفت علاقتك بليــ..
ـــ يالخايسه يالنذلة ..والحين شسوي؟؟ من سمح لج انج تمسكين جوالي ..وليش تطرشين هالمسجات البايخة وحطيتني في موقف محرج مع المتدربة؟؟
مها ــ عمي والله ماكان قصدي بس هي ردت علي بطريقة خلتني اجرجرها بالكلام..
ـــ متى كان هالكلام؟؟
مها ــ وأنتوا تتعشون ..ورغد كانت فوق ..وأنت محرج عليها ماتنزل ...
ـــ والحين ؟؟ شسوي ؟؟ وهالمتدربة والموقف المحرج اللي حطيتيني فيه؟؟
مها ــ عمي والله ماكان قصدي!
ـــ لا تحلفين جذب يالجذابة ...بصكر الحين والله بس أشوفج بكسر لج راسج ..
مها ــ عمي فدييتك ... من قدك المتدربة المسكينة طايحة في ...
صكرت التلفون في ويهها ...وأنا أغلي نار ... وحيرة ..الحين ليال شلون بمشي معاه الحال؟؟ وبعد تفكيير ....بخسر وايد اسماء في تلفوني خليني أنقلها على ورقة ...بعدين ..بس الحين لازم اتصل في سمير ... مافي غير هالحل ..
..و نزلت عند اول دكان ..
اتصلت في سمير ..
ــ سميير ..
سمير ــ نعم استاذ ...
ـــ بلغ ليال ان تلفوني انسرق ..اوكي لاتبي تكلمني او تطلب مني شي ..خل تطلبه منك وأنت تعرف شلون تلاقيني ..
سميير ــ ومن سرق تلفونك يابيه وامتى؟؟
ــ أمس العصر ..ومن سرقه هذي قوية بلحق أصكر التلفون والغي الاشتراك من كيوتل ..وبعدين بطلع تلفون ثاني .. شوف خبرها الحين ..اوكي؟
سميير ـ حاضر يابيه ..وحضرتك في الطيارة دلوقت؟؟
ـــ لا السفر تكنسل مافي سفر ... بكره اشوفك في المكتب .مع السلامة ...
سمير ــ حاضر استاذ ..مع السلامة ..

بقيه اليوم قضيتها في القهوة وأنا بالي مشغوول ...بليال ... اتخيل الاحرف وموقفها ...ليال ..ماتوقعت ..والحين شلون أواجهج؟؟ ...مشاعرج تجاهي غلط ..وأنا ما أشعر بشي نحوج ..يمكن شوية اعجاب ..بس لا اكثر ..معقولة ماصدقتي اني أعطيج ريج حلو فضحتي نفسج؟؟ لكن المسجات اللي طرشتها مها الحمارة ماكانت هينه ..صج حمارة ..

*************************
ــ متى تعرس؟؟
سعد ــ وين تبيني احط زوجتي؟؟في الشقة؟؟
ـــ ليش وين بيتك؟؟
سعدـــ انت اكثر واحد يعرف..
ـــ والله اهل غير الناس ...انت قلت لي ليش ما تباها؟؟
سعد ــ ما ابي ..بس! جي..
ـــ زين التحليل وش يقول؟؟
سعدــ ماشي غير فقر دم حاد ..بس...
ـــ وذابحني تعال من الصبح النتيجة طلعت ..
سعد ـــ احسك مو طبيعي ..فيك شي ..
ـــ اسم الله على عمري سعد الظاهر ماعندك زباين وتبي تتدرب علي علشان ماتنسى اللي تعلمته!
سعد ـــ لا والله ..بس انت نزلت في وقت قياسي .. انت مب مسوب ريجيم..شوف ويهك! صاير جلد على عظم المفروض وزنك تسعين ..
ـــ انا ما يكون لي نفس اكل ...
سعد ـــ وتشتهي تاكل شي وتلوع جبدك الصبح؟؟ مبرووك يالشيخ انت حامل ..
ـــ مب انا المدام حامل ..
سعد ـــ صحيح؟؟ وهذي آلآم التعاطف؟؟
ـــ من صدقي اتكلم المدام حامل...
سعد ــ مبروك لك....والله يعينها ..
ـــ زيين ليش ماتاخذ بنت عمك وتيب لنفسك ولعايلتك وريث!
سعد ــ انت آخر واحد يتكلم ..لا تنصح ..ما اشوفك متهني ..و تزوجت وانتي في عمري الحين ..بالغصب لولا رشود الله يرحمه توسط لك ماتزوجت ..أبد ..
ــ تدري ...مع السلامة ..أنا عندي مكتب لازم أروح له ..
سعد ــ زيين . بس خلني اسوي ...
ــ لا تسوي اي شي .,.الحمدالله مافيني شي ..مع السلامة .
الله يغربلك يا سعد من الصبح داق علي تعال ..عندي مكتب ..بايات ..
سعد ـ مرني هب تقطعني ...
ــ باي أشوفك في الديوانية .........باااااي ..
سعد ــ هذا اذا مريت يالغالي ..
طلعت وأنا محتار ..شلون بقابل ليال ..بأي وجهه ؟؟ وجهه الخجول ولا الامبالي ولا الوجه القاسي .. شكلي بواجهها بالوجهه اللي ماشافته من ثلاث أسابيع ..
الـــــــــــوجه القاســــــــــــــــــــي ...

بالاحرى يوسف الثور ..
دخلت المكتب ـــ سمير من الحمار اللي موقف سيارته في موقف سيارتي؟؟؟(( طبعا الجواب ليال ..لكن ..لازم ))
ليال ــ أنا يا أستاذ!!
دارت فيني الدنيا وحسيت قلبي يدق بقوة ..بقوة ,,ليش ؟؟ مب أول مرة أسمع صوتها ..ولا أول مرة أقابلها ؟؟ .. ارتبكت ..
ـــ مرة ثانية لا تتجرأين وتحطينها مكان سيارتي ..
(كان صوتي أهدى بشوية )
سمير ــ في مواقف كثيرة يا بيه ..
ـــ عاد قول للي ما يفهمون هالكلام ..الموقف لسيارتي أنا بس
فهمتوا ولا اعيد!!
سمير ــ حاضر استاذ ..
للأسف ..خذلت نفسي ..وتكلمت بصوت شخص هادي .. ارتباكي كان مبين .. ليش ؟؟ بس لاني اكتشفت انها تحبني ؟؟ ولا ..ولا ايش ؟؟ القسوة القسوة .. أنا أكره الحريم ..ومب وقته اعيش نفسي قصة حب .. لا ..ومع مين؟ هالليال ..اللي لا لها حد ولا سند يتحكم فيها ..وتخاف منه ...لا ...
ليال ــ استاذ ..كم رقمك الجديد؟؟
ـــ ما ...طلعت .. للحين اليوم بروح وبشوف .. من انسرق وأنا محتاس ..
ليال ــ من متى انسرق ؟؟
ــ اول أمس العصر ..
ليال ــ بس يا استاذ انت مكلمني من تلفونك اول أمس فالليل !


..........

 

[طوق البنفسج]

مشاركة: اعترافات رجل يكره يحب يعشق يبغض النساء ..

طبعا كانت الصمت ردي .. نسيت أني كلمتها قبل لا اطلع من الصالة ..الحين شقول لها؟؟
ــ متأكده؟
ليال ــ هييه ..متأكده ..الساعة ثمان وخمس وعشرين دقيقة وثلاثين ثانية اتصلت فيني وقلت لي اروح المحكمة مع استاذ عيسى ..
ــ بللللللللللل حافظة الوقت!! ( كنت قاصد افكر في نفسي )
ليال ــ انا شيكت المكالمات الواردة ولقيت هالوقت بالضبط ..أنا مايبت شي من عندي ..
اكتشفت اني تكلمت بصوت عالي ..
ـــ دقتج ممتازة وفي محلها ..وأشجع فيج قوة الملاحظة اللي كنت تفتقرينها بداية تدريبج ..و...
كنت برقع وأتكلم أي كلام يضيع الموضوع ....لكن ليال قاطعتني ..
ــ استاذ ..اذا منحرج من المسجات اللي بينا وتبي تتهرب مني ماله داعي تقطع تلفونك لاني ماكنت في وعيي وأنا أطرش لك ..
ارتبكت زيادة وطالعتها باستغراب ــ أي مسجات؟؟ أنا من النوع اللي مايحب المسجات ..وما أطرشها لحد الا لوقت الضرورة ..
ليال ــ المسجات ...
غمضت عيوني وفكرت لدقيقة ..لاء يعني لاء ..
وأنا أعض على شفايفي بنفاذ صبر ــ أي مسجات آنسة ليال؟؟ انا تلفوني من اول امس ضايع مني ..بس ذكرتيني .. أنا يمكن كلمتج وأنا في مقهى ..يمكن نسيته هناك !
الحمدالله اسعفني ذكائي لاول مرة ودبرت نفسي .

ليال ــ .............................................. عن اذنك استاذ .

ماكانت في وعيها؟؟ ماكانت في وعيها؟؟؟؟؟؟؟؟؟ يعني سكرانه ؟؟ ولا محششه!؟سوت كل هذا وهي مب صاحية ..؟ عيل لو صاحية شتسوي ؟؟
ــ سمييير تعال بسرعة ..
سمير ـ حاضر استاذ ..
ــ دور لي أي محامي يستقبل ليال عنده ..أنا هب قد هالمسئوولية ..
سمير ــ استاذ ..بس ..
ـــ لا تبسبس ..ماني قطو ..
سمير ــ أول أمس ماكنش في حاجة تعصبك كده ..حصل اييه؟؟كنت راضي عليها!
ـــ لا أول أمس ولا ثاني أمس هو اللي عصبني عليها ..بس أنا اكتشفت اني ماني قد هالمسئوولية ..ويمكن هي مب قد هالوظيفة ..سو اللي قلت لك عليه ..وخلينا نرجع مثل قبل . مرتاح بالنا ..
سميير ــ ححاول بس مش هوعد .لان تقريبا كل المحاميين متنصلين من المهمة دي ..حسأل استاذ غانم .يمكن ..يوافق ..
ـــ تفضل لمكتبك ..

دقايق ..ودخلت ليال بدون طق الباب ..

ليال ــ أستاذ أنت وعدتني ...وطول هالاسابيع وأنا أشتغل بضميير ..مستحييل تتتخلى عن وعدك ..

ــ ليال ..ما أقدر ..بوصي غانم ولا محمد ولا صالح أي محامي أعرفه فيج ..لكن هالمكتب مب محتاج لج ..
ليال ــ استاذ ..انت وعدتني ..وأنا تحملت كل هالاشهر ..وماباقي شي وأنت قلت لي من سيومين ان شغلي بدي يصير ممتاز ..شاللي غير الحال ..
ــ شوفي ..دوام الحال من المحال ولاتزعجيني بسالفة الوعد هذي ..
ليال ــ ان كان على المسجات ..أنا آسفة .. كل ذنبي احبك ..بس ..
نزلت عيوني ..وأنا متفاجأ من اعترافها ...
ــ بس أنا ما ابادلج الشعور ..والمسجات مب أنا اللي طرشتها لج ..كانت لعبة سخيفة من بنت اخوي وأنا كنت مشغول عنها ..فما كنت أدري ..
نزل كف ناري على ويههي .. من يد ليال اللي كانت الدموع مغرقة عيونها ..وهي تكتشف أن تم تلاعب لا انساني بعواطفها ..
ــ مب معناته انج مرة اني ما اقدر ارد لج هالكف .. لكني محترمج في مكتبي وفاهم موقفج .. وأنا نفسي ماحبيت أعرضج لهالموقف وقلت لج ان تلفوني مسروق ..ليال ..لمي أوراقج ,,تفضلي من مكتبي ..لانه يتعذرج ..
ليال ــ أستاذ يوسف .. ما بطلع من مكتبك إلا اليوم الي أعلن فيه براءة ابوي الله يرحمه ..
وجلست على كرسي قدامي ..
وهي كاتمة دموعها ..
حسيت أن قلبي هو اللي تكلم مب لساني ــ موافق ..برافع فيها ..وبحاول أطلعه براءه ..بس ..تفضلي لمكتبج ..
أول ما طلعت حسيت ان خدي جمر .. قلبي يدق بقوة بقوة ..مادق جذي من ...أيام ماكنت أحب جواهر !!
لاء ..يعني أنا أحب ليال ؟؟ لاء .. لاء ..لاء ...ماني ناقص قهر ..ليال ...آآآآآآآآآآآآآآآآآآآآآآآآآآآآآآآه ...حسيت ببروده في أطرافي ..بس أكثر شي عور قلبي دموعها ..شفتها مكسورة لاول مرة في حياتي ..
لاء .. قلت مافي حب ياقلبي ...لاتنسى المصايب اللي مكرت عليك من ورى الحب ..ماتتحمل زياده ..لاء .. ليش أنا منتفض جي؟؟ أكرهكم يالحريم ..أكرهج يا جواهر أكرهج ياليال ... أكرهج يا رغد ..
ــ سميير ,,
سمير ــ نعم استاذ ..
ــ تعال ..
..
سمير ـ مزمزيل ليال طلعت ...
ــ ادري .
وأنا شدراني ؟؟؟بس ردة فعل طبيعيه للي في موقفها ..
سميير ــ بنستأنف قضية قديمة ,,بالاحرى ميته .. صاحبها ميت بس نبي نثبت براءته ..انا الحين بطلع بس كلم سكرتير المحامي حمد ,, تعرفه ..حمد فارس .. وخذ منه أوراق القضية كلها وتعرف باقي المعاملات جهزها أنا بطلع ..لكن ..بكره ابيها جاهزة ..
سمير ــ قضية مين؟؟

ــ خالد مشعل سعد..
سمير ــ أنا سامع هالاسم قبل كده ..بس يا استاذ فين ماشي؟؟ عندك مواعيد ..
ــ في محكمة اليوم؟؟ ما اعتقد لاني فضيت نفسي حق السفر ..متى طلعت هالمواعيد؟؟
سمير ــ استاذ أنا غيرت المواعيد لليوم ..
ــ ارجع الغيها واحجز غيرها ..اليوم مافيني مزاج للشغل ..
سميير ــ ليه يا بيه من امتى الشغل بالمزاج؟
ــ مع السلامة .. طلعت من مكتبي ..ونسيت أن ليال موقفة سيارتها في موقف سيارتي ..
كانت تصيح بقوة وهي حاطة راسها على السكان . ..
انقبض قلبي بقوة ..بسببي ..هالدموع؟؟ معقول لهاالدرجة تحبني؟؟ شالغرور ..يمكن الموقف كان قاسي عليها؟؟
ليش ريولي ماخذتني ناحيتها ..ليش وقفت جدام دريشتها ؟؟ كانت السيارة كامري .لونها أحمر ..
ــ احم احم ..( سبحان الله بثقة كأن ولا شي صاير ..)
رفعت راسها ودموعها مغرقة خدودها ..اعقدت حواجبها اكثر .وقالت بصوت مبحوح ــ السسسـ...السيارة ماتشتغل ..
وكانت تتنفس بطريقة مضحكة ..
ضحكت ..
غصبا عني مب بكيفي ..
ضحكت وضحكت وضحكت ...
طبعا نظراتها المستغربة وأنا متأكد انها تقول في قلبها الحمدالله والشكر هذا على ايش يضحك ..
ــ يعني الحين يا آنسة ليال بتظلين في موقف سيارتي غصب عني .
لكن السبب الوحيد للضحك كان اني اطرد كل هالقلق اللي فيني وكل هالشعور الغريب ...
ــ يا مسكينه ..قومي ..
ليال ـ بروح بتكسي..
ــ قومي بوصلج بسيارتي ..
ليال ــ لاء ..
ــ قومي ..
فتحت الباب ــ ان مانزلت بيرج من ايدينج ..
نزلت ...وماقاومت اني مسكت يدها اللي ارتعشت من لمسة ايدي ..
ليال ـ شفيك ماسكني جيه مقبوض علي ..
ابتسمت ...
ليال ــ لا تبتسم ..ترى اللي فيني كافيني ..وما اتحمل منك كلمة ..
ــ تعالي ..
فتحت لها الباب ..اركبت سيارتي ..
ركبت ..وأنا ملامحي فجأة قلبت للجاد ..لين نص الطريق والصمت هو الحديث المسيطر ..
شغلت المسجل ..وكالعادة أبو عبده ..

((اعترفلك اني فعلا ما عرفتك...ما قدرت اوصل مع قلبي لحل وما فهمتك..تجمعين الضد في كل الامور راغبه مره ومره مثل نور..تشبهين ايام اوراق الخريف..تمطرين احيان احساسك زهور..صدقيني صرت من بعدك اخاف واعترف ان الخلاف...))

بندت المسجل بعصبية ....انتبهت لها ليال ..
وقالت وهي مبرطمة ــ زين بندته ..ما احبه ..

ــ ممكن نفتح صفحة بيضا ؟؟
ليال ــ صفحة بيضا!!! اذا هان عليم الموقف اللي استوى ترى لي كرامة وما هان علي ..يكفي اني ...
ـــ بتعطيني محاضرة آنسة ليال؟ بنت اخوي الخبلة هي اللي العبت في عواطفج ولا انا مستحيل أسوي جي..
ليال ـــ يعني ما يحق لي ؟؟ ما املا عينك؟؟
ــ نسيتي اني متزوج؟؟
ليال ــ اييه فضالة رفيجك ...
مسكت بريك قوي وقفت على جانب الطريق ...هالكلمات اللي قالتها اصرعتني ...
ـــ نعم!!!
ليال ــ أعرف كل شي .. تذكر يوم يت المكتب طلبت مني اني اروح . بس انا ما رحت ..وسمعت طراطيش كلام بما معناه ان راشد قص عليها ..بعد بفترة حضرت عرسك ..وحسيت اني شايفه زوجتك بمكان ..بس ما اسعفتني ذاكرتي ..لين نطقت اسمها مرة ..وربطت بين الامرين ..

ما تكلمت ..ما اقدر انكر وبنفس الوقت ما اقدر أعترف ..

ليال ــ لاتعصب ..بس ..شلون قدرت تتزوج وحده عرفت غيرك ..
ــ بس اسكتي .. ظنونج كلها غلط يا ليال ..وزوجتي انسانة محترمة ..ما اسمح لج بالغلط عليها ..
ليال ــ ليش تدافع عنها ؟؟ يوسف .. بحياتي كلها ما كنت بهالجرأة ..بس .أحس أنك مظلوم ...بالزواج منها ..
ــ لما اشتكي لج ..تعالي وتكلمي ..وبالنسبة لزوجتي ..انتي غلطانه اللي ياتني المكتب ما كانت هي ... كانت وحده اسمها خلود ..
ليال ــ أنا متأكده ...
قاطعتها ــ آنسة ليال ..لو سمحتي .. اللي تسوينه اسمه قذف المحصنات ..وأنا زوجتي الحين حامل ..وهالكلام لا وصل لها بيستوي شي للجنين فبقاضيج ..سمعتي؟؟
ليال ــ أستاذ يوسف .. لا تكابر ..أنا أعرفك ..ما تقدر تكذب علي ..أنا أقرى عيونك وأعرف ..وكافي انك ماتحط عينك في عيني ..وأنت تتكلم الحين ..
ــ لاني مب طايق شي منج ..
ليال ــ نزلني ..هنا ..وأنا بآخذ تكسي ..
ــ ما طلبتي شي ..تفضلي انزلي ....
نزلت ..بس أنا ما حركت لين تأكدت انها ركبت تاكسي ..
اللي صار اليوم أقسى من أني أتحمله ..رجعت البيت ..
حطيت راسي على مخدتي ونمت ..ولما فتحت عيوني ..
رغد ــ صح النوم .. كنت بس بآخذ ملابسك أغسلها ..ما قصدت أزعجك ..
ــ ما أزعجتيني ...أنا اكتفيت ..
ذكرتني رغد بشغله ..اعتزمت أيب لها خدامة .. ووصيت واحد من الربع يشوف لي هالشغلة ..
نزلت تحت وأنا بثوب النوم ..ويات رغد ..وحطت لي الجاي والقهوة ..
رغد ـ رديت مبجر اليوم عسى ما شر ..
ــ المتدربة اللي عندي سوت لي حارج..
رفعت رغد حواجبها ..
رغد ـــ مع اني سمعت انكم سمنة على عسل .
ـــ من قال لج؟؟
رغد ــ مهوي ..
ـــ هالخايسة لاتطرين اسمها جدامي الحين ..والا نط لي عرج ..
رغد ــ ليش سصاير ؟؟
ـــ الجحودة جذي ترد لي الجميل اللي سويته فيها؟؟ فوق ما جمعتها بريلها سوت لي كارثة ..
رغد ــ كارثة ايش؟
قلت لها كل اللي صار بيني وبين ليال .. والسبة مها ..حسيت نظراتها اسرحت شوي ..
رغد ــ ما كان لازم تخليها تروح بتاكسي .. لو صار لها شي بيصير في ذمتك ..
ــ اقولج ارفعت ضغطي ..
رغد ــ يوسف .. المسكينه ..مالها ويهه ..اللي سوته مها مب شوي ..وأنت تصرف ..كان وايد مبالغ فيه ..
ــ مها الحمارة ..براويها بس اشوف ويهها ..
رغد ــ بس شكلها ذكية هالليال ..بتطلع محامية ناجحة ..
ــ أنا تعبت من السوالف .. بقوم ابدل ملابسي وأمر الديوانيه ..تبين شي؟؟
رغد ــ لامشكور ..

 

[طوق البنفسج]

مشاركة: اعترافات رجل يكره يحب يعشق يبغض النساء ..

الفصل الثامن ........
*********************
قلبي ينبض بشكل جنوني ..ما قلت لرغد شعوري تجاه ليال .. ليال هالإنسانة العادية في نظري ..بس أشوفها ينقلب كياني ..مستحيل ..ما أقدر . ..مستحيل ..أحس أنه ما في مكان في قلبي لها ..ولا قادر أتصل فيها وأكلمها مثل باقي الشباب ..المفروض أسوي جي دامها أعطتني الضو الأخضر ..ليش ما اتصل فيها الحين؟
مسكت جوالي واتصلت ...
ــ السلام عليكم ..
ليال ــ وعليكم السلام ..
ــ شلونج الحين؟؟
ليال ــ بخير ..
ــ للحين زعلانه؟؟
ليال ــ................. لاء ..
ـــ ليال أنت تعجبيني بشكل جنوني ..بس اللي قلتيه اليوم عن زوجتي ماعجبني ..
ليال ــ آسفة أسحب كلامي وبالنسبة للإعجاب احتفظ فيه ما أحتاجه ..
ــ احتفظ فيه؟؟ المهم ..ليال ممكن .. أشوفج؟
سكتت ليال ..وما ردت ..
ـــ خلينا نناقش قضية ابوج .

.سرحت بأفكاري مرة ثانية .. شلون نسيت الأيام اللي علمني فيها فالح ..شلون قاطعته ..وليش ؟؟ هذا أخوي من لحمي ودمي والله ان صار له شي ما بسامح نفسي ..حرام ..عياله للحين صغار ..حرام ..لاء..يالله ...ارحمنا برحمتك يا رحيم .. فالح أخوي ...
ورجعت لواقعي على صرخة رغد ...
ـــ يووووووســــــــــــــــــــــــــــــــــــــــــ ــــــــــف!!!

ليال ــ ان كان هالعذر ..موافقة .وين نتلاقى؟؟
ـــ نتلاقى في مطعم ..سمي المطعم اللي تبينه واختاري قسم العائلات ...واقابلج هناك..
**************************
مريت محل عطور ..وشريت عطر انريززتبال من جفينشي ..وطلبت من راعي المحل انه يغلفة ..ومريت محل الورد وأخذت وردة حمرا ..حطيتها في الكيسة مالت العطر ..رحت المطعم اللي بتكون ليال موجودة فيه ..
دخلت ولقيتها تنتظر ..كانت لابسة نظارتها ..وحاطة قدامها الملف ..
حطيت الكيسة على جنب ..حاولت أنظم تنفسي ..
ـــ السلام ..
ليال ــ وعليكم ..
ــ ملف ايش؟؟
ليال ــ اوراق ..أعتقد بتساعدك في قضية أبوي ..بس قبل كل شي..أبي منك وعد ..
ــ وعد؟؟
ليال ــ اييه ..قل أوعدج ..
ـــ وأنا شاللي يضمني انج ماتطلبين مني شي ما اقدر عليه ..
ليال ــ بس اوعدني ..وصدقني هالشي تقدر عليه ..
ــ أوعدج ...
ليال ــ أبي أرافع في هالقضية ..
ــ انتي خبلة؟؟ توج مبتدئة ..
ليال ــ خلاص انت وعدت .. ولا بتتخلى عن وعدك؟
ــ أشوف بعدين ..المهم ..
شلت عن عيونها النظارة ..وتفاجأت من حركتي ..التقت عيوننا .... ماكانت حاطة شي من المكياج ...بس الهدب حول عينها من كثافته كأنه كحل ..غرقت في هالجمال الرباني ..
واستسلمنا لتنهيده .. نزلت ليال عيونها ..
وطاحت دمعة على الطاولة ..
ـــ ليال ..لا تصيحين ..عيونج حرام تصيح ..
ليال ــ بس أنا مب مالية عينك ..وانت ما تتنزل وتفكر فيني ..
ـــ ليال ..ماقصدت هالكلام ..بس بما ان العلاقة بينا زمالة ..ما حبيت أعلقج في أمور تعقد الامور زيادة ..وإلا أنا ..معجب فيج ..
ليال ــ انت معجب فيني؟؟ تحاول تقنعني بهاالكلام؟؟
ـــ ليال ... أحبج ....
دهشتها وذهولها ..خلوها أحلى وأحلى...عيونها فيها بريق غريب ..قلبي في أسعد لحظاته ..
ليال ــ وزوجتك؟؟
ــ هي زوجتي ...
ليال ــ وأنا ؟؟
ــ انتي اللي اكتشفت اليوم انج متغلغلة في كياني..اليوم ..اتضحت مشاعري ..
ليال ـــ يوسف .. انت سامع نفسك؟؟
ورجعت الدموع لعيونها ..
ــ لا تصيحين ..لاتصيحين ..
ليال ــ يوسف ..انت ...سامع نفسك؟؟
مشيت دموعها بأصابعي .. وبعدين بست أصابعي ..
ــ دموعج ..غاليه ..لا تصيحين..
ليال ــ يوسف ..انكسرت مرة ما أبي أنكسر مرة ثانية..
ــ لاتقولين جذي ..قولي انخدعت مرة .... لكن الحين محد يخدعج ,,الكلمات تطلع من شفافي برضاي ..
ليال ـ بس أنا ما أرضى أحب شخص يحبني لجمالي..
ضحكت ــ لو أني حبيتج لجمالج ..كان صارحتج بهالشي من اول يوم ..بس ..أخيرا تربعتي على عرش قلبي ..بوجودج ..وجمال روحج ..وذكائج ..وأحلف لج .. من زمان ما تربع هالعرش احد..

ليال ــ صدق؟؟
ــ صدق ..
ليال ــ وأنا حبيتك من اول ساعة شفتك فيها .. وكنت أتعذب كل يوم وأنت تزيد في تحقيري ..بس ..حسيت اني صرت طموحة أكثر بس علشان أثبت لك العكس ..بس اليوم الصبح ..صدمتني .ويوم اتصلت فيني كنت أصيح ..
ــ حياتي ..ليالي عمري .. خلينا نطلع ..
ليال ــ وين نروح؟؟
ــ أي مكان تعالي في سيارتي ..وخلي سيارتج ..
ليال ــ ييت في تكسي ..
ـــ تعالي عيل ..
مسكت يدها وشلت الكيسة في اليد الثانية ..
كنت في قمة فرحي ..لأول مرة من زمن يتغلغل هالشعور فيني ..ركبنا سيارتي .. وصرت ألف في الشوارع وأنا أتكلم معاها ..
وبدت بينا علاقة حب ..طولت كثير وأنا أتجاهلها ..
ــ هاذي لج ..
ليال ـ أنا؟؟
ــ اييه ..لاتفتحينها الحين ..افتحيها بعدين ...
ليال ــ ليش يعني؟
ــ ما أحب هاللحظات ..أحس بإحراج ..
ليال ــ علشان الشكر والمدح وهالسوالف؟
ــ تقريبا ..
ليال ــ يا سلام ..يوسف .. ..أنت تحبني ؟؟
ــ ماني راد عليج ..لأن هذدي المرة العاشرة اللي تسأليني فيها هالسؤال ..
ليال ــ أحس أني في حلم !
ــ اصحي ..أنا نفسي هب مصدق نفسي .. من لحظات كنت ما ابيج تدخلين حياتي ..والحين ..العكس تماما .
ليال ــ وأنا مب مصدقة أني أكلمك مثل ما كنت احلم دايما .. أخاف بأي لحظة تيي العنود وتصحيني وتقول الساعة ست الصبح ..قومي ..
ـــ أوصلج البيت؟؟
ليال ــ لا ..عند أقرب رصيف نزلني وبرجع بتكسي ..
ــ مب الحين ..
ليال ــ يوسف ..صار لنا ثلاث ساعات مع بعض ..أنا مب متعودة أغيب كل هالوقت..
ـــ تعودي ..
ليال ــ أنت قد هالكلمة؟؟
ــ اييه ..لأني كل يوم بعد الدوام بطلع معاج ..ونتمشى ..
ليال ــ وشقول لأمي؟؟
ــ قولي لها انج تناقشين معاي قضية أبوج ..
ليال ـــ ذكرتني ..شيصير بعدين؟
ـــ بخصص لها ساعة من الدوام الرسمي ..وحاليا ..بستأنف ..بس خليني أدرس القضية ..
ليال ــ ادرسها معاي ..
ــ اوكي بكره الصبح ..ينتكلم ..
ليال ـ زين .. الحين ..وصلني لرصيف قريب التكاسي في هالمنطقة وايد ...
ــ اوكي هذ ا تكسي وراني بعطيه اشارة يوقف ..
***********************
اسبوع كامل مر ..وعلاقتي بليال ..صارت أقوى ... علاقة حب بريئة ..نتبادل النظرات في المكتب ..وبعد الدوام نتمشى في السيارة نتغدى مع بعض ونسولف باللي سويناه في حياتنا العادية ..بس للحين ..قلبي ما وثق في ليال ..ما أعرف السبب ..رغم أنها أقرب لي من رغد ..بس وثقت في رغد وقلت لها كل شي عن نفسي ..لكن ليال ..ماقلت لها شي ..
لاني أحس أن نهاية علاقتي فيها بتكون قاسية ..ليش ..ما أدري .. أعلنت رغد خبر حملها للعايلة ..والكل بارك لي ..لأول مرة أفرح بهالخبر ..لأن الكل فرحان لي ..ولأول مرة أنسى كل اللي سوته رغد ..اللي ازدات جمال مع الحمل ..وفي يوم من الأيام ..
رغد ـــ أحس أن قلبك مو معاي ..
ــ ليش من متى كان معاج؟
رغد ــ قصدت أن تفكيرك مب معاي ..كل مرة تكون غير ..
ـــ شلون غير ..
رغد ــ على الأقل لما كنت تطالع لي وأنت تتكلم ..أعرف أنك ماتفكر في شي ..لكن ..من ييت من الدوام وأنت شارد. .تسرح الشاي برد ..وماشربته .. يوسف في شي مضايقك؟؟
ـــ كنت أفكر أنج زدتي حلاة ..بس ..
رغد ــ مستحيل يكون هالشي هو اللي في بالك..
ــ صحيح..مب هالشي هو اللي في بالي .. كنت أفكر في قضية ..وشلون ببرئ صاحبها ..
رغد ــ هو برئ؟
ــ ما أدري ..المصيبة مافي شي يدل انه برئ ..بس لازم أبرئه ..لاني وعدت ..
رغد ــ قضية ايش؟
ـــ قتل..
رغد ــ صاحبها بينعدم؟
ـــ صاحبها مات ..بس أهله يبون يبرئونه..
رغد ــ اذا كان برئ الله مابيضيع حق المظلوم ..لكن اذا كان مذنب ..للأسف ما بيدك حيله ..اعتذر من اهله ..خل يشوفون محامي ثاني ..
ــ في عندي صديق مقرب من الجاني ..المرحوم ..بقابله بكره الصبح ... واذا أكد لي ان المرحوم كان مذنب بتوهق ..
رن التلفون في هاللحظة ..وقامت رغد وردت ..
ضليت أفكر في القضية ..قابلت أرب أشخاص أكدوا ان أبو ليال مذنب ...وقابلت الشهود اللي اشهدوا في القضية ..ونفس الشي ..أكدوا أنه مذنب ..الأمل انشاءالله يكون بكره ..أشوف عامر ..صديق خالد المقرب جدا ..ويشرح لي القصة الكاملة ..
رجعت رغد ويهها مخطوف مرة وحدة ...
ــ شفيج؟
رغدــ خبر مزعج..
ــ خبر ايش؟؟
رغد ــ استهدي بالله ..
ــ لا إاله إلا الله محمد رسول الله ..
رغد ــ فالح في المستشفى!
نطيت على ريولي ــ شلون؟؟
رغد ـــ اتصلت فيني منال ..وهي تصيح ..بعيد الشر عنك والله يقومه بالسلامه ياته جلطة في المخ!
دارت فيني الدنيا ..ما قدرت أوقف على ريولي أكثر ..
ــ فالح!!
شلت نفسي غصب وركضت بدلت ملابسي ..
ــ وين هو الحين؟؟
رغد ــ في الطواري أيي معاك..لاتروح بروحك ..
البست عباتها بسرعه ..
ــ ماله داعي تيين ..
رغد ــ يوسف ..أخاف تسرع .. احنا في مصيبة وحدة ..لاتخليها مصيبتين..
وصحيح ..كان كلام رغد صحيح ..كنت وأتا أسوق يسرح فكري في الأيام اللي غلطت فيها على فالح..وبدون وعي أسرع ..
رغد ــ يوسف هدي السرعة كلها عشر دقايق ونوصل ..ولا تبي تودينا بوهامور!
سرحت بأفكاري مرة ثانية .. شلون نسيت الأيام اللي علمني فيها فالح ..شلون قاطعته ..وليش ؟؟ هذا أخوي من لحمي ودمي والله ان صار له شي ما بسامح نفسي ..حرام ..عياله للحين صغار ..حرام ..لاء..يالله ...ارحمنا برحمتك يا رحيم .. فالح أخوي ...
ورجعت لواقعي على صرخة رغد ...
ـــ يووووووســــــــــــــــــــــــــــــــــــــــــ ــــــــــف!!!

 

[طوق البنفسج]

مشاركة: اعترافات رجل يكره يحب يعشق يبغض النساء ..

ــ أنت بخير؟؟
رغدــ مم..
ــ لحظة أنزل وأشوف شصار بعدين أرجع ..
حسيت أن كتفي انرض بقوة ... كانت سيارة كريسيدا ...
ـــ السلام عليكم يالشيخ ..أنت بخير؟؟
الريال ــ اييه الحمدالله ..وأنت؟؟
ــ الحمدالله ما صار شي ..
طالعت سيارته ..كانت من جد كتضررة ..وسيارتي ولا فيها خدش...
ومن حسن الحظ الشرطي كان قريب ..وبسرعه خلصت الاوراق والخطأ خطأي ..
ـــ أنا بصلح كل شي ..بس ممكن أستأذن الحين ..زوجتي معاي وهي حامل وأخوي في المستشفى ..
الريال ــ أنا آسف ..تفضل ..
الشرطي ــ لاتنسى تراجع المرور ..
ــ ما بنسى ..وهذا كرتي ..
أعطيت الريال كرتي وركبت سيارتي وعلى طول للمستشفى ..اللي مالاحظته أن رغد كانت شاحبه ..
وصلت المستشفى ..
ــ يلا رغد ..
رغد ــ ما أدري ..بس أحس أني مب لازم أتحرك ..
ــ شفيج؟؟
رغد ــ ولا شي ..بس حاسه بتعب خفيف ..
على طول شغلت السيارة وحولت لمستشفى النساء والولادة ..
رغم أنها توها في الرابع ..
وعلى طول أسعفوها ..
ــ رغد ..
رغد ــ روح شوف فالح ..ومابيصير إلا كل خير ...
ــ في أمان الله ...
أول ما رحت ..كان جواهر ومنال متجمدين..ومنصور وجاسم وطلال واقف ومكتئبين ..
قامت منال
منال ــ يوسف ..زين ييت ..
واحضنتني ..
ــ انشاء الله ما يصير إلا كل خير ..
منال ــ ليش تأخرت رغد قالت لي أنك موجود في البيت ..
ــ صار لنا حادث في الطريق ..ورغد الحين في مستشفى الولادة ..ما أدري شصار لها ..
منال ـ الحمدالله على السلامة ماكان لازم تخليها بروحها ..
منصور ــ اي يا أخوي ..المرة حامل ..والحين شيستوي فيها؟؟
منال ــ روح لها ..
ــ هي قالت لي أيي ..شلون فالح؟؟
طالعت جواهر اللي كانت هادية ..وما تكلمت ..
منال رجعت دموعها على خدها ..
ــ الحين في العناية ..يقولون حالته مب مستقرة ..
سألت ــ زين من ايش الجلطة؟؟
منال ــ ما أدري ..جواهر تقول الصبح ماكان فيه شي .. اتصلوا عليها من دوامه وقالوا لها انه طاح ..
ــ لا حول ولا قوة إلا بالله ...بروح أشوف الدكتور ..
منصور ــ حنا ناطرين من الصبح ..ولما يا قال ان الحالة مب مستقرة وممنوع دخول أي زوار ..وحنا ناطرين المستجدات ..
ــ أخوي ..الله يقومك بالسلامة يا أخوي ..الله يقومك بالسلامة ..منال ..بروح أشوف الدكتور ..يمكن يشرح لي الحالة ..والسبب ..
.....وبعد عشر دقايق طلعت من عند الدكتور وأنا منصدم ..
منال ــ شقال لك؟؟
ــ عنده جلطة في القلب مب المخ ..وهذي الثانية!!
منال ــ شلون؟؟ يعني ار فيه جلطة من قبل؟؟ متى ؟؟ وفالح من متى مريض بالقلب؟؟
طالعنا كلنا جواهر ..جواهر ــ يوم عرس يوسف ..ماكان مسافر ..كان في المستشفى ..بس كانت الجلطة خفيفة ..
ــ وليش ما قلتي لنا؟؟
جواهر ــ هو طلب مني أني ما أقول لكم..وطلب منا نحر العرس ..
سكتنا كلنا ..
منال ـ الجلطة انشاءالله تكون خفيفة مثل اللي قبل؟؟
ـــ لا..هالمرة ..لاء ..مب خفيفة ..والله يستر ..
منال ـــ شتقول يوسف ؟؟ حرام عليك هالعيال من يبقى لهم؟؟
ــ أنا بروح أشوف رغد ..
جواهر ــ اخوك هنا بين الحياةوالموت وتبي تروح تشوف زوجتك؟
الكل طالع جواهر وهم مستغربين ..
منال ــ روح ..روح ..يا جواهر حتى ولده بين الحياة والموت ..روح ...رغد بروحها.
جاسم ــ منال ..روحي انت معاه ..مريم ومحمد بأي لحظة ييون ..روحي ..
منال ــ اوكي يلا يوسف ....
كانت نظراتي تحتقر جواهر ...اللي اكتشفت انها كتلة حجر .
منال ــ يوسف يلا ..
طلعت مع منال ..
منال ــ الخبلة جواهر شلون ياها قلب وقالت جي جدام طلال.
علقت أنا ـ قولي شلون ما استحت على ويهها تقول جي وزوجها بين الحياة والموت ...
منال ــ مب في يدها ..يمكن غارت ..يمكن تبيك تكون بقربها في هالأزمة ..
ـــ منال ..ماعرفت لج .. يا تكونين معاها أو ضدها ...
منال ــ يوسف ..جواهر لليوم تحبك ..وانت تحبها ..
ـــ أنا انتهيت من حبها من زمان ..
منال ــ يمكن تظن أنك تقص علي ..لكن أنا أعرفك أكثر من نفسك .. أنا ما قدرت أيي بروحي للمستشفى ..لزمت على جاسم أنه يي ..لاني ما بقدر أواجهه هالمصيبة بروحي ..
ـــ خلاص منال ..صكي على هالموضوع ..ماني فاضي ..
منال ــ كيفك ..
وصلنا لين رغد ..
الدكتورة ــ بتظل عندنا لين موعد الولادة انشاء الله ..
ـــ شلون؟؟
منال ــ ليش؟؟
الدكتورة ــ مشاكل للجنين ..وأي حركة يمكن تسبب خطر للجنين وللأم ..
ــ يعني بتظل هنا خمس أشهر كاملة؟
الدكتورة ــ يمكن بتولد مبجر ..في السابع أو الثامن ..بس الأفضل انها تبقى في المستشفى ..نايمة على ظهرها وما تتحرك ..وتحت اشرافنا ..
منال ــ زين ممكن نشوفها ..
الدكتورة ـ تفضلوا ..أنا شرحت لها الحالة ..
كانت مكتئبة وهي متمددة ,
منال ــ حمدالله على السلامة ..
رغد ــ الله يسلمج ..قالت لكم الدكتورة؟؟
منال ـ اييه ..بس المهم صحتج ..
تكلمت منال شوي معاها ..وبعدين يا جاسم وخذها ..
رغد ــ أنا بطيح هالطفل .
ــ لاء ..لاتتصرفين جنون ..
رغد ــ بس انت ما تبيه ..
ــ لا ..أنا أبيه ..أبي هالطفل ..
رغد ــ بس انت قلت لي انك ما تبيه ..
ــــ رغد ...انا صرت ابيه ..أبي شي يغير حياتي ..بعدين في خطر عليج وعلى الجنين ....وأنا اكتشفت اني ابي هالطفل ..
رغد ــ يمكن أموت وأريحك مني ..
ــ بالعكس أنا ما حسيت أنج أزعجتيني أبد ..
رغد ــ تذكرت ..كل مرة أنسى أشكرك على الخدامة ...صج كانت مساعدة كبيرة لي مع اني تعودت على شغل البيت ..
ــ خلاص شغل البيت انسيه ..ولاتفكرين إلا بعبدالرحمن ..
رغد ـ من عبدالرحمن؟؟
ـــ البيبي اللي في بطنج .
رغد ــ بس يمكن تطلع بنت ؟؟
ــ عيل لا تفكرين إلا بعذبة ..
رغد ــ عذبة؟؟؟
ــ اسم امي المرحومة ..
رغد ــ الله يرحمها ويغمد روحها الينة ..
*****************************
فجأة حسيت أن مشاعري تغيرت ..وفجأة فقدت الشعور القوي تجاه ليال ..وهالشي هي لاحظته طوال اليومين اللي مضوا ..
ليال ــ ليش يا يوسف ابتعدت عني ..
ــ أنا ما ابتعدت عنج ..بس انشغلت .رغد في المستشفى وفالح بين الحياة والموت ..ومجرد ما اخلص من شغلي اروح لهم لين الليل ..
ليال ــ وأنا ..صرت ما تكلمني ..ولا حتى تطالعني مثل قبل ..
ــ ليال ...شفيج؟؟ ما فهمتي كلامي؟؟؟
ليال ــ عندي احساس انك بتستغني عني بأول ..
ــ بس ..خلاص ..تفضلي لمكتبج ..
تدرون ليش فقدت اهتمامي فيها؟؟ من كلمت عامر صديق أبوها وأنا مختبص .
تذكرت كلمات عامر (( خالد كان ناوي يقتل هالريال ..وهو قال لي شخصيا ..بس أنا ما اعرف اذا قتله ولا كان مجرد كلام ..))
كان عامر هو الامل في اني أصدق براءة خالد ..بس للأسف ..ماكان عامل مساعد ..
***********

 

[طوق البنفسج]

مشاركة: اعترافات رجل يكره يحب يعشق يبغض النساء ..

الفصل التاسع .............
******************

طلعت ليال من المكتب وهي تصيح بقوة ..كانت تحاول تقنعني اني ابدأ الاستئناف ..لكني قلت لها اني ما استند على شي يبرئ أبوها ..وصارت بينا خناقة كبيرة ..
سمير ــ ما كانش العشم يا استاذ ..
ــ سمير الله يخليك ..ماني ناقص محاضرات ..ياني ما يكفيني وزيادة ..
سمير ــ بس ماكانش لازم تزعق عليها كده .دي بنت غلبانه ..
ــ سمير , انت بنفسك شفت القضية على أي أساس أرجع وأفتحها؟؟ دورت لي أي شي يقنع القاضي بالاستئناف بس مالقيت ..الشهود في كامل قواهم العقلية ومحل ثقة ..الدليل عليه بصماته ..أفضل أصدقائه يقول انه كان ناوي يقتل ..الحين علمني شلون بستأنف القضية ؟؟على أي أساس.. ان بنته تقول انه بريء؟؟
فجأة سمعت باب المكتب يتصكر بقوة ..واكتشفت ان صوتي كان اعلى من الازم !
ــ صدقني سمير ..عندي أشياء أهم من هالقضية ..
مر أسبوع ما شفت فيه ليال ماقدرت أتصل فيها .انشغلت بأخوي اللي حاله يتدهور يوم عن يوم ..ورغد اللي كانت تعاني ألام قاسيه في ظهرها ..
جاسم ـــ يقولون المصايب تجي ثلاث ..
ــ ومن وين يبت هالحكمة؟؟
جاسم ــ ما أذكر وين قريتها ..بس حالة فالح ماتبشر بخير ..
منال ــ وحرام رغد مسكينه الويع يزداد عليها أكثر وأكثر ..اييه تذكرت بمر بيتك أخذ لها أغراض ..
ــ لا لاتعبين نفسج انا بآخذ لها هالاغراض ..
جاسم ــ يلا سرينا يا منال؟؟
منال ــ يلا ..
ــ بدري ..خليكم تتعشون...
جاسم ــ كافيني ..أنا تعبان..
ــ لا ..توصلوني بالمجان ؟؟ ..لا وبعدين الخدامة شغلها زين ..وأعتقد أنها سوت شي زين ..لأني شفتها تشتغل في المطبخ ..
منال ــ لا يا يوسف .وبعدين أنت من الصبح عندك أشغال ..والساعة الحين عشر ونص ..يلا جاسم ..لاتنسى زهب شوية ملابس وأغراض لمنال ..مع السلامة ..
ــ اقعدي اقعدي ..من متى الحريم تتحكم في الرياييل ..اقعدي ..
منال ــ يوسف أنت من الصبح من مكان لمكان ..وحنا من الصبح برا البيت ....ما بحس براحة إلا في بيتي ..
ــ الله أكبر هالحين نسيت هالبيت اللي عشتي فيه طول عمرج ؟؟ وماتقدرين تصبرين عن بيت عشتي فيه ثلاث سنوات بس؟؟
منال ـ هذا صار مب بيتي صار بيت رغد ..
جاسم ــ أنا تعبان بروح أنام ..حتى عشا ماني متعشي ..

طلعت منال وجاسم ..وبقيت في البيت بروحي ..
الخدامة ــ بابا وين ناس؟
ــ راحوا ..روحي نامي ..
الخدامة ـ وعشا؟
ــ محد يبي ..حطيه في الثلاجة ..
دخلت لغرفة رغد ..وطلعت دراريع من الخزانة وحطيتهم في كيسه ..وشحاطة ومشط وأشياء ثانية ..وبعد ما خلصت مددت جسمي شوي على السرير ..وانتبهت لشي صلب في الفراش ..
طلعته كان كتاب..بالأحرى دفتر لونه أسود .. وايد متين ..تطفلت وقريت ..كانت مذكرات رغد في الجامعة ..وبعدين ..شلون التقت براشد ..وقصة الحب ..كانت تكتب التفاصيل ..لين اليوم اللي اكتشفت انه خدعها ..حسيت اني أتابع مسلسل و مندمج في الاحداث ..ومتفاعل معاها ..
فجأة .في صفحة بروح ..اكتبت شي واحد بخط كبير ..اسمي!! وكتبت كل الأحداث اللي صارت بينا ..
نسيت نفسي وأنا أقرأ صارت الساعة وحدة ونص في الليل ..
أول ما صكرت الدفتر ..انزلت دمعة من عيوني ..
رجعت على بعض الصفحات ..
(( راشد ..أشكر لك شي واحد ..أشكر لك انك السبب في دخول يوسف حياتي ..))
جملة هزتني ..
(( كنت أمسك بصورتك ..وأنا أصيح ...وصلت لدرجة كرهت نفسي بسببك ..وضليت أسب فيك ,أصرخ ..ودخل يوسف الغرفة ..و حسيت أني غرقت في بير من الضياع ..وبالأخير ..عشت أجمل لحظات حياتي بين يديه ))
(( أخيرا ...فتح قلبه لي ...واكتشفت انه فيه جرح عميق ..مهما دارت الايام والسنين صعب يندمل ..حسيت أني حبيته أكثر ..أحبك يا يوسف ..واليوم عيد بالنسبة لي ..))
(( خلاص يا يوسف خلاص ..أنا تعبت ..تحملت تحقيرك ..تحملت اهاناتك ..أنا غلطت .لكن الله يسامح انت ليش ما تسامح؟؟ آه يا يوسف ..أحس أني ضعت في حبك ..ما أقدر أتحمل وجع قلبي قوي ..قوي ..مع السلامة ))
فكرت في نفسي ..أكييد يوم حاولت تنتحر ..
قلبت الصفحة
(( حيرتني فيك يالغالي ..اليوم ماتتصور قد ايش فرحت ..يوم تكلموا اخواني عن الشرف ..كتمت أنفاسي ..ولما سمعت كلامك ارتحت ..ارتحت ..حسيت أنه في أمل ..الطفل اللي في بطني رهن بطلبك ..اذا ما بغيته بعق نفسي من على الدري ..واذا بغيه ..أفديك بعمري كله ..وعمره كله ..وتزداد محبتك أكثر ))

(( جواهر ..أكرهج .. لسبب واحد أنج جرحت يوسف .هالانسان الغالي جرحتيه ..شلون قدر قلبج يرفض حبه؟ ليت نظراته اللي يطالعها لج ..يطالعني فيها ..أحبك يا يوسف وأنت ذابح جزء من قلبي ....يرتجف كل ما أشوفك ..))


كانت أكثر شي أثر فيني ..الحين يارغد حبيتيني مع كل اللي سويته فيج؟؟ ...صكرت الدفتر ..وأنا أحس أني تغيرت ..شلون ما أدري ..
فجأة رن التلفون ..من داق علي هالحزة؟؟والرقم ماعرفته..
ــألو ...
جواهر ــ يوسف ...فالح مات ..عطاك عمره ..
ــ شلون ؟؟؟؟ متى ؟؟
جواهر ــ الحين الدكتور قال لي ..مات يا يوسف ..مات وتركني لاسند ولا ولد ...
************************





يتبع ..
طبعا كانت مفاجأة مشاعر رغد ليوسف ..ومفاجأة ما بعد منتصف الليل كانت أقوى .. شيصير ليوسف ؟؟ بيتحمل وفاة أخوه اللي غلط في حقه؟؟ وليال؟؟ هل بيقدر ينقذ اسم أبوها فعلا مثلا ماوعد؟؟ ورغد شلون بيعاملها بعد انكشاف المستور؟؟
البقية في الجزء اللي ياي ... الجزء قبل الأخيير

 

[طوق البنفسج]

مشاركة: اعترافات رجل يكره يحب يعشق يبغض النساء ..

صوتها الهادي ..جنني أكثر من الخبر نفسه ــ جواهر ..أنتي شتقولين؟؟
جواهر ــ اذا غبي افهم ..فالح مات ..انزاح من طريقي..
تأكدت أن جواهر ما تفكر وهي صاحية .تأكدت انها مينونة ..
ــ فالح مات!
جواهر ــ مات ..مات ..مات ..
صكرت التلفون في ويههي .واتركتني بأبشع لحظات حياتي ..
اتصلت في جاسم اللي اتصل في محمد ونقل له الخبر ..ومانمت في هالليلة أبد من كثر ما ازعجتني الافكار ..
***********************
محمد ــ يوسف ..قوم ..يوسف ..
فتحت عيوني بتكاسل ..محمد واقف على راسي . ما تذكرت شي ..
ــ محمد ..
محمد ــ يوسف قوم ..حطينا العشا لك..
مريم ــ قوم يوسف ..تلفونك احترق من كثرما يدقون عليك ورغد كل مرة تدق علي تسألني اذا صحيت من النوم ولا لا ..
محمد ــ يو ناس وايد يعزون وسألوا عنك ..قوم ..من العصر وأنت نايم ..
ــ كم الساعة الحين؟؟
محمد ــ وحده في الليل ..
ــ ليش مارحتوا لبيتكم؟
محمد ــ الكل هنا ..ماعدا جواهر في بيت ريلها الله يرحمه .
مريم ــ تعرف عده ولازم ماتطلع لمكان ..قوم كلم زوجتك تراها تحاتيك ..وبنات أخوك في حالة الله يعلم فيها ..مايرضون يننامون..
ــ ومنال شلون؟؟
محمدــ الله ستر ..مجرد انهيار بسيط ..
قمت ورحت غسلت ويههي ..وبدلت ملابسي في غرفتي فوق ..لان بيتي هو بيت العائلة ..فالعزا صار فيه ..بالرغم من اعتراض جواهر ..كليت شوي .وبعدين طلبت من مريم تسوي لي درب أشوف المها وشيخة ..
وكانوا في غرفة فالح المرحوم ..
اركضت شيخة ومها واحضنوني بقوة ..رغم ان علاقتي فيهم بسيطة .
شيخة ــ أبوي راح ..من لنا بعده ياعمي ..راح أبوي ..
ــ ايش هاذي من لنا بعده؟؟ اخوج ريال ويشيل مسؤوليتكم ..وحنا موجودين ..ثلاث عمام عندج وتحاتين..البقا في راسكم .صج محد يعوضكم عنه بس ..الله يرحمه ..
مها ـ عمي ..ما أصدق من أبوع كان مافيه شي ..وكان يضحك معانا ..واليوم شمعه وانطفت من حياتنا ..عمي ..حتى ما استسمحنا منه اذا غطنا في حقه يوم ..
ما قدرت أمسك دموعي ــ أحسن من عمج اللي غلط في حقه وحرم نفسه من الكلام معاه عشر سنين..وراح أبوج بدون ما استسمح منه ..
شيخة ــ ابوي كان راضي ياعمي ..وكان دايم يتكلم عنك ..
طول ساعه وأنا أكلم البنات وأحاول أسري عنهم همهم ..
ــ كلمج بدر يا المها؟؟
المها ــ اييه يا عمي ..يا وعزاني في المرحوم ..ما أدري شلون بنعيش من دونه ..ما أدري ..
ــ الزمن بيمشي ما بيوقف عند هاللحظات ..لا تزعلين ..أبوج كان ريال مستقيم ..ويعرف ربه وأنشاءالله من أصحاب الجنه .وأن مع الأيام بتكملين حياتج ..
انهاروا البنات في الصياح ..حاولت أخفف عنهم ..لكني الظاهر زدت عليهم ..
طلعت من عندهم بعد ما تأكدت أنهم بينامون ..
اتصلت في رغد ..
رغد ــ شلونك الحين.؟؟
ــ ماشي الحال ..
رغد ـ كليت؟
ـــ اييه ..
رغد ـــ لا تكدر خاطرك يا يوسف ..
ــ ما أقدر يا رغد ..هذا أخوي اللي عصيته واللي غلطت عليه .وراح وهو شايل في قلبه علي ..لو تشوفين بناته ..قلب يتقطع عليهم ..الله يصبرهم في مصابهم ..ويخلي لهم أخوهم طلال .
رغد ــ أتمنى أني أقدر أيي البيت ..
ــ لا ..رغد ارتاحي .. الحين نامي ..
رغد ــ وأنت توك صاحي وين بتروح؟
ــ بتمشى ...أحس البيت ضايق فيني ..
رغد ــ حط بالك على نفسك ..
ــ تصبحين على خير..
طلعت وأنا ضايقه فينا الدنيا ... لفيت في السيارة في كل مكان ... وبالأخير نزلت للشارع ..بعد ما صفيت سيارتي ..وصرت أمشي ....كان الشارع تقريبا فاضي ..من صاحي الساعه ثنين في الليل ؟؟
وكان الرد على سؤالي مسج وصلني..
(( آسفة كنت أنانية ..البقا في راسك وعظم الله أجرك ))
كان المسج من ليال ...وماترددت واتصلت فيها ..
ليال ــ عالقوة ..
ــ شخبارج؟
ليال ــ ماشي الحال ولو اعرج ..
ــ ما شفتج من أسبوع وين اختفيتي؟
ليال ــ حسيت أني أبي أجازة ..لأني صدق تعبت ..السموحه منك ..كنت أنانية .وأنت كنت مشغول في أخوك ..آسفه ..
ــ ما صار شي ..زين أنج اتصلتي ..تعرفين واحد اسمه عبداللطيف حمد؟
ليال ــ اييه .. أعرفه ..كان رفيج أبوي في الشغل ..ليش؟
ــ لقيت اسمه في الملف اللي اعطيتيني اياه ..بس ما مرتبط فيه أي شي لا شهاده ولا تعرف ...بس مكتوب عندالضرورة ..ومحطوط رقم تلفونه واسمه ..
ليال ــ هذا واحد مسنود ..وخوش ريال ..أبوي كان يمدح فيه دايما ..بس ماشفناه أبد لا في المحاكمة ولا في الزيارات ..
ــ زيارات؟
ليال ــ كنا نزور الوالد وكان دايم يزورونه ناس ..
ــ الله يفرجها انشاءالله ..ليش ما رقدتي لها الحزة؟
ليال ـــ كنت مترددة طول اليوم ..وكنت أبغى أكلمك ..فقلت أطرش لك مسج ...قرأت الخبر اليوم في الجريده .. الله يرحمه ..
ــ الله يرحمه ..خلاص ردي نامي ..
ليال ــ وأنت؟
ـــ أنا بتمشى ..
ليال ـ بس يوسف ماتهون علي ..وين تتمشى في هالليل ؟
ــ خلاص برد البيت لعيونج ..
ليال ــ تسلم عيونك ...مع السلامة ..
ــ مع السلامه ..
صكرت من عندها وأنا حسيت بارتياح بسيط ..على الأقل ليال ما بتشغل بالي ..وتفاهمنا بعد هالاختلاف البسيط ..بسيط؟؟ ما اعتقد انه كان بسيط..
*********************
مرت أيام العزا الكئيبه ..والبنات صاروا أحسن ...كان خوفي الكبير على منال لانها كانت حامل ..ورغد اللي بروحها في المستشفى ..المسكينه ..فجأة حنيت على رغد ...من قرأت مشاعرها اللي لقيتها بالصدفه في سريرها ..
داومت في المكتب لكن ليال ما داومت ..
ـــ سمير ليال ما داومت؟؟
سمير ــ لا يا بيه ..ما جاتش من عشر تيام ..
اتصلت فيها ..
ــ الو ..
ليال ـأهلا ...
ــ ليش ما داومت؟ فيج شي؟
ليال ـــ لا .ولا شي ..بس كنت محتاجه وقت افكر فيه ..
ــ في ايش؟؟
ليال ــ في قضية أبوي..تميت أدرسها طول هالعشر أيام .واتصلت في عبداللطيف ..بس للأسف طلع متوفي من ثلاث سنوات ..بس ابنه طلب مني ومنك أنه نزوره يوم الخميس ,,أو السبت ..
ــ وبعد الدراسه ..شفهمتي؟
ليال ــ كلامك صحيح اميه في الميه ..ما بيحل لنا هالقضية إلا معجزة ..صج في تضارب في كلام الشهود .بس محد يقدر يعتمد عليه لانه بسيط ..
ــ أكيد تتكلمين عن وصف الجريمه صح؟؟ أنا اكتشف هالتضارب بس طفيف ..
ليال ـ يعني في واحد يقول انه ابوي هجم على المجني عليه ..والشاهد الثاني يقول أن أبوي تخانق مع المجني عليه ... يعني مثلا هالخطأ الثاني ..الشاهد الأول يقول أن أبوي كان وأنت بكرامه لابس جوتي..ودشداشه بيضا ..الشاهد الثاني يقول لا ..كان لابس وانت بكرامه نعال ...وحتى يذكر أن وأنت بكرامه ..النعال وقع منه وهم يتخانقون ..
ــ تقريبا لاحظت هالاشياء ..واللي لاحظته ان تقرير الشرطة تقريبا مقارب من الشاهد الثاني ووصفه لأمور ..بس الشاهد الاول يقول ان القاتل صرخ على القتيل تشهد ..وهذا يعني انه النية موجوده ..فحكم القاضي على هالاساس ..
ليال ــ بس كان لازم يحققون أكثر ..يمكن الشاهد الاول يكذب ؟
ــ تقريبا هذا شعوري ..بس هالحين بنروح يوم الخميس لبيت عبداللطيف حمد ..ونشوف اش نقدر نسوي ..
ليال ــ ما عليش تعذرني ..ما أقدر أروح لأي مكان ..
ــ ليش؟؟
ليال ــ ...ما كنت بقولك بس الوالدة تعبانه شوي ..وتحتاج حد يتم معاها ..
ــ ليش ما قلتي من الأول؟؟؟ يمكن تحتاج طبيب أو مستشفى..
ليال ــ لا ما تحتاج ..مشكور على كل حال.
ــ اهم شي سلامتها ..
ليال ــ الله يسلمك ..عن اذنك الحين ..أنا متأكده أن عندك مقابله ..أو محاكمة ..
ــ بطلع الحين أمر رغد ..
ليال ــ مع السلامة ..
وصكرت بسرعه بدون ما اقول لها مع السلامة ..ليال ..ما أدري ليش حسيتج تغيرتي ناحيتي ..ورجعتي مثل أيام التدريب ..علاقة زميل بزميله ..لكن أنا مرتاح لهالتغيير .لاني أحس أني كنت متسرع بعواطفي ...وإن كان في شي بينا .. بيظهر مع الأيام ..
**********************

 

[طوق البنفسج]

مشاركة: اعترافات رجل يكره يحب يعشق يبغض النساء ..

ومرت الأيام الرتيبه ..و سجلت انتصار ثاني في قضية ثانية ..ورغد في المستشفى واشتد عليها عوار الظهر ..اليوم الخميس .. مريت بيت عبداللطيف حمد..
طقيت الباب ..
ــ السلام عليكم ..
شاب مزيون طويل القامه فتح لي الباب ..
ـــ وعليكم السلام أنت المحام؟؟ وين المحامية اللي اتصلت؟
ــ اعتذرت ..أنا هنا مكانها ..
ــ لنها قالت لي انها بنت خالد ..
ــ اييه ..وأنا المحامي المسؤول عن القضية ..
ــ آسف نقعتك عند الباب تفضل ..اسمي سالم ...
ـــ وأنا يوسف ..
دخلت البيت الكبير ..واستغربت ان صاحب البيت هو من فتح الباب ..
سالم ــ تفضل داخل ..والحين أييك ..
دخلت المجلس ..وانتظرت دقايق ..طل علي القهوجي وقهواني ..
رجع سالم وبيده ظرف ..
سالم ــ أهلا وسهلا .أنا بدخل في المووع على طول من خمس طعش سنه الوالد طاح ومرض بشلل نصفي ..خلال هالسنوات الخمسطعش ..كتب هالظرف بحضور شهود و بصم عليه ..ما كنت عارف باللي موجود في الظرف .. ونسيت أمره لين توفى الوالد ..وكان من بين متعلقاته ومكتوب عليه خالد مشعل سعد .. مرت ثلاث سنوات وأنا نسيت هالظرف ..لين اتصلت فيني من مدة بنت خالد ..وعرفت عن اسمها كامل ..تذكرت الظرف وطلبت منها تحضر علشان تستلمه ..
ــ ما عليش أنا استلمه؟؟
ـسالم ــ بس هذا أمانه ..
ــ أنا المحامي الخاص لها ..
سالم ــ ما أقدر ..بس بمر المكتب ..وياليت تكون بنت خالد فيه علشان أبري ذمتي ..
ــ على الأقل علشان مايايروح تعب مشواري هدر خليني ألقي نظرة عليه ..
سالم ــ للأسف ..ما أقدر أفتحه و وصاحبه مب موجود ..
قمت من مكاني وطلعت كرت المكتب من جيبي ..
ــ عيل أشوفك يوم الأحد ..
سالم ــ انشاءالله ..
طلعت بعد ما استأذنت وكان مشوار ماله داعي ..
***
احتشرت علينا منال .إلا تذوقنا من طباخها بعد ما أنا وجاسم شككنا من قدراتها ي الطبخ .
ــ جاسم أنا وأنت الليلة مترقدين في المستشفى لامحال ..
جاسم ــ الله يهداك لازم يعني تذكرها أن الطباخ أنقذها من المطبخ ..
ــ عدال يا أخونا ..ما كأنك قلت بالحرف الواحد لولا هالطباخ جان شفتني بضعفك ..
جاسم ــ أنت فتحت الموضوع ..عاد تحمل أي شي تطبخه أنت تاكله ,,
ــ جسوم ..الحين بشرد وأقول لها رغد اتصلت فيني .وأنت هالله هالله في الاكل لاتخلي الصحون مليانه والا نمت برع الغرفه ..
جاسم ــ والله مانت قايم لين تاكل معاي سواء عجباك الأكل ولا لا ..
ــ مالي شغل ..ماني بايع عمري .شوف الطباخ راح غرفته يعني ماشي مساعده منه .رحنا فيها ..
جاسم ــ قوم قوم خلنا نشرد قبل لا تسممنا أختك اللي في حياتها ما ادخلت المطبخ ..
ــ طبعال تربت في بيت عز ..شلها في المطبخ وسوالفه ..
منال ـ وين تبون تروحون ..ايلسوا ..مافي طلعه لين بعد الغدا ..
جاسم ـ نسيتي اليوم جمعه ..ولازم نروح المسيد ..
منال ــ المسيد بعد ساعة ..مب هالحين ..يلسوا ..
ــ ما يمدينا نتيدد ونصلي ونوصل مشي للمسيد علشان الحسنات ..
جاسم ــ كلام أخوج صحيح ..عن اذنج ..
منال ـ أول ما ترجعون الأكل بيكون محطوط ..وبتعترفون أني أعرف الطباخ ..
أول ماطلعنا من البيت ..
جاسم ــ أي طباخ تعرفه ..هذي البيض ماتعرف تقليه ..
ــ قلت لك عايشه في بيت عز ..
جاسم ــ هذي مرتك ..من بيت صالح و هو بيت عز ..وتطبخ ماشاءالله مافي أحلى من طباخها ..
ــ هي تحب الطبخ .وأنا أكره الطباخين الآسيوين ..فلبت رغبتي واطبخت ..مب منال ..اللي ماتعرف الأغراض في المطبخ وين ..
جاسم ــ انت ماقلت أنكم بتأجلون سالفة الخلفة سنه؟
ــ قلت ..لكن ..طلع من يدنا ..كانت رغد بتطيح الياهل ..لاني قلت لها اني ما ابي عيال ..بس ما مكتوب ..
جاسم ـ زين ليش ماتطيحه هالحين ؟؟ دامه معذبها ..
ـــ في خطر على حياتها ..وأنا جذبت عليها وقلت لها أبيه ..وإلا أنا مب مهتم ..
جاسم ــ قول كلام غير هذا ..مو علي تمشي هالحركات .أول شي كنت مخبي الحمل عنا ثلاث شهور ..وبعدين فجأة أعلنت عنه ..قبل الحادث ..
سكتت ..وابتسمت لجاسم ..وبعد لحظات
ــ أكيد منال وسوست في راسك..
جاسم ـ من غيرها يعني؟؟
ـــ صج حريم مايطوفهم شي ..
جاسم ـــ قالت لي منال أنك أعلنت خبر الحمل بعد العزومة اللي احضرت فيها جواهر ..ليش؟؟ والخدامة مايبتها إلا بعد العزومة نفسها ..
ـــ والله منال هب هينه ,,صدق ..أنا ما كنت أبي الطفل في البداية ..بس لما عرفت أن جواهر مافيها عيال ..قررت بيني وبين نفسي أني أبيه ..بس علشان أحرها وأحرق قلبها ..وبالنسة للخدامة أنا يبتها بعد ما استهزئت جواهر من شغل رغد واعرضت خدامتها كمساعده ..وكانت السخرية في عيونها أكثر من الاحسان ..
جاسم ــوالله اختك خوفتني .. صدق أحاسيسها ماتكذب ...
ــ عاد ..ماخذتها من حد غريب ...العايله كلها فيها هالطبع ..
جاسم ــ الحين أنت تبي الياهل بس علشان تغيض هالجواهر؟
ـــ كان هذا مقصدي ..بس الحين اللي يهمني حياة رغد ...
جاسم ــ والحين بعد وفاة فالح؟
ـــ ايش يعني؟
جاسم ــ السؤال اللي كان بينطرح .زهل بترجع وتتزوج جواهر؟
كنت ناطر هالسؤال ...وأجبت وانا متأكد من اجابتي ..
ـــ لو انطبقت السما على الأرض ..ماني متزوجها ..
جاسم ــ معقول؟؟
ــ جاسم ..مستحيل بعد كل الي صار ..مستحيل ..
جاسم ــ وايش الي صار؟؟ ماصار شي يخليك ما تتزوجها ..
ــ جاسم ..جواهر الحين في العده بعد وفاة فالح ..وفالح اللي توفى كان أخوي ..وجواهر انسانه داست على مشاعري ..اذا تزوجتها بكون كافأتها ..وبعدين لاتنسى أنا متزوج من رغد ..
جاسم بضحكة استخفاف ــ اللي بحسب شكوك منال ما تحمل لها في قلبك ذرة حب ..
ــ مب دايما منال صادقه في أحاسيسها ....وهالشي بيني وبين رغد منال ماتعرفه ..
جاسم ــ تعرفه ولا لأ ...خلينا نلحق على الصلاة وبعدين نشرد نتغدى في أي مطعم ..
ــ هههههه ..عناد فيك ماني مخليك تتغدى إلا في بيتكم

 

[طوق البنفسج]

مشاركة: اعترافات رجل يكره يحب يعشق يبغض النساء ..

جاسم ــ بشرط تتغدى معانا ..
ــ أمري لله خليني أتصل في سمير يطرش لي سيارة اسعاف .
جاسم ــ بتمر زوجتك العصر ؟
ـــ عيل وين أروح؟؟ البيت فاضي ..والربع الليلة مع عوايلهم ..
جاسم ــ صدق ..ترى أنا ومنال بنطلع نتمشى ..
ـــ طلعوا من قاضبكم ..
جاسم ــ متى ترجع من رغد؟؟
ــ وأنت شهمك؟؟ بظل عند زوجتي وبعدين أرجع بيتي أنام ..
جاسم ـــ لان منال بتحاتيك ..
ــ قل لها لاتحاتي .. ولاتقول لها عن شكوكها خلها في نارها ..
جاسم ــ برايك ..بيأذن بعد خمس وأربعين دقيقة ..وين نروح في هالخمس وأربعين دقيقة ..
ــ نمشي لين المسيد ..
جاسم ــ أنت صاحي بعيد المسجد .
ــ الجو حلو ..وحسنات أكثر و عندنا الوقت الكافي ..
جاسم ــ برايك مرة ثانية ..يلا خلينا نروح ..
ــ تعال شكان حادنا نطلع من البيت في هالوقت الغدا ماكان بيستوي لين ساعتين على الأقل ..
جاسم ــ حشرة أختك ..كلتنا بقشورنا ....
*******************************
ماكان شي يستاهل المخاطرة ..
جاسم ــ ايش هذي؟؟
منال ـ أكله صينيه ..
ــ ايش؟
منال ــ أكله تعلمتها من مجلة ..سمك ..
جاسم ــ تسمين هذا سمك؟؟ هذا سردين ..
منال ـــ لاء ..هذا سمك ..
ــ وهذا ايش؟؟
منال ــ بروكلي ..
ــ ايش؟؟
منال ــ مثل الزهره ..بس لونه أخضر .
جاسم ــ وهذا؟
منال ــ شالسالفة بتحققون معاي كلوا وأنتوا ساكتين ..اذا عجبكم بالهنا واذا ما عجبكم ..المطاعم على أقفى من يشيل.
جاسم كلى شوي ..ــ ماشي حاله ..بس ليش السمك لونه جي؟
ــ اييه صحيح كأنه مب مطبوخ ..
منال ــ لأنه مب مطبوخ ..سمك مدخن ..
ــ ايش؟؟
جاسم ــ كل يا يوسف كل قبل لانكتشف انها حاطة لنا شي ثاني ..
ـــ سمك ني؟؟ ؟؟؟ ؟؟؟ من ياكل سمك ني ..
منال ــ مب ني مدخن ....مدخن ذوقه طعمه حلو وايد ..
ـــ جاسم ..لايكون زوجتك تتنسى ؟؟
جاسم ــ اي والله شلون مافكرت جي؟؟ خل نشرد ..
منال ــ أمس كنت في الجمعيه واشتهيت هالاشياء ..
هربنا أنا وجاسم ومرينا مطعم ..وطول يلا حط لنا الأكل ..
جاسم ــ أنا أقول شكان عشاي أمس ..كنت مستغرب كان أشياء غريبه ..
ــ مثل ايش؟؟
جاسم ــ ما أدري .بس ماكان شي أعرفه ..
ــ تاكل شي ماتعرفه؟؟ شفيك مب صاحي؟
جاسم ــ ماصار لي شي ..هذا المهم .
*************************
يوم الأحد ...

****
كان المفاجأة الأكبر ..شهقت ليال ونزلت دموعها على خدها ..
ليال ــ وأبوك وين كان طول هالوقت ..
سالم ــ كان طايح مريض ..ليش الظرف فيه شي مهم؟؟
ــ ليال الظرف فيه شي مهم؟؟
ليال ـ هذي شهادة خطيه من أبو سالم يشهد فيه أن أبوي قتل المجني عليه دفاعا عن النفس ..بعد ما هجم عليه ..وأن سلاح الجريمة ملك للمجني عليه !!
كانت ليال ماتقدر تصدق اللي تقرأه وبعد ماتحققت منه ..صار لنا شهادتين معتمدتين ..بأن اللي صار كان دفاع عن النفس ..كنت فرحان لها ولتحقيق وعدها ..بس ماكنت مرتاح لنظرات سالم لها!!!

وأخيرا تحقق لليال اللي تبيه ..ووقفت جدام القاضي اللي أعلن براءة ابوها من القتل العمد ..وانتشر خبر براءته في كل مكان ..وطول شهر ظلت الناس تتكلم عن هالقصة الغريبه ..
مر شهر ثاني ... وليال صارت موظفة عندي ..النظرات مازالت مثل قبل ..لكن الكلام عن الحب اختفى ..كأنه في برود اجتاح مشاعرنا ..ماكنت أعطيها الفرصة تتكلم عن اللي داخلها ..وكانت تترفع بدورها عن اهانة كرامتها ..

..ورغد مازالت على الحال نفسه ..وتعاني من آلام شديده في جسمها ..كسرت خاطري وايد ..وكنت أحاول أصبرها ان مابقى شي ..

ــ بتستقلين بمكتبج بروح؟؟
ليال ــ لا ..ما أعتقد ..شكلي بسوي مثل ماقلت لي من قبل أقدم على الديوان وألاقي لي وظيفه ...راتبها مضمون ..
ــ والمحاماة؟؟
ليال ــ خاطري أتعلم وأكون محامية الكل يتكلم عنها ..بس أنا مترددة ..
ـــ مترددة؟؟
ليال ــ اييه ..أحس أني بتبهدل ..
ــ لا تخافين مب كل المحامين يوسف ..
ليال ـ أدري ..أنت اليوسف الوحيد ..بس يبي له طولة بال ..وأنا انسانة تهمني الراحة ..خاصة بعد ماخلصت من قضية ابوي ..
ــ متى بتقدمين؟
ليال ــ بعد شهرين أو ثلاث ..أبي أكتسب أكبر قدر من الخبرةفي هالمكتب ..
ــ ذكرتيني ..أنا بسوي لج توكيل للظروف الطارئة ..
ليال ــ لا ..ماله داعي ..
ــ لا أنت الحين موظفة في المكتب ..وأحتاج مساعدتج ..
****************
مر الشهر الثالث ..

رجعت البيت بعد دوام شاق ...ماكنت عارف أني بتفاجأ بهالصدفة ..
كانت جواهر بروحها في بيتي !!
ــ أنت شتسوين هنا؟؟
جواهر ـ وعليكم السلام ..
ــ أنتي ماخلصتي العده للحين؟؟ ..
جواهر ـ ضاقت فيني الدار ..قلت أيي أزورك..
ما ارتحت من هالزيارة ..
ــ حنا في البيت بروحنا ..وأعتقد هالشي مب زين لا لي ولا لج.
جواهر ــ ياما كنا مع بعض ..وبروحنا ماصار شي ..
فجأة اكتشفت تناقض كبير في شخصية جواهر ..
ــ أنت شقصتج؟؟ أنا حاس أن ييتج مب للخير ..
جواهر ــ أي خير؟؟ ..أذا تسمي اللي انت فيه خير انت جذاب ..
مافهمت ..
جواهر ـــ يوسف ..أنا أخيرا صحيت من هالكابوس ..
ــ أي كابوس؟؟
جواهر ــ أخوك فالح أسوأ كابوس مر علي في حياتي ..
سكت وما تكلمت ..
جواهر ـ كنت أكرهه أكثر من أي شي ..واللي كان مصبرني هو العيال بس ..
ـــ محد طقج على يدج وقال لج تزوجيه ..
جواهر ــ غبائي هو اللي طقني على يدي ..للأسف ..
ــ والحين المطلوب؟؟
جواهر ــ حرام عليك يوسف أنا أتعذب..أخوك كان كلب ..حقير ..كان يرزل فيني دايما ويهيني أكثر ..
ــ مستحيل أخوي يسوي جي ..أنت جذابه..
جواهر ــ أخوك كان كابوس ..ماتصدق قد ايش فرحت لما مات ..
تذكرت كلماتها في التلفون ..انزاح من طريقي !!!
ــ شلون تسمحين لنفسج تتكلمين جذي عن أخوي؟؟
جواهر ـ أخوك ؟؟ أخوك دمرني..خلاني أبتعد عنك ..يوسف أنا كلي لك ..ومامر يوم مافكرت فيك لدرجة أني كنت أدعي أنه يموت ..وأرجع لك ..
من الصدمه اهتز جسمي وهي كملت ..
ــ أنا انبهرت بالأطفال الايتام ..لكن ..أنت كنت في أحلامي دايم ..كنت أحاتيك دايم ..صج اني ضحيت بشبابي وتزوجت فالح ..بس ندمانه صدق ندمانه ..
ــوالحين يايه تقولين هالكلام ..
جواهر ــ الحمدالله أخوك مات ...بس لو مات من مده أطول كان ماتزوجت أنت ..
كنت أغلي في نفسي ..وأنا أفكر ..هذي هي الانسانه اللي خاصمت أخوي عشانها ؟؟ هذي الحقيرة هي السبب أني أكره أخوي؟؟
ماصحيت من نوبة الغضب اللي اجتاحتني إلا والخدامه متصله في الشرطه ...علشان يفكون جواهر من يدي بعد ما طحت فيها ضرب !!!!!!!

 

[طوق البنفسج]

مشاركة: اعترافات رجل يكره يحب يعشق يبغض النساء ..

خلاص ..صكت فيني الدنيا ...وانتهى كل شي ..خلاص انتهى مستقبلي وانتهت حياتي ..ضميت ريولي لصدري وأنا شايل هم الدنيا على راسي ..فقدت الرغبه في الحياة والاستمرار ..طالعت الشخص اللي مد لي يده ...
ــ تدخن؟؟؟
ــ اييه ..شكرا ..
وأخذت من يده السجاره ..من زمان مادخنت ..تقريبا من احملت رغد ..سحبت لي نفس من هالسيجاره وحسيت بقهر ..
ــ ليش موقفينك ...؟؟
التفت للشخص اللي يسألني ..
رديت ــ ضربت ناس ..
حتى كلمة ناس حرام تنقال فيج يا جواهر ...
فكملت ــ ضربت حيوان ..
الريال ــ أنا مثلك ياخوك ...ضربت ابن عمي ..بس ماتوقعته بيشتكي علي ..كل اللي سويته له كسر في يده ..
ابتسمت ... عيل أنا شسويت في جواهر؟؟؟؟؟؟؟؟؟؟
تكلم الشرطي عند الباب ــ يوسف لك زيارة ..
ـــ ياي يا علي ..
علي ضابط تجمعني فيه قضايا وايد ساعدني فيها ..

ــ غريبه ..ماقيدتني ..
علي ــ آفا عليك يايوسف ..مايصير ..
ــ مشكور يا علي ..مشكور ...
علي ــ الله يفرج عليك ..ومايضيع مستقبلك ..
ــ الله يسمع منك..
علي ــ أي شي تبي أنا موجود قريب من هنا ..
ــ الله يوفقك ...ما أعرف شلون اطلع من يزاك ..
دخلت لعند الضابط ...وكان جاسم ومحمد موجودين ..
سلمت عليهم بهدوء ..
الضابط ــ ها أستاذ يوسف ... شلونك اليوم؟؟
ــ الحمدالله يا بو ناصر ..
الضابط ــ بخليك مع أخوك وولد عمك ..خذو راحتكم بس تخلصون نادوني بكون عند علي ..
ــ انشاءالله ..
طلع بوناصر ..
محمد ــ شلون تسوي جذي في مرة أخوك؟ اللي هي بنت خالتك؟؟
جاسم ــ محمد ..شوي شوي على يوسف ...
التفت لي جاسم ــ عسى مرتاح يوسف؟؟
هزيت راسي باي..
جاسم ــ بنطلب من عيسى يكون المحامي الخاص لك ..وجواهر رافضة تتنازل ..
محمد ــ أنا لو مكانها ماتنازلت ..المرة في لمستشفى مرضرضه ومشوهه ويهها بالالوان من كثر الضرب ..ومكسور فيها ضلع ..
جاسم ــمحمد ..لو أدري أنك بتكون هالشكل مايبتك معاي ..
ـــ جاسم ..خل محمد على راحته ..
جاسم ــ لاء ..الحين ..شتبينا نسوي..
ــ نسيتوا اني محامي؟؟ وأني أقدر أدافع عن نفسي؟؟ فماله داعي وجود عيسى ..
جاسم ــ بس جواهر مابتتنازل ...منال ومها ومريم عندها الحين يبونها تتنازل لكنها رافضه ..
محمد ــ ما سألت نفسك شمستقبلك بعد اللي سويته ؟؟
فاض فيني الكيل . وقلت بنفاذ صبر لمحمد ..
ــ ماسألت نفسك شتسوي جواهر في بيتي الفاضي وهي في العده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بوناصر خلصنا ..
دخل علي وبوناصر ..وكان الذهول مرتسم على ويهه محمد وجاسم ...اللي سكتوا ومانطقوا بكلمه ..
طلعت مع علي اللي وصلني للحجز
ــ هذي أغراض من أخوانك ..
ــ مشكور ياعلي..
علي ــ ولو ..ماسوينا شي ...

..وشكرته ..ودخلت ويلست في مكاني ....أفكر في كل شي ..ما اقدر أقول الحقيقة ..بينفضح أخوي المرحوم فالح ..وعياله ..بسكت ..وأنتظر اللي يصير ..
ان رفعت علي قضيه .. .بضطر أرافع عن نفسي ...
شفت الاغراض ..كانت ملابس وأكل ..
حطيت الأكل للريال وعزمته ..
ــ أخ يوسف ما بتتغدى؟
ــ لا ...ما بتاكل؟؟
ــ لاء ماباكل ..
رغم أني ماذقت شي من الظهر ...بس ماني يوعان ..حطيت راسي ونمت ..بكره الصبح يصير خير ..

الفصل العاشر والأخييييييييييييييييييييييييير ..........
**************************
شربت كاسه الجاي ..اللي حسيت أني محتاجها صحيح ..
تمام (الريال اللي معاي في الحجز)ــ يوسف ما بتاكل؟؟
هزيت راسي بلا ..
تمام ــ بس |أنت ماكليت شي من أمس ..
قبل لا أرد عليه ..
علي ــ يوسف ..
قمت من مكاني بعد ماحطيت كاسه الجاي ...
ــ صباح الخير ..
علي ــ صباح النور ..شكلك اليوم أحسن من أأمس ..
ــ صحيح ..ارتحت شوي أمس كنت على أعصابي ..
علي ـــ كان مبين ...الحمدالله أن كل شي مر على خير ومحد مات ..
سكت ,وماقلت شي ..
علي ــ تفضل ..
ــ شكرا .
دخلت كان بوناصر ومعاه ليال وسمير ..
ــ السلام عليكم ..
ــ وعليكم السلام ..
بوناصر ـ لا اليوم أنت أحسن من أمس ..
ــ الحمدالله ..
بوناصر ــ بروح أ تريق ..وأخليكم براحتكم ..
وطلع من المكتب ..
ليال ماكتمت عبرتها اللي كانت تحاول تكتمها ..
ــ لاتصيحين ليال ..
سمير ـــ حصل ايه يا استاذ؟؟ ماعرفناش ايه حصل ..
ـــ ماشي مهم ..بس أمس تهاوشت ويا الاهل ..بس ..
ليال ــ رغد؟؟؟؟
ــ لاء..مب رغد ..زوجة أخوي المرحوم ..ويات الشرطه ..
ليال ــ بترفع عليك دعوى ؟
ــ ما أدري ..بس هي الحين في المستشفى ..
ليال ــ بحاول أنا أني أمنعها من انها ترفع القضيةو برابط عندها بس ماترفع القضية ..
سمير ــ لها الدرجة يا أستاذ؟؟ ماتوقعنك بهالقسوة ..
ــ شسوي يا سمير .. في نوبة غضب ..
ليال ــ زين من محاميك؟؟
ــ أنا محامي نفسي ..
ليال ــ انت موكلني أنا فاسمحلي أنا بحامي عنك ..
ــ لا ..ماله داعي ..بس رتبي أموري في المكتب وايد عليج ..
ليال ــ أستاذ ..لك جميل علي ..وأنا مصممة أرد هالجميل ..
ـــ جميل ولا قبيح ..هالقضية ماغيري بيقوم فيها ..لاني أنا الشخص الوحيد المعني فيها ..تعال سمير اليوم مقابلتي مع فهد ..
وحاولت أشغلهم عن قضيتي وتكلمت في أمور المكتب .لكن نظرات ليال وعيونها المغرقة بالدموع ..ماقدرت أسلم منها ..
ليال ـــ يبنا لك فطور وغدا ...
ــ ماكان له داعي ..
ليال ــ لا ..أكيد الأكل هنا مب شي ..
ــ الحمدالله كله خير ونعمه ..
انتهت الزيارة ..
دخل بوناصر ــ خلصتوا؟؟
ــ اييه كنت أوصيهم على المكتب .
بوناصر ــ شوف يوسف أنا بأجل القضية شوي وما بحولها للنيابه .. بنطر وأشوف يمكن اللي رفعوا القضية يتنازلون ..عاد وصي الاهل يحاولون لانه لو استلمتها النيابه كل شي بينتهي ...
ـــ والله يا بوناصر ما عرف شلون أشكرك ..كل اللي تسويه ..
قاطعني ــ لا تنسى يا يوسف أني أنا نفسي ممنون لك ..وأنت متردني أبد في شي ...وياما ساعدتني ..فلا تتكلم ولاتقول ..ولاتتشكر ..هذا واجبك وأقل من واجبك ..
سكت ..وماقلت شي...رجعت للحجز ..وأنا أفكر في آخرة هالعنا ..أنا قانونيا مذنب ..وشهادة الطبيب أكبر دليل ..اذا قلت كل اللي صار ..بيتأذون وايد ..وأولهم عيال أخوي وأهلي ..خليني كاتم في قلبي ..وأشوف النهاية ايش بتكون ..
اليوم الثالث في التوقيف ..
مازارني أحد ..بس وصلني أكل وأغراض ..وينك ياجاسم ؟؟ وينك يا محمد؟؟ ولا منصور أخوي وينك.؟
اعتزلت عن الكل حتى علي مر فيني حاول يخفف عني ..بس للأسف ماقدر يطلعني من الهم اللي أنا فيه ..
تمام ــ ماحولوك للنيابه للحين؟؟ أنا بكره بيحولوني ..
ــ ماتنازل ولد عمك؟
تمام ــ لا ماتنازل ..صج كلب كان لازم أكسر عظامه ..
ـــ ليش انت ضربته ؟؟
تمام ــ التيس خرب سيارتي أعطيتها له سلف يوم واحد رجعت مكسرة كأني شاريها من الحراج مب جديد مطلعها ..
ــ ليش الحراج للسيارات؟
تمام ــ قصدت المعنى المجازي ..أنها كأنها مستعمله..أنت ماقلت لي يا يوسف .. ايش تشتغل؟
ــ حاليا عاطل ..
ماعلق تمام ..وأنا سكت ..ونمت .. ..ما أبي أفكر في بكره ايش بيصير ..

ــ يوسف ..قوم افراج ..
التفت لعلي ..وأنا توني صاحي من النوم ماميزت وين أنا ..
علي ــ يوسف ..
قمت ــ شفي؟؟
علي ـــ خلاص صاحبة القضية تنازلت ..قوم يلا ..شيل قشك ..
للحين مب مستوعب اللي صار ..جواهر تنازلت؟؟
شلت الكيس اللي فيه أغراضي ..وقمت ورى علي ..
كان جاسم هو اللي ناطرني بعد ماكتبت تعهد خطي بأني مابتعرض لجواهر ..
ــ شاللي خلاها تتنازل؟

 

[طوق البنفسج]

مشاركة: اعترافات رجل يكره يحب يعشق يبغض النساء ..

جاسم ــ الناس تقول السلام عليكم ولا صباح الخير بالأول ..شوف شكلك ..ماحلقت لحيتك ليش؟؟
ــ خلنا من هالسوالف ..شاللي خلاها تتنازل ..
جاسم ــ الكل تموا يقنعون فيها لين أمس في الليل ..والصبح قالت لي منال أروح أييبك ..اييه ..في خبر ثاني ..
ــ شالخبر؟؟
جاسم ــ رغد ..
ــ شفيها؟؟
جاسم ــ ربت ..ويابت ولد ..
ــ شلون؟؟ تو الناس ؟؟؟؟ توها في السابع ..
جاسم ــ الولد الحين في الحاضنه ..أهم شي صحتها ..ومبروك ..
ــ شاللي خلاها تربي في هالسرعه ؟؟باقي لها شهرين؟
جاسم ـــ ولد السبع يعيش ..لاتخاف ..
ــ خذني لها ..
جاسم ــ بتروح وأنت بهالشكل؟؟
ــ أنا ماني مطمن ..روح لها ..
استسلم جاسم للأمر الواقع ..وأول شي مرتي بالياهل ...كانت صدمة عنيفه لي ..كان نتفه ..صغير جدا ...
وبعدين رحت لرغد ..
الممرضة ــ ممنوع الدخول ..وأرجوكم ماتخالفوش التعليمات كافي أنها خالفت والحمدالله قدرنا نلحقها والبيبي ..
ــ زوجتي أبي أشوفها ..
الممرضة ــ تعبانه جدا ..أنا طردت الستات من هنا .علشان راحتها ..مافيش دخول ..
مافهمت ليش الممرضة تكلمت جذي ..بس طلعت من عندها وطلبت من جاسم أنه يوصلني المكتب ..
جاسم ــ يوسف ..شوف شلون صحتك ..ويههك شاحب رد البيت تسبح وحلق اللحية ..
ـــ جاسم ..ماتبي توصلني التكسيات في كل مكان.
جاسم ــ بوصلك وأمري لله ..
ــ وبعدين ترجع بيتكم ..
جاسم ــ ليش؟؟
ــ بداوم في مكتبي ليش بعد؟؟

طبعا كنت بقابل ليال آخذ منها الملخص لكل اللي صار ..جاسم ماكان حاضر ..فماعرف ..وأنا أحس أنه شي جايد صاير ..منال ..ما أوثق فيها لانها بعض الاحيان تتكتم ..ومريم ماتتدخل ..
ــ مع السلامة ..
جاسم ــ مابتضيفني ؟؟
ــ روح لزوجتك تضيفيك ..
جاسم ــ طرده عيني عينك ..
ـ مع السلامة ..أشوفك العصر ..
جاسم ــ هذا اذا عشت الحين اختك بتذبحني..
ــ ريال طول وعرض مو قادر على منول العصقول؟
جاسم ــ ماتعرف اختك الظاهر مع السلامة ..
ــمع السلامة .
على طول لمكتب ..ومثل ماتوقعت كانت ليال وسمير في المكتب ..
ليال ــ حمدالله على السلامة استاذ ..
سمير ــ الحمدالله على السلامة .
ـــ الله يسلمكم ليال ..أبيج ...تعالي المكتب ..
ليال ــ حاضر استاذ..
دخلت على طول وجلست على مكتبي ..
ليال ــ ماكان لازم تيي هني على طول ..كان لازم تروح المكتب .ومبروك المولود الجديد ..
ــ الله يارك فيج ..ليال ..أبي تقرير شامل عن اللي صار ..
ارتبكت ليال ..
ــ أعرف أنج تعرفين ..قولي..شصار بالضبط ..
ليال ــ ماكنت بنكر ..وماكنت بقول ..
ـــ ليال ..اذا صدق تعزيني قول اللي صار ..
ليال ــ ماحبذ انك تسمع مني ..أنت بتعرف بتعرف ..اليوم ولا بكره ..
ــ ليال ...تكلمي أرجوج ..
ليال ترددت شوي ..لكن نظرة الصرامة اللي في عيوني خلتها تتكلم ..
ليال ــ ....بقول ..جواهر كانت رافضه ..رحت لها أنا ومنال ,,ورفضت تتنازل واعتبرتك أهنت كرامته ..وطردتنا بره ..منال دخلت عندها للمرة الثانية ..ولكنها اطردتها ..
ــ عيل شلون اقتنعت؟؟
ليال ــ عن طريق رغد ..
ـــ رغد ؟؟
ليال ــ اييه ..رغد يات من مستشفى النساء للطواري مشي ..وطلبت منا انها تدخل لجواهر بروح ..وطلعت من عندها لكنها ماقدرت توصل لين آخر الممر فطاحت ..فاضطروا يولدونها قيصيري علشان حياتها ..
ــ رغد؟؟
ليال ــ وبعدها بساعه جواهر طلبت الضابط علشان تتنازل عن القضية ..هذا كل اللي صار ..وما أعرف شي زياده ..
ازدادت حيرتي أكثر من أول ..وانقهرت أكثر ..والحين من وين أعرف شاللي صار بين رغد وجواهر؟؟
حسيت بغضب شديد ..لايكون رغد ذلت نفسها قدام جواهر؟
ليال ــ يوسف ...يوسف وين سرحت؟؟
ـــ أنا بروح البيت ..ليال المكتب في رقبتج هاليومين ..أنا برتاح ..
ليال ــ الاحسن أنك ترتاح ..
****************************

رجعت البيت ولقيت سعد ناطر عند الباب ..
سعد ــ تعال يا يوسف ..
ــ خير يا ريال ..
سعد ــ أبيك تخاويني...أبي أسافر البحرين اليوم ..ومحتاج لشورك ..
طبعا سعد مايعرف باللي مريت فيه ولايعرف أني مانمت عدل من يومين ...ولا أكلت عدل ..
ــ متى السفر ؟؟
سعد ـ الليله ...
ــ تعال بيتي ..تراه فاضي ارتاح شوي وكل لقمة ..وبعدين بنسافر ..
المفروض أرفض .. لان رغد في المستشفى وعندي مكتب ..وواوات كثيرة ..بس حسيت أني بغير جو ..وأن سعد محتاجني .
سعد ــ البيت مثل ماهو من عشرين سنه...
ــ سويت له ترميمات ..وعدلته شوي ..أنت تدل غرفة الضيوف وين ..
سعد من كان صغير وحنا ربع .بس مب كثر راشد ..
دخل البيت ..صعدت لغرفتي بعد مادليت سعد لغرفة الضيوف وقلت له ان البيت بيته ..

*****************************

 

[طوق البنفسج]

مشاركة: اعترافات رجل يكره يحب يعشق يبغض النساء ..

بعد وجبة دسمة ..من صنع الخدامة ..
ـــ خلينا نسافر الحين ..
سعد ــ بسيارة ..تبينا ننطبخ في الحر ..
ــ اييه .. أبي ننطبخ في الحر .
سعد ..أنا جاهز ..وأنت؟؟
ــ حطيت لي كم ثوب في الشنطه ..يلا سرينا ..
وأول ماقمت أنا وسعد دخلت مها تركض للبيت ,...
ــ عمي عمي الحق شيخه طاحت غشيانه ..
ــ وين هي الحين؟؟
مها ــ عمي في السياره بره ..كنا يايين نبارك لك وفي الطريق اغمى عليها ..
أنقذنا في هالحالة وجود سعد ..الدكتور ..اللي لحسن الحظ كان شايل معاه شنطته الطبية .. شنا شيخه لداخل البيت ..وقام سعد بشغله وسط دموع مها ..
ــ انخفاض شديد في ضغط الدم ..خلي ننقلها الحن للمستشفى ..
وبسيارة سعد نقلناها للمستشفى ..وبعد ثلاث ساعات اطلعت من المستشفى ..
سعد ــ كان وجودي صدفة غريبه ..
ــ اي والله ..الحمدالله .. مها ..
خذت مها على جنب ــ هاليومين روحوا لبيت محمد ,,لين أرجع من السفر ..
مها ــ بس عمي ..
ــ لاتبسبسين .. خلي مريم تعابلكم لين أيي ..
مها ــ وين بتسافر عمي؟؟
ــ بسافر وأرجع خلال ايام ..يالله ..هذا محمد وصل ..
محمد وصل ..بس ماحط عينه في عيني وأنا تحاشيت أسلم عليه ..
ــ يلا سعد ..
سعد ــ يلا ...
وسافرنا البحرين ..والسفر كان لأغراض صحيه ..وكان عم سعد مريض جدا وسعد اضطر يراعيه طول الوقت ..وكان صدق محتاج لي ..وساعدته ..
ــ ليش عمك عايش بروحه؟؟
سعد ــ تدري ..شكلي بغير فكرة عن العزوبيه ..هذا عمي أشهر عازب في البحرين ..توه دخل السبع وثمانين سنه ..وهو مكسر ولاله ولد ولا حرمه تقابله ...ما أبي أنتهي هالنهاية ..وحيد .
كلام سعد صحيح مافي أسوأ من الوحده وخصوصا والواحد يحتاج لرعاية أو مسن ..
ــ بنآخذه معانا للدوحه؟
سعد ــ ياريت ..بس من بيجابله ويقوم عليه؟؟ بعدين هنا له معاش تقاعدي يمشون له ..
ـــ وين بتوديه عيل؟؟
سعد ــ مافي غير دار العجزة ..
ــ دار العجزة؟؟
سعد ــ لاتنظر للأمر من الناحيه السلبيه ..بل من الناحيه الايجابيه ..في دكاتره ..يوصفون له الاكل الصحي ..في ناس من عمره يستانس معاهم ...على الاقل لاصارت فيه وعكه ولا شي الدكتور مب بعيد ..
ــ لاء ..دار العجزة مكان سيء ..
سعد ــ لو كان أبوي والله ماحطيته في هالمكان ..بس عمي لاله عيال يراعونه ولاحرمه تقوم على طلباته ...وأنا الحين برجع بيت أهلي ..لأن أبوي بدا يتعب ..
ــ خذه معاك ..
سعد ــ ياريت بس ياريت ماتفتح بيت ..
ـــ الريال بترميه في دار العجزه حرام عليك ..
سعد ــ لاء ..حرام عليه هو ..لو أنه متزوج ماانتهى بهالطريقه.
كلام سعد فيه من المنطق شوي..
السفر طول بدل اليومين ..مر أسبوع ...ومر الاسبوع الثاني ..لين تأكد سعد ان عمه صحته رجعت ممتازة ..قررنا السفر ..مابتكلم عن اصرار سعد اني أسافر وأرجع لاهلي ..بس قلت له انه مافي شي يستاهل ..وأن شغلي موقفه حتى اشعار آخر ..خلال هالاسبوعين ماتصلت في حد ...
وصلني البيت ..وراح ..مارضى ينزل يرتاح ..
دخلت البيت ..شميت ريحه من ثلاث أشهر ماشميتها ..ريحة البخور ..والبيت نظيف ..بطريقه افتقدتها ..واللمسات الحلوة الورد ..واللوحات ..
دخلت الصالة وكانت رغد سرحانه ..ويالسه في مكان معطتني ظهرها ..
ــ رغد؟؟
نطت من مكانها ..وخلال لحظات سلمت عليها .. ويلست جنبي ودموعها في عيونها ..
ـــ شفيج ؟؟
رغد ـ كل يوم كنت أنطرك ....شلون قدرت تغيب وماتقول لنا وين مكانك؟؟ خفت عليك وايد ..
ـــ سافرت مع سعد ..بعد اللي صار ماتحملت ..وكنت محتاج تغيير جو ..
رغد ــ الحمدالله على السلامة ..
ــ الله يسلمج ..شلون صحتج وصحة عبدالرحمن؟؟
رغد ــ الحمدالله ..وعبدالرحمن في الحاضنه .مابيطلعونه لين يصير وزنه ثلاث كيلو على الاقل ..
ــ وليش كم وزنه الحين؟؟
رغد ــ ثنين كيلو ..
ـــ مشتاق أشوفه ..خل نمره اليوم ..
صبت لي قلاس عصير وقدمته لي ..

 

[طوق البنفسج]

مشاركة: اعترافات رجل يكره يحب يعشق يبغض النساء ..

رغد ــ ارتاح توك ياي من السفر .. أحط لك شي تآكله؟؟
ــ لاء ..أنا وسعد من قبل ساعه مرينا مطعم وكلينا ... ليش ييتي هنا بروحج؟؟
رغد ــ أنا مب بروحي ..مها وشيخه معاي ..
ـــ بنات فالح؟؟
رغد ــ اييه ...انحرجوا من مريم ومحمد خصوصا ان بيتهم صغير ..فيوا هنا ...البيت عود ماشاءالله وأنا ماكنت أبي أروح بيت أهلي ..
ــ ليش ؟
رغد ــ ما حبيت ..ما أكذب عليك ان قلت لك أكره بيت أهلي .
ــ لاحظت هالشي ..ليش؟؟
رغد ــ لاتسألني ..أكره وبس..
ــ شلون ثلاث حريم في بيت بروحكم ؟؟
رغد ــ طلال وابراهيم موجودين ..بس في قسم الضيوف ..
استغربت ..وبيت فالح؟؟
ـــ للحين جواهر في المستشفى ؟؟
اسكتت رغد ..وماتكلمت ..
ــ شفيج؟؟
رغد ــ قوم ارتاح الحين يوسف ...وبعدين بخبرك كل شي ..
حسيت بشي مب طبيعي في رغد ..في شي خاشته عني ..بس أنا كنت تعبان صحيح ..فقمت ونمت في غرفتي وصكرت رغد الباب علشان ماتزعجني,,..
ونزلت تحت ..طالعت الساعه كانت عشر الصبح ..غمضت عيوني ..استسلمت لنوم عميق ....
*************************
فتحت عيوني على ربشه حولي ..
ــ حمدالله على السلامة يا عمي ..
ـ الله يسلمج يا شيوخ ..شلون ضغطج؟؟
مها ــ حمدالله على السلامة ياعمي ..لاتخاف زي الحمار ..مافيها شي ..
شيخه ــ حمار ريلج..
مها ــ جب ..ما تتكلمين عن بدر جي والا آخر يوم في عمرج ..
ــ ممكن تسوون لي احترام وتفكوني من نجرتكم؟؟
مها ــ عمي ليش نمت هنا ؟؟
ـــ أنا ارتاح أنام هنا ..ما أحب الغرفة الثانية ..اذا بغيت أرتاح أنام هنا ..
شيخه ــ عاد أنا كنت أنام هنا ياعمي ..وانصدمت لما دخلت وشفتك ..
ـــ ماقالت لكم رغد؟؟
مها ــ ماقالت أصلا ماشفناها من رجعنا ..
ــ وين كنتوا؟؟
مها ــ كنا في بيت عمتي منال .. تغدينا هناك واستانسنا لين يا عمي جاسم فاستأذنا ..
ـ هذا حماج ..مب عمج ..
مها ــ في حكم عمي ..ها عمي ..شيبت صوغه لنا؟؟
ـــ مايبت شي ..مافضيت وما آخذت معاي مبلغ يحرز ..
شيخه ــ أسبوعين مسافر ومافضيت تيب لنا صوغه؟
ــ سافرت البحرين ..
دخلت رغد الغرفة ..
ــ آسفة ماقلت لهم أنك ييت ..أكيد= أزعجوك ..
مها ــ رغد ..ما أزعجناه ..
طالعت الساعه كانت خمس ونص ..
ــ بللللللللللللللللللل نمت كل هالوقت؟؟
مها ــ اي يا اونكل ..
ــ أنا أحس بنشاط الحين خلينا نمر نشوف عبدالرحمن ..
مها وشيخة = من عبدالرحمن؟
رغد ــ اللي سميتوه كيووت ..
مها ــ واو ..بتسمونه عبدالرحمن؟؟
رغد ـــ اييه يوسف اختار الاسم ..
شيخة ــ عمي مب لايق لك نناديك بوعبدالرحمن ..
ــ لايق لج انتي .
ضحكت مها ....
مها ــ بس تدري ياعمي ..عبدالرحمن شكله وايد كيووووووووت ..يهبل ماشاءالله عليه ..
رغد ــ للحين الولد جلد على عظم ..والله من أشوف بنت منال ماشاءالله عليها .. وأرجع أشوف عبدالرحمن أنصدم الولد نتفه ..
شيخة ــ بنت عمتي منال عمرها ثلاث شهور ..والولد حرام صغيير عمره اسبوعين بس ..
تذكرت ان منال ولدت وأني مامريتها إلا في المستشفى .. ..وماشفتها إلا يوم الحادث اللي صار بيني وبين جواهر ..
ــ ماشفت بنتها ...أكيد بتشره علي ...عاد البنت حلوة ..؟؟
مها ــ ماشي حالها ياعمي تتزوج ...
متنا أنا ورغد وشيخه من الضحك على مها ..
رغد ــ لا والله البنت حلوة فيها من روان شوي..
ــ شسمتها منال؟؟؟
شيخه ــ سمتها عذبة ...
مها ــ اي هي و جاسم متفقين يترسون البيت بنات ..ويسمونهم بالدور ..الطفلة الاولى جاسم سماها ..والطفلة الثانية منال ..
ــ اسم المرحومة امي ..
شيخة ــ عمي ..حنا أنا ومها بنروح غرفة عمتي منال سابقا ..ونخليك مع رغد ..
اشردوا قبل لا أهاوشهم ..
ــ قليلات أدب ..هالجيل مايستحي على ويهه ..صغار ويتكلمون جي ..
رغد ــ مها اكبرت والحين جامعه .. وشيوخ ثانوية ..
ــ صج اكبروا ..
رغد ــ لازم تمر منال ..وتآخذ لها هدية أنت مارحت لها لما اطلعت من المستشفى ....
ــ كنت مشغول ..ونسيت ..كنت أمرج وأرجع البيت بس أنام .
رغد ــ أختك بتعذرك ..
ــ المهم ..قولي لي ..كل شي ..
رغد ــ كل شي؟؟
ــ من رحتي لجواهر في المستشفى ...أبي أعرف شلون تنازلت عن القضية ..
رغد ــ يوسف أنا ماكلمت من هذاك اليوم ..بس جواهر اطلعت أصيلة ولما شافتني ييت لعندها وأنا في قمة تعبي ..اطلبت مني أرجع وهي بتتنازل .
ــ ما أصدق ..
رغد ــ هذا اللي صار ..طبعا أخذنا الكلام ..وقلت لها اني اعرف انك تحبها وانها تحبك ..والظروف فرقت بينكم ..ومن هالكلام ....
ماصدقت كلام رغد ..ما أعرف ليش .. بس ساورتني الشكوك ..وسكت ..
ــ والحين هي وين؟؟
رغد ــ جواهر سافرت السعودية لبيت أمها ..بتظل هناك ..وبعد العدة ماتخلص بتتزوج من ابن زوج امها ..
ــ شلللللللللللللللللللللللللللللون؟؟؟
انتفضت ..وانقهرت ..
رغد ــ ابن زوج امها ترمل من فترة ..وعنده اطفال صغار جدا ..اللي قالته لي منال ..انه عيال فالح كبروا ماعادوا يحتاجونها ..ومستحيل بعد اللي صار تبقى هنا ..مستحيل ..

عصبت وانقهرت .. ...شون تسوي جي بكل برود أعصاب؟؟
بس بعد فتره ..اقتنعت ..صحيح ..هي مالها عيشه بينا ..دام أنا موجود ..مستحيل تتهنى ..وعيال فالح كبروا ماشاءالله وصاروا رياييل ..
رغد ــ عاد أنا قلت للبنات وللعيال ييون هنا ..البيت بيت عمهم ..وتحت أمرهم ..
ــ زين ماسويتي ...
تركتني رغد بعد ماحست اني محتاج أكون بروحي ..جلست على سريري ...وتمددت ..واستسلمت لأفكاري ..
واتخذت قرار أن عيال أخوي بيعيشون عندي لين يشتد عودهم ..ولين البنات تتزوج ..الاولاد أنا عندي قسم الضيوف شقة بروح لها بابها .فيها مطبخ تحضيري ...والاولاد بتكون لهم هالشقة علشان ماينحرجون من رغد .. والبنات لهم حجرة منال ..
****************

 

[طوق البنفسج]

مشاركة: اعترافات رجل يكره يحب يعشق يبغض النساء ..

أخيرا غزتني مشاعر الأبوه ...لما فت عبدالرحمن شلون نايم في الحاضنه ..كان ودي أضمه حيل لصدري ..
رغد ــ يالله أحاتي اليوم اللي يطع فيه ..
ــ كبر وايد ..كان صغيير نتفه يوم شفته ..
رغد ــ ولد السبع شهور ..أكيد بيكون نتفه .بس احمدالله ..بدا يكبر شوي ..شكلك يضحك بهالرداء اللي تلبسه ..
ــ قصيير وايد ..أكيد شكلي بيضحك يعني لازم ألبس هالرداء وهالكبووس؟؟
رغد ــ الاطفال هنا مناعتهم ضعيفه والزم مايتعرضون لاي جراثيم ..وهذا أنا لابسه مثلك ..
ــ أمانه تقارنين شكلج بشكلي؟؟ كأني أهبل ..كأني ناصر درويش ..
ضحكت رغد ..وضحكت معاها ..طالعت لنا الممرضات معصبات ...ــ شششششششششششششش..
طلعنا أنا ورغد ومرينا اللاند نشتري هدايا لبنت منال ..
*********************
ــ جرام هالخالية من ملامح الجمال تشيل اسم امي..
منال ــ بنتي حلوة يايوسف ..بس انطر عليها شوي..
جاسم ــ يوسف ..لاتغلط على بنتي..
ـــ مب حلوة ..
منال ــ تهبل ماشاءالله عليها ..
ــ مقيوله القرد في عين أمه غزال ..
منال ـ يعني ولدك الحلو؟؟ مب قاصر ..يلوع الجبد ..
ماعلقت رغد واكتفت بابتسامة ..
ــ وييه يا عبدالرحمن ..متى يي الوقت الي أشلك فيه وأحر عمتك ..أنك أحلى من بناتها ..
منال ــ عاد ولدك عبدالرحمن وبنتي عذبه بيكررون قصة أمي وأبوي .
ــ اشش ...هذا اللي ناقص ..أنا بزوج ابني أحلى الحلوات ..مب هالقبيحة ..
منال ـ ولدك القبيح ..كل هالجمال وتقول قبيحه؟؟
جاسم ــ أصلا أنا مابزوج بنتي إلا أحسن الرياييل ..ولد عز وشيوخ ...مب ابنك الكحيان ..
ــ ابني بيطلع شاطر مثل أبوه ..مب كحيان مثل زوج عمته ..
جاسم ــ أصلا يتمنى يتمنى يصير مثل زوج عمته ..
ــ ماباقي إلا أنت ...يلا روح مناك انت وبناتك القبيحات ..
منال ـ كل هالحلاة وقبيحات؟؟ صج صج ماعندك ذووووووق ...هالحلاة وهالعسل والشهد ..تعالي يمه روان ..تعالي أضمج ..مممممموااااااااااه ...شوف بس البوسه ترد الروح ..ماتشبع منها ..
واستلم جاسم بنته الثانية واشتغلوا غزل في بناتهم ..
******************************
ـــ السلام عليكم ..
ليال ــ وعليكم السلام ..حمدالله على السلامة ..
ــ الله يسلمج وين سمير؟؟
ليال ــ ما أدري من يا ابن عمه البلاد وصار يغط ومانشوفه وايد ..
ــ اييه ..
ليال ــ متى ييت من السفر؟؟
ــ أمس الصبح ..
ليال ــ تشرب جاي؟؟
ــ لا؟؟؟ييت أشوف الشغل وبكره بداوم ..اليوم مافيني ..
ليال ـ زيين ..أستاذ لك رساله ..في درجك الخصوصي..
ـــ من مين؟؟
ليال ــ ماعندي فكره ..
ــ اوكي..
دخلت لمكتبي .. ..ليال ..ماحطت عيونها في عيوني من أول ماييت ..تتحاشى تطالع لي ...
فتح المظروف ...

(( بسم الله الرحمن الرحيم...

يوسف ....


لاتظن أني سامحتك لسواد عيونك ..أنا ماسامحتك إلا لما اتنزلت رغد وباست يديني ..وترجتني أني ما أرفع قضية عليك ..وإلا اللي سويته فيني مسستحيل أنساه ...أكرهك وكل حب في قلبي لك اختفى ..ما أثرت فيني توسلاتها أني ما أحطم مستقبلك ..كنت أحس أنه شوي فيك بعد اللي سويته فيني..للأسف ..ماقدرت أنتقم منك ..حرام فيك خمس طعش سنه حب ياللي هان عليك ذبحي ...

جواهر ..))

طبعا ..محد يقدر يفهم الحالة اللي أنا فيها الحين ...وصلت لحالة الانهيار ..انقهرت ...جواهر كانت تبيني أنذل وأعرف باللي صار ..اللي خبته عني رغد ..وصلت لمرادج يا جواهر ..وصلت لمرادج ..وخليتيني أنقهر ... قطعت الرسالة بيديني وأحرقتها ..وأحرقت انسانه حقيرة اسمها جواهر ادخلت حياتي ودمرتني ..حسافه فيج انتي ...

بس من ناحية ثانية ..اكتشفت انسانة مميزة ..اكتشفت الاخلاص ..وأنا من عشاق الاخلاص ..اكتشفت أني ورغد تساوينا...رغد أنقذنتي وأنا أنقذتها ....تساوينا ..كبرتي في عيوني يارغد أأكثر ...

قاطعت خلوتي دخول ليال للمكتب ..
ليال ــ ييت أسلمك المفتاح النسخة اللي عندي للمكتب ..
ـــ ليش؟
ليال ــ خلاص أنا انقبلت في وظيفة حكومية ..وخلاص .
ـــ يعني ما بتكملين وتصيرين محامية؟؟
ليال ــ هدفي وحققته ..وبعدين ..

اسكتت شوي ..
ــ شفيج يا ليال ..
ليال ــ سالم تقدم لخطبتي ..
سكتت ..
نظرات ليال كانت ناطرة مني اجابه ..استنكار ...اعتراض ...بس للأسف خيبت ظنها ..
ليال ــ والظاهر اني بوافق ..
ـــ مبروك ..مقدما ..
كانت النظرة اللي في عيونها قاتله ..ادمعت عيونها ..
ــ ليال أتمنى لج السعاده .. وأنا ممنون لمساعداتج ..واذا احتجي أي شي ..أنا موجود ..
ورجعت للأوراق اللي قدامي ...
ليال ــ للأسف ..
وحذفت شريط على المكتب ...
ليال ــ مع السلامة ..
طالعت الشريط وأنا مستغرب .. من موقفي ..قلبي يحبج يا ليال ..بس أنا متأكد أني ما بسعدج .. مسكت الشريط وركبت السيارة بعد ماقفلت المكتب ..هذا وداع بيني وبينج ياليال ..موفقة ..
حطيت الشريط ..وكانت أغنية ماعرفت من صاحبتها ..

(( قلي أنا كيف أنا بهواك أنت؟؟
كيف بدي كون مغرومة فيك انت ..
عم بتغيب ناسي الغرام ناسي ..
وخسارة فيك غرامي ياقاسي ...

أبـــــــــــــدا ...
مش ممكن أنا أحبك ...وأنت بقسوة قلبك مش تارك عندي حنان ولابقدر فكر فيك ..
تبعد بتجافيني ..ترجع بتراضيني ..أنا عمري بقربك ضاع وكأنه مابيعنيك ...
أبدا مابعيش ..أبدا مابريد ..
بقربك ولا يوم رويت الروح منك ..
بعدك ولا يوم سألني الشوق عنك ..
قلبي تعبان دايما مشغول بالي ..
لو راح أهواك أنا بدي لوم حالي ..

أبـــــــــــــدا ...
مش ممكن أنا أحبك ...وأنت بقسوة قلبك مش تارك عندي حنان ولابقدر فكر فيك ..
تبعد بتجافيني ..ترجع بتراضيني ..أنا عمري بقربك ضاع وكأنه مابيعنيك ..)))


انتهت الاغنية ..اللي اتضح لي بعدين أنها للورا خليل ..كان تصريح قاتل من ليال ...ليال ..في حياتي كلها مابنسى نظرتج في اللحظة اللي باركت فيها لج ..كأني خيبت ظنج ..موفقة ..مع سالم ...موفقة ...
حطيت شريط أبو عبده ...
((مذهلة ماهي بس قصة حسن ...رغم أن الحسن فيها بحد ذاته مشكله ..
مذهلة ..كل شي فيها طبيعي ومو طبيعي أجمل من الأخيله ..
طيبها قسوة جفاها ..ضحكها هيبة بكاها ..روحها حدة ذكاها ..تملأك بالأسئلة ..مذهلة مذهلة ...مذهلة ....
يابدايات المحبة ..يانهايات الوله ..
الحسن سبحان ربه ..ظالم وما أعذبه ...
أعذب من الامنيات ..عالم من الاغنيات يا أجمل الشعر البديع من آخره لين أوله ..
ليه عمري مالقى لبرده دفى إلا دفاك ..وليه أنا عيني تشوف وماتشوف إال بهاك ..
يا أجمل من الأخيله .هذا جواب الأسئلة ..كي تكوني في عيوني ..ومن حنيني ..وبس فيني ومو بدوني مذهله ....))

*********************************

مها ــ عمي متى نرجع بيتنا ؟
ــ أي بيت؟؟
مها ـ بيت أبوي ؟؟
ــ مابترجعون ..بتعيشون هنا ..هذا البيت لكم مثل ماهو لي ...أبوكم المرحوم ما أخذ نصيبه من البيت ..
شيخه ــ بس عمي ..
ــ لا ..مافي بس ..العيال ..لاقسم اللي انتوا فيه ..لكم ..ومها لج غرفة عمتج منال ..وشيوخ لها غرفتي ..
طبعا كان الاستغراب الوحيد من رغد ...اللي التفتت لي وهي مستغربة ....
وأخيرا لما دخلنا الغرفة..
رغد ــ ليش عطيتها غرفتك؟؟ البيت واسع والغرف وايد ...
ــ لان غرفتي قريبه من غرفة منال ..وبعدين شتبيهم يقولون لما يشوفونا نايمين في قسمين مختلفين؟؟
رغد ـــ وأنت بتنقل للغرفة اللي جنب غرفتنا؟؟
ــ لاء ...هذي الغرفة بتكون لعبد الرحمن ..أنا بانتقل لغرفتنا أنا وأنتي ..
رغد ــ بعد تاريخ 17 يناير اللي قرب؟؟
ابتسمت ...
ــ لاء من اليوم ..
رغد اسكتت ..وحسيت انها مكتئبة ...

مرت الايام وعيال فالح سووا حس في البيت وتأقلموا ..
كنت مسؤول عنهم ...ومنه تسديد دين الوصل لاخوي اللي قطعته بالجفا .. وجواهر محد فتح موضوعها مرة ثانية ,,
سعد تقدم لخطبة شيخة مع أهله ..مانقدر نرفضه ..بس أجلنا العرس لين بعد الثانوية على الاقل ..ومحد ناقش الفرق العمري بينهم لان شيخة كانت راضيه فيه...
وطلع عبدالرحمن من المستشفى ...اندمجت في دور الأبوة ..وكان من أروع المشاعر اللي يمكن تجتاح الانسان ..ليال ..ما شفتها من زمان ..بس وصلتني بطاقة عرسها ..اللي قررت أني ما أحضره ...
***********************
17-يناير 2004 ...

من الصبح لاحظت أن رغد مكتئبة ..
ــ شفيج ..
ـــ بتطلقني؟؟
أنا أعرف أنا رغد ماتبي الطلاق .. ولكنها تبي تحررني من هالارتباط ..
ــ العصر بنطلع ..و بقولج ..
**************
كان يوم مقلق بالنسبة لي ..
ركبت رغد السيارة ..وأنا أحس بتوترها ..خذيتها لمطعم هادي وفخم ...........
ـ شتآكلين؟؟
رغد ــ ماابي شي ..
مرت الدقايق علي سريعه ..لكن باين أنها بطيئة بالنسبة لرغد ..
ــ ليش تطفت الليتات؟
ــ علمي علمج يارغد ..
رغد ــ تلاقيه عيد ميلاد شخص ..أكيد هالحركة مايسوونها إلا لها السبب ...
دقايق ..وتشغلت اغنية ...كل عام وأنت حبيبي لشيرين وفضل شاكر ..
وقالب كيك شكبر عليه شمعه وحده ..هابي اننيفيرستي ..

طبعا ما بوصف اذهول اللي على ويهه رغد لما القالب انحط على طاولتنا ..
العمال باركوا وراحوا ..والأضواء صارت خافته ..ومع هذا لمحت دموع رغد ....
ـــ رغد ... كل عام وأنت بخيير ..
رغد ــ مابتطلقني؟؟
ــ لأ ...شلون أطلق الانسانه اللي أحبها؟؟
طبعا كانت نظرات رغد المذهولة ..أحلى مافي الحركة ..
رغد ـ أنت تحبني؟؟
ــ وأعشقج مووت ..يا أم عبدالرحمن ...يا أحلى زوجة في الكون ..
كانت مشاعري صادقة أخييرا ...اعترفت لها بحبي لها ..وماقلت لها اني اكتشفت اللي سوته علشاني ..رغد خاطرت بحياتها علشاني ...وأنقذت مستقبلي من الانسانة اللي عشقتها طول عمري ..ماتستاهل الاحترام والحب؟؟؟
كانت أروع ليلة مرت علي من زمن طويل ...والي خلاها بهالروعه اعتراف رغد ..انها حبتني من أول يوم معاي ...وأنها تمنت الموت ...ولا عذاب الحب اللي قاسته ..

انختم وسام حبها في قلبي للأبد ..
أغلى انسانه بإخلاصها ..رغد ...

انتهت اعترافاتي ..وكرهت النساء في جواهر ...وعشقتهم في ليال ...وحبيتهم في رغد ....

يوسف ...


انتهت ...
سهر ..6-10-2004
2:27ص...


اهداء إلى ....كل الغاليين والغاليات على قلبي .....أتمنى أنها تعجبكم ... سهر ..
ملاحظات ..
في شوية أخطاء املائية ..في خطأ بسيط في اغنية ليت ربي لمحمد عبده ...واللي يعرف الاخطاء لباقي يستر علي بلللللللليييز ...لاني كنت أكتبها بسرعه ..ويدوب أحطها ...

 

[طوق البنفسج]

مشاركة: اعترافات رجل يكره يحب يعشق يبغض النساء ..

تمت بحمد الله

 

[نااناا]

يعــطيـج العــــــــافيـه خـــيتـووو ^_^

قصـــه حـــلووهـ.. مـع أن فيهـــا أحــداث تـرفـع الضغـط ..

والأخطــاء مـو شـويـه واااجـــد ههههههههههههه

 

[***ريماس***]

واااااااااااااااااااو رهيبه القصه
ماتوقعت نهايتها جذي !!!
تسلم أناملج طوق البنفسج على
النقل

 

[الجودي]

عجيييييييييييبهههههههههههههههههههههه
بجيت و ظحكت عورت قلبي

 

[طوق البنفسج]

حياكم الله .. اهم ي انها اعجبتكم

 

[Viva La Vanilla]

القصة مشوقة جدا صارلي يومين اقراها
تسلم ايديج عالطباعة بس فعلا روعة و احداااااااااااااااث تشد

 

[مـ سهله ـو]

يسلموووووووووووو على القصه وايد حلوه الله يخليه لرغد وعبدالرحمن ويخليهم له