#اطباق فتافيت المجربة مني وبس حصري جداااا لايفوتكم #

[RAIN FALL]

يعطيك العافية خوش فكرة

 

[بدرووووووووووه]

ماشاء الله تسلم ايدج

 

[ايمانو حلوة]

rain fall وبدووووووورة

مشكورين حبيباتي على الرد ماقصرتوا

 

[ABEER FLOWER]

تسلم إيدج و يعطيج العافية على الخبز الرائع
إن شاء الله بجربه و أقولج رايي

 

[أم عزيـز]

ماشاء الله عليج روعه تسلم ايدج
والله انا 24 ساعه مجابله فتافيت وأتعلم منهم
بس ياختج صحونهم وادواتهم مالت المطبخ تشوووووووق
وحتى الخضره مالتهم فررررررررررش
تحببج بالطباخ

 

[ام سلومd]

هلا حبيبتي ام سلووم


حبيبتي مادري بالضبط مانتبهت بس اذا قصدج الدياية المضغوطة اللي شواها اول شي بالمقلاة وتالي حطهخا بالفرن ؟؟


وعموما اذا مو اهي الاعادة اليوم على 2 بليل تقريبا وفي اعادة الصبح بعد واذا بتعرفين التوقيت بالضبط دشي موقع فتافيت وتاكدي

اي هذي اهي ايمانوا على ما اضن اليوم عيز و انا ادور على الوصفة بس مالقيت

 

[^^دموع الكويت^^]

موضوع روعة

يعطيج العافية :ggdw:


وانا بعد احب هالقناة:eh_s(6):

 

[ايمانو حلوة]

مشكورين حبيباتي عللى الردود ماقصرتوا


ام عزيز صاجة مواعينهم اتونس وتشوق وانا شايفة الجدور ابايكيا بس غاليين شوي

 

[ايمانو حلوة]

ام سلووم


حبيبتي اذا ماخابني الظن طريقتها جذي او شي نظف الدياية وقص الظهر وضغط عليه عشان اتصير مسطحة وبعدين تبلها ملح وفلف اسود وبالمقلاة حط زيت زيتون وزبدة وحط الدياية على بطنها وحط عليها ثقل عشان تنضغط وبس تتحمر ياشيل الثقل وردها الفرن الين تتحمر وتستوي عدل تالي اقصصها اخلي الافخاذ بروح والصدر بروح وقدمها مع الصلصة مالتها اللي اهي السوائل اللي اطلعت من الدياية نتيجة الشوي


هذا اللي اذكره واذا شفتها مرة ثانية ولقيت فيها تغيير بقولج


حياج الله

 

[ايمانو حلوة]

بان كيك بحشوة النوتالا والفراولة بطريقة جيادا


هالحلو سريييييييييييع ولذيييييذ لمحبي خليط الكاكاو والفراولة وتسوينه ابخمس دقايق بالضبط وفكرته سريعة وتونس


اول شي ييبي البان كيك العادي سارلي امريكانا اي نوع اتحبين وقصصي شرائح متوسطة السمك ودهنيه نوتالا وحطي شرائح فراولة وغطيه بشريحة كيكي ثانية وحطي بالشواية



وبس



هالحلو سويته منزمان وماصورته بس بحط صورة فراولة

[/URL][/IMG]

 

[بحرينية محرقية]

ماشالله تطبيقاتج حلوة
ومادري ليش قناة فتافيت صارت وايد تقطع وما تطلع عندي واضحة

والصور روووعة ..

واصلي حبوبة متابعينج .. وانا يعجبني طبخ جيمي وشوربة ونقنقة وحورية المطبخ بس وايد تتكلم هههه

يعطيج العافية..

 

[مس اموله]

كرواسون بودينغ بالكاراميل على طريقة نايجلا


هالنوع من البودينغ جدا لذييييييييييذ وتوني جربته ورحت الجمعية مخصوص عشانه والحمدلله طلع يمي يمي انصحكم فيه وايحلاته مع كوب نسكافيه وفكرته حلوة حق اللي عندها كمية كرواسون وموعارفة شتسوي فيه وحلوة واااايد حق الريوووق


الطريقة ييبي ماعون فرن صغير وصقطعي فيه كرواسون بايت او توج شاريته مايضرانا استخدمت الكرواسون الصغار استخدمت الكيس كله قطعته وصفيته بالطبق وبعدين على نار كوب سكر مع نص كوب ماي لحد مايصير لونه ذهبيي كرميل وبعدين ضيفيله كوب كريمة وحركي بسسسسسسسسسسسرعة وضيفي كوب حليب وحركي وشيليه من على النار وضيفيله بيضتين وحركي عدلل وصبي هالخلطة على الكرواسون وضغطي اشوي على حبات الكرواسون ودخليهم الفرن حتى يتحمر من فوق وقدميه على طول


هذي صورته

[/URL][/IMG]

[/URL][/IMG]

واو روعه تسلمين والله والوصفه هذي لازم اسويها لاني قبل
كنت اسويها على التوست وبدال الكريمه احط
قيمر وتطلع حلوه والصراحه انا من عشاق نايجلا ومااتابع القناه الا عشان اشوفها
لانها وايد وايد عفويه حتى اكثر شي عجبني فيها مكتبتها
شفتيها شلون متروسه كتب طبخ ترس وحاطه كمبيوتر تتابع فيه كل شي
جديد بعالم الطبخ روعه وايد
واااااااااااي قرقت وايد وتسلمين حبيبتي عالموضوع الروعه:hjy5jewf:

 

[ايمانو حلوة]

بحرينية

مس امولة


مشكووورين على الرد حبيباتي وصاجة مس امواة نايجلا اتينن وانا وااااايد احبها واحب عشقها للتفنن فيالاكل لان الاكل بحد ذاته عندها احلى متعة بالدنيا


حدها فاهمتني

 

[ام سلومd]

ام سلووم


حبيبتي اذا ماخابني الظن طريقتها جذي او شي نظف الدياية وقص الظهر وضغط عليه عشان اتصير مسطحة وبعدين تبلها ملح وفلف اسود وبالمقلاة حط زيت زيتون وزبدة وحط الدياية على بطنها وحط عليها ثقل عشان تنضغط وبس تتحمر ياشيل الثقل وردها الفرن الين تتحمر وتستوي عدل تالي اقصصها اخلي الافخاذ بروح والصدر بروح وقدمها مع الصلصة مالتها اللي اهي السوائل اللي اطلعت من الدياية نتيجة الشوي


هذا اللي اذكره واذا شفتها مرة ثانية ولقيت فيها تغيير بقولج


حياج الله

اي هذي الطريق تسلمين ايمانوا بس اذكر نه عق ما قلبة حق دهنها عليها و حطها فرن اذا ما خاب ضني :ggdw: متابعتج ياقلبي خوش فكرة فتافيت بس كويتي يالله ايمانوا الله يوفقج يارب

 

[ايمانو حلوة]

ام سلوووووووووم

حللللللوة منج فتافيت بالكويتي

وناسة

حدج ونااااااااااااااسة


لوووووووووول

 

[ايمانو حلوة]

عصير صيفي رائع بطريقة بيرفوت كونتيسا


بالخلاط عصير مانجا وعصير برتقال فريش و2م ك روب و2 م ط حليب سائل وحبة موووز وعسل ومااااي وثللللج كلهم بالخلاااااااااط وقدميه

حده حلووو ومنعششش وغريب ابنفس الوقت

 

[ايمانو حلوة]

شعرية الأودون في صوص شرقي مع الدجاج والفول السوداني وجوز الهند بطريقة سمر خمس نجوم


لذيذة وراح تعجب محبي الاكل الاندونيسي ونقلت المقادير والطريقة بالضبط من موقع فتافيت وصورت تطبيقي


المكونات

500 جرام من صدور الدجاج مقطعة على شكل مكعبات
1 ملعقة صغيرة من طحين الذرة
1 أبيض بيض
1 عبوة من شعرية الأودون
200 جرام من الفول السوداني المملح
1 علبة من ماء جوز الهند
2 ملعقة صغيرة من السكر البني
4 ملعقة كبيرة من صوص الصويا
2 ملعقة كبيرة من صوص السمك
3 فص ثوم مقشر
4 ثمرات كرات مقطعة ومحمرة
1 ثمرة من الفلفل الأحمر مقطعة على شكل مكعبات
1 عبوة من المشروم المقطع لشرائح
3 ملاعق كبيرة من زيت نباتي


تغلى كمية من الماء في قدر كبير ويضاف إليها الشعرية لتسلق طبقاً لتعليمات الطهي على العبوة وفي هذه الأثناء يطحن الفول السوداني المملح مع الثوم في الخلاط حتى يطحن إلى قطع كبيرة نسبياً ومن جهة أخرى يخلط الدجاج مع أبيض البيض وطحين الذرة ثم تسخن مقلاة ووك وتحمر فيها قطع الدجاج لعدة دقائق حتى تنضج ترفع بعدها من المقلاة التي يحمر فيها بعد ذلك الفلفل والمشروم على درجة حرارة عالية لعدة دقائق ثم يضاف الدجاج وماء جوز الهند وصوص الصويا والسكر البني وخليط الفول السوداني ويقلب الخليط ويترك ليغلي عندها تضاف الشعرية سريعاً وتقلب مع المكونات لمدة دقيقة ثم تقدم في سلطانية وتزين بالكراث المقلي والكزبرة المقطعة


وهذا تطبيقي

 

[بحرينية محرقية]

العصير شكله روووووعة لان مكوناته غريبة

والشعرية تهبل احسها تشبه الشاومين الصيني

انتي استخدمتي اسباغيتي ؟؟

يعطيج العافية وتسلم يدج

 

[ايمانو حلوة]

هلا بحرينية

اي حياتي انا استخدمت سباغتي

ومشكورة على الرد حبيبتي

 

[l!ke A roSe]

ماشاء الله

موضوعج روعه

تابعي وتسلم ايدج


متابعينج ان شاء الله