#اطباق فتافيت المجربة مني وبس حصري جداااا لايفوتكم #

[اطباق ماي ورد]

يعطيج العافيه وتسلم ايدج خوش تطبيقات

كملى متابعينج

 

[ايمانو حلوة]

كلي دلع!

مشكووورة حبيبتي على ردج والله اعافيج




دراما كوين

اعافيج يابعد روحي وجربي الطريقة لذيذة وصحية



>جود<


مشكورة على ردج حياتي وفعلا جيادا اكلاتها حدها سهلة ومكونات اطباقها بسيطة وبيرفت كونتيسا راااقية جدا اباكلاتها وفناااانة صححح وبخصوص حلو الجوز شفت الحلقة بس ماسجلت مقاديره لان حسيت المواد والمقادير كثيييييييييرة فقلت بلاها بس انشالله اذا حطوها مرة ثانية بسجلها عشان خاطر عيونج الحلوة .... ياحلوة


*الأثــــــــير*

يابعد رووووووووووووووووووووووحي فديتج وفديت دعوتج الحلوة يابعد قلبي وعسى الله يبعد عني وعنكم العيوم آمييييييييييين عاد اتصدقين انا بالعياد دايم اسوي حلويات وبيتيفور وبساكيت اشكال الوان واودي حق اهلي ومعارفنا والكل يسأل منوين منوين عاد اقولونلهم ان ايمانو حلوة اهي مسوية ماشريناه وتعالي سمعي اللي اقول ماشالله والي مايذكر الله
والله العظيم اني ليومج هذا قمت اخاف اسوي اي نوع بسكوت وكل ما اسوي بسكوت او بيتيفور مايضبط ويطلع هش وعجين مع اني امسوية نفس الحلو من قبل وضابط بس الحمدلله الحين وااااااااايد احسن قمت اقرا المعوذات علطووول .... ادري سندرت راسكم بالسوالف بس شسوي احب اسولف

 

[ايمانو حلوة]

كابتشينو

اللها عافيج وسلمج حبيبة قلبي

 

[om3boood]

خوش فكره والله ... انا اذا طبقت شي من فتافيت بحطه مع الصور

 

[ايمانو حلوة]

زين برياني على طريقة برنامج برياني


هالنوع من البرياني سريييييييييييع وطعمه حلوووو خفييييف لان بهاراته قليلة انشالله يعجبكم :016:


طبعا المقادير بالضبط موجودة ابموقع فتافيت بس بكتب لكم الطريقة والمقادير على طريقتي انا واللي تبي المقادير بالضبط موجودين ابموقع فتافيت

احط زيت بالمقلاة واقلي بصل وكاجو واحمرهم وخليه واشيله واخليه على كثر في هالاثناء اقصص دياية كاملة وانظفها واشيل عنها الجلد (انا دايما اشيل جلد الدياي وايد دسم وماحبه عاد انتي براحتج) واتبل الدياي روب كزبرة مطحونة ملح فلفل اسود وكركم وبصل مقلي واوراق كاري وكمون مطحون وطماطة شرايح رفيعة وبهار الجرام مسالا ومعجون الثوم والزنجبيل موجود بكل الجمعيات وفلف حار اخضر مفروم وعصير ليمون واسوي مساااااااااااج حق الدياي وخليه يرتاح نص ساعة او اكثر كيفج وعلما ترتاح ديايتنا وتقيل اشوي اسلق عيش منقوع سلق عادي بالمطيبات هيل مسمار ورق غار دارسين وفلف اسود حب وشخليه وبقدر احط بصل واقلب الين يتحمر واضيف الدياي مع خلطته ورشة كزبرة ونعناع وخليه على النار الين يستوي وحطي فوقه العيش المسلوق وصبي فوق العيش زعفران منقوع ابماي ورد وخليه نص ساعة على نار هادية تالي نجبي وزيني بالبصل المقلي والكاجو ورشة كزبرة ونعناع
:aha:

وبالعافية :001:

 

[ايمانو حلوة]

هالله هالله بالردود عشان احط لكم نوع برياني ثاني وبشكل ثاني ثاني ثاني ثاني

 

[ايمانو حلوة]

up

up

up

 

[بحرينية محرقية]

ماشالله روووووووووووعة البرياني

مشكورة حبيبتي وربي يعطيج العافية ...

 

[ايمانو حلوة]

مشكووورة بحريني ةعلى االرد


ترقبوا جديدي

 

[عاشقه نفسي]

ماشاء الله عليج
حفظت الطبخااات عشان اطبقهم
و عجبتني طريقة الكروسوون لانها حدها سهله



مووووووووووووووفقه ياحلوووه ^_^.

 

[شندوخه]

ماشاءالله تبارك الرحمن تسلم ايدج
بصراحه سوالفج تونس كملي احنا متابعينج

 

[ايمانو حلوة]

الله اسلمج شندوووخة

 

[ايمانو حلوة]

كشميري ماتن برياني


من الذ انواع البرياني اللي سويته مميز في الطعم والشكل واتحدى فيه اقدعها فندق >>>> حدي وااااااااااثقة (لوووووول)


طبعا من برنامج برياني ووموجودة الوصفة بالتفصيل بالموقع لكن انا غيرت فيه اشياء وايييييد وخليته خاص فيني الطريقة الاصلية فيها فاكهه طبعا ماستخدمتها عموما بكتب الطريقة والمقادير مع بعض


شغلنا راح ينقسم قسمين


القسم الاول تحضير الارز
سلقي لحم مع عظم بالطريقة العادية واحتفظي ب 2 كوب من مرقة اللحم وخليه على كتر , بالقدرحطي كمية بسيطة من سمن كيو بيبي وشوي زيت وضيفي ورق غار عود قرفة 3حبات هيل 2 مسمار وقلبيهم وضيفي 1 م ط ص معجون الثوم والزنجبيل وكوب حليب جوز هند وكوب مرق لحم وعدلي الملح وضيفي العيش المنقوع وقلبيه مع الخلطة عدل طبعا انا استخدمت 3 كوب عيش ولاتحاتين اذا الماي ماغطا العيش اهو راح يستوي على نار هادية وحطي فوق العيش نتفة سمن واستخدمي الصبغة الحمرة انا خففتها ابماي ورشيتها فوق العيش وبعد زعفران منقوع ابماي ورد صبيته فوق العيش ورشة كزبرة ونعناع ورشة بصل محمر وشوفي الالوان حددددها اتيييينن وخليه على نار هادية الين انسوي خلطة البرياني العجيييييييبة الي خاصة فيني


القسم الثاني :

بمقلاة صينية حطي سمن ونتفة زيت وبصل مفروم او جوانح واقلب حتى تتحمر اشوي واضيف طماطة مقصصة شرايح رفيعة و1 م ط وسط معجون ثوم وزنجبيل وضيفي فلف حار اخضر مقصوص بالنص وثوم مفروم وضيفي اللحم المسلوق وشوي معجون طماط مو وايد وكركم وجرام ماسالا وكمون وكزبرة بودرة وفلفل اسود مطحون وملح وربع كوب حليب جوز هند ونص كوب مرق لحم وبعد ربع كوب من صلصة البصل المحضرة( راح اذكر طريقتها اخر شي وطبعا هالصلصة من تأليفي واخراجي وهي دااااااااااايما سر الطبخة ولاتعلموون احد) ورشة كزبرة ونعناع وانقلب عدل مدل وعلبة روب ورشة من ماي ورد وزعفران وخليه هالخلطة تطبخ 5 دقايق وبجذي خلصنا


انرد حق عيشنا قلبيه ابشوكة وحطي نص العيش في قدر وفوقه الخلطة الذيييييذة تالي باقي العيش حطيه ابنفس المقلاة اللي طبخنا فيها الخلطة وقلبيه عشان العيش ياخذ كل النكهة وحطيه فوق الخلطة واخر شي حطي بصل محمر ورشة كزبرة ونعناع ورشة سمن ورشة من ماي ورد وخليه على نار هادية ثلث ساعة تالي قدميه مع المكسرات المحمصة والبصل المحمر ورشة من كزبرة ونعناع


طريقتي في تحضير صلصة البصل

في مقلاة حطي شوي زيت وقلبي بصل مفروم وثوم وطماط مفروم وكاجو منقع 10 دقايق ابماي ومطحون اصير مثل معجون وفلف حار علوب وورق كاري بحدود نص كوب واحط البهارات الهندية كاري فلفل اسود وفلف حار احمر وجرام مسالا وكركم وكزبرة حب وشمار حب وكمون حب من كلشي رشة رشة ومعجون ثوم وزنجبيل وحليب جوز هند او روب وتالي اقلبهم عدل مدل واحطهم بالخلاط وخلطيهم زييين الني اصيرون مثل معجون واستخدمي الكمية اللي تبينها والباجحي حطيه ابكيس ودخليه الفريزر ووقت ماتحتاجين طلعيه قبل ابوقت خليه افج من الثلج واستخدميه)




جربوووووووووووووووووه وادعولي والله انه ابيض الويه وسمعي المدييييييييييييييح




ابي تشجيييييييع ترى تعبت وانا اكتب ايدي اخدرت

 

[بحرينية محرقية]

والله من الصورة باين عليه يهبل وااايد
وحفظت الطريقة عندي وانشالله فالقريب العاجل اطبقها

وحابة اسئلج كذا سؤال..

السمنة الصراحة ماعرف اختار من فيهم واي وحدة احسن شي فالطعم والريحة
نصحيني شنو اخذ ..

حليب جوز الهند احسن من الروب ..؟

ربي يعطيج العافية على الاطباق الحلوة الل تقدمينها لنا
ومقدرين تعبج ومجهودج وربي يحفظج من العين ...

 

[جارة القمر]

الله يعطيج العافيييييييييييييييييية


موضوع رووووووووووووعه

 

[مس يو]

يعطيج ألف عافية ايمانو الحلوة..
شغل عدل
وانا وحده مدمنة فتافيت .. ما اطالع بالتلفزيون غيرها

 

[ايمانو حلوة]

والله من الصورة باين عليه يهبل وااايد
وحفظت الطريقة عندي وانشالله فالقريب العاجل اطبقها

وحابة اسئلج كذا سؤال..

السمنة الصراحة ماعرف اختار من فيهم واي وحدة احسن شي فالطعم والريحة
نصحيني شنو اخذ ..

حليب جوز الهند احسن من الروب ..؟

ربي يعطيج العافية على الاطباق الحلوة الل تقدمينها لنا
ومقدرين تعبج ومجهودج وربي يحفظج من العين ...

هلا حبيبتي بحرينة بخصوص السمنة انا استعمل qbb هذي احسن شي علبتها خضرة و بخصوص سؤالج الثاني اذا قصدج الروب او جوز الهند حق خلطة البصل المحضرة انا حطيت حليب جوز هند احس يعطي نكهة اتيننن اتحسين اكل هندي صححححح




والله اسلمج حياتي مشكورة على الدعوة فديتج

 

[ايمانو حلوة]

جارة القمر


مشكووووورة على ردج حبيبة قلبي وانتي الاروع

 

[ايمانو حلوة]

مس يو


الله اعافيج حبيبتي وحياج الله يالغالية

 

[اضوى]

مشكوووووووووووووووووره