اعاني من ضغط نفسي!!!!

[tooofy81]

السلام عليكم






خواتي انا عروس يديدة وام يديدة بنفس الوقت اول ماتزوجت حملت والحمدالله :yaaaaaarb:

بشرح لكم وضعي العائلي بشكل مختصر عشان تفهمون الضغط اللي اعيشه :080402ask_prv:

انا موظفه وماعندي خدامة شقتي صغيرة عبارة عن صاله \غرفة نوم \مطبخ\ حمام وانتو بكرامة\ وساكنة مع حمولتي يعني بنفس البيت بس لي شقه ...

زوجي يحب طباخ البيت بس مايحب اكل الطباخه وقال لي ابيج تطبخين!... مارديته مع ان طبخي على قدي بس قعدت اجرب عليه وهو ماعنده مشكله بس اهم شي اطبخ له واتعلم:tomato2:

دوام زوجي من العصر لي العشا يعني (الساعه 7ونص او 8 باليل) ولاني اسهر مع ولدي فيادوب اسويله ريوق الصبح وااذا رجع من دوامة اكون مجهزة له طبق سريع ويشبع ... وبعد ساعتين اطبخ له العشاااااا يعني اطبخ مرتين ورى بعض ولا لاااازم انوع وماااغلط:eh_s(14):

طبعا ليت المشكله على الطبخ لاااااااا !!!!!! ولدي الله يهديه عمره الحين 3 شهور وشوي كل شوي صراخ وحاله وتنظيف البيت يبي مني والغسيل والكوي المقرف وغير اني لازم انزل عند حمولتي يوميا واعطيهم حقهم؟؟؟؟؟

ولان ماعندي خدامة<<<منغثه حدي .... فمااقدر اطلع عشان ولدي حتى اذا رحت لاهلي وين اوديه لازم يكون معاي

فصرت شبه مسجونة يادوب اتغرض بسرعه بسرعه وارجع البيت وطبعا مااقدر اتغرض الا اذا كنت عند اهلي

زوجي رافض يجيب لي خدامة لاني حاليا في اجااااازة ويقول عندج خدم البيت يساعدونج وخدم البيت متمرد ومومعقولة اتهاوش مع خدم النااااااااااااااااااس خصوصا ان صارلهم عمر في هالبيت ؟؟؟؟ فلما اطلب منهم شي مايسوونة بوقته لا عقبه بساعات واحيان يطنشوني بالمرة قلت لزوجي خانقهم تعدلوا شوي ورجعوا حق لعانتهم:eh_s(14):

واهوا بيجيب لي خدامة بس عقب شهرين يعني اذا خلصت اجازتي؟؟؟؟:050103nbh_prv: قمة اللعانه مايبيني استانس بإجازتي 4 شهور والمعاش منتف خخخخخخخخخخخخخخخخخخخخخخخخخخخخخخخ

حاليا\\\
انا تعبت موقادرة اوفق فالوقت كل شي على راسي قلت حق زوجي اني اجيب من راتبي خدامة مؤقته مارضى ؟؟؟ يقول اش حقه ماله داعي !!!!

صرت عصبيه واناكده وكذا مرة اشيل قشي واهون ؟؟؟ تعبت انا مضغووووووووطه احس مابي احد يقرب صوبي مابي احد يكلمني بس ابي اطلع اروح سوقه مطاعم زوارات من غير قلق :cxxxp:

بنات من مرت بضروفي وتجاوزتها بسلااااام؟؟؟؟ شوروا علي شلون اتصرف بهالفترة ؟؟؟؟

ماني عارفه اقسم وقتي بين نفسي وزوجي وولدي وحمولتي بستخف ؟؟؟؟ خصوصا اني اسهر ماانام ولاااااا رمضان ع الابواب ولازم اساهم بالفطور يعني رحت فيييييييييييييييييهااااااااااااااااااااااااااااا!!!!!

انا حاولت اختصر لكم حجي واااااااااااااايد فقلبي بس اذا تبون اي استفسار انا حاضره <<<في راسي شر خخخخخخخخخخ

قولولي شسوي بستخف بستخف برجّع حياتي الأوليّة طلعات وعزايم وعروس وووووووناااااااااااااااااااسه الحين نكد كله مسئوليه وييييييييييييييييييييييييييييع:lkmnkl:

 

[غيمه ظميانه]

هههههههههه والله ذكرتيني بنفسي

انا زوجي جابلي خدامه بس الله لايوريج المفروض انا اخدمها مامنها منفعه اااااابد طباخ وجاهل
والحمدلله كبر البيبي وجبت خدامه سنعه شوي هههههههههه


شوفي قولي حق زوجج بس بكلام حلو لاتحسسينه انج تعبانه وهلكانه لالا قوليلها انا ودي ارضيك واهتم في بيتي ووولدي
قوليله خل نجيب خدامه مؤقته هلايام قولي انت عارف رمضان ولازم اساعد اهلك مو حلوه اقعد جذي وولدي علاقل بس اح يتابعه

قوليله انا ما ابي خدامه لالا ابي مساعده بسسس


والله يعينج وانشاالله ازمه وتعدي اهو مشكله بعد لانج مومتعوده عالوضع بسرعه تزوجتي وصرتي ام بس انشاالله بتمر الايام وبتضحكين على روحج

والله يهدي زوجج والحمدلله انه راح يجيب لج خدامه عالدوامات شي افضل من شي

في ناس اعرفهم رافضين تماما الخدم

فانتي اشوه جدامج امل هههههههههههههه تصبري والله يصبرج

 

[So0oKaRa]

جنج قاعده تتكلمين عن اختي
لما احملت ويابت الياهل حدها انشغلت
ماتطلع ما تزور كله بالبيت ومجابله هالياهل
بس اهي عندها شغاله وما يمديها بعد
ولي الحين مستمرة معاها هالحاله ماتقدر تطلع ناطره عيالها يكبرون ويدشون الروضه عشان تقدر تتنفس وتطلع الصبح عالاقل
الله يعينج

 

[DooLy88]

اففففففففففففففففففففف

الله يعينج

تخيلت روحي مكانج عادي اقعد بدموعي 24 ساعة

لو انا منج جان بقول له

انت تجوف عندي بيبي مايسكت ومارقد ولازم سهر معاه

يعني قدر ظروفي شوي

منت راضي اتييب لي خدامة ومعتمد بأكلك اعتماد كلي علي !! لازم انوع واطبخ مرتين !!


والله ان المرا تتعب اكثر من الريال صبري حبيبتي والجنة تحت اقدام الامهات

ماصرت تحت اقدامها الا عشان هالتعب والضغط

ومادري شقول لج

 

[روحي ابوي]

الله يعينج ذكرتيني بنفسي بس انااا كنت ادرس اااااة بالكيلة كنت اطلع الساعة 6وارد 3 العصر
واليااهل ينطري ابي ارتااح راادة مهدود حييلي ،،كنت احطة يمي ع السرير وناااام ،،
والله العظيم كنت اسهر ايااام الامتحاانات ايد فيها الممية وايد الكتااب!! والياهل بحظني
غير غسيل الملابس والكوي لمكود ،، والطبخ ،، وتعالي تاالي الليل كشخي (المراة الخاارقة)
كاانت اياااام سودة هههههههههههه.. كنت لما اطلع للكلية ادق على خاالتي باب غرفتهااا وتاخذة
مغيرة البامبرز ومغيرة ملابسة ومرضعته بس تشوفه لي .. خاالتي ملت من هالوضع وكلمت ريلي
قاالت ييب لمرتك خداامه اجابل اياهل وتساعدهاا فية ودير باالهاا عليه .. وهني زوجي اقتنع ويااااب الخدامة
حبيبتي ،، كلمية مرة وثنين وثلاث قولي خدامات اهلك ما امون عليهم ابي خدامه تساعدني وتشوف الياهل حتى لو من راتبج
امرج لله،، وعشاان التفتلك شوي ومن هالحجي السنع الله يفرج عليج حبيبتي والله حااسه فيج[ /COLOR]

 

[هيبة ملك]

مع أن ماعندي عيال إلا إن شغل البيت يتعب

وطلبات الرجال ماتخلص

أنا مريت بنفس مامريتي فيه لكن أخف شوي لأن ماعندي بيبي

زوجي لما يعطل يجي عندنا هني أو أنا أروح له في إجازتي وااااااااااااااااى أتعب لدرجة إني أبجي

كان هو يدرس وأنا أقعد من الصبح أسوي له الريوق ولما يطلع ماقدر أنام من اتصالاته كل شوي ها شلونج؟

شنو صار لأني بغربة ويخاف علي فتطير النومة أقوم أرتب البيت وأجهز للغداء شوي ورد

يلا لبسه وحمامه بعدين الغداء وبعدين الكريه غسل المواعين يادوب أنام شوي لما هو ينام الظهر ساعتين وصحى

بسم الله عاد قومي زهبي الحمام واللبس بعدها الجاي والقهوة والحلا جان فيه وقعدي متسمرة قباله

شوي إلا حزة عشاء يلا نسوي عشاء وأنا ترا ماعرف أطبخ لكن أخبص عليه ههههههههههه

بعدها غسيل مواعين وتنظيف الصالة وبعدها كوي ملابسه مالت الدوام بكرة

وبعدها قابليه بالدار وأضحكي مادري منين تجي الضحكة مايمدي احط راسي إلا شخري

وعلى هالحالة لين تخلص إجازتي

والله يعين

بالكويت أشوى شوي فيه مطاعم فيه خدم بالشهر


ماقول إلا الحياة مع رجال صعبة وتبي صبر

 

[درة أهل الطولات]

كلميــه قولي له ابي خدامة مو قادرة على كل هالشغل وهالشهرين ماراح يأثرون معاك

 

[Sarooii]

رمضان ياي و انا احس ان هالشي بصالحج .. يعني بدال ما تطبخين مرتين ،.. صارت مره وحده للفطور و بس
و باجي شغل البيت قولي حق امج تييب خدامتها عندج تساعدج و ترد ..لين زوجج يقدر اييب لج خدامه
و الله يعينج انشالله،،

 

[أنا Top أنا]

رد : اعاني من ضغط نفسي!!!!

نفس اختي بالضبط

لما داومت كانت تحط ولدها عند خالتها ليما زهقت منه بعد مره كبيره وما تقدر عالمسؤوليه !!

اهنيه اقتنع وجاب لها خدامه .. اصبري والله يعينج مصيرج راح ترتاحين والرجال كلهم جذي غصب يفرضون كلمتهم !!

 

[tooofy81]

رد : اعاني من ضغط نفسي!!!!

بصراحه ماتوقعت هالتفاعل مع مشكلتي !!! تدرون ليش ؟؟ لاني لما اشوف مشاكل البنات اهني استحقر مشكلتي واحمد ربي على جذي !!!:eh_s(15):

واشكر الله ثم كل وحده حست فيني وشاركتني التجربه صج خففتوا عني وشلتوا عني حمل كبير لان احساسكم فيني ريحني حيل حيل :blueSmCLR::blueSmCLR:

سالفه الخدامة المؤقته هاذي لو اموت مايرضى يجيب لاني حااااااولت وحاااااولت ولا فاد :flower: وفكرة اني اجيب من راتبي هم بعد رااااااااااااااااافض وزفني ومسح فيني لارض بسبتها :s141:

مالي الا اني استعين بالله واقسم الوقت <<والله ماعندي ماعند جدتي بس امري لله مابيدي حيله :s141:


يارب تعيني

 

[كويتية و لكن]

الله يعينك بس حاولي معاه بالكلام الطيب ولا تجين علي نفسككثير سوي المهم والباقي خليه لبكرة واذا سألك قولي هذا حد طاقتي ما اقدر تعبت ولازم تتحمل لان وحدة وطفل ياخذ كل وقتي
ولما هو يمل ويتعب وما يلقي كل شغله جتهز يمكن يحس ويوافق علي الخدامة

واللهه يسخر لك

 

[حجيه هيونه]

دام وضع مؤقت تحملي بعد شتسوين

والحمدالله اهو ياهل واحد عيل انا شتقولين اسم الله عليه وايد وماكو خدامه زوجي خلاها تاخذ اجازه على ويه رمضان ((((((((((((((((

 

[لميس^^]

تبين الصراحة انتي معطيته ويه .. منو بهالزمن تطبخ حق ريلها كل البنات مقزرينها على اكل المطاعم او اكل الحموله ونادر ما يطبخون ...
وعلى فكرة ترى انتي بالشرع مو مطلوب منج تطبخين اهوا لازم يامن لج الاكل ... ...
زعلي ترى الرياييل ما ايون الا بالعين الحمرا خل ابوج او اخوج يزفه شنو حرام عليه اللي قاعد يسويه فيج لا تسكتين له ... شنو يايبج خدامة والا زوجه .. اصلا كافي البيبي يخلي ماكو وقت حق اي شي بعد طباخ وغسيل وكوي اصلا بس ينام ادورين الفراش ادواارة ..
والله عورتي قلبي لا تسكتين له قوليله ابي خدامة اذا قالج ماكو لا تطبخين ولا اتغسلين ولا اتسوين ولا شي وقوليه انا مو خدامة ... يكفي علي البيبي ..شنو انتي انسانه وتحتاجين للراحة ..

وترى اغلب البنات عندهم خدم بنات هالوقت غير عن حريم قبل اللي ماكو خدامة واصلا احنا في بيوت اهالينا متعودين على الخدم ... لا اتضحين ترى مافي شي يستاهل انج اتضحين عشانه والرياييل مهما اتسوين لهم ما اييي ابعينهم ...

 

[كارلوفي فاري]

والله مادامج مريحته ومسويه كل اللي يبيه شلون بيجيب خدامه -شرايج انا كنت بالشهر السادس وعيالي اربع وانا موفه ولا عندي مرض مزمن -خدامتي عنفصت ووديناها المكت وقعدت شهر كامل ماعندي خدامه والاخ يمر على مكتب ولا اثنين ويدق علي ماحصلت شي -مو حارص لاني غبت عن دوامي والبيت يلمع والعيال يلمعون والاكل جاهز فهو مكيف الاخ فما اهتم انه يجيب خدامه ومو حاس بالتعب اللي انا اعانيه ليما طلعت من حلقه وقال صراحه البيت بدون خدمه يشرح الصدر وكل شي فيه نظيف 0بعدها انا انفجرت قلت عشان جذيه مو حارص على الخدامه وبعدها طحت بالمستشفى ليما الاخ تلحلح وجاب عقبها خدامه 0فانتي شوفي الوضع اللي يناسبج حبيبتي والله يسخره لج

 

[ساندريلا]

حبيبتي دام ان الوضع مؤقت تحملي وانشالله بتنحل والايام صايره تطير
الحمدالله ريلج راضي اييبلج في رياييل لعن حريمهم يشتغلون وموراضيين اييبونلهم خدامه

 

[ديانا سبنسر]

نفس حالتي لاوانا معي ياهل وحامل مدري اجابله والااجابل ولدي والااتحمل الحمل ومتاعبه ولا يبيني ابدع بالطبخ واهله يلوموني كله بشقتها وينه ليه مانشوفها لغاية هو بنفسه اقتنع انه محتاجين خدامة تساعدني صدقني راح يجيب خدامة بس مايبي الحنة

 

[انتظر حبه]

رد : اعاني من ضغط نفسي!!!!

حبيبتي اهو لما يشوف الوضع راح يجيبلج خادمه
انا نفسج موظفه ولما صار عندي 2 عيال وشاف الوضع جاب لي بس بعد طلووع الرووح

 

[أم يزيد &سديم&]

ما عليج إلا إنج تصبرين
وتحتسبين الأجر مأجورة على إطعام الطعام
مأجورة على خدمتج لزوجج لأن شقتج على كلامج صغيرة وما تحتاج إلى خدامة
مأجورة على تربيتج لولدج مع مرور الأيام يتتأقلمين مع الوضع عادي
وش حقه الخدامة ترَبّيه
دام إدعي رب العباد إنه يفرجها عنج وقومي صلي لج ركعتين بجوف الليل
وتوكلي على الله

 

[NauGhty nuRse]

يااااااااا حياتي
والله نفس حالتي بس انا زياده عندي بنوته عمرها 4 سنوالت الله يخليهاااااااا لي وتعفس البيت بثواني
وحااااااااااامل بشهر7 والدراسه وكورس الصيفي
والي فيني من التعب والحمال والدراسه كافيني وفوق هذااااااااا رافض الخدامه نهاااااااائيااااااااااا
شنسوي بعد لازم نتحمل
الله كريم