اطفال في نفس البيت نفس التربيه نفس الام والاب ..؟؟ صفات مختلفه تماما عن بعضهم ..؟؟شنو

[يااسمينه]

السلام عليكم
بنات الاحظ في كثير من الاحيان ان الاخوان او الاخوات يختلفون شخصيتهم تماما عن بعضهم رغم ان الاب واحد والام هي نفسها ونفس الاسره .. ونفس الاهتمام مع ذالك صفاتهم يختلفون .. مثلا انا بنتي الكبيره الله يسلمها ماشاء الله عليها هاديه وتقتنع بسرعه ماشاء الله بينما بنتي الثانيه عكسها تماااااما فرق الصفات ..الثانيه صعبه جددا وتمشي رايها علينا ماقتنع ولا تخاف عكس الكبيره حساسه جدددا من كلمه تضايق وتنجرح وبسرعه تدمع عينها ولا تتحمل تشوف اي منظر بشع الثانيه اخوفها اعصب مااافيه تقولي ماخاف .. وتظل تعاند وتصر على الي تبيه .. حركيه وشقيه ماشاء الله ..ولا تدمع عينها بسرعه قوويه واذا شافت شي يخوف في التلفزيون بنغير القناة تصررر الا تبيها .. تحب تشوف الرعب عمرها 4 سنوات واختها 8 سنوات مااتتحمل ابدااااا تشوف اي شي بشع وتنقرف بسرعه حتى لو جبت لها طاري نمله وهي تاكل تنسد نفسيتها وتترك الاكل .. اختلاف وااضح في شخصياتهم شنو السبب في اغلب البيوت رغم انهم خوات ونفس التربيه لانهم من نفس الام والاب وصفات مختلفه تماااما .. بنتي الصغيره احيانا استغرب واتسأل من وين هالصفات جايبتهم ؟؟ كيف نربي اطفالنا اجل اذا هم بتطلع صفات حنا نستغرب منها ..؟؟ وخوفي بعد اذا كبروا لاسيما الصغيره كيف بيكونون مع هالزمن الي يخوف .. ؟؟

 

[ام بوحنة +]

رد : اطفال في نفس البيت نفس التربيه نفس الام والاب ..؟؟ صفات مختلفه تماما عن بعضهم ..

الجينات والصفات الوراثيه تختلف من شخص الى الثاني

غير الخبرات والمواقف اللي يتعرض لها الطفل

وترتيب الطفل بالاسرة ياثر

وطبعا دايما تربية الام تختلف من طفل الى ثاني لانها تكتسب خبرات اكث
فتتغير نظرتج للموقف نفسه وعلى اساسه يتغير اسلوبج في التعامل معاه

الا ان اساسات الام والاب تكون وحده