اطفال انابيب

[بلووو]

سويها بالخارج جنج مسافر وارتاحي واذا ان شاء الله الله بلغج وحملتي علميهم

او قولي لهم عمليه بس لاتوضحين شنو العمليه وبيني لهم انج ماتحبين احد يدري

وانا اهلي ممثل اهل زوجك عندهم طفل الانبوب مو طفل عادي

وان شاء الله بسويها بالكتمان ماحد يحس فيني بسويها في مصر

وويارب نحمل قبل العمليات يارب

ولا تنتظرين اكثر من جذي ترى حيل طولتي

:

 

[رقي]

دهن العود
لاعادي
مو مهم المختبر
اصلن مااله علاقه
مدة التلقيح يومين
وترا فوزيه شاطره
ماشالله عليها
قبل لا تبدين
تخليج تشربين حليب وتاخذين فيتامينات
انا جربتها
وتعطيج ابر لمدة 21
وبنات
اللي تبي ابر ودوا
ترا عندي كميه كبيره
حرام اقلها واهيا غاليه
اللي تبي
لايردها الا لساننها
اقولها شنو عندي وتاخذهم

 

[@ دهن العود @]

مشكوووووووووووووورين وماقصرتوا الله يعطيكم الف عافيه

وباذن الله تتسهل الامور واسويها ياااااااااااااااااارب ادعولى

والله كلامكم ريحنى واااااااايد وشجعنى

رقى حبيبتى انتى طلبتى ايميلى جيكى الخاص حبوبه واشرفنى اتعرف عليج واذا الادويه بتنفعنى انا ابيها وبالسعر اللى تطلبينه يا قلبى

 

[عروسه 99]

الله يرزقج انشالله لا تخلين نفسج حبيبتي وخل اللي يدري يدري انتي مو مسويه شي غلط وخصوصا اذا كانوا اهل ريلج معاج اوكي

 

[ام العسل والزين]

حبيباتي دهن العود ورقي اللي يسون اطفال الانابيب بلندن وامريكي بس يرتاحون لما يدخلون الاجنه في الرحم ولازم يدخلونه في مكان قريب بجدار الرحم حتي اهم يورونكم في السونار وين راح يحطون الاجنه بعدين يريحونج نص ساعه بالمستشفي وقولولج ارتاحي اليوم واحد في البيت وبعدين مارسي حياتج طبيعيه بس بدون جهد زايد او جماع او ممارسة الرياضه وبعد اسبوعين تسوين تحليل دم للحمل والله يرزقكم ويرزقني معاكم اللهم أمييييييييييييييييييييييييييييييييين

 

[بحر الذكريات]

اتوقع منصور الصليلي لانه شاااااااااااااااطر حيل ما شاء الله

رفيجتي كان فيها تكيسات وضعف وهرمون حليب وقرا عليها الشيخ الحداد اللي بالظهر وبعدين كملت علاج عند منصور الصليلي وجابت توم ما شاء الله..

الله يرزقج ويرزقنا يا رب

 

[miss_lymoona]

عادي سوي وقولي حق الناس والله يثبته انشالله

 

[miss-sarona]

حبيبتي انتي هذي حريه شخصيه انتي اذا تشوووفين انج ما تبيييين تقولين لهم اتفقي مع ريلج ان بتروحووون فندق علشاااااااااااااان لاحد يدري وروحي خلصي شغلج لا من شاف ولا من درى مع ان اشوفها عادي مالج شغل فيهم بعد الللله يبي جذي وانتي كيفج حبوبه شووووفي الاريح لج سوييييه ومالج شغل باحد

 

[ladyq8]

انا اختي الحين تبي اتسوي طفل انابيب اشوف شصير عليها واقولج عند فوزية القطان
انا اقول اذاخبيتي عن اهل ريلج وحسوا تراا مشكلة لان علاقتج فيهم قوية انا اقول قولي حق وحده منهم انتي واااايد وياها بس واهيا تتصرف واترقعلج واتوكلي على الله سويهاا العمليه لو بمستشفى الولاده قسم طفل الانابيب حتى لو اتحطين موعد اهناك احتياااط احسن
وانشالله الله يرزقج

 

[حبيبة زوجها2009]

سويها بسرعة ومالج شغل بالناس وبعدين اطفال الانابيب كل ماتأخرتي تقل فرص نجحها

 

[Emanova]

لكلام الفاضي مال الناس انتي اشتبين فيه ترى ثلاث ارباع الكويت علاج و انابيب و سوالف ... و هذول اعيالج من لحمج و دمح يعني اللي يبي يتكلم يطق راسه باقرب طوفه تعجبه ....

و ما دام انتي زينه مع حمولتج و حمولتج زينه معاج قولي بس لخالتج و حماتج صدقيني دعوه الاهل اتيي من القلب ...

انا ريلي ما كان راضي اني اسوي انابيب ... و بالتفاهم و ان من الناحيه الشرعيه مادام في علاج ماله حق يمنعني منه و رضى و الحمدالله انا حامل .. و ان شاء الله انتي بعد

و على الدكتور انتي لفى عليهم و شوفيهم انتي قاطه ال20 قاطتها بس علشان ترتاحين لاني رحت عند اسامه صالحه و كلش ما عجبني و رحت عند حازم رميح و هم ما اقنعني ...

و آخر شيء رجعت لماجده و اهي اللي انا سوييت عندها ... و شيلي الافكار المتخلفه مالت الناس من بالج

و عسى ان شاء الله تبشرينا بحمالج

 

[¤§ زيتونة §¤]

حبيبتي

الله يرزقج يا رب باقرب وقت ويفرح قلبج


انا سويتها عند باتريك ويبت بنتي ( الوحيدة ) والف الف الحمدلله


وبعدها سويت جم مرة وما قسم ربي تنجح




الحين بغير عاد احتمال اروح حق فوزية القطان لاني خلاص اعتقد لازم اغير مستشفى لندن مع اني حيييييييييييييييل مرتاحة وياهم



توكلي على الله والله يهدي زوجج ويوافق وانا ترى سويتها بالسنة التاسعة من زواجنا بعد ما افتريت عليهم وتعبت منهم







خلي ايمانج بالله قوي وخليج متفائلة والله يوفقج وييسر امرج


ومو شرط تقولين لاحد عادي قولي منظار يبي راحة لانه فتحات ويعور ومن هالحجي
ولا قولي مسوية عملية تكيسات وتعور يبيلها راحة وروحي بيت اهلج
والله يرزقج وبعد السونار الاول قولي لهم مو تستعيلين من اول تحلييييييييييييل تقولين لا تطمني عالبيبي وبعدها بشريهم




حبيبتي والله حاسة فيج انا بعد مريت بهالشعور والف الحمدلله ربي فرحني ورزقني ببنتي


الله يفرحج ويفرح كل من تبي يا رب

 

[madam_cake]

شوفي حبيبتي توكلي على الله وسويها ولا تحاتين ولا تفكرين انج تقولين حق احد وان انشالله الله كتب وحملتي قوليلهم علاج وخلي شغلج كلا بالكتماااان وعندج انا الحين اعالج عشان اسوي انابيب وبديت اخذ ابرر تحت الجلد محد يدري ولما سألت دكتورتي قلت لها وين اسويها انصحتني بالهادي قالت لي المختبر عندهم وايد شطار والباجي على الله

 

[jakoora2008]

حبيبتي انا عندي حل حكج قنعي زوجك وقوليله انسافر الاردن عند الدكتور زيد الكيلاني وقولي حك اهل زوجك انكم امسافرين سياحه ودكم اتغيرون جو من الروتين وسافري وتوكلي الله وسويها ومحد رح يدري فيج

 

[*أم*خالد*]

اذا تكلم الشرع الكل يسكت ودام الشرع محلل طفل الانابيب خلاص

قوليلهم عادي واذا قالولج لا وما لا قوليلهم انا امشي على شرع الرحمن اللي محلله اسويه واللي محرمه اجتنبه والشي اللي بسويه موحرام ولا يغضب الله بالعكس ابداء الأسباب

والله يرزقج يارب بالذرية الصالحة انتي وكل البنات

 

[التحدى والاصرار]

شصار عليج بشرينا