اطفال الانابيب والنفسية

[lovemyself]

السلام عليكم
مرحبا خواتى
انا ودى افضفض واقول للى بقلبى لان محد يحس فينى الا انتوا انا عندى مشكله بالانابيب والمبايض .... والناانا صارلى 8 سنين زواج والحين قاعده احاول فى عملية ثالثة وبصراحه مادرى ليش مو متحمسه لدرجة انى فكرت ابطل لان نفسيتى تعبانة زوجى مهددنى بالطلاق اذا ما نجحت عمليتى هذى والله حتى الدعاء تثاقلت ادعى وقاعدة اطق ابر جذى بدون نفس ... اشياء كثيرة احبطتنى ..... والناس بس يشيشون زوجى على وكل شوى يكلمونه على وحدة عشان يخطبها ويقولون شحقه صابر عليها والله احس بقهر حدى ىىىىىىىىىىىىى واحس انى ناقصه عن غير جنىة فينى جرب والله ما خليت شى ما حاولت اسويه اعشاب وحريم ودكاتره والبقرة والدعاء اربعة وعشرين ساعه وكل شوى يقول لى زوجى انا زين صابر عليج وبعد هلمرة وخلاص .... وانا صار مالى نفس حتى احس الايام شطوولها واحاتى ايام ارجاع الاجنة ليما تطلع النتيجة لانها تسببلى انهيار بالاعصاب والله حتى دموعى ما تنزل من كثر القهر يعنى شنو ذنبى انا لو بايدى جان ما صار جذى يعنى انا اكره اسمع كلمة يمه وكل شى انا ادفع فلوسه يقول شكو انتى للى فيج عيب زين صابر ومتحمل ..... هذا غير كلام الحريم فى القعدات صرت انطوائية بسببهم والله كله نغزات ودايما يسالونى ليش ما عندج عيال وليش ما تعالجين وحرام خليه يتزوج ترى من حقه الخ كل الناس ضدى
ادعولى وشاركونى بمعاناتكم انا بعد الله ما يفهمنى غيركم اكيد

 

[هالة الصباح]

جم سنة صارج متزوجة

 

[eng.q8]

الله يرزقج يااااااااااااارب

والله يهدي ريلج لج..وانتي هدي اعصابج اولا مو عشان العمليه عشاان عمرج وعشان ريلج

والله يكتبلج اللي فيه الخييييييير يااااااارب

 

[الفريده]

ما حد ذابحناا الا حجى الناس اللى ما يخلص لو يسكتون جان احنا بألف خير بس شنو تقولين

واسمحيلى حبيبتى هذا ريلج اذا ما يقدر اللى فيج مايستاهل الواحد يتحسر عليه . لو اللى فيج فيه جان انت هديتيه لا والله بتقعدين تصبرين عليه للنهايه , وانتى يا حبيبتى لا تخافين ولا تحاتين ولاشى خلى كلشى بأيد رب العالمين انتى اسعى وربج ما ينسى عبده .

والله يرزقج بالذريه الصالحه ولا يضيع تعبج آآآآمين يا رب العالمين

 

[هالة الصباح]

نزيين اختي حاولي مرة ثالثة ويجعل ربج الثالثة ثابته
وصدقني إلا الله يكتب لج زين والتوفيق من الله وإذا مصار خيرة من الله وصدقني يهب من يشاء الذكور ويهب من يشاء الأناث ويجعل من يشاء عقيما

وعلى الله وادعي بآخر سورة الأنبياء من الأية (( وأيوب إذ نادى ربه أني مسني وأهل الضر ..)) وقرأي سورة مريم من (( ربي لاتذرني فردا وأنت خير الوارثين ..)) وأدعي الله الواحد الأحد الفرد الصمد لاشريك له ولا ولد وقولي قد ضاق صدري وانقطع رجائي ونزل بي مالاطاقة عليه به فجعلي فرجا قربيبا واشرح به صدري ويسرا من بعد عسرا فكني من الحلق المضيق واصرف عني كل هم وغم وضيق واكفيني شرمالاأطيق وأعني على ما أطيق ربنا لاتحملنا مالاطاقة لنا به واصرف عنا عذاب النار وكثري استغفار


واعلمي كل تأخيرة فيها الخيرة وكل شي جعله سبب وكل اللي يكتبه ربج خير ونعمة وعلى الله

 

[باقة ورد]

فكري بنفسج اولا واخيرا..وقولي اني بسوي العمليه حق روحي ..عشان انا ابي طفل...مو عشان فلان وعلان...رددي الله بيرزقني ..اكيد انشالله وباذن الله بيرزقني...واذا لاسمح الله ما نجحت العمليه...تذكري ان ربج له حكمة بكل شي...طالما انج سعيتي واخذتي بالاسباب ...خلاص كافي ريحي بالج ...والله سبحانه مو ناسيج...شايف وسامع ...وبيعوض صبرج كل خير...
الله يزرقج حبيبتي ويفرحج يا اااااا رب

 

[Amory]

مالت عليه ( اعذريني على هالكلمه ) بس والله ثم والله ثم والله لو آنا منج مااااااا أقعد مع هالريال ولا ربع يوم بعد مو يوم واحد!

على شنو قاعده معاه كل هالمعاناة وصابره وساكته اللي ما يخاف من ربه حسبي الله ونعم الوكيل حريتيني حدج حريتيني اشهالأوادم ولاااااااا يدورونله مره اشكره جدامج!!!!
خل يولون خير ياطير فيج انسداد والا ان شاء الله شنو فيج انتي مالج ذنب هذا ابتلاء من رب العالمين اللي ما يخااف من ربه.

اصلا هذا زوجج ربج راح يبليه وقولي ما قالت لأن اللي قاعد يسويه فيج مو شي هين

حبيبتي انتي اشحادج قاعده معاه وقاعد يذلج انا أقول احفظي كرامتج وانتي اللي تركيه ولا اتخلينها إتيي منه انتي تركيه واذا الناس سئلتج ليش تركتيه قوليلهم ما يخاف من ربه .. الرسول عليه الصلاة والسلام قال استوصو بالنساء ما قال اهينونهم لي هالدرجه.

وانا عمري ابحياتي ما احب اشيش اي وحده انها تتطلق لأن ابغض الحلال عند الله الطلاق بس اللي ابمثل حالتج الطلاق يكون رحمه لهم
ما تدرين يمكن باجر ربج يعوضج باللي احسن منه.

 

[مس ماس]

حبيبتي ...

وكلي امرج لله ولا تهتمين حق كلام النااااس ... صدقيني النااااس متكلمه متكلمه حتي على الي عندها عيال يتكلمون عليها ما تعرف تربي ومن هذا الكلام ... لكن صدقيني اذا الله كاتب لج رزق مع هذا الرجاااال صدقيني راح يرزقج ... والله عالم ما في الصدور يعني ديري بالج انج تتهاونين
او تياسين من رحمة الله ... صدقيني رحمة الله واسعه وهو يرزق من يشاااء بغير حساااااااب ... صدقيني حنا ما بيدنا شي الا انه ندعي لج ونحاول نهون عليج مصيبتج ... لكن انتي ريحي بالج واحسني الضن بالله ...

ويالله يا ربي انه يرزقج بالذريه ولا يخسر لج تعب يا سميع يا مجيب ...

ودمتم سالمين

 

[قمر ضاوي33]

والله عورتي فلبي

الله يرزقك يا رب بالذرية السليمة المعافاة

بس اذا انتي جذي نفسيتك اختي تحاتين وفيك اكتئاب ما يصير تكونين متوترة وانتي بتسوين عملية

توكلي على رب العالمين وفوضي امرك له وقطي همومك على ارحم الراحمين


وبعدين اختي لا تزعلين بس بصراحة زوجك ما يقدر بعد لاعب بنفسيتك لعب لازم يحتويك بالحب والحنان والإهتمام مو يوترك جذي

وبعدين اذا اهو جذي يتعامل معاك وهمه الياهل يعني تعتقدين بعد ما تيبين الياهل ان شاء الله بيسكت عندك ما اعتقد ولا الناس بعد

ترى راحتك بتصير مؤقتة لمن يكبر شوية الياهل ويرجع يعيد الشريط بتزوج

اللي ما فيه خير افراقه اخير ... المفروض العلاقة بين الزوجين حب وحنان واهتمام مو ضغط وتوتر

سامحيني حبيبتي بس صج احتريت منه

المهم انتي لا تتوترين وتحاتين لأن النفسية تلعب دور كبير بالحمل

ان شاء الله تحملين وتترسين البيت يهال آمين

واذا لك رزق ان شاء الله بتاخذينه

بالتوفيق ان شاء الله

 

[lovemyself]

اشكركم على ردودكم خواتى كل وحدة فيكم اشكرها شكر شخصى على ردها واهتمامها والله يوفقكم واشكر لكم دعائكم والله استانست بس شحادج عالمر قال للى امر منه .... انا احيانا ما الوم زوجى من حنة الناس علية ذبحوه معيارة وتعرفون احنا مجتمع متخلف يعنى عندهم المرة قيمتها بس بلعيال كان قبل يحبنى ويبينى ويقول ما اتزوج عليج وهالحجى بعدين قام كل شوى يتضايق لمن يروح ديوانيات او جذى كله يقولن انت مو ريال وهالحجى يعنى شتبى فيها ما منها امل وفى ناس والله جدامى يقطون نقزات كل وحدة تهد طوفه واهو بعد تاثر الله يعين انا متامله ان الله يمكن يغير الحال لو ولد واحد وكل سنه احاول مرة عل والله وبعدين تقولون تطلقى منو ياخذ وحدة ما فيها عيال ... الواقع مر واليم

 

[Amory]

حبيبتي رحمة ربج واسعه انا اعرف ناس عندهم خمس اعيال وتطلقو وتزوجو مره ثانيه لا وخذو ناس مو متزوجين ولا عندهم اعيال.

وفي وايد رياييل ما يبون اعيال يعني مثلا واحد امطلق والا زوجته متوفيه وعنده اعيال وما يبي اييب بعد وياما شفنا ناس تخطب واتقول شرط نبي وحده ما تييب اعيال لأن بس الريال ما يبي.

حبيبتي الأمر راجعلج بس انا مستغربه من كلام زوجج أقل شي اتسوينه ردي عليه قوليله آنا انسانه ولي مشاعر واحاسيس واذا فيني شي ربي اهو اللي خلقني واهو اللي ابتلاني وهالشي مو آنا اللي يايبته لنفسي علشان اتعايرني واتلومني عليه ولو انت فيك شي آنا راح اصبر لكن انت ما عندك احساس.

اشوف احنا يالحريم اذا رياييلنا فيهم شي نسكت ونصبر لكن الرياييل يما منهم اذا المره فيها شي علطوووووول يفكرون بالزواج من الثانيه.

بس زوجج اللي هذا اوله ينعرف تاليه والمفروض لو يحبج حتى لو قالوله تزوج يرد عليهم مو يسكت ويتأثر ويقلب عليج ما اقول الا حسبي الله عليهم اللي اثرو فيه.

 

[WaChoCha]

حبيبتي اصلا في هالمواقف اذا زوجج ما وقف معاج منو يوقف .... من يرفع معنوياتج من يجبر خاطرج بكلمتين طيبين ... لاحول ولا قوة الا بالله لا تزعلين مني بس ريلج ما يحبج ...... قعدي معاه وتكلمي ترى طبيعي ما تحملين اذا كانت نفسيتج تعبانة وفي حالة قلق دايم ...ما تتخيلين اكثر تتخربط هرموناتج طول ما انتي مو مستقرة

عسى الله يجبر بخاطرج ويعينج على ما اابتلاج فيه ويسخر لج ريلج غصبن عليه

كله قولي اللهم صب محبتي في قلب زوجي صبا صبا وارني ذلك .... ادعي الله يسخره لج ويهديه لج

 

[عطر الحروف]

يارب ياكريم

تحملين بتوام واياي وجميع خواتي المتاخرات


ياحبيبتي توكلي على الله وثقي بالله وتفائلي وباذن الله بتحملين حتى بدون عمليه

الزمي الاستغفار والدعاء

 

[لمسة فرح]

اهم شي النفسية والتزمي بالاستغفار والدعاء ليل نهار ربي لاتذرني فردا وانت خير الوارثين يارب يرزقج ويفرح قلبج بتوم انا وياج وكل المحرومين ااااامين ياوهاب ياقادر يامن رزقت سيدنا زكريا علية السلام انك ترزقنا الذرية الصالحة اااااااامين يااااارب يااااااكريم

 

[قمر ضاوي33]

ان شاء الله يعوض صبرك خير ويرزقك بتوئم سليمين معافين

 

[صمت ودموع]

الله يفرج عنج اللهم امين احتسبي الاجر وتذكري ان الله اذا احب العبد ابتلاه وعلى كثر صبرج الله راح يعطيج اللهم عجل لاختي الغاليه الفرج وارزقها الذريه الصالحه اامين يارب العالمين

 

[um katkot]

والله العظيم وايد ضاق خلقي عليج بس صدقيني ما يسوى عليج حبيبتي صج شي يحر كلام الناس يحر انتي وين و الناس وين و اذا صار عندج عيال و الا ما صار اهمه شكو لا يسون روحهم خايفين عليه و يبون يشوفون عياله هذا شي بيد رب العالمين و رزق الله يرزقج انشالله اتكلي على الله انتي امبلشه الحين و ادعي لا تملين انا حاسه فيج قسما بالله مريت بنفس ظروفج و على فكرة اعرف رياييل حتى لو العيب منه هم يقول حق مرته انا صابر عليج حتى لو هي ماقيها شي صارت فيني فلا تفكرين ان العيب منج لا تسوين جذيه في روحج ماكو شي بعيد على رب العالمين انا حاسة انشالله الثالثة ثابتة بس هدي اعصابج و ريحلي بالج على الاخر و فتحي موضوع يومياتج عشان تشوفين البنات شلون معاج يدعون لج بكل خطوة و لا تفكرين اخاف ما احمل و يطلقني ليش يهددج على شي مو بيدج
لا تحترين يا حبيبتي اللي يبي يسوي خل يسويه انتي قولي حق روحج انا مؤمنة بالله و اللي الله سبحانه كاتبه و مسنخيره لي انا راضية فيه
شوفي شنو الله كاتبلج و لا تزعلين
و اذا على زوجج انا تره ما اعرفه و ما اقدر احكم عليه يمكن الناس ما ترحم يحتر و ايي يخربط عليج فهلحالة طنشي باجر لي الله رزقج ينسى
و يمكن هو فعلا قاصد هالكلام مو عشان اضيق خلقج بس اذا طلع قاصد الصراحه هذا مبين مافيه خير واللي مافي خير تركه خير الله يعوضج بسيد سيده
بس انشالله ما توصل لجذيه لكل حدث حديث
المهم انتي ديري بالج على روحج و احنا كلنا خواتج و فاتحين المنتدى ندير بالنا على بعض و ندعي و نهدي بعض اذا تبين اي شي فشي خلقج عندنا
و احنا راح ندعيلح بس لا تحترين ياعمري الله يخليج تصبري و صيري قوية
احنا معاج

 

[بلووو]

الله يعوض صبرج باحلى تؤام يارب

اشوف الصبر فيج

ادعي من قلب وان شاءالله الله يحقق مناج وتحملين

 

[lovemyself]

:krkrkr
يا حياتى بعد عمرى كلكم لا تنسون تدعولى ادرى ما تقصرون
والله كريم انا الحين قاعده اتعالج وقربت عمليتى
وادعى ربى كل ساع وادرى قلبكم معاى
والله بعد الله استانس بهالمنتدى احس لى عزوة
:klhfl:

 

[متجولة *]

أختي لا تتحسفين على الدعاء كل شيء مايروح هدر
دعوة المؤمن اما تتحقق واما يصرف الله عنج شر واما تتدخر للاخرة
وعاد ياحلات ادخار ا لاخرة
بقولج شيء مهم
رجلج موشيء:0bee2e8d89:
انتي اهتمي لحياتج وتعبج لانجاب طفل مو علشان سواد عيون رجلج
الا علشان تحقيق امومتج حاولي مرة ومرتين وخمس ليمن يتحقق ان شاءالله وادفعي ملايين مو مليون علشان عيالج
لانهم هم سندج
واحتسبي اجر ان شاء الله قريب يتحقق مرادج ولا تياسي من رحمة ربج:eh_s(6):