اضراب للمعلمات بمدرسة بالاحمدى

[اخت شيوخ]

الي تابع اخبار الوطن شاف تقريرعن الموضوع.... المعتصمات فاق عددهن الخمسين ... الي تقول ليش ما قدمتم شكوى؟؟ قدمنا وقدمنا وقدمنا ولكن لا حياة لمن تنادي

للعلم شكوانا مو بالمديرة شكوانا في اربع مدرسات قاعدين يعرقلون سير العمل بالمدرسه ولاغين دور المديرة ويتصرفون في كل صغيرة وكبيرة لدرجه مدرسه بدنيه من الاربع تمسك المايك بالاذاعه وتهدد باخراج افادات للي تتاخر عن طابور او مناوبه... مع العلم هذي المدرسه ما تحضر حصصها تعطيها للوافدات الي عندها واذا ما لقت احد صكرت الباب وخلتهم

يا ابلات الشي الي خلانا خلاص نعتصم وصلت فيهم الجراه يتهددون على احدى المعلمات ويطعنون بالشرف والسمعه طبعا كلهم نقل تاديبي عندنا واحداهن متطاوله على مديرة مدرستها السابقه بالسب والضرب وكتبت بالجرايد

مديرالمنطقة التعليميه حضر ومراقبه التعليم الابتدائي ووعدونا خير

 

[الرحيق]

يامعوده .. خلي عنج الوعود

احنا بالمنطقة . .. وفاهمين النظام ..

اي شكوى تطلع ضد المدارس .. او من معلم ضد المنطقة
الا ومايقلبون السالفة عليه ..
مايبون تطلع اي شكوى ..
وبعدين المدير مابيده شي ..

وكلي امرج لله​

 

[اخت شيوخ]

نسيت اقولكم وصلت فيهم الجراه يدخلون علينا الاجتماع الي مع المراقبه ومدير المنطقه ويهددونا؟؟؟ وشهدناهم قلنا اذا قدامك جذي اذا طلعت شنو بيسوون؟؟

انتهى الاجتماع الا وحده منهم مدخله شرطي للمدرسه طلع له مدير المنطقه وخلاه يطلع بره لانه مو مصرح له الدخول المهم بدت هالمعلمه بالسب والشتم لنا اماااااام المراقبه وايضا شهدناها يعني بالمختصر شلة عصابة

هذا فيض من غيض ... غير المديرة المساعده الي قدمت استقالتها خوفا على ابناءها البدون لان ايضا هددوها بعيالها واكيد انتم امهات وتحسون بشعور الام وقدمت الاستقاله

ما اقول الا حسبي الله ونعم الوكيل
دعواتكم لنا

 

[اخت شيوخ]

ياااااا الرحيق
انتي جذي قطعت كل الامال اعتقد الامر لما وصل صحافه و اعلام خرج من ايد المنطقه ووصل للوزارة

 

[اريج الجوري]

الله يكون بعون جميع المعلمات المظلومات ,,,

بشرونا شصار انا ما شفت الاخبار ,,,

 

[اخت شيوخ]

نسيت اقولكم داقين على زوج احدى المعلمات ويتكلمون في زوجته ؟؟؟ تخيلي الوضع معاي صرنا نداوم واحنا خايفين
ولما طلعنا بالهده وحده منهم صارت تحد المعلمات وتسوين لهم حركات الي صعدتها رصيف والي بغت تدعم.... يا ابلات المواقف واااااااااااااااااااااااااااااااااااااااجد مهما اقول ما تخلص وكل هذا ما تبونا نعتصم .. الساكت عن الحق شيطان اخرس

 

[اخت شيوخ]

alwatan.kuwait.tt/ArticleDetails.aspx?Id=109030

معلمات يعتصمن لحمايتهن من اربع معلمات فتوات

شوفوا هذا الرابط

 

[دمعة بتول]

شهالقلة الأدب

مو متربيات شلون يكونون معلمات

العقل نعمه

الحمدلله الذي عافانا

الله يآخذ حقكم من هالخايسات الي ما تربوا الوقحات

 

[عالية المستوى]

بنات انا اختي من ضمن المعلمات المعتصمات...



بنات الموضوع حيييل كبير ((( واللي مايخاف من الله ممكن يسوي اي شي)))

هذوول البنات راعيات مشاكل وشباب وبلاوي شكثر ..

هم اربع معلمات والمصيبه ان وحده منهم مدرسه اسلاميه ... ياحسافه على الاجيال اللي يتعلمون..

حسبي الله عليهم ونعم الوكيل.... الله معاكم ولا تسكتون هذول مفروض ينفصلوووون لان المعلم اخلاق وادب

الله معاكم وربي يحميكم

 

[توتــه]

حسبي الله عليهم شنو هذا صراحه ولا حركات الافلام شنو تحدها بالسيارة وتهددها بعيالها

وين قاعدين هذول مالقوا من يسكتهم والا شنو

 

[هارودز الكويت]

حشى بلطجيه مو مدرسات الله يفضحهم

 

[randomy]

زين تسوون فيهم

حيلكم فيهم

 

[شـ ShOoNa ـونـا]

من امن العـقوبـه اســاء الادب .. الشـره مو عليهم
على المسـؤولين الي للحين مخلين نفس هالاشكال الهيـلق يـداومون .

 

[أحاسيس ومشاعر]

اخت الشيوخ​

الشرهه على المديرة اللي راضيه بهالوضع
والا خايفه تنطق مثل ما انطقت منيـ...
اللي فهمته ان أفراد العصابة :
معلمة فنية (سوابق ) + معلمة بدنية + معلمة اسلامية + ؟
ياريت تقولينلنا الشخصية الأخيرة عشان نفسر الوضع
الله يكون بعونكم مو متخيله هالتصرفات تيي من معلمات​

 

[غالية غاليها]

اب اب لعيون المظلومين


شنو 4 ينحكمون بالمدرسه

هالخمسين مافي وحده اعوب منهم واصله تقوم عليهم

الصراحه الساكت عنالحق شيطان اخرس
حقكم اخذوه

روحوا لمسلم البراك

الله يعون بعونكم

 

[PuPa^^SWeeT]

اييي عادي انه اربع مدرسات بس يتحكموون بالمدرسة

بسس بهالصورة ؟؟؟؟؟؟؟؟؟؟؟؟؟

امبييييه خرعتيييني

 

[فـــخـــر]

في مدرسات جذي

 

[اربعينية وصغيرة]

اولا نقول حسبي الله على المنطقة التعليمية اللي اذن من طين والثانية من عجين انا مدرسة ثانوي ونعاني من مشاكل كثيرة ونوصلها للمنطقة اللي ما تاخذ حقنا بالعكس الا تصف جنب القوي عسى الله يهد حيلهم وزين وصلوها للاعلام الله لا يبلانا هذولا ما وراهم رياجيل بنات الشوارع ولا المفروض من زمان الاشكال هذي مفصولة من التربية لكن الشكوى لله

 

[اشتياق]

أهنيكم بصراحه على هالاعتصام الناجح
اصداءه بكل الكويت ..


واتوقع هال4 بيروحون وراااااااا الشمس

 

[جيتك تعال]

صرااحة قلة ادب ...

من وين هالمعلماات ومنو ورااهم ؟

غريب انهم باقيين للحين في التربية ...

وشنو العقووبة بس خصم ربع رااتب لمدة 3 شهوور ؟

بس ؟ هذا الي قدروو علييه

تعبوو حالهم صرااحة

هذيييل يبلهم فصل من الوظيفة نهائي لانهم مو كفوو يعيشوون مع اواادم