اشيلها طول اليوم او اعطيها مصاصه ؟!؟!؟

[noonaa-thn]

تسملون لي عسى ربي لا يحرمني منكم

شنو احسن نوعيه مصاصه

 

[om 7sony]

شوفي
اذا البيبي مافيها شي ولا تمريضه وشبعانه ونظيفه
معناها بجيها دلع

بقولج الحل بس يبيله قلب
لان مو اي وحده تقدر تتحمل تسمع بجي بيبيها

انا قمت اخليه بفراشه
نظيف وشبعان وممهد ودافي
يظل يبجي يبجي يبجي لم بروحه ينام
مره مرتين ولا بروحه تعلم انه حتى لو يبجي ماكو شيل

طبعا المصاصه من رايي
لا تكون طول اليوم بحلج الياهل
بس اذا تبي تنام
واول ما تنام شيليها من حلجها لا تتعود عليها وهي نايه

واحسن نوع مصاصات ,, يعتمد عالياهل
في يهال يحبون حبة الكرز على قولتهم ,, الي تصير مدوره
بس انا ولدي من يبته عطيته افينت
وارتاح عليها ما رفضها ..........

والديرفه انا بعد استعملتها
صج شوي يطخ واحطه جبال التلفزيون يسكت...........

لا تعودون الياهل على شي معين عشان يسكت
اذا كبر يمكن يكون صعب تقطعينه عنه

 

[naz.girl]

المصاصه طبعا اريخ وارحم بوايد واهتمي لنظافتها انا جربت كذا نوع افنت حلو صحي جونيوز بعد حبهم ولدي وبعد في شيكو احسهم لاكبر من سنه بصراحه انا اعطيه مصاصه لانه اتعب ما اقدر مع انه كبر شوي بس قبل لا ينام لانه يقعد يصارخ حتى لمن اوديه مجمع اتفشل من زود ما يصرخ انا وقفت عنه المصاصه برا بس شوي قبل لا ينام واشيلها او اهو يقطها وكل ياهل يختلف

 

[noonaa-thn]

مشكوره وايد حبيباتي والله كلامكم وايد يريح

والله قاعده احاول اطبق الي تقولونه وان شاء الله ينفع معاي

 

[q8 بقلب اماراتى]

طبعا المصاصه انا بنتي كبر بنتج بس تاكدي انها فيها شي يمكن من حراره يمكن اسم الله عليها ماشبعت تبي تتريع ولا تبي تسولف واذا ماتبي اى شي خليها لين تمل وتسكت بروحها

بس سؤال اشلون علمتيها علي مصاصه انا مو عارفه اعودها عليها

 

[عسل مرت قيمر]

وااي الاثنين مشكله


ترا كل اليهال بهلعمر جذي وماراح ترتاحبن الا بعد جم شهر


انا اقول تحملي شوي وبيخف بروحه


هذا في حالة ان نظيف ودافي وشبعان وهم يبجي

 

[الرباب]

المصاصة احسن مع ضوابط

 

[وردة متفتحة]

أنا ولدي عودته عالمصاصة وإرتحت لكن طلعتلي مشكلة ثانية..
دحين ولدي في الشهر الرابع رفض المصاصة ودايما يمص إصبع الوسطى والبنصر إثنينتهم مع بعض ..كيف أفطم ولدي من مص إصابيعه ؟؟؟

 

[miss_Ba6oOo6a]

كراسي اليهال فيهم مسااج واغاني لووول موجودين بسنتر بويت ومذركير
وفيه مثل الديرفه وخليه مجابل حركه او تلفزيون و اذا كلش مصاصه

بس الشيل لا اذيه

 

[رفاعيه]

كل الدكاتره شجعوني اني اعطيها المصاصه لانه بنتي كانت صياحه حتى بالشيل ماتسكت بس تبي ترضع من صدري مسويته مصاصه حتى لو شبعانه ساعات ترجع الحيب الله يحفظها بس بنتي ماخذتها في مصاصات الي تصير مرعوصه ماتضر الياهل وكل الدكاتره قالوا ما منها ضرر
تلقينها في تويز ار اس او بوتس من شركه دكتور براون

 

[noonaa-thn]

انقذوني بنتي قامت تمص اصابيعها
والوضع صار سلطه
يعني اذا ما عطيتها المصاصه قامت تمص اصابعها وهذي كارثه مص الاصابع يضيع الضروس

 

[c a t w o m a n]

عطيها شي بإيدها يلهيها

ولما تمص صبعها لا توخرينه من حلجها بشدة بس قوليلها لا نو ووخريه

عندج كراسي اليهال فيهم ألعاب راح تلهى شوي شوي انشالله اقطع عالعادة

إذا الله لا يقوله استمرت وكبرت على هالعادة مالج إلا الإجرام تدهنين صبعها بشي يلوع جبدها من تمصة

بس نصيحة

لا تعودينها عالشيل

باجر لين تكبر بتبجي تقولج شيليني والله يحقظها ويبلغج فيها

 

[ميرال13]

لاتعودينها على الشيل بتعبك عطيها مصاصتها وسيبيها تبكي شوي وبعده تتعود بدون شيل

 

[noonaa-thn]

تسلموووون لي حبيباتي عالردود