اقول ...الله يلوم اللي يلومه اعنبو داركم فجوا عن رياييلكم شوي اللحين تبي تفهمينا ان الريال من خذاك كل اسبوع يطلعك نزهه واااي الله يعينه المسكين بدا فيها اول ايام العرس عادي بس مو طول العمر كل اسبوع طلعه يعني 4 مرات بالشهر !!! لالالا يا اختي ترا كثر الضغط يولد الانفجار .الريال المفروض يشوف ربعه كل يوم ما يضل طول الاسبوع بتعب الدوام والجمعه زواره والسبت ناقزتله ودني طلعني وما قصر المسكين قال ميخالف اخلص منهم بعدين اوديك المغرب وهم مو عاجبك !!!!!!!! عل الاقل كل ثلاث اسابيع طلعي معاه مو كل اسبوع كل اسبوع كل اسبوع كانج هالغريبات ما يطلعون الا مع رياييلهم .روحي مع خواتك مع صديقاتك اسبوع طوفي وقعدي في البيت بعدين طلعي معاه عقب بطى حتى الطلعه عقب بطى مع الريل يصيرلها طعم .اما مسالة انك تضغطين عليه عشان يطلعك وهذا من باب انك ما تبينه يلعب بذيله بالعكس راح تكون النتيجه عكسيه ويبدا يمل منك ويمل من الطلعه معاك .وانتوا يالحريم اللي مستغربين من تصرف زوجها واطبلولها ليش اثاريكم جذيه يالحريم اشوف اغلبية حريم المنتدى يشتكون من غباب ازواجهم بلا والله من الخنقه اللي خنقتوهم فيها الوحده منكم من تزوج استغفرالله جنها ملكت الريل والود ودها انها تربطه بحبال .خلي الريال يتنفس خليه يعيش طبيعي هذيلا ربعه يعرفهم قبل لا يعرفج بعدين شكلك متزوجه مو من فتره كبيره بدليل انه يساحلج ويترجاج وشكله صغير بعد باكر ترى مع الايام بيروح لربعه كل يوم ما درى عنك فخليك واقعيه احسنلك يقول المثل قليل مستمر ولا كثير منقطع
حبيبتي .. انا صارلي متزوجه 5 سنين الحمدلله .. واهو كان معوديني على هالطلعه ..
وهاليوم بالضبط .. بس عشان ربعه قلت ميخالف .. بس انا مو اللي مخوفني غير رفيجه ..
واشوفه حييل متعلق فيه .. ولا ليش لما يدق عليه وانا يمه مايرد !!مايخليني اشششك !!
واذا طلعني بنفس اليوم المغرب مهدود حيله وماله خلق يطلعني !!شنو ماتضايق !!
نبي نطلع نستانس مو طلعه بالغصب .. ولاانا طوفت من كيفي وبمزاجي انه يطلع .. بس انه
خلاني اشك بزياده بربعه
ترى الريال مهما يكون لازم يطلع مع ربعه حمدي ربج في رياييل كل يوم يطلعون مع ربعهم !!
