اصنعي أقراصا منحفة لشطف شحوم البطن في بيتك، والنتيجة ولا أروع

[فيرونا]

صراحه يثلج الصدر انه بعض البنات استمروا عليها واستفادوا منها
انا جربتها بصراحه 10 ايام وحسيت انه بطنى خف ..بس المشكلة اللى واجهتنى انه معاى ناس بالبيت قاموا يبوقون من حبوبى ويستخدمونها{ما ابى اقول انها اختى}
وخلصت الحبوب
وللحين ما رحت اشترى المقادير مرة ثانيه
بس وااااايد استانست انه بعض الاخوات استخدموها وجابت لهم نتيجه حلوة
انا داريه انه ان شاء الله مفعولها زين ولا ما تجرأت وحطيتها
يالله يا بنات ...الصيف جاى وعندنا وقت ان شاء الله انسويها ونستمر عليها

 

[78MariMar78]

منو جربتها ونفعت وياها؟؟؟

 

[فيرونا]

منو جربتها ونفعت وياها؟؟؟

ماريمار اقراى تجربة الاخت مشاعر حايل

يابنااااااااات شي شي مو طبيعي مو طبيعي ...........
جربتها صارلي حوالي 20 يوم وزنت امس ناقصه 2 كيلو رغم اني اكل اللي ابي :dddds:

مامنعت نفسي عن شي ابد .. وطعمها حلو بس اشرب ماء كثير وبس مرابطه بالحمام بعد كل وجبـــة

بعدين انا معاي معده وقولون مع هذا ماسوتلي شي وانا تره زدت عن الكلام الي يقولونه_03BA:

يعني اخذ حبه قبل الريوق وقبل الغدا وقبل العشا وقبل النوووم
واول ماقعد بعدين اول ماطلعها من الثلاجه اخليها اشوي بره فتصير لينه حيل تغفص افتهمتواا:tomato2:

بعدين الرماااان دوا للمعده كل اللي يحرررق يغطي الرمان عليه بمعنى يبرررده,,,

اللي تبي تنحف من صج تستعملها ولا تشاااور :hjy5jewf:

وانا مرات اكثر اكل اكثر من حبه والله ولا تضرررر رغم اني كثرت الليمون والخل خلطهتم مع بعض والله

صدقوني استخدموها ولاتشاورووون وانا تبي تخلص الكميه العندي وبسوي عالباجر ثانيه

وموفقيـــن:yaaaaaarb::yaaaaaarb:

 

[remoo_007]

ممكن بس انا عيييزه مالي خلق اسوي شي .... لا وابي اضعف خخخخ

 

[habiba_dalal]

اي والله يا بنات ترا انه وحده مستمره عليهم وايد زينيين وحس اني بديت اخف

 

[مشاعر حايل]

استمرووووووووووووووو

والله شي بس ازنووودي ذبحتني مو راضيه تنحف ...

 

[كويتيه_1980]

السلام عليكم

انا قريت هالوصفه من الأيميل والصراحه خفت اسويها بس بما انه الخوات جربوها عيل يبيله اسويها وان شالله هالمتن يختفي نهائيا وافتك

بس في شغله بعرفها اختي مشـاعر حايل انتي تخلطين كل المقادير وتطحنينها وبعدها تصبين عليهم الخل وتسوينهم اقراص ولا كل عشبه بروح؟

بس ان شالله تضبط معاي الطريقه

 

[عيوووش]

شكل الخلطة روعة
بجربها

جزاج الله خير
وعسى ربي يحقق كل امنياتج

 

[مشعلله]

مشكوره على النقل توني داخله القسم بحط لكم هالخلطه بس انتي سبقتيني
بشري شصار معاك لانه شكل المكونات
تجيب نتيجه

 

[habiba_dalal]

:ggdw:بنات نزل كيلويـــــــــــــــــــــــــــــــــــــــــــــــــن وناسه وناسه
عقبالكم انشالله

 

[habiba_dalal]

_
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-

 

[مشاعر حايل]

كويتيـــــــه _1980

انا خلطها ويه بعض بعدين نخلتها نخل بالغربال لين صااارت ناعمه كلهم مع بعض

بعدين صبيت شوي خل ماكثرتـــه عشان معدتي .... وعصرت كم ليمونه وحطيتهم واعجن وازيد واعجن وازيد واعجن لين تماسكت وقرصتهم اقراص وصفيتهم بصينيه وحطيتهم بالثلاجه ... وبس قبل كل وجبـــه القم حبه وسويت البارح كميه ثانيــــه واشوف نفسي بديت انحف والللللللله على ما اقول شهيـــــــد<<<<<< انتهت الخطبـــــــه

 

[ليمون حامض]

معقولة نتائجها سريعة

 

[habiba_dalal]

نتايجها روعه حيلل روعه ماتوقعتها وايد زينه لي هدرجه استموا عليها و تعود عليها وانتوا الربحانين

 

[كويتيه_1980]

انزين بنات انا اليوم سويتها وللحين مابلشت استخدمها ان شالله من باجر ابتدي

بس وحده تصيرلي سوت هالحبوب صارلها 3 ايام من بدت تستخدمهم بس على كلامها انها ماتروح تكرمون الحمام وايد وانها تحس باليوع اكثر

لما تاخذهم حتا اختها نفس الشي جريتهم من خذت الحبه حست بيوع مو طبيعي وهم نفس الشي ماقربت تكرمون الحمام خير شرر

هل معناته المقادير غلط او الطريقه معنه كل المقادير سوينها وبنفس الطريقه وحطينها مع خل ياريت الي جربوها ومستمرين عليها تفيدوني بليز

 

[habiba_dalal]

والله انه ما حسيت بلي اتقولين عليهف ما ادري م اقدرافيدج انشالله البنات ايفيدونج

 

[habiba_dalal]

بنات ليش ماكو ردود معقوله محد جربهم ترا وايد زينين انه اعجبوني
ناقصه من صوب البطن 7 سم

 

[غديران]

بنات ممكن سؤال


اللي جرب الحبوب وإنتو بكرامة تسوي إسهال ؟؟


ضروري

عشان بسوي لي الخلطة

 

[habiba_dalal]

لا والله ماتسوي اسهال كلش

 

[غديران]

لا والله ماتسوي اسهال كلش

مشكورة حبيبتي وما قصرتي


ممكن سؤال ثاني إذ ما فيها كلافه حبيبتي


يعني الخلطة شنو تسوي بالضبط

تسد النفس ؟؟

وشلون تنزل الدهون ؟؟

عن طريق التبول ((وانتي بكرامه ))؟؟


ومشكورة حبيبتي