اعاقة والدتي والخدم ساعدوني

[أم فهووود]

:eh_s(11): تكفون خواتي ساعدوني امي معاقه حركيا وماتقدر تقوم وتقعد بروحها لازم احد يشيلها ويقعدها على الكرسي والعكس ابي وحده متخصصه لهذا الشي الخدم جابولها ما يفهمون واذوها وانا ادور وماني لاقيه وحده تقوم فالشي هذا اللي عندها نفس حالة امي تقولي من وين تجيب احد يفهم حق حالتها ويقدر يشيل ويرفع يعني متخصصه فالشي هذا ولكم مني دعوه من كل قلبي

 

[احلى من كل البشر]

هلا اختي الغاليه انا بعد نفس حالتج وامي تعبانه وماتقدر تمشي بكرسي متحرك

جبت لها سستر ممرضه خاصه معاشها كبير غير الخدامات ومتصصه وتفهم

احسن لج

الخدامات ماراح ترتاحين معاهم مايعطون من نفسهم ولايفهمون

 

[المهفة]

اللّة يشفى امهاتكم ويعطيكم العافية .امانه ديروا بالكم عليهم وبروهم عشان عيالكم يبرونكم .
اهنيكم على الاجر اللى بتحصلونه من امباراتكم لهم .

 

[حبيبة26]

ربي لايحرمكم اجرهم ويسهل اموركم ويعينكم على برهم:yaaaaaarb:

 

[الصابرة المحتسبة]

الله ياجرج وجزاج الله خير على برج بالوالدة

الخدم بشر ونفسيات متغيرة حالهم حالنا وفيهم الزين والشين.

وتقدرين تطلبين خدامة صحتها ممتازة وتكون حنونه وطيبة وتقدرين تطلبين ممرضة متخصصة ولج شروط وعقد وتطردينها اذا ما قامت بواجبها.

شرايج تجربين الشركات بس اسعارهم غالية.

 

[HearT ChocolaTe]

انا اقول احسن شي العماله بالساعه واذا دفعتي
مقدم يسوون لج خصم ~ شركات التمريض بتنافس
لا خادمه تتملل من والدتج ولا تطمع فيج ربي يرزقج بر والديج بعيالج حبوبه

 

[أم فهووود]

الله يجزاكم كل خير خواتي بس تكفون اللي تعرف شركات متخصصه ومجربه تحط لي الرقم ولكم دعوه مني ماحيييت لاني جربت ومانفع وماهمني المبلغ المهم امي ترتاح وجزاكم الله الف خير

 

[الدنـ نور ـيا]

السلام عليكم ورحمة الله وبركاته أختي الغالية أولا عسى الله لايحرمج أجر عملج يارب وهذا واجب ودين مفروض علينا ولا فيها منه ثانيا عن تجربة أنا والدتي الله يطول بعمرها بالصحة والعافية وجميع أمهات المسلمين من 2006 وفجأة أصبحت لاتتحرك ولأسباب عديدة أولها قضاء الله وقدره ثم العمر والأمراض فعن تجربة لابد تحددين إنت شنو ينفع الوالدة هل فيها خشونة فلابد أن نحاسب في رفعا من وإلى هل فيها زهايمر تخاف الله يطول بعمرها هل هي صاحبة وزن خفيف أم ثقيل هل هي لديها القدرة على التحرك وأمرها الدكتور بالتحرك ولكن هي ترفض كل هذي الأمور إنت اللي تحددينها من خلال متابعتج للحجية الله يطول بعمرها وبعدين تقررين وعن تجربة أحب أوضح لج ملاحظاتي من خلال تجربتي مع الوالدة طول الله عمرها :-
1- الخادمة لاتنفع الذي ينفعع المتخصص.
2- الشركات لاتنفع وكل شفت 12ساعة 320دينار كويتي إذا مازاد يعني بالشهر تدفعين مايقل عن 600دينار للشفتين وهذا غالي جدا بمقابل الخدمة التي تقدم علما بأن معظم نيرسات الشركات غير مؤهلات للطب والتمريض لاتوجد شهادات حتى غزة ابرة الأنسولين مايعرفونها وعن تجربة حالهم حال الخدم وكل شفت يركن على الشفت اللي بعده ويبيلج سعة بال ومتابعة جنج مديرة مستوصف . وبلاويهم واااااايد أعيز وآنا أشرح .
3- حطي ممرضة خاصة فيج طلبيها من أي مكتب أييب ممرضات بشهادتها ودار مدارنا كلمن حاطله ممرضة ب90ولا ب100دينار تفهمينها شنو تبين شنو حقوقها وشنو واجباتها تضمنين متابعة يومية للحجية وتقارير لحالتها وتشوف تغيير الصحة وتتابع وتطمئن الحجية من التغيير وتعود عليها ولا سمح الله دخلت المستشفى تكون متعوده عليها ولاتنكرها .
4- وإذا عمر الوالدة كبير الله يطول بعمرها يارب أوصيج بالأجهزة الإلكترونية وماهي دعاية آنا من العيسى مجهزه غرفة الوالدة الله يحفظها يارب الويل جير الرافعة الآمنة ترفعها من الفراش للكرسي والعكس الحمام أعزج الله البخار تنقية الجو السرير اللي فل أوتوماتك ...... كل هذي الأمور مثل ماقلت لج بالبداية إنت اللي تحددينها ودعاؤنا لج واذكرينا بالدعاء يالغالية .

 

[قماشه]

ممرضة افضل شوفي الجرايد

وطلبي لها ممرضة بس حقها من برة

 

[أميرة-]

شركات التمريض حيل غالين الشفت فوق ال300 دينار يعني لو تبين 24 ساعة بالشهر اقل شي 600 دينار

انتي دوري بالمكاتب وحده شاطره وتفهم وعلميها على اللي تبينه .. الله يعينكم ويشافي امج كل شي بأجره ان شالله

 

[جلكسيه اس 3]

شوفيلها ممرضه احسن

 

[عيش و مرق]

اعرف ناس حاطين سستر وايد احسن واوفر لكم بعد وموجوده معاج على طول وتعرف حالتها مو كل يوم شكل

 

[أم فهووود]

الله لايحرمني منكم والله يجزاكم كل خير واختي الدنيا نور الله يوسع لج دنيا واخره ويوفقج ويعطيج كل ماتمنيتي وحالة امي نفس حالة امج وانتي جزاج الله خير فدتيني حيل باشياء ماكنت حاطتها في بالي والله يجزا الكل بالخير ربي لايحرمني منكم

 

[احلى من كل البشر]

انا حاطه لامي سستر خاصه معاشها 300 دينار بالشهر تنام عندها بس الجمعه اجازتها

 

[احلى من كل البشر]

اذا تبين رقم الشركه مالت الممرضات اجيبها لج بكره

 

[أم فهووود]

تكفين احلى من كل البشر ابي رقم الشركه والله يجزاج كل خير يارب

 

[أم فهووود]

امانه اللي تعرف شركه متخصصه او خادمه تفيدني وجزاكم الله كل خير

 

[سويت فانيلا]

اب اب لعيونك

 

[ام _خلودي]

انا هم جذي هاليومين حايسه ابي ممرضه للاختي بس المكاتب كلش ماعندهم طلبات مادري شسالفتهم ودقيت علي شركه بروفشينال قال عندهم ممرضات نص دوام الشفت ١٢ ساعه ب ٣٥٠ واذا تبين شفتين ب ٧٠٠ مادري صراحه المبلغ وايد بس الواحد شنو يسوي اذا مضطر انا قلت انطر هاليومين يمكن احصل اذا ماحصلت راح اخذ من الشركه لو شهر شهرين علي بالا مااحصل ممرضه دائمه لهاا وبليز بنات الا اتعرف مكاتب عندهم ممرضات علي كفالتنا واي اتعرف احد عنده ممرضه ويبي يتنازل عنه تاخذ فيني اجر لان اختي حالتها جدا حرج وفيه خطوره علي حياتها قعدتها من غير ممرضه

 

[أم فهووود]

اخت سندريلا مشكوره ياقلبي وام خلودي الله يرزقنا وياكم بخدم او متخصصات يارب عاجلا غير اجل