اعتبريني أختج ؟!

[النوري نور عيني]

اقنعي امج وتوكلي على الله وسوى عمليه ....

 

[عرموشة]

الله يوفقج ان شاء الله وتصيرين احلي بنت بدون عمليات

 

[Ya7aLaTY]

العمليه تساعدج واايد انج تخسرين الوزن وانشالله على صحه وعافيه

بس راجعي طبيب احسن

يسويلج الفحوصات اللازمه واهوا ينصحج بالعمليه الي تناسبج

 

[بنوته شي]

ياحياتي انتي والله ماأأيد العمليات الكبيره وخصوصا الشفط والشد ..انتي جربتي حبوب ردكتيل؟
اذا فيج فيج سوي تحويل مسار الظاهر اسمها .. في واحد اعرفه يقولون لوتشوفينه اللحين ماتعرفينه صار ضعيف واهو قبل وزنه اكبر من وزنج..
يارب بهاليوم الفضيل تضعف اختي بشاير وهي بصحه وعافيه وتفرحها بجسمها ياااارب..

ياحياتي جربتهم وبغيت اموت
جتني نفسية وعصبت حيل على كل شي
وبس اصرخ


والله يجزاج خير على دعائج لي
ويارب يحقق لها كل اللي في بالها

 

[بنوته شي]

مرحبا حبيبتى وانا بكون اختج انشاء الله
انا بكلمج عن تجربتى
كان وزنى 127 والحين وزنى 74
وسويت عمليه تحويل مسار وباقي لى شهر وكمل سنه من سويت العمليه
والحمدالله قمت البس كل اللى خاطرى فيه من السوق
من ناحيه كلام امج العمليات خطره هذاك اول كانت تجارب
لكن الحين الحمدالله رب العالمين دكاترتنا اكثرهم عندهم خبره وشاطرين بالعمليات
والدليل الناس طوابير على العمليات الجراحه بالمستشفيات الحكومه ودورج ما راح يكون الا بعد سنه
واذا قررتى شوفى لج دكتور له سمعته وخبرته بالعمليات
وتقومين بالاسلامه انشاء الله وتبشرينا وتكتبين يومياتج اهنى​

حياة زوجي ياقلبي
ممكن تقولين لي انتي وين سويتيها
باي مستشفى ( خاص او حكومي )

واذا حكومي شلون مراجعاتهم
لاني مااعرف طريقتهم كلش


وممكن اعرف اشمعنى سويتي تحويل مسار
ليش ما سويتي السليف مثلا

وبعدين صج يصير اكلج بعد عمليه تحويل المسار بصعوبه جدا
وتحتاجين كل شوي يسخنون لج الاكل لان بين كل لقمه ولقمه نص ساعه
على ماتقدرين تهضمين الاولى


وشلون على الفيتامينات لازم تاخذينهم لأخر العمر ؟


ومشكوره ادري أذيتج
بس صدقني بدعيلج من كل قلبي​

 

[زبدة ككاو]

حبيبتــي سويهــآ

مــآفيهــآ خــوف ، وأعتــقد إنهــآ موحــرآم

إقنعــي أمــج ، أو سويهــآ

الصــرآحه عشــآ صحتــج + عشــآن تــرتــآحين بحيــآتج

نصيحة سويهـــآ قلبي

 

[كلكجيه]

ماعندي فكره
بس صلي الاستخاره

 

[بنوته شي]

حطي حلقه دام الرجيم سنين مانفع بس اسئلي عن مضاعفاتها ويارب تضعفين بصحه وعافيه

هلا اختي غير كل الناس


اعتقد الحلقه ماتصلح لي

أنا سمنتي أكثر من 30 كيلو

والله يجزاك خير على دعائك يالغلا​

 

[بنوته شي]

روحى دكتور حسين دشتى شوفى شنويقولج

خوش دكتور

زهقت من الدكاتره

كلهم مريت عليهم يعطوني رجيم
وأنا أحب الأكل

اسوي رجيم بالكثير اربع ايام وبعدينا أفلها​

 

[بنوته شي]

والله ماعندي فكررره
اب
اب

مشكوره على رفعج للموضوع
يكفيني شعورج​

 

[بنوته شي]

بعد عمري والله شوفي حبيبتي انا بساعدج روحي مستشفى رويال حياة عند الدكتور سامي الصانع سعودي الجنسيه
وقعدي معاه وستشيريه صدقيني ماراح تندمين كلش انا ابي مصلحتج والله لأن اختي سوت عنده قص طولي للمعده وكاهي اسم الله عليها صارة ضعيييفه وحيل مستانسه الله يتمم عليها ويحفظها وبنات عمي سوو عملية تحويل مسار وهم طايرين من الفرحه بالنتيجه واعتقد قيمة العمليه 3,200
انتي روحي المستشفى ولازم تشوفين الدكتور عشان ترتاحين وتفهمين انتي شنو تحتاجين ونوع العمليه
وعلى فكره ترى العمليتين حيييل سهلين ومافي تعب كلش وربي يشهد انا شفت اختي وبنات عمي بعيوني لأن هذا الدكتور حييل فاهم

وربي حابة اساعدج من كل قلبي ماراح تتحسفين صدقيني
وعلى فكره اختي صار لها 4 اشهر من سوت العمليه نازله اكثر من 25 كيلو

ادعيلي يا قلبي انا باجر عملية خشمي
واذا تبين اي شي انا حاضره بوصي اختي تكلم لج الدكنور اذا تبين هم اقول لج ماراح تندميين :eh_s(15):

الله يوفقك يارب وتنجح عمليتج
وطمنيني عليج

وبالنسبة لأختج انا ابي نفس عمليتها ان شاء الله

جم سواها لها وشكثر خذت وقت على ماحدد لها موعد العمليه

وجم يوم ظلت بالمستشفى

وحست بألام بعدها او لأ
وشكثر قعدت تتألم​

 

[amwaj]

اخيتي بشووووووووره..
>>> مو قلتي اعتبريني اختج خلاص لازم ادلعج لوووول

شوفي وعن تجربه اقولج هالحجي..سوي هالعمليه وانتي مغمضـــــــــــــــه..وبلا رجيم بلا عوار راااااااس..

ميزة عمليات السمنه (السليف وتحوير المعده) انج ما تحاتين وزنج ولا تفكرين برجيم وغيره ..وزنج ينزل تلقائي تصرين ما تحبين تاكلين..ومو مهم عندج الاكل والاهم من كل هذا واحلى شي..انه الوزن الي رااااااااااااااااااااااح عمره ماراااااااح يرجع لانه ببساطه معدتج اصغرت وطريقة اكلج تغيرت..

نيي اللحين حق تجربتي واي عمليه تصلح لج..
شوفي انا سويت سليف عند دكتور باسل السميط..دكتوووووور جدا اخلاق وقمه في تعامل واهم شي انه امين ما يجذب عليج وهذا اكثر شي عجبني فيه + انه شغله برفكت وايد ممتاز انصحج فيه سوها لي بمستشفى السلام ..وكان تعب العمليه اسبوع وباجي كله سهالات..

وزني كان 104 صرت الحين 77 قولوا ما شاء الله
وما زال وزني بنزول بس طبعا مو مثل البدايه..قام يصير نزولي ابطء

بنسبه لج انا اشوف انه تغير المسار افضل لان نزولج فيه راح يكون اكثر..وانتي بعد استشيري الدكتور
الفرق بين العمليتين ان السليف نزولها اقل لكن ميزتها ما تاخذين فايتامينات طول عمرج وما يصير فيج رقعه اذا كليتي حلو..بس هم عيبها اذا كنتي تحبين الحلو الحلو ينزل بسهاله والعمليه ما تاثر عليه..وانا هذا الشي الي خرب علي ووقف وزني مع اني كان ممكن انزل اكثر
اما التحوير النزول فيها احسن بس عيبها الفيتامينات تظل معاج طول العمر حتى لو قطعتها فتره لازم تردين عليها ..والعيب الثاني الرقعه اذا كليتي حلو بزياده..وكلمة بزياده تحتها الف خط يعني مو الكميه القليله تسوي الرقعه لكن الشفاااااحه بالحلو اهي الي تسوي الرقعه وهذي ميزة وعيب عشان تخافين وما تاكلين..
هذا الفرق واي سؤال انا حاضره دزيلي بالخاص ..وانشاء الله اسمع عنج اخبار تسر ولا تحاتين لان العمليتين سهالات بس اهم شي استخيري وسوي الي يقولج عليه الدكتور والي انتي ترتاحين عليه
وسوري عل اطاله

 

[Glamour_85]

معاي وحده بالدوان سوت عمية تكميم المعده او السليف اسمها
ومشالله وااااااااااااايد اضعفت صارت نصها وسوتها عن الجارالله ب 3000 تقريبا
بس كنت تشتكي من عوار بمعدتها
والحلقه ترى فاااااااااشله وحده مسويتها ما اضعفت صار دبل وشالتها
وتحويل المساار مو شي لانه لازم تعيشين على فيتامينات طول حياتج
وجذي ولا جذيانا سامعه ان هالعمليااات خطره اساسا فمادري شوفي الدكتور لان كلام الناس وااااايد

 

[دنيا ورديه]

يا بعد قلبي رديت على اسئلتج بالخاص
شوفي الخاص عندج
:bye22:​

 

[نـــــورة]

الله ييسر امرك امرك

ويوفقك حبيبتي "استخيري فما خاب من استخار"

 

[كويتية أصيله]

توج صغيره ... أنصحج بالحلقه ... بس الراي الأصح عند الدكتور باسل السميط دكتور يخاف الله وسنع وأكيد راح ينصحج لحقي على روحج قبل لا يفوت الفوت وتضيع أحلى أيام عمرج وشبابج وتري الحلقه من مميزاتها إنج ماااا تضعفين بسرعه مثل تحويل المسار علشان جذيه ما تسبب لج ترهلات ومعاها هالله هالله بالرياضه ..

 

[بنت السلطان]

روحي دكتور يوسف بوعباس يسوي لج تحاليل وبرنامج كامل وانشاءالله تضعفين اذا صممتي

 

[بنوته شي]

تشوفين برنامج الرابح الاكبر وتشوفين اوزانهم شلوون وعقب البرنامج شلون ضعفوا وهم اجانب والطب متقدم عندهم ولا سووا عمليات
انتي موظفه يعني عندج راتب اشتركي في دايت سنتر مال الوجبات وسوي رياضه وامشي كل يوم لمده ساعه صحيح انه يبي له وقت
يمكن سنه تقريبا بس الافضل ان تنزلين وزنج في سنه بطريقه صحيه ويكون لجسم وقت زين للنزول
مو مثل العمليه اللي ينزل وزنج مرره وحده وهات ياترهل وهات يافيتامينات تاخذينهم طول العمر شاللي حادج
السالفه يبي لها ارااااااده التزمي وتشوفين النتيجه

والله ياخفوق كلامج مؤثر حيل
بس انا زهقت
أقولج من المراهقه وانا مسويه رجيم

والله مره وحده احرجتني قالت

بشاير متى الحلقة الأخيره من رجيميج هذا اللي مايخلص :eh_s(16):​

 

[بنوته شي]

وزنج كبير حيل وان سويتي العمليه بيطيح نص وزنج وتعالي رقعي الترهلات بتوصل للركبه وتعالي سوي شد وانتي توج بنت ماحملتي وماتقدرين تشدين اللحين نصحيتي لج ريجيم عند دكتور+رياضه +اعشاب+حبوب مساعده للتخسيس+كريمات+اشتراك نادي +رياضه والاهم من هذا كله ارااااااااااااااااااااااااااااااااااااااااااده
والله يقويني ويقويج بالصحه والعافيه يارب
انا ميته على هالعمليات للتخسيس بس يوم اقرا تجارب البنات عقب ماينزلون 25 و28 كيلو شلون يتوهقون بالجلد والترهلات والعمليات من جديد اقول لا ميخالف اتحمل شوي والله يرزقنا الاراده اللهم امين يارب ونضعف كلنا بصحه وعافيه

شرايج ؟

انا على اراجع بعمليتي وجذي قولي يبيلي شهر ويمكن أكثر:eh_s(16):

خلنا نسوي رجيم ونشجع بعض فيه

ونشوف النتيجه اذا مرضيه بكمل

وانسى موضوع العملية :eh_s(9):

انا مبلشه دايت اليوم

بس مشكلتي مااحب الرياضة​

 

[يارضاها وقف وناظر شوي]

الله يكتب لج الخير وين ماكان ..~