اطفال انابيب

[@ دهن العود @]

السلام عليكم



شلونكم بنات شخباركم








انا اول مره اكتب موضوع بالقسم هذا بس داااااايما اتصفحه لانى وحده منكم وفيكم وحاااااااااسه بنفس الاحساس اللى تحسون فيه

ما اقول غير الله لاااااااااااااا يضيع تعبنا ويرزقنا الذريه الصالحه عاجلا غير اجلا ياااااااااارب العالمين

بدخل بالموضوع

خواتى انا صارلى 7 سنين ونص تقريبا متزوجه اول سنه من زواجى ما سويت اى شى ثانى سنه بدت معاناتى مع العلاج والابر والمنشطات والتلقيح الصناعى وعلاج الحريم لمدة 4 سنوات متوااااااااااااصله

عقب وقفت علاج لمدة سنتين تقريبا تعبت وزااااااااااد وزنى ونفسيا تعبت وقال زوجى خلاص وقفى ارتاحى واللى تشوفينه مناسب سويه

على فكره ريلى مافيه شى الحمدلله انا اللى ضعيفه معاى تكيسات وضعف بالتبويض واحتمال انسداد بالانابيب

المهم

الحين افكر ارجع مره ثانيه اشوف عمرى لان ضيعت سنتيين من عمرى من غير علاج بس الحمدلله على كل حال

وحاليا افكر اسوى اطفال انابيب وللاسف ريلى كلش مو متقبل الفكره وانا قاعده احاول اقنعه وباذن الله يوافق وانا بنفس الوقت افكر بردة فعل اهلى واهل زوجى لان للاسف بعض الناس ضد فكرة الانابيب وتتشمت على هالموضوع او اتعاير الطفل بالمستقبل

وللاسف الشى اللى ما يخلينى اسويها بالسر هو انى ساكنه مع اهل زوجى والحمدلله وماشاءالله انا حييييييييييييل اجتماعيه معاهم يعنى على طول مع بعض واذا فقدونى يوم لازم اكلمونى ويسالون عنى علشان جذى ما اقدر اسويها من غير لحد يدى

الحين ابيكم تشووورون على انا محتاره اشلون اسويها بالسر او اطنش الناس واللى يدرى يدرى بالطقاق ؟؟؟؟

وسؤالى الثانى ارجع اخذ منشطات وله اختصر واسوى انابيب ؟؟؟؟

ومحتاره وين اسويها !!!!

اشرايكم باسامه صالحه اللى بدار الشفا ؟؟

واشرايكم بمنصور الصليلى اللى بالجهرا؟؟

والله محتاااااااااااااااااااااااااااااااااااااااااره​

 

[@ دهن العود @]

oster_av1:oster_av1:

 

[Snow-White]

حبيبتي هالفكره عن اطفال الانابيب حدها متخلفه واللى ينظر حق اطفال الانابيب نظرة قاصره عايش بالقرون الوسطي لان هذيل ان شاء الله بيكونون عيالج من لحمج ودمج بس كل السالفه مساعده طبيه ساعدت هالحمل انه يصير عقب رحمة وفضل رب العالمين

انتي اذا مو متقبله تقولين حق الناس لا تقولين حق احد مو شرط احد يدري قوليهم علاج وبس

وبالنسبه حق اهل ريلج اذا ماتبيهم يدرون عقب العمليه قعدي ببيت اهلج جم يوم عشان تريحين تالي ردي بيتج

والله يرزقج بالذريه الصالحه يااارب

 

[Amory]

الله يرزقج ان شاء الله من غير علاج

حبيبتي 7 اسنين مو اشويه علشان تقعدين بس على منشطات ترى العمر يمشي واحنا مو حاسين فيه.

سالفة اهل زوجج مو شرط انهم يدرون لا اتقولينلهم انابيب قوليلهم تلقيح صناعي عادي والا علاج عادي خشي عليهم.

منصور الصليلي زين وباترك زين وفوزيه القطان زينه وعماد غزاوي زين انا قاعده اقولج عن اللي اكثر شي قاعده اسمع ان حملوا عندهم ولج الاختيار صلي استخاره والله ييسرلج الخير وين ماكان.

زوجج حاولي تقنعينه بانج اتقولينله ان وايد ناس قاعده تحمل ابطفل الانابيب ومافي فرق بينه وبين الحمل العادي والفرق بس انهم يلقحون البويضه بره بدال لا تتلقح داخل الرحم ويتكون جنين ويثبت بالرحم حاله حال الحمل العادي مافيه فرق ابأي شي عن الحمل العادي وقوليله انكم ماراح اتعلمون احد والله يوفقج.

 

[@ دهن العود @]

مشكووووووووووورين وجزاكم الله كل خير

انا والله مقتنعه وخاطرى اسويها وفعلا العمر يمشى

بس انا افكر اذا بروح اقعد عند اهلى لازم اسبوعيين على الاقل شقول لاهل ريلى وخصوصا انى اذا رحت ابات عند اهلى ما ابات اكثر من يومييييين فاكيد الكل بيستغرب

شفتوا شلووووون انا شايله هم الناس :0bee2e8d89:

؟؟؟؟؟؟؟؟؟؟؟؟؟؟؟؟؟؟؟​

 

[@ دهن العود @]

 

[eng.q8]

ما عندي حل في بالي
بس مو هذا العذر اللي يمنعج انج تسوين العمليه وتفرحين بالضنا
يتدبر كل شي عشان البيبي
والله يرزقج يااارب

 

[عصفوووره]

حبيبتي سوي الي ريحج انتي وريليج ولا تهتمين في الناس ابد الحين بيتكلمون باجر بيتعبون وبنسون صدقيني اهم شي قنعي ريلج وتوكلي على الله باجر لين شفتي عيالج راح تنسين الناس وكلامهم وماراح تهتمين الا بعيالج وسلامتهم

توكلي على الله ترى انا مثل حالتج بعد ريلي مثل ريلج رافض فكرة الأنابيب وصار لي 6 سنوات من تزوجت وكاني قاعدة احاول وبعد عندي تكيس في المبايض يعني احنا مثل بعض

توكلي على الله

 

[رقي]

اهلين دهن
انتي نفس حالتي بالضبط
تكيس وضعف تبويض وانسداد بالانابيب
وعايشه مع حمولتي
غدا وعشا وريوق
خخخخخخ
طاح علي كلهم
دزيلي ايميلج عشان ندردش بالمسن
وان شالله افيدج
ولاتروحين حق ولاواحد من ذول
روحي حق فوزيه القطان وبسسسسسسسسسسسس
ويارب يرزقج الذريه الصالحه

 

[eng.q8]

رقي انتي مجربه دكتوره فوزيه بعلاج من قبل؟؟

 

[بدون هويه]

دهن عود ... اتكلي على الله سبحانه وتعالى وسوي العلميه بدون اى تفكير انا سويتها عند باترك وانتظر الحين النتيجه بالنسبه لى اهل زوجك قولي لهم انك مسويه عمليه بالرحم لفتح الانابيب المسكره او اى عمليه خاصه بالرحم وقولى الطبيب قالى لازم راحه تامه لى الموعد الثاني انا سويت جذى وكلهم زاروني بالبيت والهدايا والشغل العدل حتى معنوياتى ارتفعت صار بيت اهلى ما يفضى بالمره وانا نايمه على السرير ما تحرك يسلمون على وانا على فراشي ولا تنسين (( اقضو حوائجكم بالكتمان )) ليما تيسر الامور ان شالله وترى يا اختى العمر يركض ما نحس فيه والريال اكيد يبي عيال مهما صبر والله المستعان يوفقك ويرزقنا اجمعين

 

[شباصة وردية]

مرحبا حبوبات
اولا انا كنت مسوية عملية طفل انابيب وطبعا اهلي واهل زوجي كلهم قلتلهم وليش اخش عليهم انا مو مسوية شي غلط واللي الله كاتبه بيصير .
وطبعا فشلت العملية بس سبحان الله الله ما ضيع تعبي بعدها علطول حملت طبيعي .
حبيبتي توكلي على الله وسوي العملية والله يرزقج الذرية الصالحة انشاالله
ولا تشيلين هم احد لأن السبب الرئيسى لنجاح او فشل العملية (نفسي) يعني لا تفكرين في شي ما يستهال
الله يوفقج

 

[كويتيه مذهله 87]

حبيبتي انتي
6 سنوات مو شويه

اختصري الطريج وسوييييها

سوي حق مجهري عند د فوزيه القطان روحيلها وانتي مغمضه عينج مثل ماقالت رقي لا تروحين حق باتريك ولا منصور ويع هالاثنين نفسيه خاايسه واصلا نص العلاج النفسيه وكاافي علاجهم اغلى من غيرهم بال 2500 دينار

بالنسبه لأهلج وأهله لا تقولين لهم هو صج مو حرام

بس صدقيني راح يحاتوونج وكل يوم يدقون عليج ها ماصار حمل وانتي تتعبين زياده

مثل ما قلت بدون هويه اقضو حوائجكم بالكتمان
وقوليلهم مسويه منظار اي شي والدكتووره قالتلي لازم راجه اسبوووعين

ومثل ماقتلج غير د فوزيه القطان لا تروحين

وموفقه يااقلبي

 

[بساط الريح]

توكلي على الله وسويها ومالج شغل بالناس اهم شي ريلج قنعي ودي العيادة معاج والدكتور يقنعه ويفهمه شلون راح تكون العملية وصدقيني بيقتنع واهل ريلج مالج شغل فيهم قوليلهم انج مسوية التكيس انج شايلة التكيس وبرتاح بيت اهلي ترى مافيها شي والله ياحبيبتي ان انا سويتها مرتين ووالحمدالله نجحو ترى العمر يركض وصدقين لي سمعتي كلمة حامل بتنسيج كلام الناس كله

الله يوفقج ويرزقج بالحمل السليم عاجلا غير اجلا يارب ويرزق كل محرومة يارب

 

[Amory]

بنات آنا قبل سويت عملية طفل انابيب عند باترك وحملت بس نهبنا نهيبه واااايد اخذ منا افلوس بعدها ما استمر الحمل واجهضت وامفكره اسويها مره ثالثه لأني سويتها عند باترك مره ثانيه وما حملت يمكن لأني ما ارتحت بعد العمليه.

بنات بسألكم فوزيه القطان ابجم اتسوي العمليه مع الابر وكل شي؟؟؟؟

اشرايكم اضل على باترك والا أغير مع اني حلمانه اني سويتها ابرويال حياة وكنت مرتاحه بالحلم ومادري محتاره!

 

[هيونه الكويت]

هلا والله

روحي عن فوزيه القطان

وابتدي بانابيب على طول

وعرضي حالتج عالدكتوره واهي تقرر

والله كريم

 

[@ دهن العود @]

مشكووووووووووووورين وماقصرتوا والله رفعتوا من معنوياتى وشجعتونى

وباذن الله يقتنع زوجى واسويها وارتاح على الاقل احس انى سويت شى

بس بنات بنصحكم نصييييييييييييييحه >>> نصحى نفسج اول هههههههه

عملية اطفال الانابيب يبيلها مختبر اجنه زييييييييييييييييييييييييييييييييييين اكثر من دكتور شاطر

يعنى قبل لا اندور من الدكتور الشاطر الاهم اندور وين المختبر اللى بلقح لنا العينات وهذا اهو الصح

لان الدكاتره بس ياخذونها ولقحونها بس المختبر اهو الاساس

اتوافقونى الراى وله لا؟؟؟؟

 

[Snow-White]

على فكرة دهن عود ترى انتي نفس مشكلتي تكيس وضعف تبويض ...وعقب ست سنين من المحاولات والعلاج ...سويتها عند باتريك ومن عقب رحمة وفضل ربي حملت
الفال لج ان شاء الله

 

[Dloool_q8]

الله لا يضبع تعب احد ويرزقنا ويرزق اي وحده تبي الضنى

انتي مو مسويه شي غلط والغايه تبرر الوسيله وخل يدرون عادي بس لا ينتشر الخبر وااايد يعني اهله خل يدرون دامج ساكنه معاهم
بس

والله يرزقج قرييييييييييييييييييب يا قلبي

 

[زهوور الريف]

اهلين اختى الغاليه
نصييييييييييحه منى لك بما انك ما تبين احد يعرف هلشان انتى تبين ترتاحين
سافرى مصر وسويها عند دكتور محمد ابو الغار
دكتووووووور شاطر ممتااااااااااااااز
منها انك غيرتى جو ومنها انك سويتيها بدون احد يعرف
وراسليهم قبل تجينهم بالفاكس
وهما راح يردون عليج